滿堂紅頂級雞煲火鍋 (已結業)

心思思想食辣雞煲，咁岩又行到旺角附近，開ｏｐｅｎｒｉｃｅ見到有新開而且評價唔錯既滿堂紅所以一試，入到去人數都唔算太多，坐左一半左右，時間大約係七點，一坐低就叫左雞煲先，有得揀辣度同麻度，我同女友就揀左中麻同中辣，等緊既時間都可以食下少少熟食，好似韓燒咁有少量熟食俾你食住先，味道都還可以。到重點雞煲黎到之後覺得都唔係太麻同太辣，口味重又食得辣既可以揀大辣。但係隻雞味道真係好鮮，但我地係ｏｒｄｅｒ一隻，事實就應該唔夠一隻。到火鍋料方面，大概有三十幾款俾你任揀，但每次黎到既份量都唔多，應該係根據人頭數量黎俾，所以就算剔左好多都唔會好浪費食物，呢一點好欣賞，因為可以試多點唔同種類既食物。飲野方面都有唔少選擇，可樂，ｊｏｌｌｙｓａｎｄｙ，綠茶，奶都有。甜品都有雪糕果ｄ食，不過太飽就無食了。最後埋單每個都唔洗１６０，仲要唔限時，真係抵食。