滾得囍宮廷火鍋小炒 (已改名) 查看

今日男朋友喺鰂魚涌收工，佢話呢排返工太忙冇咩時間陪我。今晚決定同我食餐好嘅，所以黎左滾得囍宮廷火鍋。呢到嘅裝修好華麗，一入門口就見到張龍椅XD我諗如果帶外國朋友黎食，佢地一定會好興奮咁瘋狂selfie XD連餐牌都係聖旨，好盞鬼！我地叫左康熙花膠雞湯鍋（半隻 $288）d花膠唔少，而且仲大大舊！打邊爐之前先飲湯同食花膠，個湯雞味濃郁，湯底顏色金黃！手切飛驒和牛（180g $388）好嫩滑，淥極都唔會韌！鹿兒島日本黑豚肉（$88）呢個係男朋友最愛，味道豐厚又唔油膩！滾得囍餃子併盤（10粒 $108）同滾得囍宮廷手打丸併盤（10粒 $108）都係各有五款餃子/手打丸，咁樣叫可以試勻曬唔同味道。當中我最愛嘅係手打芝心牛肉丸同黑松露野菌餃，前者食落牛味十足，入面仲有香濃芝士;後者比較少見，黑松露嘅香同雜菌味道好夾！澳洲帶子片（$78）夠新，軟綿綿唔會似橡筋。瑤柱乾貝滑（$78）夠滑夠彈牙，瑤柱點綴令到鮮味提升。雜菇拼盤（$68）係我打邊爐必備嘅菇菇，吸曬d花膠雞湯，正！順德魚腐（$48）軟滑可口，魚味濃郁。黃金魚皮（$68）呢排迷上鹹蛋黃味嘅野，連打邊爐都要食XD魚皮炸得脆卜卜加埋鹹蛋黃嘅鹹香

雖然天時暑熱，但仍然不減我對火鍋既熱誠，更何況比我遇上一間超哂班既火鍋店！所以我更要在這讚一讚！這店在北角馬寶道名叫滾得囍。店內設計有中國宮庭感，裝修得幾有心思，幾有回到過去的感覺！我地order左花膠雞湯鍋，花膠既份量真係夠哂多，質感非常豐富軟綿。口感回味！雞件亦好嫩滑，雞味亦重。湯底更是精華所在 ! 超級濃味，岩哂打邊爐之用。鬼馬油炸鬼，外層原來是一層蝦丸包住內層有一棵油炸鬼而成，熟左之後唔知點解油炸鬼仍保持香脆！口感層次好正，新鮮海中蝦外殼帶光澤，睇得出為新鮮貨色，蝦味香濃，肉質爽口彈牙~不錯。滾得囍餃子拼盤全是自創餃子，款式新穎！和牛芝士餃，黃金沙葛餃，黑松露野菌餃都非常創新好味。而且全部外皮都唔會好厚，岩岩好呢。手切飛驒和牛簡直是全晚之最，可以為生吃或熟吃！我覺得咁靚質數既牛，既然可以生吃的話！真的不防一試！食過後，入口溶化架，再加d生洋葱和酸汁！更食出層次變化。呢款牛真係必點呀！！這店員工全部都比我感覺幾有heart, 好投入去做！！我非常欣賞他們的服務

上次黎食咗個辣卜卜蜆煲,  我地幾個都好滿意~所以再約打邊邊, 梗係黎番我地都讚嘅心水店啦~ 前菜小碟 同 混醬 佢地 2個都鍾意呀, 而我就無點醬嘅習慣~好豐富啊, 幸福感滿滿的呢~我地各自簡自己嘅心水黎叫呀~今次我地都唔想食辣, 又心血來潮 想食花膠補下, 所以 就叫咗半雙花膠雞煲喇~店員細心幫我地剪好花膠, 剪到一口大小 先放落去煮,  方便一陣食~好貼心啊!!!花膠都厚身, 好在剪成小塊 所以都好快食得~YumYumyum零腥味 配埋香甜雞湯簡單 好味滑滑 Q彈膠質重, 易膩口, 每人幾件剛好~ 打邊邊, 梗係唔小得蔬菜籃啦~我地都記得質量好好呀~果然 同我地記憶一樣, 新鮮好味~魚皮 大大件即炸架!熱辣辣 即食好脆口偏厚身浸湯時慢咗啲拎番上黎, 都仲脆 唔易林曬~蒿荀 好味啊, 嫩口爽身, 清甜解膩, 打邊邊良伴呀!蠔 同 烏冬我打邊邊總會叫的喲黃金響鈴都係即炸架, 熱脆脆 即食即食!!!都係要同朋友分享嘅 item 黎啊~牛肉控 心心眼本地牛頸脊限定東東 質量好好香軟牛味濃我都忍唔住一片接一片不知不覺 乖乖食多咗菜雞湯烏冬 hehe 香甜彈牙, 我自己食曬一客... 

雖然到左夏天，不過我呢個大滾友，對打邊爐仍然情有獨鍾，冬天有次想食既北角滾得囍，今次同朋友1 行4 人終於有機會食到！滾得囍位置幾方便，北角地鐵站行出嚟唔駛3 分鐘就到！坐底已經有小食同調味料放定喺度，好多餐廳都忽略左小食呢環，可以俾客人一路點餐，一路食住小食同調味！ 可以睇得出餐廳既細心！而且小食除左花生之外仲有開胃既酸菜，青瓜等選擇，細心程度值得一讚！落單紙選擇都幾多，生既熟既都有提供，各式湯底都幾多，超過十種以上！樣樣都好吸引，真係唔知揀咩好！我哋等食物既時間，叫左杯洛神花茶嚟飲，酸酸甜甜，幾清新，幾開胃！我哋叫既康熙花膠雞湯鍋好快就送到嚟！ 非常足料，d花膠足足擺滿一碟！先加花膠入湯鍋，同埋d雞湯一齊食，花膠既滑漏味加上雞湯鮮甜，相映成趣！食晒花膠後，會加入雞件！食緊雞湯鍋既時候，黃金系列黃金魚皮同黃金響鈴率先到場！香濃既咸蛋味久久不散，滿滿黏附在響鈴同魚皮上，兩款美食都做得香脆，不過食多兩件會覺得漏！ 我哋都覺得直接食好過滾湯！ 另一美食係黑松露墨魚滑，黑松露味濃，完完全全滲入了墨魚滑當中，墨魚滑亦非常彈牙！我哋當晚仲叫左好多唔同既配料，牛脷同各式餃類都係出色之作，牛脷更係令

尋晚同朋友去左打邊爐，呢度真係好有宮廷式既裝修，一入門口經已氣派十足接左旨（餐單）之後我地要左職員同我地推介既花膠雞湯鍋（半隻）$288，決定先飲啖湯，食下花膠再order其他火鍋料雞湯好快上到，職員仲會主動咁幫我地剪花膠放入雞湯過左無耐就飲得啦，當然要食埋花膠同滑滑既雞件啦飲完湯之後，我地都order左好幾火鍋料朋友嗜牛，所以我地要左一份手切牛頸脊$398同半熟牛舌$58牛頸脊肉質嫩而不韌，牛味亦濃！而個半熟牛舌就更有驚喜，又香又嫩，我同朋友都一致讚好之後我地仲要左一份手打丸拼盤$108同蟹皇餃$78手打丸粒粒彈牙，拼盤更加可以試均咁多款口味，岩曬我呢啲成日都心大心細咩都想試既麻煩友-而蟹皇餃都係另一亮點，每粒都非常飽滿！！包入大量蟹肉同蟹皇蟹粉，食落相當鮮味，值得一試呢到既飲品都幾抵飲，$38就有一壼竹庶茅根，仲要好足料添飲落清清甜甜，食住火鍋飲住佢都幾解渇，感覺仲無咁熱氣添茶芥$28位包埋甜品，所以我地最後仲有木瓜雪耳糖水食，食完火鍋有個滋潤糖水潤返下，感覺特别正-順帶一提，呢度既職員都好友善，服務態度良好，唔會只得氣派裝潢，令人真係感受到宮廷既享受---------------

本宮今日出巡，話要食好野，男友就話要帶我食返宮廷食嘅野。果然係宮廷料理，除咗裝修中式、古雅之外，每張枱都放咗一卷聖旨。一打開…嘩! 乾隆、順治、雍正、慈禧…總之好多個朝代嘅統治者名稱都係度，其實係比你選湯底。我地選咗夠晒滋補嘅康熙…花膠雞湯(半隻雞)｡花膠大大件，正呀!以下係我地點咗，而且值得推介嘅：牛舌 - 其實我係唔食牛舌嘅，不過身邊果位食，而且佢仲話好好食，迫我食一片。好啦，我即管試下，又真係唔錯wor﹐牛舌切得好薄片，滾幾滾就食得，爽口鮮味。和牛芝士一口餃 - 和牛有餃子皮包住，所以肉汁鎖住係餃入面，一口食到，牛肉味滿瀉。黑松露墨魚滑 - 墨魚滑彈牙，真材實料，加上我至愛嘅黑松露，食落啖啖菇香。黄金響鈴 - 邪惡之物也~ 我認我敵唔過魔鬼。即炸嘅響鈴，淋上半溶的咸蛋黄蓉，究竟係咩人發明㗎? 咸香鬆脆有層次! 請注意! 請注意! l絕對係必食之選!咸蛋黄炸魚皮 - 相比邪惡之物，呢個都係緊次於佢，都係新鮮炸魚皮，而且好大塊㗎!蟶子皇4隻 - 大大大! 非常大隻，而且出場都好有氣勢，果然係皇，仲好鮮甜添。本宮對呢次出巡好滿意!

早早已聽聞過滾得囍既火鍋有特色，於是今晚約埋三五知己一於黎試下一出地鐵站左轉行一分鐘就到一入到餐廳，宮廷氣氛濃厚，富麗堂皇，睇得出餐廳花咗好多心思係裝修上。座位之間會有屏風格住，保持一定嘅私隱度。而且桌椅都很古典優雅，猶如置身宮廷一樣來到座位，最搶眼的就是桌面上金燦燦既「聖旨」，原來係菜單之一餐廳有小炒、火鍋、小食，款式繁多，應有盡有。湯底我哋叫咗花膠雞湯（半隻雞）店員建議我哋先飲咗湯，差不多飲到一半才加清湯打邊爐。雞湯鮮甜，加埋厚身通透既花膠落去煲，重重嘅骨膠原飲到個口黏黏的，可想言之個湯幾多膠質而且花膠份量十足！細心嘅店員將花膠剪成小塊方便進食真係滋補又養顏小食我地叫左招牌既黃金系列，有睇我之前食評嘅朋友都知我係鹹蛋迷所以兩樣都叫晒。黃金炸魚皮（上）熱辣辣新鮮炸好嘅大魚皮黏滿鹹蛋黃，見到已經垂涎三尺🤤咬落脆卜卜，甘香嘅鹹蛋味同魚皮真係好夾，食多兩塊真係會食上癮，而且佐酒一流黃金響鈴（下）響鈴即叫即炸，層層鬆化，極之香脆索哂濃郁既鹹蛋黃，鹹蛋迷一定鍾意！十分推介半熟牛脷，薄切所以滾兩下就食得，好軟腍而且帶有牛脷既酥香味推介之一。蟶子皇(時價)當天$50/隻，上碟賣相好精緻，插滿艶花蟶

今次朋友帶我黎到北角的滾得囍打邊爐。心諗熱辣辣打咩鬼邊爐，不過叫朋友咁用心推介下就試下啦。餐廳位於北角A出口行2分鐘到就到，位於一個小小的商場內，都幾易塭。餐廳由門口到內部裝修，到打邊爐的鍋，都非常精緻。係眾多的特色湯底中，我們揀左個好滋補的康熙花膠雞湯鍋。大家仲可以揀半隻雞連花膠($288)或者一隻雞($388)。同其他火鍋店唔同，職員會係食客面前剪開D花膠並放入雞湯內煲，另外會將7成熟的切雞另上，等食客食的時候先自己放入湯入面，以免雞肉因煮得太耐而變得嚡口。當雞湯滾起，大家可先品嘗花膠雞湯，飲夠之後就可以落切雞。湯非常香濃，唔會過咸。花膠的份量非常多，非常好食。另外，切雞的肉都好厚，而且唔會太肥，加落個湯到，湯的味道更濃郁更香，我們所有人一致大讚！我們叫左一客蟹皇餃，皮唔會過厚，而且蟹味都好出，唔錯唔錯。隨著大家對黑松露的追求，好多火鍋店都係墨魚滑加入惹味的黑松露，但唔係每間都做到夠香。追求濃味的我，都幾滿意呢份墨魚滑的味道，加上超彈牙的口感，我真係食左好多。愈來愈多火鍋店會自家炸響鈴，職員放下菜式都有介紹呢份響鈴係岩岩炸起，除左可以浸一浸湯底食，仲可以就咁食。食落非常鬆脆，而且非

如果想要一嚐做宮廷大人物的體驗，推薦來這間試試。進店就可以見到大大張的龍椅，可以坐上去拍照，影完後可上傳影完後可上傳 hashtags餐廳就可以即時列印相片。店內裝潢古典豪氣，座位舒服。店內的小擺件到餐具都很有特色。點了一個花膠雞鍋底，花膠好厚身，職員會先幫忙接好放到雞湯內烹煮，而雞件本身已是熟，可放到鍋內略加熱就進食，確保夠嫩滑。瑤柱乾貝滑，口感很彈，份量超多。試了手切飛驒和牛!這個口感超一流，可生吃或熟吃，生吃時口感爽滑，熟食時入口即化，超讚!!而且上枱時用乾冰伴碟，營造出仙氣效果。海鮮拼盤實在太太太多款式!有蝦、有帶子、有蟶子、有鮑魚、有蜆....每款都超大隻!令人震驚XD飲品點了茶和可樂。最後吃得超飽的時候，竟然有糖水送!!下次一定要留肚吃糖水，因為糖水真的很清甜滋潤好味道~

我相信大熱天時會較少人食火鍋，當然一去就要去一間值得去嘅試試滾得喜，淨係入門口就見到裡面全部木製中國特式傢俬、好似時光倒流、回到宮廷時代、其實已經好睇得下、當然要入埋去試試係未睇得又食得。坐落就見到兩道聖旨同四碟前菜其實一張係介紹頂級煱底另一張先保介紹普通火鍋配料、另外附上四款配料、花款不多、這反而食到真味我地先叫左一個小辣順治トト蜆鐵個鍋雕刻花紋好靚好細，啲蜆既大粒又新鮮更重要保個湯底非常鮮味，飲落更混入少少海水咇但絕對清甜可口。一開始先食這裡非食不可嘅滾手切牛肉宮延拼盤乾冰鎮上牛肉脂肪分佈平均分用紋理清楚可見只要拖幾次水、一見變色就立即夾起、不要全熟便可食到髱軟卻有質感嘅牛肉香味牛肉粒較厚身可能要沉耐少少、裡面留有少少血水也可以食到富有肉汁味嘅牛粒、另一道乾冰鎮上係清酒鮮牛肉、同樣脂肪比例剛剛好、澄現網狀紋理、伴上清酒嘅清純簡直絕配同樣拖一拖水不要全熟食落鬆化同時也食出淡淡酒香絕不嗆喉、小提議、如果食有酒混和的食物、最好先食、不要等湯料變濃才食、咁就不會因湯料過濃而蓋過原本酒味。第三味就係花雕雞件、用花雕酒雞肉經花雕酒浸後肉色晶瑩、更見幼滑、雞肉當然全熟、我地將碟上所有花雕油一並倒

聽朋友介紹，北角有得食宮廷火鍋，今日黎一探究竟。一出地鐵轉左直行2分鐘就到。原來是宮廷風裝修，好似穿越時空回到古代，都幾新奇。一坐低，餐牌係聖旨黎架，好得意。擺盤各樣都精緻，令人心情大好。menu幾豐富，湯底啲名都好得意，全部係朝代名。有大廚推介手打丸同靓牛肉。揀左【同治天麻川芎藥膳魚頭鍋】藥膳味勁大，可知下足料。魚頭都大件同多肉。個湯係幾鮮甜，鍾意藥膳嘅朋友不要錯過。【滾得囍宮廷拼盤】墨魚丸，芝士牛丸，菠菜丸，香菇蝦丸，一次過品嚐。手打丸彈牙，肉質新鮮，個芝士牛丸入面真係包左一片芝士，色彩繽紛，幾有特色。又加左一份【瑤柱干貝滑】，其實係墨魚滑上面加左小小瑤柱粒，同之前嘅手打丸小小重覆，不過都好食嘅，墨魚滑好滑好彈牙，肉質緊實，不錯。【桂花蚌】脆脆地，爽口，份量足，夠新鮮，又唔太大海鮮嘅腥味。全家福【竹笙】由細到大都好鍾意食，但食藥膳鍋就冇乜竹笙味了，但竹笙係爽口嘅，不過份量不多。【黃金魚皮】好好味呀！係超好味呀！即炸，熱辣辣，魚皮好脆，均勻包住一層鹹蛋黃，鹹香誘人，雖然好邪惡，但一食就停唔到！好食過勁多人排隊買新加坡個隻呀！重頭戲【手切澳洲M8和牛】堅係靓牛，肥膏分佈極均勻，肥瘦相間

突然想打邊爐去北角其實有好多好選擇，呢一間滾得囍亦都係我其中一間心水店。入到去已經覺得好唔同，燈光好昏暗，適合一班朋友一路打邊爐一路傾計。喺調味料方面可以自由配搭出上面有四款，可以隨時加既配料，包括蒜蓉、香蔥、芫荽、辣椒。全部都係我自愛，當然要落到成個碟都滿滿的！我叫左呢一度差唔多係最貴嘅牛肉，日本飛彈牛，喺日本好出名㗎，店員好細心同我地講呢款牛肉可以用sashimi 形式食，不過如果你哋鍾意，都可以點落去湯底裏面煮滾嚟食。我食咗幾塊點落啲醬油黎食，入口感覺好鬆軟，而且入口即溶，感覺非常難忘。另外最記得個海鮮拼盤，海鮮拼盤裏面有好多唔同嘅海鮮，非常多元化，包括兩隻鮑魚、四隻大蝦，而且仲有蟶子同桂花蚌等等。隻大蝦雖然已經插上竹籤但佢仍然有強勁的生命力，還在冰塊上掙扎，真的很新鮮。鮑魚好大粒雖然入口有點硬身，但總體來說，拼盤性價比非常高。呢度除咗打邊爐之外，仲有小炒，我哋叫咗呢一度寫住廚師推介嘅兩個餸，包括係蜜桃炒咕嚕肉同埋安格斯牛柳粒。蜜桃咕嚕肉真係炒得好香呀！佢有用到好多三色椒，同埋菠蘿用嘅醬汁亦唔多，能夠保持餸菜嘅原汁原味。另外安格斯牛柳粒更加唔使講，配上炒過嘅蒜蓉，牛味出晒嚟，同蒜

今日同屋企人去咗北角，已經覺得有少少唔同左，附近開始起晒高樓大廈，聽講仲有啲單位係四萬蚊一呎。我哋去咗北角地鐵站附近一個商場，裏邊有一間食火鍋小炒嘅餐廳。一入到去我已經覺得佢嘅格調好高檔，每一班打邊爐嘅人都有卡位坐，我哋四個人錯左係一個屏風旁邊，有一張點嘢食嘅菜單我哋開始慢慢揀款式都幾多前後有兩頁，仲好大張，仲有份聖旨添。我哋面前仲有幾份配料，包括青瓜酸菜、花生同埋腐皮條。全部酸酸辣辣，調一調味，零舍開胃，好少何現在打邊爐前可以食到呢啲前菜。朋友忍唔住已經叫咗支啤酒，都好夠冰凍。之後我哋個火鍋叫咗椰子雞鍋，呢度嘅椰子雞同其他店的好唔同，首先淨係個賣相已經夠晒吸引，裏面啲椰子肉批成一條條，堆成一個塔咁樣，而且仲有椰青原隻上，啲椰汁倒晒落去夠晒清甜，忍唔住飲咗幾啖剩返低嘅椰汁，好清涼呢。我哋仲叫咗好多唔同形式唔款式的配料，有烏冬、唔同餡料嘅水餃、海鮮拼盤同埋呢度比較有特色嘅鹹蛋炸響鈴。全部都好好食呀，尤其個炸響鈴好大件！但係放入水裏便唔夠4秒鐘，就已經可以食得啦。金黃色嘅外表，配上一粒粒的鹹蛋黃醉，增加口感，浸入清涼嘅椰子水，好特別呢。