剛巧見到呢間餐廳在飲食男女的廣告~ 滿足哂我同朋友 "有雞煲+任飲任食 " 既要求~ 決定試下呢間新餐廳~~
因為已經訂左位~ 唔駛等就可以入~ 老實講~ 附近靜英英~ 好難想像會有間咁大型佔地兩層既餐廳
環境唔錯~ 走廊較闊~ 空間感好強~~:)
坐下後侍應已提醒我地落左雞煲先~ (因為等20-30分鐘) 因為第一次幫襯~ 保險D 叫左多麻+中辣~ (雖然我同朋友都好食得辣
) 再睇埋另一張食物紙~ 基本上大路野都齊哂~
餐廳好細心~ 有個小小的自助熟食區來消磨等雞煲既時間:) 都有3-5款冷盤小食 + 3個熱盤~
仲有D 火鍋用既丸同蔬菜~ 
咸菜豬肚湯: 好清甜
咸菜好"林"~ 淡淡胡椒香~ 值得 encore~~
鴨腎榨菜: 幾好~ 唔太硬~
豬耳絲: 另一推介~ 好爽~
另汽水都係自助~ 有啤酒同消滯既烏龍茶~~
終於等到雞煲~ 第一口感覺---- 咁甜既??
果然係新鮮雞~ 鮮甜味完全蓋過辣味~ 雖然見到好多辣椒花椒~ 但....唔辣lor~
我地兩個人~ 俾左半隻雞~ 分量都ok~ 因為唔係太多客~ 侍應服務算周到~ 正想自己拎湯做火鍋~ 侍應見到即刻過黎幫手~
講返火鍋料~ 除左有d 已經無哂~ 基本上都算齊~ 因為只有2人~ 所以每款材料分量都係1-2塊/ 件~ 如果鍾意食既~ 建議寫單時 "x 2" :)
點左羊肉+牛肉同黑豚肉等~ 質素唔錯~ 一片片已溶雪同分開哂~ 未食疊高都唔太 "哂" 位~
另外侍應服務好好~ 食完好快收碟~ 見到我地成碟雞骨仲自動幫我地換碟~ 讚! :)
唯一要彈既--- 佢地入既辣椒好唔掂lor~:( 雞煲因為隻雞太鮮甜蓋過辣味我算~ 但食火鍋時~ 我同朋友既豉油碟加到成碟都係辣椒粒--- 但都唔辣
下次自己帶d 指天椒過黎冇咁嬲....
本來仲有甜品 (雀巢雪糕)~ 但我食完火鍋出去拎時只剩芒果味:( 美中不足....
總括來說~ 咁既價錢~ 任飲任食~ 好抵!!!! (食得辣既記住最少叫大辣~~
)
