滿堂紅頂級雞煲火鍋 (已結業)

同朋友行經油麻地區，見到 有一間 滿堂紅 頂級雞煲 火鍋， 任食每位$ 168， 覺得超平 。我們就上去體驗一下。這間火鍋 餐廳， 環境 整齊 寬敞， 裝修算 普通，但 光線 充足， 座位尚算舒適。味菜烤魚 ，味道 帶點微辣味 ，有鹹菜，豆卜， 娃娃菜等配料 ，有半條魚的 份量。 肉質 吸收鹹菜味 ，非常 入味 醒胃。食完烤魚後，仲可以叫火鍋任食 ， 有娃娃菜新鮮，清甜。 響鈴及 青口。 至於蝦，就欠奉 ，還有其他雜丸。有自助小食 ，有任食雞腳 ， 味道可以不錯，但 比較 韌 ，難咬入口， 青瓜 味道 爽口， 蒜泥白肉， 薄切細塊，配上蒜泥白肉汁，味道醒神， 值 得再品嚐。飲品方面， 有多款選擇任飲， 雪條 也是 飯後 甜品之一。

我另一半開始接受食辣野, 好開心今晚來一個辣辣雞煲夜地點方便, 環境舒適,座位闊落, 仲提供籃子放隨行物件和包包, 可以說是女人最受落一個人頭費, 就可享無限自取自助熟食和兩大個雪櫃任拎飲品, 對於大食兼秒秒口渴既我就啱哂配料任拎!一場來到一定要食辣辣雞煲, 雞肉出奇香滑, 辣味香濃野味又開胃不同程度辣味滿足不同既辣道中人安格斯雪花肥牛真的要讚, 既香口又牛味十足炸魚片不過不失, 份量十足黑豚肉十分出色, 追加了兩次丸類款色多, 試唔曬最愛生菜, 每口都是辣味十足源源不絕的凍飲整晚十分享受, 約定你下次再歡聚唱飲!

近曰愛上麻辣雞煱，為了同愛人一起享受 刺激感，一於捨命陪君子。店舖座位非常舒適濶落，雞煲方面任你點你適合的麻辣程度。重點是七點半前埋單平均每人只需百零蚊 ，抵到喊！仲有任食熱盤自助吧，多款飲品，係兩個大雪櫃任拎。飲品款式多，凍冰超正！麻辣雞鍋麻得非常刺激，中辣都ok喎，下次要試下升級加辣先得！雞肉香滑，一流，野味！蘋果汁，冰凍又解渴！食完麻辣雞，多湯底開始烚下烚下。點了很多新鮮好味的火鍋材料，包括青口，丸類，腸仔，雲吞等。肥牛，豚肉，新鮮蔬菜！響鈴，炸腐竹。最後仲有任食雪糕杯。食咁多次麻辣雞鍋，今次性價比是最高的一次，下次真的要再來！

其實間野食物質素各方面都好不錯，價錢都好合理，但有樣野衰既係任食2小時，但個煲要等over20分鐘，姐係頭20分鐘係for客人食小食，飲野。。 老老實實控制吾到個口既我，過左20分鐘已經飽飽地😂😂下次會試下呆坐20分鐘等個煲黎先大食😂😂但牛肉好正！肉味好重，推薦！

朋友話想食烤魚，又想啤下，咁啱見呢間有任飲任食烤魚，168任食2個鐘，地點又方便，評價唔錯就黎試下，點知就中伏了。我地一行3人，叫左麻辣烤魚小辣小麻，係鯇魚，條魚等左好耐都未到，原來要25分鐘先上得。等緊嘅時間緊係拎下佢啲熟食，都有好幾款，都唔錯嘅，尤其佢有蒜泥白肉食。真係差唔多25分鐘條魚終於黎，果陣先發現個電磁爐好污糟（冇影到最污糟果度），根本冇抹乾淨，有3隻撈同湯殼用，但係3隻都係污糟嘅條魚雖然唔細條，但食落口麻麻地，魚肉好散，唔新鮮。雖然係麻辣，但除左有辣味，其他味我都形容唔到係咩味，總之奇奇怪怪咁...食左大半條魚，叫嘅配菜都未黎，原來係漏左單。不過呢度有樣好嘅係可以叫半份。但係啲配菜係一般任食嘅貨色，不過不失，除左幾樣係差啲，芝士丸係我食過最差最難食，成粒野好似化學野咁；薯粉又係奇奇怪怪，同平時果陣唔同，碌幾秒成條唔見左，唔好食；啲年糕都係cheap野黎... 唯一幾好嘅係響鈴同魚皮，夠脆。同埋我地果層有一個年輕嘅waitress態度好好（雖然得佢一個係好），值得一讚。真心覺得我係屋企附近食98蚊任食嘅烤魚都好過佢，無論係條魚定係配料。可能呢間真係要食返雞煲先會好啲。

到油麻地的 滿堂紅頂級雞煲火鍋食放题。那裡分別有一樓，二樓兩層 ，我們坐在一樓用饍，原來一樓環境都很寬敞，座位舒適。我們很快便叫了一個芝士雞煲，這是店內的招牌貨😋芝士味很濃郁，份量很多，喜歡食芝士的人一定喜歡， 而雞肉的分量也很充足，雞肉加芝士特別好味。食完芝士雞煲之後，可加入清湯作火鍋湯底，因為是放題形式，我們便叫了很多火鍋配料。例如，肥牛，羊肉等。羊肉切成薄片，入口即溶，沒有羊騷味，黑豚肉， 肉質新鮮美味，鯇魚厚肉鮮味，是我的最愛。青口也不錯，新鮮可口。鲜蝦雲吞，韭菜餃響鈴，龍蝦丸等，粒粒都很大粒，且很新鮮。飲品方面，也是自助模式，包括凍汽水， 罐裝啤酒 ，仲有任食牛奶公司杯裝雪糕。

最近 喺油麻地 上了一間 叫做滿堂紅頂級 雞煲火鍋 食放题，火鍋館 分別有一樓，二樓兩層 ，我和朋友在 一樓 用饍， 原來 一樓環境 很寬敞 ，座位 舒適 整齊 ，侍應 也很有禮貌 地招待我們入座。餐廳內 不單有 雞煲， 還有 放題 火鍋 任食。我先order咗 半隻 原味 芝士雞煲， 芝士味濃郁 撲鼻， 原來 半隻雞的分量也很多， 雞肉 吸收芝士 後，味道很有鮮雞肉味， 肉質很 嫩滑 ，非常 鮮味 可口。食完芝士雞煲後 ，可加入清湯 ，作火鍋 湯底 ，仍很有芝士味， 放題可以任食羊肉 ，羊肉 切薄片 入口 沒有騷味 ，黑豚肉， 肉質新鮮 ，大大塊 入口即溶。 鯇魚 厚肉 很新鮮， 我落左兩次單， 非常喜歡食。青口也不錯 ，新鮮 可口 ，加入咗湯底後有芝士味，味道鮮甜。飲品方面 ，可以任飲不同冰凍汽水， 罐裝啤酒 ，仲有 任食 牛奶公司杯裝 雪糕。 還有很多 美食 仍未 品嚐 ，下次一定再來 。

我地約左1730上去食雞煲喺油麻地地鐵站出去好方便我哋好早去到，仲未到食飯時間所以好空曠任坐一坐低姐姐已經勁好人叫我哋拎小食( 有麻辣豬耳， 手拍青瓜，咖哩魚蛋 ，齋燒鵝 ，炸饅頭配煉奶……)同埋飲品( 可樂，道地綠茶，烏龍茶，韓國忌廉溝鮮奶， 檸檬茶……)我地一行4人揀左食咗椰子雞煲清湯10分鐘就有得食椰子雞湯湯底好清甜 椰子我都照食埋然後配料都好多菇類，蔬菜類，肉類(牛肉好新鮮)最搞笑係菜單上有一樣叫“真係花膠“因為佢真係花膠最後我地食到7點9先走埋單$128一個人好正！有機會一定再去因為好想試佢果酸菜烤魚！

本來與妹妹在逛街，接近九點時真的餓到不行，之前剛吃了個很不錯的雞煲，所以又想再吃雞煲。網上搜尋了一下，滿堂紅既近且優惠，便立即在open rice預訂九時半的位子。比預訂時間遲了約十五至二十分鐘就能入座，這是可接受範圍內，到了二樓入坐後等了快二十分鐘鍋才上枱有點太慢，所以吃了不同熟食，沙薑雞腳不入味，拍青瓜不入味，蒜泥白肉不入味，魚蛋中規中矩，唯一好吃的是雞絲粉皮，不小心吃了不少(重點是火鍋嘛 )。醬料選擇少，只有生蒜，蔥花，豉油跟指天椒。飲品適合愛喝啤酒的朋友，單是酒好像已有三四款(不喝酒所以不太清楚)。重點是雞鍋!它有十多款湯底，推薦的是四川麻辣鍋跟海南椰子雞鍋(濃濃的椰汁香味)，但我十分愛喝椰子湯，所以選了清椰子雞湯，雞很滑，一點也不老，有陣陣的椰子湯香味跟甜味，真的好吃，湯也很甜，雖然妹妹說湯甜得有點假，但我還是覺得很好喝。火鍋料比較普通，唯一突出的是肥牛跟豬肉片，肥瘦分明，牛有濃厚的牛肉味，跟其他火鍋店相比很出色。店員服務可以，座位也不算擠。收費跟質素成正比，愛吃肉，愛喝酒，愛喝湯的朋友可以試試。

又再encore 滿堂紅，上次試過椰子雞煲（清甜湯）食雞再飲埋個湯，真係好正！ 呢次同好姐妹試下濃汁板先！ 食完雞之後，先再嗌其他嘢食打邊爐，選擇好多之餘，仲樣樣都好新鮮！ 呢度啲小食亦都係我好鍾意，手拍青瓜夠晒入味，蒜泥白肉，個汁簡直冇得輸！仲有個麻辣豬耳，夠香夠辣！ 濃汁板雞煲嚟到啦，雞好滑，一啖食落去，有濃濃嘅椰醬包住舊雞，又香又滑！ 牛肉有牛味，又唔會一大舊肥膏，嗌多幾碟都得！ 特別推介花膠同鯇魚片，仲有冬瓜，吸晒椰汁味，特別好食！ 今晚好早開始食，7點半前埋單，仲128蚊一位，任飲任食，真係好抵，仲有啤酒汽水任飲！掛住食都唔記得影低雪櫃有咩飲！Haha!

夜晚時段 同媽咪系油麻地行完街已經好攰 又吾想反屋企煮 同埋屋企附近又食厭左 就去左碧街兜下個圈睇下有咩岩食！見到有間專食頂級雞煲火鍋既餐廳 就試下喇餐廳共有兩層，幸好上左第一層已經有職員立即為我安排坐位而且好有禮貌添 加份位我點左原味芝士雞煲，等緊之制 媽咪已經出左去夾左啲熟食反黎 可惜溫度不太熱 但魚蛋同豬皮同樣爽口和彈牙原味芝士雞煲 (2位半隻加$10):店員為我們上了雞煲 可見面頭有大量芝士佈滿啲雞上 真系夠晒足料！之後店員用餐具將雞同芝士一起攪勻後 即可食 芝士味道相對較為重口味 另外仲有薯角。依間餐廳有77種既火鍋配料比客人揀！黑椒牛丸：口感好彈牙而且一咬口中已感覺到有好重既黑椒味 用黎送烏冬的確不錯！牛柏葉：同樣好爽口吾會硬身添！大家可以一試呢！魚皮餃：入面既肉保持到有肉汁 大小適中 不錯不錯肩胛肥牛：肥牛顏色為鮮紅色 脂肪適中 食落吾會太硬太林 中意食肥牛可以叫下黎食！脆鵝腸：清潔度好滿意吾會有成堆肥膏痴住 但一滾就好夾了 縮得比較快 口感方面爽口炸魚皮：脆身一般 可以將佢放落湯底有另一種食法呢！炸響鈴：脆身 細細卷吾會食得太油膩金菇：清潔度滿意 打邊爐必食之一！烏冬：

今天要陪女兒往旺角做美容，又是橫風橫雨的晚上，重掛左黃雨，找間食店食晚飯，順便避避雨，經過上海街，見到有座食店叫滿堂紅頂級雞煲火鍋，客人上上落落，生意吾錯，我們都想去試試！於是今晚決定上去食火鍋！餐廳設在二樓和三樓，座位舒適，侍應招呼都很好！設有自助區，有多種熟食、飲品、雪糕任飲任食。本人最喜歡咖哩豬皮魚旦，豬皮爽口入味，魚旦彈牙！未上火鍋我已經食左多轉了！原味芝士雞煲，2位加10蚊有半隻雞，侍應為我們攪拌均勻後，煑一陣就食得，很多芝士包住每舊雞，芝士惹味，雞肉炸過味道超濃！食完雞煲加湯食火鍋，多款火鍋配料任叫任食！食物都好新鮮，響鈴索了芝士湯，非常惹味、脆鵝腸爽口、魚皮餃有口感、金菇菜新鮮、炸魚皮卜卜脆、黑豚肉片鮮味！數拾款配料一次根本試不完，唯有下次再來吧！

近排朋友都喜歡吃打邊爐，今次去了間好抵吃嘅火鍋店，位置都好就腳，油麻地站A1 出口一條直路行兩三分鐘就到，而餐廳有兩層，唔擔心沒有位置！(當然有訂位就最好啦！)今次坐位在窗旁，地方都好闊落，正價時段一個價錢免收加一任飲任吃都係一個人$168，如果係宵夜時段(10:30後)就更加抵吃，每位$128而一般湯底外，重有雞煲或烤魚，今次就要了個重慶麻辣雞煲，個煲係師傅即叫即煮，味道絕對好味，雞肉嫩滑，啖啖肉，入口夠熱又夠辣，十分刺激！幸好出面有個自助飲品櫃，隨手都可以入到夠凍嘅飲品！重有啤酒都係任飲！所以絕對不怕辣！而火鍋食物選擇有成差不多七十多款選擇，絕對照顧到不同朋友嘅口味，除此之外，係飲品櫃旁重有一些特色小吃，如果當個火鍋未到時可以先取小吃，味道亦好好味，個涼伴青瓜爽口青新，咖哩魚蛋亦十分入味，同係街邊一串串嘅味道一樣！當雞煲吃完就可以請店員加湯變成火鍋，提示如雞煲差不多吃完前，可先入點菜紙，咁個湯滾了便可以繼續！火鍋材料最愛嘅午餐肉，大大隻雲吞充滿肉汁，水餃內木耳爽口，都係必吃，而肥牛同豚肉又點少得呢！重有爽口馬蹄，同鮮甜栗米！全晚真係忙個不停！食得飽又食得好開心！

上星期差不多每一晚都落大雨，成個人都好似風濕咁決定食返個麻辣雞煲去濕皇上帶娘娘我去咗呢間好抵食嘅雞煲打邊爐，外面環境就一般啦！裏面啲位勝在都較寬闊，坐得都算舒服一坐低唔使講嘢嘆個雞煲先真係堅好味，而且係地道嘅四川風味。色香味俱全正宗麻辣雞煲，麻痹感覺10分平均我哋三個人有成一隻雞，雞肉夠晒嫩滑。食完雞煲加湯就可以打邊爐啦！話你睇吓啲辣椒好彩飲品都係任飲嘅啫，jolly shandy 嘩真係落足成本喎！趁打邊爐未得，出邊有啲小食可以攞嘅！咖喱魚蛋好有懷舊味道我覺得最好味就係個拍青瓜，嗰種麻辣風味真係香港好少食得到價錢只係$168，仲要唔使收 加一，但係牛肉質素都唔差喎！而且都仲有啲海鮮、丸、菜同埋一般打邊爐料，全部質素都唔錯。我最鍾意就係個水餃，可能係自己包嘅添啊！最後以杯仔雪糕終結，今晚真係食得好滿足，最緊要價錢真係抵！食物又唔差！仲要有Wi-Fi 用，抵佢滿堂紅

早前朋友仔呢 食完今日介紹我呢， 位於旺角上海街呢一間滿堂紅 雞煲 放題，正價時段成人每位168食兩個半鐘， 真係大過去食散打呀， 平時就咁叫個煲再嗌少少嘢， 飲埋啤酒 一人都二百幾蚊啦。依家仲要酒水任飲， 真係上去求其食少少嘢都覺得好抵。等食雞煲嘅時候其實都有啲小食喺外面， 咁肚餓嘅時候都可以攞定少少打下底送下啤酒， 試咗佢幾款小食都唔錯，當中我最欣賞佢個沙薑雞腳，入哂味又夠腍。其實佢有好多款雞煲嘅麻辣雞煲，椰子清湯雞煲，椰子特濃雞煲，芝士雞煲 同埋魚煲。除咗椰子特濃雞煲之外其他嘅我係其他唔同餐廳都食過， 所以今晚決定試下椰子特濃雞煲，味道 真係香滑到唔講得少， 有種泰式嘅風味， 清湯椰子雞 係屬於 飲湯嗰種， 呢款特濃椰子雞 係加咗椰漿落去 係有點似小菜嗰款， D雞浸到滑一滑，再夾雜著濃沃嘅椰子香味， 實在令人食指大動。 有驚喜食完雞煲 裡面嘅雞之後就可以加清湯落去打邊爐啦 ， 加咗湯之後個湯底溝稀咗又另一番風味 ， 用嚟打邊爐 確實十分適合 。薄切肥牛， 每次上枱都係得幾塊細細碟， 不過唔緊要 邊度係任點任食㗎喇唔夠再不停order都得㗎。打邊爐點能夠唔食肥牛呀， D牛肉夠曬新