滿堂紅頂級雞煲火鍋 (已結業)

成日聽人講walkin等好耐先有位，特別星期五六！咁就搵日平日試試，電話book左就唔使等咁耐啦，哈哈！今次試麻辣雞煲，唔錯禾！夠香夠乾身！ 最怕其他有d水啫啫，同隻雞沖涼乜味都無啦。仲試左椰子雞煲，幾香椰汁味，仲越食越甜，我直頭當椰子湯飲 。 火鍋料都唔錯，肥牛薄薄一片片，涮兩涮就得，幾重牛味，正！ 我地6個食左二十碟左右，回本嘛，仲有黑豚肉片，花膠，皇帝蟹柳，台式芝士蛋，自家製水餃雲吞都好好食。我地呢d食肉獸最岩。飲品算多 ，每樣飲一款都飽，仲有雪糕食。 總括，唔錯，可安哥！P.S.原來排隊有原因，哈哈，唔講lu，自己試。

同幾個朋友打完波諗住去食開果間雞煲名店歎宵夜吹水，點知成十點都仲係大排長龍，於是唯有即刻睇下附近有無類似嘅選擇啦~行下行下見到個易拉架介紹呢間雞煲火鍋放題，10:30pm入座每位只需$138，已經全包，睇落非常抵，行到去見到個舖面好宏偉，成座珍寶海鮮舫咁，好有氣勢，於是就決定入去試下啦~我地order左個少麻少辣嘅招牌重慶雞煲，趁個煲未黎就出去自助bar枱攞小食醫醫肚先~我地試下春卷、豬耳仔、手拍青瓜同，比較值得推介嘅係蒜泥白肉，自問食得辣先好試喎，其他就唔食也把~邊食小食就邊睇下有咩火鍋配料可以任食，選擇有近80款，都係d大路普通野，比較特別嘅係「真係花膠」。等左差唔多40分鐘個雞煲先終於上枱，連埋d配料一齊到，大家急不及待試過雞煲，不過翻幾翻，發覺有唔少已經痴左底燶左，too bad!!!個煲最初食落唔辣，不過越食d辣就慢慢發出黎，但就只係得個辣字，同平時食開果間個秘製醬汁真係差好遠~好遠~至於d雞，亦唔見得嫩滑，係咪做親任食都會係咁忽略質素既呢？而d火鍋配料都不值一提，無乜邊款覺得特別好食，響鈴一d都唔脆，牛又唔似牛，整體而言都係畀返明碼實價去歎返個雞煲好過luu~

是日與男友到旺角睇戲後，正當我們都因晚餐而頭痛時，看到滿堂紅的易拉架廣告，會決定光顧。旺角行去油麻地時間需時，到達時大概九曉許，正到了九點的優惠時段，感覺良好店內分了兩層，十分寬敞，很多吉位，但店員仍只安排我倆坐兩人座...我們選了最普通的重慶雞煲少麻少辣*重慶雞煲，麻味撲鼻，但洋蔥及香茜不夠，而且覺得沒有半隻雞的份量。上枱時雞已熟，雞雖入味，但肉質有點粗糙，小店下次應注意火喉見到雞翼上仍有毛未清，嚇了一嚇吃光雞件後便開始點火鍋配料配料紙的選擇比想像中多，其中粟米點了兩次，兩次的粟米都很甜。肥牛一碟只得四片，如喜歡吃牛的朋友，建議一次點多碟，減少紙張浪費。蔬菜都頗為新鮮。

9月的每月一餐,開始涼少少,大家就想食雞煲,田會長的友人推介呢間的芝士雞煲不俗,於是去試下了,平日$178一位,任食兩小時,BOOK左8:00,4位呀。有兩層的,要上到最上果層。上樓梯時見到的裝飾。我地坐呢個位置,都幾寬敞,可看到窗外的景。除了火鍋外,個場仲有小食提供,都幾好呀。甜酸齋及涼伴等。魚蛋蘿蔔等。多款飲品。甜品是雪糕呀。要了芝士雞煲,加$20,一隻半雞。太口渴,即飲汽水。拎左少許小食,甜酸齋、雞腎、白肉及炸南瓜,味道普通。魚蛋蘿蔔及涼伴青瓜,正常水準。咸菜豬肚湯。芝士雞煲出場,等煲耐點呀。賣相好吸引呀。芝士味道不算太濃,雞反而幾滑。食左陣就加湯打邊爐呀。午餐肉、脆鵝腸、台式芝士蛋、豆腐及粟米。脆鵝腸幾爽脆,其他正常水準。牛筋丸、香菇貢丸、花姿丸、菜肉雲吞、水餃、炸魚腐、炸豆卜及炸魚片頭。菜肉雲吞好多餡料,幾好味,其他正常水準。炸響鈴,必食。唐生菜。油麥菜。炸魚皮,好味呀。美國肥牛。味道不俗呀。要了芒果雪糕。整體來講正常水準,每人約$183都幾抵食,不過芝士雞煲一般,上網見到人地話椰子雞煲仲好味,同服務態度又幾好呀,唔知係味因為果日少人定唔同層唔同職員呀。

一排無食，今次返去竟然返工人五同曬樣為左就朋友，今次食椰子雞煲雞數量都夠ge，味道都鮮甜，豆腐十分入味飲品小食都係咁，冇新意，但水平持續不過重點吳係到咩服務態度？火窩料三催四請先到重要俾人串話唔等得吳好食？著白衫ge姐姐真係好準時wor2個鐘1分鐘都無多就叫人走重要半個場系空？算，返去食都係為原本返工班底當每個禮拜換個飯堂從此黑名單

一向食到的雞煲都是川味，或麻辣風味，都是比較惹味的。滿堂紅卻有個椰子水做湯底的雞煲，真的有點意外。（另外還有椰漿底的濃味版）雞很香滑，滾了很久也沒有變硬。椰子水湯底最初飲很清甜，但滾了一會，甜味更濃郁，可以當個燉湯的喝啊。$168任食兩小時，不錯的選擇啊。

呢間都係朋友介紹至知，以前上大陸必食，而家唔駛山長水遠撲上去食，味道當然係我鍾意嘅，啲配料都 OK 唔錯，個湯底好濃唔駛加添醬油已經夠味，好可惜，講到明係任飲任食，點解單拖去要收多 $50？

為食小隊"之消夜情報~~滿堂紅雞煲放題"""""前菜任食(前菜唔錯)，*個蒜泥白肉"正&個酸齋"正正~~有8款煲底揀(麻辣雞煲/酸菜魚/啤酒鴨煲/椰汁雞煲.....)，*一次食過清椰子雞煲湯"麻麻~~*今次食麻辣雞煲"唔錯~~火鍋料任食(料就麻麻地)，*其實都算差，期待改善，不過都有肥牛食。任飲各式飲品(大概有10款左右可以揀)，*應有盡有最後仲有雪糕任食(雀巢，3款味道)~~~~~*紅豆，雲尼那，芝麻食晒都係$128就可以拍下屁股走人"重點係任你坐~~收4點~~~~服務態度好好~d位都坐得好舒服~(3星"中等)都算係一個消夜新浦點，如果d火鍋料品質好d，咁一定有4星半!!

今晚約左好久不見的舊同事見面, 大家都說想吃雞煲, 選擇去油尖旺這個中間點, 於是就來這間試一試。這間餐廳很近地鐵站, 油麻地A2出口直行2分鐘就到, 很方便。任食的雞煲火鍋, 有餐前小食可以取, 特別推介這個麻辣小肉, 非常惹味。我們點了中辣的雞煲, 一隻半雞, 不過沒有想像中的辣, 麻度也不夠, 不過雞肉都算入味, 而且不太肥。其他火鍋配料, 我們點了菇類, 生菜、娃娃菜、肥牛等, 選擇也頗多。特別一讚, 店員服務態度很好。

半個月前約左一齊食雞煲，咁啱今日轉涼，一行四人放工滿心歡喜上黎試，點知中晒大伏訂左七點半，事前完全冇員工打黎confirm，好彩黎到都有位，上左一樓靠窗四人枱。點左椰子清湯雞煲，由於製作時間要15-20分鐘，係呢段空檔我地先去攞野飲同小食。飲品種類算多，除左罐裝汽水、獅威啤酒，仲有韓國lotte系列，例如鮮奶溝忌廉。小食有幾款，咖哩魚蛋、涼拌青瓜、蒜泥白肉等等，味道尚可。食到呢度，我地暫時係滿意既。等左四五個字，個雞煲終於上喇。四個人有隻半雞，好似好多咁，其實睇圖就知好多頭頭尾尾都冇乜肉食既。好多雞油浮面，一路食要一路片走d油湯底鮮甜，但食出有好重既雞粉味，雞係冰鮮味，唔滑。雞煲食得七七八八，我地就遞紙要火鍋料。已經剔得好克制，只係要一份羊肉、幾種丸同幾種菜，但等到雞煲食晒，成25分鐘都未黎！！！同另一個阿姐催單，佢叫我地「再入過」，即係漏晒單啦！入第二次單冇耐，野食終於黎。不過碟肉完全冇出現過。所有丸雪到硬掘掘，海帶甚至連冰上添。但完全冇洗乾淨，好多沙見兩個鐘時限就到，我地拿拿聲入第三次單，點左牛豬羊肉片各一份，一份菜同一份午餐肉。又係三催四請先上菜，而且午餐肉份量如下：我地見到都晒

半個月前約左一齊食雞煲，咁啱今日轉涼，一行四人放工滿心歡喜上黎試，點知中晒大伏訂左七點半，事前完全冇員工打黎confirm，好彩黎到都有位，上左一樓靠窗四人枱。點左椰子清湯雞煲，由於製作時間要15-20分鐘，係呢段空檔我地先去攞野飲同小食。飲品種類算多，除左罐裝汽水、獅威啤酒，仲有韓國lotte系列，例如鮮奶溝忌廉。小食有幾款，咖哩魚蛋、涼拌青瓜、蒜泥白肉等等，味道尚可。食到呢度，我地暫時係滿意既。等左四五個字，個雞煲終於上喇。四個人有隻半雞，好似好多咁，其實睇圖就知好多頭頭尾尾都冇乜肉食既。好多雞油浮面，一路食要一路片走d油湯底鮮甜，但食出有好重既雞粉味，雞係冰鮮味，唔滑。雞煲食得七七八八，我地就遞紙要火鍋料。已經剔得好克制，只係要一份羊肉、幾種丸同幾種菜，但等到雞煲食晒，成25分鐘都未黎！！！同另一個阿姐催單，佢叫我地「再入過」，即係漏晒單啦！入第二次單冇耐，野食終於黎。不過碟肉完全冇出現過。所有丸雪到硬掘掘，海帶甚至連冰上添。但完全冇洗乾淨，好多沙見兩個鐘時限就到，我地拿拿聲入第三次單，點左牛豬羊肉片各一份，一份菜同一份午餐肉。又係三催四請先上菜，而且午餐肉份量如下：我地見到都晒

今日同兩位兄弟去食野3個二十幾歲ge後生仔去到咩都唔識，坐系到無助時突然見到有個啡髮嘅女仔，甘就緊系問啦，以為個樣得十幾歲會唔系好清楚，點知又可以好仔細甘講解價錢同推介雞煲喔，又真系估你唔到好啦，主角出場，有個男仔拎離，一打開蓋就有好香雞煲味，食一舊雞，果然啡髮女仔無推介錯，雞煲辣得黎又唔系好死，d雞又滑又入味，師傅果然有料話說，食完雞緊系要欣賞靚女啦，個靚女睇落幾高，以為啡髮又系d mk妹啦，點知又比我見到距不厭其煩甘一次又一次同一位嬸嬸講解臺號，可能嬸嬸啱啱翻工，系甘要距幫手汁手尾，個男仔同靚女都系甘糾正翻個嬸嬸迴歸正題，小弟因電話拿去維修無法影相，但系178一位真系幾抵，距火窩料幾多，連小見的粉腸，骨髓都有我地一行3人食左3個幾鐘都無趕我地走，當然，食完緊系又討論靚女啦希望下次黎食又系個靚女招呼我啦，話唔定有勇氣問距拎電話其中一樣要改善ge系，希望可以維修下wifi，店紙說明有免費wifi，但系2樓又收5到，欺騙消費者

第一次去，除了火鍋，還有一些小食供應，在雞煲來之前，我們先試了一些熟食，有酸齋，麻辣青瓜，胡椒豬肚湯，前的2樣挺開胃的。。一黎到好大煲，雞件好多辣得黎又夠滑！四個人都夠食其他配料吾錯，最愛的竹生都有得order。。飲品任飲,有芒果汁,烏龍茶，汽水,忌廉鮮奶,酸梅湯等~多選擇！

初初新開，就走去試下。我都幾中意食辣，一開頭同埋屋企人3條友第一次去到都幾多人等左十分鐘到就有位。。去到先叫個麻辣小辣雞煲，一黎到好大煲，雞煲湯汁都有果煲一半，雞件算多辣得黎又夠滑！正！，三個人都夠食其他配料吾錯，最愛點芝士丸，牛肉片，竹生食，氣水任飲又多氣水選擇，不錯！最後仲有雪糕食。有朱古力，雲利na，芒果味第二次，去到無第一次咁多人，上左2樓，叫反同一個煲，雖然黎到時候雞件小左好多但雞都滑但湯底比起上次已經淺左色，但其他配料好食就算。。。第3次，雞件小到每人食左5，6件就無哂，d雞件老到成舊擦子膠咁，d湯仲係果煲四分之一咁小連辣都吾辣下。連其他配料都無咁好食，平時芝士丸一咬d芝士拉到出來，今次好似食面粉咁無黎味道！差！，最後雪糕只係得反芒果味同雲利na味。。ps:勁漏單😨😨 一句！下次咪搞！！！！

平常和男朋友吃雞煲都是在元朗，今次第一次到油麻地的滿堂紅試試~6:45左右就來到，不用等位，上了一樓坐~其實我有點後悔沒試麻辣..試了就可以跟元朗的比較一下嘛~今次試了濃的椰子雞煲...唔...應該麻辣會好吃一點吧在雞煲來之前，我們先試了一些熟食，有酸齋，麻辣青瓜，胡椒豬肚湯，前的2樣挺開胃的，後者胡椒不多，啱我呢d唔食得太辣嘅=)雞煲到了..明明2個人應該係得半隻雞，但食極都食唔完，似有3/4隻多d..感覺好抵，但雞唔太入味，可能因為湯的椰汁味亦不夠濃，在場點麻辣的比椰汁多><點了其他配料，選擇夠多,亦沒有漏單的情況，每樣都只會來2件，所以個肚有空間試多d其他嘢，豬肉和羊肉很好，炸魚皮淋哂...一d都唔脆飲品任飲,有芒果汁,烏龍茶，汽水,忌廉鮮奶,酸梅湯等~雪糕有牛奶公司整個地方包括洗手間都好乾淨下次還是會來，因為想試麻辣煲^^