滿堂紅頂級雞煲火鍋 (已結業)

見天氣又轉凍返, 而且多年朋友無見, 所以搵間就腳的火鍋店.滿堂紅係限時任飲任食食物選舉多,而且火鍋配料新鮮!地理位置方面又易搵! 除左有火鍋配料任飲之餘,仲有唔同熟食任食,例如咖哩魚蛋,雞腳等等滿堂紅係限時任飲任食,,火鍋配料選擇多而且非常新鮮!地理位置方便,十分容易找到!除左有火鍋配料任飲之餘,仲有唔同熟食任食,例如咖哩魚蛋,雞腳等等! 而且店內環境大,坐得好舒服!價錢方面十分公道,平均都只是百餘二百元一個人, 十分抵食!「

放工同老公去咗油麻地買家品，行行下見到有間雞煲火鍋放題，價錢非常吸引，每人只需要＄178 ，而且連加一都五收，天氣又凍凍地，決定食埋晚飯先返屋企～店入面的裝修簡單整潔，空間都幾大，唔會坐得好迫，可以選擇雞煲或者特色火鍋湯底，火鍋配料任食、飲品任飲～仲有多款前菜、小食供應，例如咖喱魚蛋、豬手、咖喱角等等～如果選擇雞煲可以食完之後加湯做火鍋,有四川麻辣味、海南椰子味等等，因為我哋兩個人怕食唔晒，所以最後點左沙參玉竹鯊魚骨湯特色火鍋，湯料非常豐富，有大大個冬瓜、仲有藥材、杞子、菇、豆卜等，非常鮮甜～肉類方面有肩胛肥牛、黑豚肉片、雞....我覺得豚肉都唔錯，肥牛稍為偏肥其他火鍋配料有牛柏葉、豬膶、花膠、豬頭、水魷魚，仲有多款丸類、自家製雲吞同水餃、韓國年糕、紅薯粉、數款的蔬菜，都算有幾多選擇～汽水方面都係任飲，除咗一般嘅可樂、忌廉，仲有台灣的冬瓜茶、韓國的烏龍茶等，最後仲有雀巢雪糕～

今日放假去接老婆放工，諗五到食咩，行行下見到呢間放題雞煲火鍋好抵食，$178一位仲五洗加一，食足2小時。可以選擇雞煲/火鍋，因為怕食五晒，最後點左沙蔘玉竹鯊魚骨湯底，湯料非常足，味道鮮甜。火鍋配料都有好多選擇肥牛、豚肉都算五錯另外仲有花膠、青口、午餐肉、水魷魚、蟹柳、牛柏葉、多款沿路、自家製雲吞同水餃等等，仲有書粉、烏冬、韓式年糕，選擇都算幾多，而且可以選擇半份，可以試多幾款又唔怕會浪費食物。蔬菜方面有五六款嘅菜類可以選擇，例如油麥菜、生菜、菜心苗、娃娃菜等。除咗飲食之外飲品都係可以任飲，而且有十多款嘅飲品，包括可樂、忌廉、巨峰提子汁、蘆薈汁、沙氏、忌廉溝鮮奶等等，仲有少有嘅冬瓜茶、韓國烏龍茶，維記牛奶公司雪糕添。

之前聽朋友介紹去滿堂紅食限時任飲任食雞煲好抵食,所以前幾日就特燈同朋友去試下食晚飯!一入到去,門面好大,店內環境都好大,有成幾層咁多,坐得舒服,而且生意幾好,多人光顧!火鍋配料同飲品選擇多,而且樣樣新鮮又大碟!除左有火鍋配料任食之外,仲有熟食食物任食,例如咖哩魚蛋,雞腳,豬肚煲,涼伴青瓜木耳等等雞煲內的雞份量十足,夠晒大隻,味道亦夠濃,之後轉火鍋都超正!服務員的服務態度都好好,好有耐性,即使店內好忙,都冇忽略你要求,笑容滿面地服務你!地理位置方面又易搵!火鍋配料方面,力推肥牛,新鮮又大碟!下次一定會再同朋友去食,超抵食!一人200蚊都唔洗!

滿堂紅係限時任飲任食,食物選舉多,而且火鍋配料新鮮!地理位置方面又易搵!除左有火鍋配料任飲之餘,仲有唔同熟食任食,例如咖哩魚蛋,雞腳等等價錢大眾化,想任飲任食,另一唔錯的選擇!

滿堂紅地點很方便，行上去既時候見到有皇帝袍掛在走廊上，感覺挺特別的。上到火鍋店一樓會比較昏暗，也比較殘舊，不過食物ok就得。那裡的自助餐吧食物很不錯，尤其是蒜泥白肉，超好味，配合他們比的特製醬汁一起食好棒。火鍋湯底好正，皖魚酸菜鍋的皖魚肉挺鮮甜，肉質好sumptuous,酸菜湯都恰到好處，配合薯粉食一流。其他火鍋店少有的食物有牛骨髓，花膠，餛飩睡覺均是自製，唔錯。牛肉就比較差，望起來不錯，食既話就太鞋。

先吃前菜小食，跟住麻辣雞煲，之後才放湯打邊爐。前菜青瓜超麻辣，好爽，雞煲也幾滑，麻辣真係越食越辣。牛肉我覺得一般，生根size同乒乓波一樣細。全部任食任飲，雀巢雪糕都係任食，真係好扺食，最啱吹水食飯。

天氣涼涼地，朋友就提意黎一個熱身，今晚就去食下雞煲。 不知從可時開始，雞煲加火鍋已經成為左膽拖，今日黎到滿堂紅頂級雞煲火鍋, 因為價錢夠實惠，又任食，絕對岩晒我呢d大食仔 今晚唔芝士火鍋，怕漏得濟，就試試個椰子雞煲 一上雞煲就好香的椰汁味，等要稍等佢滾開才可以食，係等候期間，外圍其實有多款小食可以任取另還有飲品多款，有酒精，無酒精的也有。 雞沾滿椰汁件很香濃，而肉質的確也滑溜，很久已沒有試過這般高質數的雞煲。 快快食完雞件，就加了上湯來進行火鍋階段 牛豬羊樣樣也到位，呢個價格絕對對得起 脆口魚皮響鈴亦是不錯之選 餃類丸類樣樣齊，其實只吃雞煲也值回票價，而火鍋配料實屬 bonus 兩小時過得特別快，大家都愉快地捧住個肚皮離開

我覺得佢呢個價錢係等同價值。星期六晚雖然人多，但員工也很有禮貌招呼。直得讚👍👍👍。 我叫了麻辣雞煲，小麻，中辣，咪道也不錯，放題也有熟食蘿蔔咖哩魚蛋👍👍👍，蒜泥白肉👍👍，鹽水鳳爪👍，拍黃瓜，炸物，齋 ，雲耳，鹹菜腐竹豬肚湯👍👍👍。

難得好友放假可以同我食early dinner, 就去食下雞煲， 最近好似食多左辣野喉嚨又有d痛，本想改食其他，但今日帶我黎既餐廳原來除了辣辣雞煲外，仲有椰青雞煲，椰子雞煲，烤魚，湯底確是有許多選擇，連芝士雞煲也有，睇到有椰子雞煲就已經被吸引了入鋪。座位在二樓，而且尚有三樓，被安排了二樓就坐。沿途上黎的裝潢也很有氣派。很快就決定了椰子雞煲， 半隻就好了，因火鍋配料是任食關係，所以半隻就足夠了。在等雞煲上枱期間，原來有些小食可取，雖說是小食但絕不馬虎，有胡椒豬肚湯，炸饅頭，蒜泥白肉，雞腎，而且味道也很不錯，個人認為饅頭很出色，主要還是因為夠新鮮。另飲料也有somersby, 而blackberry味很fresh, 還有其他韓國飲料和本地茶類選擇，很多很多。等了大慨十五分鐘，雞煲就上枱了，稍稍再煮滾後就可以開動。聞已經很香，味道十分香濃，有白咖哩味道但就沒有辣味，而且雞件特別滑溜，已經很久沒吃過那麼有水準的雞件。吃著吃著很滿足，就加湯打邊爐。配料就是一般火鍋配料，牛肉，丸類，菇類，蔬菜等等都有。吃著談著，時間就很快地過，因是限時進餐，所以時間夠就要埋單了。$168 位沒有加一，價格更顯得優

滿堂紅的火鍋7半前離座每人減$40，加上一到8點就全場爆滿，所以我們選擇了這個時段去。驚喜的是皖魚很大挺鮮，肉質幾嫩，味道跟酸菜配合，酸菜味亦恰到好處。吃火鍋湯底是很重要的，呢點滿堂紅做到。他們比其他火鍋店不同之處是有小型熟食吧，最正的是蒜泥白肉，又多又好味，配合酸鹹的白肉豉油超好味。有點失望的是牛肉口感有點像渣的感覺，但其他東西好吃，例如花膠，發揮正常已經不錯了。這裡亦不是令人眼前一亮的光鮮，是舊舊地，可說是正常樓上茶樓的感覺，但食物ok的話大家當然不介意。

最近同班朋友去咗，"滿堂紅"度食雞煲仲有打邊爐，發覺裏面嘅食物配菜各式各樣，而雞煲都非常新鮮，雞肉非常嫩滑，而且湯底濃郁， 有各款特色嘅湯底俾食客選擇，簡直色香味俱全。雞煲嘅份量都可以夠四個人享用食完雞煲之後，就可以嘗試唔同嘅打邊爐食材。 而我哋嘅湯底就係，鯊魚骨清湯，裏面配菜配有幾仔蘿蔔椰菜同埋紅棗， 香味濃郁。打邊爐嘅時候我哋叫咗芋頭，呢啲芋頭非常新鮮非常完骨有香濃郁嘅芋頭味道。 另外，我哋仲嗌咗薯仔，而餐廳會將薯仔切薄片然後放落鍋裏，味道都非常入味架！食之前，餐廳會供應小菜係自助式嘅， 例如會有釀青瓜有甜酸辣嘅味道非常醒胃。甜品方面，會有雪條雪糕糯米糍等， 都係自助形式嘅。 整體方面都值得一試！

今次同朋友一行三人出去食飯去慶祝其中一位朋友嘅生日, 為咗坐得舒舒服服可以傾下偈我哋今次揀咗去呢一間位處於油麻地既雞煲餐廳. 呢一間餐廳嘅位置十分之好呀! 喺油麻地地鐵站A1出口行一個街口然後過對面街就係, 超級容易搵! 餐廳門面餐廳門面望落去好型仔, 三層都係佢哋嘅! 好夠氣派!餐廳內在環境餐廳環境都幾闊落下坐得幾舒適㗎!餐牌及點餐紙自取前菜喺肚仔餓嘅時候但係個雞煲又未呢嘅同時, 搵啲嘢咬下口係好重要嘅! 呢一間餐廳嘅自取前菜都有幾多選擇下, 分別有:甜酸齋,滷水豬耳,蒜泥白肉, 咖哩魚蛋, 豬肚, 雞腳, 我自己本人就幾鍾意佢個甜酸齋同埋蒜泥白肉, 呢兩款都係涼菜嚟嘅, 佢哋個甜酸齋主要係以醋酸嘅味道為主, 口感爽口同埋好開胃! 以佢嘅蒜泥白肉切得非常之薄, 肉質鮮甜, 係一個前菜嘅好選擇!自助飲品呢一間餐廳嘅自助飲品都有幾多選擇下,佢哋依度仲有 Somersby 嘅cider 飲! 但我今次冇飲,今次我就主要飲韓國嘢!  飲咗檸檬蜜糖, 牛奶梳打, 同埋香蕉牛奶梳打, 我自己本人就覺得香蕉牛奶梳打較為有特色同埋較為特別! 呢幾款飲品都係甜甜地嘅好適合食以鹹味為主嘅雞煲時候飲!濃汁

最近，同幾個朋友一齊去咗「滿堂紅」食烤魚同打邊爐，感覺地方環境都唔錯，有兩層，地方非常寬敞，而且仲好乾淨衛生。所以都坐得好舒適！張枱都夠寬鬆，可以放到好多食物，唔會有一種讓人侷促嘅感覺，而且服務都好好。食物方面，我地叫咗必食烤魚，有麻辣同酸菜湯底做選擇，配料亦有豆腐，豆泡， 芫茜、蔥、 酸菜、蘿蔔等。所以配料都算非常豐富，好抵食，份量都足夠四人share架！我哋揀咗酸菜湯底，味道非常濃郁， 完全唔會有魚嘅腥未， 而且魚肉亦非常軟滑，唔算太多骨，都好容易食！另外，食完烤魚之後，可以打邊爐，亦會有好多配料供食客選擇！D配菜亦係非常新鮮架！

秋田天氣到 ，很想去食火鍋，於是 同朋友去咗油麻地一間 滿堂紅頂級 雞煲火鍋店。這間火鍋店有兩層樓 食肆， 都是食雞煲的 。我們 被招呼到樓上二樓。 哪餐廳地方很大， 座位 舒適 。還有小食吧。 小食吧有咖哩魚蛋， 酸齋， 鹵水鴨腎和春捲。 仲有碗仔翅 ，蒜泥白肉 等等。 多款選擇 ，很有特色。我們柯打咗一個鯊魚骨湯底， 味道清甜 ，湯底裏面有紀子， 紅棗 ，鯊魚骨 ， 黨參 非常滋補有益， 在秋天這個 乾燥季節 食後，滋潤有益。牛肩脊， 新鮮切薄片入口即溶， 肉質鮮味 。雞肉 新鮮 嫩滑 。豚肉大塊 薄片 快熟 。水餃 ，雲吞 餡多大大粒 ，又多汁， 製作認真， 非常滿意。手打魚肉 ，肉質新鮮嫩滑， 彈牙 ，很有口感 ，沒有腥味 。芋頭，粟米， 蘿蔔 也是火鍋的好良伴。蘆薈飲品， 內有蘆薈， 非常特別。