湊湊火鍋‧茶憩 (如心廣場二期)

营业中

休息中

星期日下午4時多到舖頭，到客服台前侍應指示要掃QR code取號，每個客人掃完QR code後又走去前台問時應如何如何.....難為了服務台的侍應，邊要應付不停響的電話，一邊有不停的查詢，另一邊廂舖頭裏邊有十多張吉枱，一直都冇人去清好枱，而客人就喺店面無奈咁樣等，更有很多人都批評為何有吉枱怡武安排客人入座....裏面嘅侍應就喺度行來行去，前台不停叫人執枱.....真係唔明白管理層係如何管理？已經唔係繁忙時間啦！下午4時多足足等左成個鐘，我先至入到去，但係入到去嘅時候發現好多吉枱，竟然冇安排客人入座！心裡真是不是味兒，如果你真係去食你真係要有心理準備你需要嘅時間😎😏

在疫情未期，大家都急不及待想出街吃過好的晚餐，尤其是周末，商場食肆也是人山人海，在openrice發現荃灣有這樣高檔的台式麻辣火鍋，所謂高檔即是並非放題形式和有服務那種。見門口冇乜人等位，於是立刻登記排隊攞位，6:15p.m.登記，最終都要等到 8:15p.m.才能入坐，等位途中，店舖有職員出嚟派小食，很好味的圓形球體金黃色的炸物。餐廳內的座位寬闊空間也很大，因為是火鍋的形式所以冷氣也夠凍，店員也細心講解火鍋湯底和各樣食物的食法和留意的地方，台式火鍋的其中一樣特色就是豆腐和鴨血是免費任添加的。

因即興約同事4個人一齊去食飯，有人提議食湊湊，話打邊爐質素幾好，9點半後仲8折，咁岩星期五晚好難拎位，有朋友仔就7點walkin拎飛，轉個彎入Donki行陣，大概9點入到去食喇！未入去時已經感受到環境比較暗 ，但由於每枱位置疏落，坐得算舒服。叫湯底時有啲可惜，本身想食四川麻辣，但侍應話今日餐廳沒提供，最後轉叫台式麻辣加辣同埋花膠雞兩個湯底另外單點左牛，松板豬，鵝腸，蝦拼盤，蔬菜盤，以及明太子蝦滑整體食物都唔錯，而麻辣湯既鴨血同豆腐又可以無限refill，當日既侍應都好好，雖然睇到好忙，大部份仍然有耐心地服務！值得一讚！最後4個人食左大概1500蚊。

朋友介紹，疫期下第一次出街打邊爐。店舖裝修乾淨。光線剛好，座位唔太嘈又夠獨立。由入座到進餐，服務員都態度好好，由一至兩位服務員專門招呼，不過最後一個驚訝位，係埋單由另一服務員用最流利普通話收你錢，完全冇意識轉廣東話，即使你唔係好知佢講咩，即使你回應係廣東話。。。佢都不由分說，繼續普通話收你嘅信用卡，呢點扣到負分了。。整體食物可以，牛肉味剛好，魚夠晒新鮮，蔬菜併盆夠新鮮，蟹子墨魚滑夠彈牙，食到中段，突然送上一杯迷你益力多味沙冰好清涼，最後梅子果凍清新舒服。不建議打邊爐飲珍珠奶荼，太重奶味，感覺有d膩。

星期三和師奶仔一齊去aeon超市和激安掃貨途經如心廣場，見湊湊火鍋派買一送一珍珠奶茶卷。我們2個即刻無浪費，去買杯主打大紅袍珍珠奶茶，見到原價33元都貴貴地之前我試過火鍋幾好，夠辣。大紅袍珍珠奶茶第1次試，我們分別選了正常味道和少糖味道。先說我個人口味，不夠甜又沒茶味，我懷疑因為買一送一溝淡了感覺……師奶少糖又覺得太甜……我認為它應該設一個更多選擇甜度給我們選。現在感覺就是喜歡甜感到不足，少甜又感到好甜……心目中大紅袍茶應該深色，茶味重些，發現茶味不重。碎冰超多，飲起來啖啖碎冰，買一送一就不要太高要求，好失望。

解🈲‼️去完日本🇯🇵人氣店驚安掃貨之後，路途上見到一間裝修設計相當吸睛嘅台式火鍋🍲，雖然仍然都唔係好敢出去打甂爐，但見到唔係任食放題，而且枱與枱之間都比較遠，應該大可以放心😌。餐廳選用比較高質素嘅食材，保證食得滿足又滿意🤤.🥢湯底 — 「食妝鍋」紅顏花膠雞鍋🍲💬因爲無鴨血，所以改咗呢款湯底，湯頭好濃郁，好重骨膠原，有大量嘅花膠、雞肉、仲有鮑魚、花菇，未開始入主題前飲返兩碗湯先，好和順又暖身，下次可以再翻兜🤤.🥢伊比利亞🇪🇸黑豬肉🐷💬西班牙最高質嘅黑毛豬，肉質嫩滑，夠肉味，幾正🤤.🥢美國🇺🇸特選級牛小排🐮💬肥牛雪花分佈均勻，色澤鮮明，淥一淥就已經食得，夾滑彈牙😌.🥢飛魚籽墨魚滑🦑💬沒想到呢款推薦食品係咁高質，一個橙🍊咁嘅外表，滿佈蟹籽，墨魚打得好棉滑，果然真材實料😌.🥢巴沙魚🐟💬魚柳厚切，放入花膠湯內完全滲肉魚肉之中🤭.🥢牛黃喉🐮💬有一款特別嘅食物，係牛喉嚨嘅軟骨，勁爽口，好好食，相信處理過程亦都好重要🤤

之前已經對哩間裝修緊既新穎台式火鍋虎視眈眈😍 佢除咗提供多款特色湯底及火鍋配料外，仲供應自家調配特色台式手搖飲品，真係好令人心動💓 哩度仲有自助區，俾你自己調配個人獨特火鍋醬料以及附設前菜及水果🤤·湯底我們選擇了菁英鍋，即是龍蝦燕麥鍋🦂 點佢嘅原因絕對係因為肥美既波士頓龍蝦🤩 湯頭質地較為濃稠杰身，味道因加入龍蝦而份外鮮甜，大大隻既龍蝦已經霸氣十足！另外，鴨血及豆腐均是任吃的，真的可以吃個夠😋·火鍋配料方面，肉類及海鮮皆十分新鮮味美🤤 特別推薦牛板腱及牛上腦，牛肉味道十分濃郁，落亦唔會感覺到有渣，很不錯呢👍 蝦控既我叫左個蝦類拼盤🦐 包括大大隻龍蝦及白蝦(因紅蝦售罄)，龍蝦肥美肉質Q彈，白蝦爽口彈牙，十分推薦呢！而飛魚籽墨魚滑亦是必點之選😋 粒粒飛魚籽咬落索索聲，口感一流👍·飲品方面特別推薦大紅袍珍珠奶茶，茶味雖然唔算好濃郁，但勝在珍珠非常Q彈，而且飲品十分大杯🙀😻 兩個人一齊開心share都好足夠！·火鍋中途及結尾，店員會奉上乳酸沙冰及梅子茶果凍，感覺十分圓滿呢~

仙境花中的湊湊鍋今晚大家想食中式邊爐，荃灣如心廣場的湊湊鍋平時經常行過並探頭入內張望，所以今晚決定一試裝修以深沈黑及啡色為主調，門外望入內充滿神秘感，但仍能見到食客隱隱約約在進餐，由此可知私隱度相當高，正合本人心意，光光猛猛反而唔太自然。深色的店風給人神秘莫測的感覺，好像示意我去進一步探究她的神秘面紗，猛然見到店中一顆有霧氣的紅花裝飾，圍繞那陣陣霞氣令人彷如置身仙境。先來一坪玄米茶，麥味香濃，米味香甜，相信是食店的招牌茶，所以他們於餐牌中大大介紹。點了勵志鍋（麻辣）及食妝鍋（花膠鮑魚雞湯），果然係雞湯中食到數隻鮑魚仔，喜出望外。還有安格斯牛小排，肉味油脂相映成趣。巴沙魚件平價好味又營養十足。牛肚是一道盛宴，件數充足驚人，鍾愛牛食者絕對滿意，再來餃子及雞片。最後是香茶果凍，麻辣的口腔放入茶香鮮甜的果凍，散發招牌玄米香味，正如店內的仙境花一樣，讓你的思想，靈魂遊走於意境與現實中，以這香茶果凍結束這仙境火鍋之夜。消費約$980

今晚黎到如心廣場打邊爐, 受疫情影響, 餐廳人流較少, 可以坐得較疏較舒服 自助區有成17種火鍋醬料 (香油、南乳汁、沙茶醬、豆豉牛肉風味醬、珍鮮菌菇醬、鮮味汁、XO 醬、蠔油、秘製醬油、香醋、香辣醬、香菜末、香蔥末、辣椒末、蒜泥、花生碎、白芝麻), 另外仲有前菜、水果 & 白飯台灣貴妃烏龍呢款茶味道甘醇, 消滯一流火鍋湯底喺8 款火鍋湯底中揀左表白鍋, 即係番茄牛膝骨鍋｡ 橙紅色嘅湯底, 用左新鮮番茄、洋蔥及多種蔬菜熬成, 而且仲加入骨膠原豐富嘅牛膝骨, 番茄嘅酸甜味中微微帶有牛膝骨嘅牛羶味, 非常開胃美國特選級牛小排色澤鮮紅, 肉質結實, 微微帶有油筋, 肉味夠濃鴨血豆腐微辣, 就咁食又得, 放落去打邊爐都得, 而且仲係免費無限添加白鱈魚肉呈白色, 無骨, 口感較結實丸類拼盤有齊魚丸、蝦丸 & 貢丸金針菜份量唔少菠菜 夠新鮮夠翠綠, 鐵質豐富, 有益健康粉絲煮 1 秒左右就錨起, 可以保持到有咬口感覺 黃金條酥豬肉絲沾上炸漿, 口感卜卜脆, 而且一 D 都唔油膩冬瓜檸檬 加左珍珠, 味道酸甜, 冬瓜味突出, 開胃又消滯梅子茶凍餐後嘅免費甜點, 茶味嘅果凍帶點微甜, 中間仲有粒梅子

平日我飲開湊湊既珍奶，覺得幾正。不嬲又幾鍾意台式火鍋，試下無妨。環境非常好，暗暗地，裝修帶點古色。店員服務好，有禮貌，帶位解說清晰。叫左鴛鴦湯底，湯底既味道都幾唔錯既。不過唔夠麻辣，只係睇上去水色比較紅。蕃茄牛膝骨真係足料，勁大舊牛膝骨！而佢豆腐鴨血都可以無限 refill 既，我覺得佢個豆腐同鴨血都勁好食！自助區有 d 生果，餐前小菜 & 醬料阿根廷紅蝦 $69 有四隻，擺盤同埋蝦既樣都好正，但實際上唔係呢枝歌仔，佢勁多蝦屎，肉質較梅加拿大松阪肉 $98 兩朵花，份量少，唔抵食，擺盤靚，質肉似豬頸肉，脂香兼帶微微既爽口蔬菜盤 $98 都幾貴，最好食係個紫薯條，超級重既薯味，好粉好正，其他蔬菜就正正常常咁啦蝦滑就好新鮮，有蝦味，幾爽口草莓雪頂 $36 價格 Ok 既，因為都大杯，而且都幾好飲，草莓味好重既沙冰，甜甜地，有 d 似奶昔既味道6:30pm 前埋單有85折，兩個女仔食，埋單$638價格都算幾貴，加上 d 野食無乜大驚喜，所以唔會再黎下一次

好想吃火鍋，終於等到復活節假來臨，有心情來這家人氣爆燈的「湊湊火鍋•茶憩」吃頓晚飯。走高檔路線的台式火鍋，最有心思的除了餐廳裝潢，還有餐牌的文字，為每個湯底都起個名字和解說， 我們點了鴛鴦湯底，一邊是酸菜魚鍋$99，一邊是蕃茄牛骨湯鍋$99，它們各有一個特別名字，分別是回味鍋和表白鍋，頗有玩味的。雖然這裏走高檔路線，消費會高一點，但服務質素和附送的茶飲、甜品都不錯。點完湯底，職員先送來一壺貴妃烏龍茶，茶味非常香，喝得出的靚茶葉。職員也介紹餐廳中間是醬料區和水果區，自助享用白飯等，每位要收$19開爐費，看到醬料區後就知道這個開爐費為何要收，因為醬料有太多選擇，而且用料不錯，其中最特別的是香菇醬和牛肉醬，真的吃到有香菇碎和牛肉乾碎在裏面，味道超香！真的有台式風味！聞說這裏的台式茶飲非常有名，點了一壺熱大紅袍珍珠奶茶和朋友一起分享，選了五分糖， 甜味就剛好，十分的話可能會太甜，珍珠都放在茶杯裏，慢慢的加點大紅袍奶茶，喝著很愜意。大紅袍茶底真的超香，怪不得很多人來這裏外賣台式飲品，朋友不愛喝珍珠奶茶，也覺得這個大紅袍奶茶很香。說說湯底方面，酸菜魚鍋是温柔辣，其實不辣，有少量沙巴魚片，大量酸菜和

佢係位於如心廣場2入面, 呢個廣場人流比較少, 所以對於餐廳黎講係有D不利.鍋底黎講落足料, 味道唔算太濃, 但都唔淡, 適中, 鍋夠大煮野食算係方便,不過就無劉一手個D有個野可以裝住d菜唔散.醬料黎講算正, 都算多, 當中有d特別既醬料, 例如秘制牛肉醬加小小辣油點牛食係唔錯,值得一提係呢到有麻油, 好多女士都喜愛.和牛我今次就無試, 因為和牛通常都唔會差得去邊,所以今次就試和牛部分.牛小排 198$ 價錢最貴既非和牛, 我身為食牛既專家, 覺我呢隻牛有小小貴, 因為靚angus都係呢個價,味道其實比起angus已經弱小小但都濃味, 所以算唔錯, 反而口感差緊d, 因為口感有小小偏硬,質感都有d唔夠滑, 所以感覺上黎講差緊d. 其實我推薦可以試下引入angus既牛睇睇目前打邊爐老實講除左和牛之外, angus係最好食.牛肩胛 118$感覺同牛小排比既話呢隻口感就再硬多小小, 但整體呢到既牛主打係牛味比較重,唔算滑, 二種牛份量都算多, 下面係包住菜, 但服務係真係好好店員有時見到你菜比較大件, 會幫手問你需唔需要切碎佢.蛋餃 (28$)試下咩黎, 比較特色野, 其實係出面係蛋既皮,之

上網睇呢間火鍋店喺國內傳來見到餐廳裝修好靚，而且食物價錢唔貴OpenRice睇咗話服務態度麻麻地本身都唔抱太大希望但係我又覺得幾好，一舉手就有人過嚟而且食到最尾，仲過嚟送咗兩碗麻辣鴨血及豆腐給我們回家慢慢品嚐餐廳有多款醬料及水果自取首先一嚟就揀咗湯底先，一共有七款紅顏花膠雞煲 $198湯底呈金黃色，好濃郁的雞味，感覺好矜貴。湯底很足料，包括有鮑魚、菇類、花膠，愈食湯底會越嚟越濃味。店員首先叫我哋飲咗湯先，湯底好重骨膠原，很黏口日本和牛前胸 $358雪花紋理平均，肉質有光澤及嫩滑，肉味香濃。加拿大松板肉 $98外型非常之討好，肉質脂肪比例比較多，但係食落爽口彈牙。飛魚子墨魚滑$68賣相好靚，店員會主動來幫我哋放入鍋內，蟹籽份量勁多，重好鮮味，但略嫌墨魚滑唔夠彈牙。毛肚 $68估唔到咁大碟，目測有10多塊，每片也是大大片，入口好爽口。最後仲送咗梅子茶凍比我地，一解油膩，入面既脆梅好脆口！正

朋友話呢間好食，禁我就嚟試下佢。我地兩個人大概去到九點半先入座，有全單八折優惠😝 呢間店夠大，每一枱嘅距離都好闊，唔會坐到好有壓迫感，有番自己嘅私人空間。 我地一嚟到就叫左個鴛鴦鍋，一半係勵志鍋一半係回味鍋。然後再叫左啲肉同蔬菜。-回味鍋呢個其實就係酸菜魚鍋，個湯底用左唔同嘅香料同好多酸菜 所以好好味😋。可惜啲魚就非常失色，一嚟啲魚又唔滑二嚟仲要得好少，每人食左兩舊就無曬，真係超級唔抵食。-勵志鍋呢個就係麻辣湯底加鴨血同豆腐。呢個湯底除左有少少麻辣香味之外仲有淡淡嘅藥材味，我個人係非常中意呢個湯底。然後啲豆腐同鴨血一係不得之了，吸曬湯底嘅精華，超嘢味😋 仲有就係呢度啲鴨血同豆腐係可以無限refill。👍🏻👍🏻👍🏻-鴨腸爽脆-羊肉呢間啲羊肉比其他火鍋店嘅羊肉更加蘇，非常推廌俾中意食羊嘅朋友。👍🏻-時菜拼盤呢個拼盤一嚟到真係嘩左一聲，因為成個擺放都好靚同好大盤。啲蔬菜全部都好新鮮👍🏻但過咗一陣我就有啲後悔因為實在太大盤😂兩個人根本食唔曬，唯有每款蔬菜都試啲🤦🏻‍♂️總結，成間店啲食物同服務都做得好好，值得一試👍🏻

好爽既辣湯底喜歡打邊勞，又喜歡食辣，呢期早食有折，餐廳防疫做得足，入咗錢唔會量度體溫，比搓手液消毒，同埋餐廳地方大，每張枱都隔足一定嘅距離。一嚟到梗係先叫個辣湯底，勵志鍋好紅既湯，望見都辣到流晒口水，其實飲落吾會好辣，因為有紅棗、蜜棗、菇類做料，養生感覺重。叫左吾同既肉食，牛板腱，松阪豬肉，烏雞卷，巴沙魚，帶子，菌菇海鮮滑，和牛牛肉粒～其中最鐘意食既係和牛牛肉粒同松阪豬肉！和牛牛肉粒有12粒骰仔size既牛粒，好快碌熟，同埋好juicy牛咪，真係和牛粒，有粒碌耐左都吾會un。松阪豬肉上碟擺設靚，卷成一朵大花，粉紅厚肉，碌完黎食仲好口感，啖啖肉。鴨血&豆腐無限添加士多啤梨沙冰&梅子果凍