滿堂紅頂級雞煲火鍋 (已結業)

openrice見到間野有椰子雞煲咁特別，約埋朋友，第一次用tablemap book位，，有餐前小食，有我鍾意既胡椒豬肚食，仲有魚蛋，冷盤青瓜等等，餐前小食都幾好食，幾特別有烏龍茶，唔想成日食任食都飲汽水，椰子雞煲黎到即管試下，不過唔辣，好油，越食越油，其他配料，有馬蹄，我喜歡！爽口！全部食物都係睇你幾人而比幾多件，去到最後個椰子雞煲仲keep到有椰子味，有雪糕杯，有紅豆，芝麻，芒果，雲呢拿，本來任食兩小時，我們傾計傾到唔知時間，坐了四個鍾都冇趕我地走，平時經過見間野冇咩人，原來越夜越多人，成11，12點差唔到7成滿架

一行四人訂了位8點用餐，不用等直上2樓。選了中辣多麻的雞鍋，再點了一大埋配料。除了火鍋，還有一些小食供應，當晚有咖喱魚旦、麻辣豬耳、麻辣青瓜、麻辣豬手、胡椒豬肚，我們除了胡椒豬肚，全都有吃。推薦麻辣豬手，又入味又淋，食完又食，食左好多。終於雞鍋出場，超多的雞，份量極大，下次一定要先向店員提出數量。 一試，中辣完全不夠辣，可惜在座有人不能吃太辣的。 不要抱有吃美味雞鍋的心態來，這絕對不是「一品」的對手。吃完雞下配料，沒什麼特別名貴的配料，還好肉類的肉質都不錯，絕對不是那些任吃就所有肉一樣味那種。啤酒等飲料任飲，雀巢雪糕任食。埋單連加一$178一位，ok啦～

心思思想食辣雞煲，咁岩又行到旺角附近，開ｏｐｅｎｒｉｃｅ見到有新開而且評價唔錯既滿堂紅所以一試，入到去人數都唔算太多，坐左一半左右，時間大約係七點，一坐低就叫左雞煲先，有得揀辣度同麻度，我同女友就揀左中麻同中辣，等緊既時間都可以食下少少熟食，好似韓燒咁有少量熟食俾你食住先，味道都還可以。到重點雞煲黎到之後覺得都唔係太麻同太辣，口味重又食得辣既可以揀大辣。但係隻雞味道真係好鮮，但我地係ｏｒｄｅｒ一隻，事實就應該唔夠一隻。到火鍋料方面，大概有三十幾款俾你任揀，但每次黎到既份量都唔多，應該係根據人頭數量黎俾，所以就算剔左好多都唔會好浪費食物，呢一點好欣賞，因為可以試多點唔同種類既食物。飲野方面都有唔少選擇，可樂，ｊｏｌｌｙｓａｎｄｙ，綠茶，奶都有。甜品都有雪糕果ｄ食，不過太飽就無食了。最後埋單每個都唔洗１６０，仲要唔限時，真係抵食。

最近口淡淡勁想食辣野~ 剛巧見到呢間餐廳在飲食男女的廣告~ 滿足哂我同朋友 "有雞煲+任飲任食 " 既要求~ 決定試下呢間新餐廳~~因為已經訂左位~ 唔駛等就可以入~ 老實講~ 附近靜英英~ 好難想像會有間咁大型佔地兩層既餐廳 環境唔錯~ 走廊較闊~ 空間感好強~~坐下後侍應已提醒我地落左雞煲先~ (因為等20-30分鐘) 因為第一次幫襯~ 保險D 叫左多麻+中辣~ (雖然我同朋友都好食得辣) 再睇埋另一張食物紙~ 基本上大路野都齊哂~餐廳好細心~ 有個小小的自助熟食區來消磨等雞煲既時間 都有3-5款冷盤小食 + 3個熱盤~ 仲有D 火鍋用既丸同蔬菜~ 咸菜豬肚湯: 好清甜 咸菜好"林"~ 淡淡胡椒香~ 值得 encore~~鴨腎榨菜: 幾好~ 唔太硬~豬耳絲: 另一推介~ 好爽~另汽水都係自助~ 有啤酒同消滯既烏龍茶~~終於等到雞煲~ 第一口感覺---- 咁甜既?? 果然係新鮮雞~ 鮮甜味完全蓋過辣味~ 雖然見到好多辣椒花椒~ 但....唔辣lor~我地兩個人~ 俾左半隻雞~ 分量都ok~ 因為唔係太多客~ 侍應服務算周到~ 正想自己拎湯做火鍋~ 侍應見到即刻過黎幫手~ 講返火鍋料~

同太太本來行去食韓式燒烤, 見到嚟間野岩岩新開, 籮張傳單睇下, 完來係雞煲加打邊爐任食.二人抱住在它結業前快快試下. 因該舖位之前做素食同客家菜館都好快結.本人入座時間約六點半左右, 客人不多. 侍應先叫我地簡左雞煲先(即打邊爐湯底),佢地大致分有三種 : 麻辣; 濃汁惹味同椰子清湯. 麻辣就再分大中小辣咁.侍應解釋濃汁即椰漿比較甜同傑身少少. 我地就簡左濃汁試試. 嘩雖然無咩人, 但等個雞煲都幾耐, 我估有十五分鍾, 好彩佢地有個BAR 枱放左D小食如咸菜朱肚, 魚旦....仲有啤酒, 可樂任飲.終於主角雞煲出場, 雞大約有半隻, 雞肉都幾嫩滑, 個湯底就真係似星馬餐廳的椰汁雞, 幾甜.我地再點左其它如, 炸魚皮, 牛柏業, 魚皮餃, 菜肉雲吞, 牛肉等等...  野食質數除魚皮餃比較差之外, 其它都比同區酒樓任食打邊爐新鮮.     

同一間店, 2星期內去了3次, 越吃越失望, 或許可以不用再去光顧一行4個女生, 其中有一個不愛吃辣, 但又吃厭了平時的自助火鍋湯底, 故來到這裡一試椰子雞煲第一次去, 4人的位置被安排上最高的2樓, 冷氣比較涼快, 人亦比較少, 相對WIFI接收得很差, 但空間亦算充足, 小食區,醬料區,飲品區,加湯的水壺都在樓梯一上去的位置就見到第一次去到, 見到小食區的小食只有寥寥幾款, 沒有最近的椒鹽雞翼、豬手, 只有一般偏下的咖哩魚蛋(個人認為不吃亦不可惜)、滷水蛋, 然尚有一兩個已空的容器, 但久久不見REFILL第一次去到, 我們4個人你眼望我眼, 在想如何order雞煲, 終於看到桌上有一個筆筒, 裡面自己選取要哪種落orfer後, 侍應有說明製作需時, 需要我們稍等上配料及雞煲後, 第一次吃到椰子雞煲湯底:很香, 椰子味濃, 加了3次水, 味道亦有keep住,煲中香草亦看得出品質不俗, 雞湯入口香醇味濃, 口感厚實, 但不覺油膩, 這湯底抵讚!! 雞塊算嫩, 可惜雞塊偏少, 每人分得不多因為這雞煲相當不錯, 於是是造成我們第2次光顧的原因, 但亦造成我們的失望因為吃過第一次, 食過番

早幾日搭小巴經過見到呢度開咗間雞煲，到weekend時就同老公嚟呢度一試。呢間食店有兩層，地下係接待處，外面睇落去似足一楝獨立式食店，派頭十足。印象中呢楝樓之前亦係做食肆，不過兩間都做唔長。我哋被安排坐喺二樓靠窗位置，嘩！Window Seat!店內環境亦唔錯，燈光光猛，裝潢整潔新淨，枱與枱之間空間充足，坐得舒適。新開張一口價$168一位（平日$158），任飲任食，限時2個鐘。一坐低，店員叫我哋先落咗個雞煲，然後出去攞飲品、醬料同小食。飲品選擇唔少，仲有道地、可樂呢啲較少有嘅飲品揀。醬料只有椒絲、生蒜同芫茜。小食大約8款，帶川菜風味。麻辣豬手-少麻而豬手亦入味。炸菜雞腎-爽口惹味。滷水蛋-微微嘅滷水味，重點係加咗好香口嘅孜然粉，即時川味十足。其他如胡椒豬肚及咖喱魚蛋等就好一般。雞煲賣點係用新鮮雞烹調，有麻辣同椰子雞煲供選擇。揀咗麻辣，但由於老公唔多食得辣，所以只揀咗小麻小辣。製作雞煲需時，食哂所有小食都未有得食。雞煲烹調得非常入味，帶有濃濃花椒八角嘅香味。之前食過好多間雞煲，呢度可算係最入味嘅一間。雞肉雖頗嫰，但唔夠鮮雞味。整體嚟講相當好食。至於火鍋料嘅質素同賣相就一般。肥牛雖腍，但冇

行完街咁啱係地鐵站附近見到間雞煲火鍋店，個人幾鍾意試新野之前都食過重慶雞煲，但雞吾夠入味所以好失望呢間裝修吾錯，每層設有熟食仲要熱辣辣，呢一點好比重慶，雞煲採用新鮮雞口感吾同好多食完仲有得打邊爐超正!!!!食過咁多間雞煲，係呢間整得吾馬夫，夠曬入味，值得再試

這一間店真係想同大家分享下, 暫時係我食左咁多間雞煲之中我最喜愛！事關佢地係用新鮮雞，價錢平，仲要配料任食，飲品任飲，唔收加一，去邊！！首先講下環境，呢間店連地下有3層，地下個層有個大既透明廚房，可以望到師傅係入面煮野，侍應安排左我地坐2樓，上到去安排我地坐係落地玻璃附近，望到境都唔錯。我地成6個人所以點左麻辣雞煲同海南濃汁惹味椰子雞煲，麻辣雞煲入面有好多材料調味有花椒、芫茜等呢d調味料，食落去已經夠辣，愈食愈Feel到麻，放埋其他配料仲好入味…….正。海南濃汁惹味椰子雞煲愈食愈發覺個口慢慢有甜味滲出黎，加上D汁濃味，”好香滑”，我諗應該係椰子清甜味，未試過咁，幾特別。唯一有不足既地方係可能新開張，想叫侍應就要等下，另外雖然話就話一出地鐵站A1一直行就到，但都要搵一搵先搵到。不過整體黎講，環境乾淨，碗筷乾淨，唔係濕立立既，火鍋料都新鮮。