滾得囍宮廷火鍋小炒 (已改名) 查看

吃過了那麼多的火鍋，還未看過有一家火鍋店有龍椅在門口！超搶眼的黃金色超大龍椅，加上聖旨，完完全全就是有給皇上用膳氣勢的火鍋店～每桌上的聖旨都刻著一個超貴的火鍋湯底：秦始皇鰵肚花膠湯底，盛惠$3888，還要事先預訂，真的有人會點這個湯底嗎？我們就只點了一個普通的慈𥛶酒香麻油雞湯底，因為我來之前已做過資料搜集，場面好壯觀！欣賞完真《火》鍋之後，就是等雞肉煮熟了，這裡的爐火力很猛，飛快地就煮熟了雞肉。趁著第一輪吃的雞肉是超嫩滑，馬上關小火先把雞吃掉，這時的雞湯是超清而且帶點花鵰的甜，完全沒有濃郁的鮮（味精）味。點了手打丸拼盤，最惹味的必定是黑松露蝦丸！鮮味十足～然後帶子墨魚丸是真的釀入了一顆帶子，味道口感真的不得了！餃子拼盤皮厚度適中，不算太薄所以可以煮多一會也不散，最搶眼的必然是黑松露野菌餃，然後就是黃金沙葛，那爽脆的沙葛跟又濃郁的蛋黃香好配！韮菜跟豆苗餃特色在於菜的份量既足又出味，不會只吃到肉碎，很好吃～菜拼盤新鮮份量大，不過$68！性價比很高壓軸出場的是今日主角，黃金雙拼：魚皮+響玲不得了，新鮮炸起出爐，香脆濃郁，不下鍋咯咯聲的吃起來，隔離枱都聽得到！温馨提示：不用加熱就可以吃，是最好

一行到門口已經見到店面裝潢充滿中國宮廷風入到去更播著周杰倫的青花瓷 很配合喔 一坐底店員就奉上小菜共四款旁邊有四格的配料和鼓油大家可以自行調製喜歡的鼓油味道 陣間打邊爐用桌上有一道聖旨 很搞笑打開入面是有內容的 講下湯底點製出黎很多唔同的打邊爐材料簡點了吳三桂冬瓜瑤柱脯鍋一上檯個鍋好有氣勢充滿中國特色上面仲出晒煙 係乾冰效果一打開鍋不禁大叫好靚很精緻的火鍋店員會即場幫手切開個冬瓜打邊爐一定唔少得食響鈴呢度既響鈴係即叫即炸 完全唔洗擔心個響鈴唔脆一上檯已經聞到響鈴的香味黑松露墨魚滑果然不負眾望 一入口就食到濃濃的黑松露味 很香 又夠彈牙 好正牛柏葉很大碟很抵食而菜苗帶子餃 一食入口就知係手工製的粒粒都好大粒 個餡有彈性 配上菜苗好配合沒有肉的餃子多食幾粒都唔覺膩日本蟹柳半熟牛肋片口感食硬硬的 牛味香濃 清酒鮮牛肉 店員會在你面前把清酒淋上牛肉的上面一睇牛肉的顏色就知好新鮮入口好重牛肉味 肥瘦比例好合適 多食幾件都得牛筋好大條 好粗 喜歡牛筋的朋友要一試

宮庭式火鍋？聽落好吸引，即管去試一試。身為九龍人，真係好少專登過海去食嘢。喺門口已經有一張金光閃閃嘅皇帝椅，小姐衝左上去坐要影相。用聖旨做餐牌好搞笑。😂 打邊爐除咗肥牛最緊要就係湯底，我哋叫咗非常滋潤養顏嘅花膠雞湯，材料非常豐富，鍋裏面有滿滿嘅花膠以及全隻鮮雞，首先飲湯之後先至開始打邊爐。😍😍😍 花膠亦都唔係便宜嘅貨色，非常黏口，正！ 火鍋料亦都有好多嘅選擇，想推介一下手打芝心墨魚丸，並非一般街外貨啊，絕對係手打貨，好好食。💕 象拔蚌全條$688新鮮爽脆抵食！ 山長水遠過海嚟食打邊爐好彩冇令我失望！😆

本人乃是火鍋控，每日食都唔厭。宗旨係食勻全港九所有火鍋店。今日去咗北角試呢一個宮廷式火鍋，試吓做皇上嘅感覺，睇下有幾豪。首先來一窩酸菜魚鍋，湯底來講、非常非常足料，全條桂花魚係窩入邊，桂花魚魚肉嫩滑鮮甜，湯底唔算好辣，拎黎打邊爐啱啱好。食火鍋當然必叫肥牛，我叫咗本地手切牛頸脊同埋美國雪花肥牛，我比較喜歡本地牛頸脊，非常新鮮、有牛味有咬口，一百分！要豪一豪宮廷火鍋當然要叫海鮮，我揀左全條象拔蚌同埋鮑魚。全條象拔蚌只係$688 ，非常抵食。 爽口、鮮甜！ 呢一間火鍋絕對需要encore！

今日嚟到位於北角以宮廷環境作為藍本裝修嘅火鍋小炒餐廳。店員一開始會比四款前菜同埋四款簡單嘅火鍋配料。宮廷醬芥每位$28每台都會擺放一卷聖旨！聖旨內就係介紹秦始皇鰵肚花膠雞湯底 $3888 主打13種好有特色嘅湯底，5款辣湯底。最後我哋就選咗慈禧藥膳麻油雞湯底$218（半隻)滾得囍 宮廷手打丸拼盤（10粒）$128每款2粒顏色鮮豔分明！手打珍珠帶子墨魚丸、手打菠菜豬肉丸、手打黑松露野菌鮮蝦丸、手打鯪魚丸。滾得囍餃子拼盤10粒 $108和牛芝士一口餃、新鮮菜苗帶子餃、黑松露野菌餃、黃金沙葛餃。最吸引濃味之選梗係和牛芝士同埋黑松露野菌啦～黑松露墨魚滑$88質地非常彈牙，黑松露嘅香氣都好濃郁。本地手切牛頸脊$398限量 （大概20塊左右）色澤鮮明有光澤！店內有提供五至六款不同產地嘅靚牛，但比較傾向本地牛頸脊，肉味較濃，相對油脂感無咁重。芝士牛肉丸芝士非常澎湃，而帶子墨魚丸真係有成粒珍珠帶子喺裏面，爽！打邊爐又點少得薯粉 $28薯粉吸收晒濃郁麻油雞湯嘅精華，超滿足。食之前梗係影返張大合照，仲有娃娃菜同埋鴨血份量都好多走之前想體驗一下龍椅，餐廳仲有提供免費留影。

秋風起最適合就係打邊爐，前排經過滾得囍已經很想試下，昨晚終於有時間，就一於入去食好西。 這間火鍋店裝修得好像返到古代宮廷，充滿著皇室的氣派！ 一入到去枱面上已經擺放了一份聖旨，當然要立即接旨啦！ 原來入面是介紹一些湯底， 真係好特別又有趣。 還有枱面上已經為我們準備好火鍋的調味料，放上蔥，蒜蓉，辣椒，香菜，豉油， 更有四小碟小吃，有萵筍絲，酸菜，涼拌青瓜，花生。湯底亦都很多選擇，今次我們選了順治特色卜卜蜆鍋$168， 鹿兒島日本黑豚肉$98， 日本廣島蠔$88，滾得囍宮廷手打丸拼盤$128，油麥菜$28，和牛芝士一口餃$88，羊肉片$68，宮廷醬芥$56， 梳打水$18，細支裝藍妹$28。順治特色卜卜蜆鍋 ~ 一上枱的時候個賣相已經相當吸引， 我哋點了少少辣， 可以帶出蜆肉的鮮味。 蜆肉的份量亦都相當多， 仲要每粒都又甜又大隻， 完全無沙！ 食落鮮甜又好味， 仲有白蘿蔔做配料， 蘿蔔吸曬湯入面的鮮味入口更正！ 這一個鍋，很抵吃！鹿兒島日本黑豚肉 ~ 非常新鮮，肉質嫩滑肥瘦適中， 完全不油膩。日本廣島蠔 ~ 大大隻脹卜卜的， 煮熟之後沒有縮水， 入口鮮甜好味。羊肉片 ~ 每次打邊爐必定叫

今晚諗住同女友食好啲，上網見到呢間以宮廷做主題嘅火鍋，係香港比較少有。被安排入座於較邊的位置，比較有私人空間。一坐低就卷聖旨係度聖旨內介紹秦始皇鰵肚花膠雞湯底$3888有最簡潔調味料具有特色嘅湯底共13種。我地選左慈禧藥膳麻油雞湯底。一開始放低碟麻油雞，店員就提示我地會點火，有需要可拍照留念。燒完後麻油香氣飄曬上黎。之後就加番雞湯將雞煮熟。滾得囍餃子拼盤(十粒)和牛芝士一口餃， 新鮮菜苗帶子餃， 韭菜豬肉餃， 黑松露野菌餃， 黃金沙葛餃。每款兩隻。大推和牛芝士同黑松露野菌！滾得囍宮廷拼盤(十粒)手打珍珠帶子墨魚丸， 手打波菜豬肉丸， 手打芝心牛肉丸， 手打黑松露野菌鮮蝦丸， 手打鯪魚丸。大推芝心牛肉，黑松露鮮蝦。黑松露墨魚滑：黑松露味勁香濃,粒粒花枝彈牙有咬口。秘製川式蒜泥白肉擺盤精美，外層白肉包住清爽青蔥，口感豐富，不過唔食得辣要注意。本地牛頸脊(限定)勁稔，超濃牛肉味！淥10幾秒就食得。來一個大合照先。芝心牛肉丸d 芝士真係流心得好誇張。食得飽飽，女友滿意！滿足的一晚。

叫咗芫荽皮蛋豆腐馬蹄鍋，個湯底好多料。落咗好多芫荽、皮蛋，好夠未。食到一半加嘅係湯，唔係水。另外，響鈴超好味，同平時食嘅響鈴唔一樣，呢個加咗咸蛋黃，好香，好好味。不過用餐時間有啲短，食得好趕。訂7點，要8:45還枱。

今年去到12月都未算好凍，但啲火鍋癮已經出哂嚟，呢間位於北角嘅火鍋店以養生宮廷爲主，連裝潢都仿照宮廷格局人齊後選了一個宮廷器皿嘅鍋底，個名都好特別叫做吳三柱消暑冬瓜瑤柱鍋，一上檯就有乾冰噴煙效果，入面冬瓜好鮮嫩仲有元貝瑤柱喺面上，湯頭都好消好鮮甜手切頂級安格斯牛肉都唔錯，鮮紅帶嫩雪花油脂分佈均勻，都算重牛味又夠嫩滑大家想食花雕雞，緊係要點嚟試試佢，雞件入哂酒味，放湯都令湯身有酒香，而雞件都算幾嫩滑最愛食蠔嘅我點咗份廣島蠔，蠔味都幾出又濃，每隻都好飽滿㗎手打丸拼盤有齊牛滑、墨丸滑、魚滑、蝦滑及菜滑，好鮮豔色彩，加上手打好新鮮，爽口彈牙嫩滑口感都有桂花蚌打邊爐真係好鮮味，爽口又美味鮮淮山都係爽口粉嫩，近年我好鍾意食來當蔬菜羊肉片不過不失，如果份量多少少就好

喺北角嘅呢間火鍋店主打宮廷感覺嘅火鍋，入面裝修都有古時味道，坐下先叫咗個冬瓜瑤柱鍋，個鍋好靚，啲料都幾足手切牛好鮮嫩油脂都幾平均，見到有2隻肉質各有口感，但入口嫩滑牛味適中，配個湯底都幾夾花雕雞件酒味都濃香，雞件滑身都幾好肉廣島蠔蠔味好濃郁啊，唔會縮哂水都幾大隻手打丸拼盤五顏六色有幾種味道，牛丸跟墨丸爽口彈牙，魚滑滑身幾鮮味魚腐都唔錯，好新鮮又大件，吸哂啲濃湯好好味最後仲會有雪耳糖水送啊，秋冬天潤下都幾好

一直以為要吃宮廷菜一定要返內地先可以吃到，經過馬寶道畀宮廷火鍋小炒嘅字眼吸引。去到餐廳先見到門口張龍椅，餐廳內的裝潢設計都係中式古代宮廷風，連啲枱、櫈、屏風同餐具都盡量模仿古代宮廷，當然除咗個電子爐。🤣坐低後見到有一道聖旨放係台面，女友看完以後說笑，聖旨果然不能亂接😂😂 其實也沒什麼，就是一道適合多人吃的菜而已😂 接著我們就先揀咗個卜卜蜆火鍋，再跟住點其他配菜。因為我哋得兩個人，所以淨係叫咗六樣配料。其實有好多都好吸引好想試，例如個肉丸拼盤同其他肉類，但都唔想眼闊肚窄浪費食物😂最後我哋揀咗手切飛驒和牛、餃子拼盤、羊肉片，當然唔少得我同女友食火鍋必備嘅午餐肉、豆腐同薯仔片。🤤首先講下個主角 - 卜卜蜆鍋，個火鍋一上桌就嚇呆了朕😌 隔離個位嘩埋出聲🤣 我諗坊間真係見唔到亦搵唔到個咁嘅鍋😂😂 外型好喜慶feel又有幾條龍係上面，個鍋仲要係中間又煙通曉出煙個隻，我同愛妃呆完即刻拎起電話係咁影相，職員又好有耐性等我地影完相再開蓋畀我哋開餐😂😂 個鍋真心抵食，入面有好多蜆，啲殻係多到裝垃圾嘅大兜都裝唔曬，我地每人都至少食咗三、四碗，重點係啲隻隻都有蜆肉，又甜又夠大隻，仲要無沙。 我同女友都好鍾意

我發現講咗咁多都未講到點解係帝王式享受🙈咁我就唯有犧牲吋我嘅個人空間講吓啦🤷🏻‍♂️佢哋一開始就有題我哋呢個鍋特別易癡底 第得閒就會過嚟問吓冇嘢要幫手 另外佢有一個兜俾我哋裝蜆殼 佢哋會不停咁幫我地玩幫我地倒 🤤令到佢唔會滿晒 又唔會好似第度咁 收左就唔攞翻嚟 要你自己再問佢攞個容器裝垃圾💁🏻‍♂️去到我哋食完嘅時候佢哋5分鐘內有三個Staff輪流過嚟幫我地較細個火📛 你可能會話下點點解第一個Staff唔直接幫我完全熄左佢 xd 但係我覺得個重點係 證明佢地每一個Staff都會keep住留意每一台客人嘅情況 值得一讚！不過咁咪唔兩個人去其實買單都成千蚊咁滯💸💸 其實都唔係話真係咁平🙈 但係有時一班人或者同伴侶慶祝食吓高質嘅打邊爐 其實都係一個享受黎💕🔆(*1)冇錯點解今次會咁特別有備注呢 就係因為比我見到一件事😡 話就話係令你有皇上嘅感覺姐😡 見倒隔離枱有一個肥婆對waiter 呼呼喝喝 另外雖然Menu寫住一句: 但係我都希望大家唔好好似個肥婆咁指着一個Staff大叫我覺得人哋整一個gimmick 出嚟係為咗大家食開心同笑吓 而唔係想比客人挖苦自己➖➖➖➖➖

香港人365日都可以打邊爐，好多餐廳為咗吸納客人都會裝修得好特別，無論食材定菜式都會有佢哋特別嘅地方。朋友之前介紹黎到北角呢間滾得囍，主打嘅係宮廷式裝修，加上特別嘅湯底火鍋配料。位置其實幾隱蔽，喺一個唔係咁起眼嘅商場嘅一樓，上到去大約都坐咗五成人。淨係湯底嘅選擇都超過10款，每款都有佢嘅特色，穩陣起見同埋唔使煩，我哋叫咗最原始嘅芫茜皮蛋豆腐馬蹄鍋 $128個鍋真係好大，入面有差唔多一磚豆腐，加埋超過十粒好爽口嘅馬蹄，成個鍋就係清甜同埋健康。. 本地手切牛頸脊 $398脂肪比例較肥牛少，食落唔係相當腍，因為脂質少，但係仍然好滑，感覺好健康，分量絕對唔少，三四個人用都足夠，加上肉質好新鮮，顏色呈現鮮紅。.新鮮菜苗帶子餃 $78一份有八粒，每粒都相當大，其實每人大概食兩粒都已經有少少飽肚感。裏面除咗肉同埋菜苗，仲有煙煙韌韌嘅帶子粒。呢個餃皮唔係好厚，唔係咁多肥豬肉，感覺係健康嘅。.即炸魚皮 $58  即炸響鈴$48呢兩樣係打邊爐都唔能夠缺少嘅。即叫即炸，出嘅時候仲熱辣辣，金黃香脆。冇諗過呢個咁平嘅價錢真係會有咁多，而我只係得兩個人，享用最後其實唔係好食得曬。呢度嘅環境已經贏咗出面一般嘅火鍋店

裝修擺設: 滾得囍以”宮廷”做主題, 所有食具, 裝修, 擺設都有中國風和古代氣息。枱上好搞笑有一面”聖旨”, 入木三分。一坐低, 侍應先送前菜4小碟同醬油比我地自己調味。 前菜全部都好好食。我地n call左一次 提提你: 每位茶芥+醬油 $20酒香麻油雞湯底: 半隻雞已預先熟左8成, 侍應表演完火焰特效後, 滾起就食得了。 先飲一啖湯, 酒香和麻油係口腔內四溢, 味道鮮甜, 好補身。手切安格斯牛肉片用左冰墊底, 加上乾冰效果, 很有仙氣。牛肉呈鮮紅色, 油脂平均分佈,咬落好正。 手打芝心丸, 每粒蝦丸內釀左芝士, 小心咬開芝士會流出黎。 好正雜菜拼盤, 有土豆片, 蓮藕片, 黑木耳, 椰菜等。全部用料上乘。 烏冬, 吸哂湯底既精華, 又唔會好油。 黃金響鈴, 朋友勁鍾意。 必點餐廳有特色, 用料新鮮講究, 侍應好客。 每人200幾蚊, 好抵食

為左報答家姐多年多被我欺凌既屈辱, 我帶左佢黎呢度慶生。食得靚料就叫個清少少既湯底: 慈禧酒香麻油雞鍋湯底 (半隻)龍頭湯鍋內已經有半隻滑雞, 侍應係你面前加酒同火, 酒精係你面前蒸發, 未食已經好香。 火焰效果好靚好精彩。 再落湯水落去, 個鍋傳熱超快, 等一陣就食得喇。 海鮮拼盤 $398 送細份黃金響鈴超大蝦: 新鮮, 肉質結質鮑魚: 鮮嫩爽口蟶子: 大條有質感帆立貝: 一隻大一隻細, 都好新鮮仲有青口同蜆, 都好肥美鮮炸黃金響鈴: 把蛋黃夾到響鈴內炸, 蛋黃和響鈴融在一起, 好香好脆。 吸收埋雞湯既湯華, 真係好鮮味呀牛栢業: 意想不到既爽口。 材料新鮮, 切工一流, 放落鍋滾起就食得。 安格斯牛 $338手切的很工整, 有兩層食極都有。 油脂呈網狀, 食落有牛既嚼口亦有牛肉香味。 侍應勤快有禮, 家姐同屋企人都好滿意呢餐。