湊湊火鍋‧茶憩 (如心廣場二期)

营业中

休息中

荃灣如心廣場裝修左之後超級熱鬧，仲開左鼎鼎大名的湊湊火鍋！之前特地去深圳食過，抵食又好食，食完超級飽又滿足^_^朋友有買一送一的奶茶coupon，於是買左兩大杯大紅袍珍珠奶茶🥤回家飲！叫左少甜都係甜架😗 不過茶味都幾出，我好少飲大紅袍茶茶底，都幾鍾意❤️奶味都重架，所以飲幾淡都有少少飽，由於呢個係我既brunch，我由起身都無食過野勁肚餓，所以剛剛好🤩佢啲珍珠細細粒咁都好鬼正，煙煙韌韌，甜甜地不過食唔出咩味⋯

今日，諗住同朋友行下海之戀既donki之後5點半就去左湊湊拎位，因為知道呢度會好多人等位！門口好靚，有水池裝飾，噴住仙氣，仿似古色古香，打卡able大約等到7點左右就入得加左錢要埋自助醬料，醬料區有好多西瓜火鍋叫左鴛鴦鍋：勵志鍋（麻辣+鴨血任添）/食妝鍋（花膠雞湯）叫左好多野食，但環境太暗，影唔清楚呢個位太凍，我問左店員，佢比左張新既毛氈比我巴沙魚⬆️聖子同蟹子墨魚滑都唔錯個巴沙魚同埋黑毛豬係比較推薦，魚好滑同新鮮，黑毛豬比牛更好食唔少得海量蔬茶呢個海鮮棒棒係最伏最敗筆既野食，同墨魚滑係一樣味但更貴，而且好濟奉送甜品同益力多冰沙作結，不過中間我朋友叫左第二杯檸檬茶，我地吹左3次，佢留左單，令我地感覺上呢到店員服務參次，最後埋單先嚟杯檸檬茶，我地無要到。係食到極度口渴...可想而知個味精係好嚴重，同埋係唔推薦食花膠雞湯底，超咸，完全無花膠雞味感覺上係內地火鍋而且食左好貴既價錢，需要改善！

真係食到一肚火。其實貴唔係問題，但唔該比d似樣的食物上枱，我保證就算酒樓百幾蚊任食打邊爐的質素佢都無。湯底， 台式麻辣鍋，珍鮮菌菇鍋。台式麻辣鍋，完全無麻無香。得辣，死咸，有d失敗。珍鮮菌菇鍋，都係醬料溝出黎，味精湯咁囉。叫左9樣野：1：湊湊精選肥牛，算係正常幾好味，全日最正常食物。2：墨魚仔，急凍貨，完全無味有陣雪味。3：飛魚子墨魚滑，有陣唔知似咩的人做香料味，好奇怪，食唔到食材的味。4：智利白鱈，好腥仲係霉的。5：白蝦，肉好霉，唔新鮮，熟左蝦肉痴殼，懷疑擺左勁耐。6：烏雞肉卷，係瘦同無肥膏但有陣怪味。7： 油麥菜，正常8： 日本讚岐半生烏冬，不過不失，但較敢身。9： 大紅袍珍珠奶茶，有勁香奶味但where is茶味，茶底好弱。服務方面：食到成碟蝦殼，全程無換過一次碟，加水亦是無主動，如果係主打較高價打邊爐，可以主動少少。埋哂單準備走先掉2個甜品過黎，仲要幾難食下，仲有地下好油好跣。85折後，埋單810，2位吃的。呢間湊湊的食物水準比酒樓百幾蚊任食的還低，霉的蝦霉的魚真係請都唔想再去。隔離牛氣就算食最貴果個放題餐都平過佢，同埋唔駛食d咁的野食到一肚火，無下次！

行過呢一間火鍋店好多次之前見成日都有人排隊今日見人少少就衝左入去食揀咗窗口位有日光晒入嚟都幾舒服店員二話不說 很快就奉上一壺烏龍茶仲叮囑我哋3分鐘先好飲～好熱養生嘅我就揀咗 02紅顏花膠雞窩 食妝鍋有花膠，雞肉，雞髀菇，冬菇，鮑魚幅圖就望落好正問一問店員，咁足料？店員話圖片會有少少出入😹等嘅時候我都出咗去拎啲醬料醬料都有好多款式 亦都分咗不同類別都有好多選擇 花多眼亂上菜了！ 呢一個就係個實物圖哈哈，不過要有嘅料都有不過湯就好多 只係料冇咁大份姐海鮮拼盤有龍蝦 同 2種唔同既蝦類另加左牛脊背同飛魚子魚滑湯底都幾好味不過啲花膠 就比較似魚肚豬皮果類沙冰同梅子啫喱都係免費奉送如果食格局嘅話都唔錯裝修好靚 不過啲位就窄咗少少雙腳較長既就坐得無咁舒服

回復堂食第一個午市 人小小去湊湊食個lunch 有點失望😔😔😔😔得杯大紅袍奶茶推介👍👍👍👍👍夠奶味好好飲 酸菜魚麵湯夠酸👍但係其餘配料都好咸隻鹵水蛋係超級咸 台式雞腿飯 得個樣 一樣配料都好咸

湊湊鍋成日都要排隊。因為佢真係會令你一食就上癮。無論火鍋配料。食材。湯底同埋飲品都係非常之高水準服務方面我喺其他評論都見到佢哋啲服務唔係咁好但係今次去我覺得啲人服務態度好好可能因為太多投訴啦😂😂😂極之推介龍蝦湯底因為個湯可以飲埋先再打邊爐仲有半隻龍蝦喺裏面勵志鍋。今次啲鴨血好入味非常好食同埋呢度食嘅鴨血同豆腐都可以無限添加配料吧枱哈密瓜同西瓜都非常之甜👍🏻👍🏻👍🏻👍🏻反而白飯個方面個質感有啲奇怪😂差唔多食完侍應會送上乳酸沙冰同埋梅子茶嘅果凍可以一解火鍋嘅油膩

Book左9:30Pm 3位9:15pm 準時到達等侯突然在等位期間收到通知 10:30Last order 11:00pm要離場 唔緊要 照食 諗住有個半鐘 9:30 員工姐姐開始帶入座 等左10分鐘 叫左3次先有人落單 後尾發現太耐都未到鍋 再點 發現無落單 再等 再發現漏咗單 最後22:05 先終於上咗個鍋👍🏻這到底是老闆請唔夠人問題 定係員工問題 就算幾好味 都唔會有下次啦 ！

叫咗黑毛豬、牛上腦、 蛋餃、蟲草、木耳，諗住食完再叫啲海鮮之類，點知第一輪已經出事！牛肉變咗羊肉，整到成鍋湯都一陣羊騷味，之後，燙任何嘢都係羊肉味！湯味夠麻不夠咸，飲品又淨係得茶類⋯⋯ $700⋯⋯ 服務質素有待改善。

呢間野呢…/ 背景及當日情況 / 平日經過周不時都見到好多人，有一次試過攞飛排隊要等成兩個幾鐘，梗係冇食啦，今次見到冇人排隊，其實都係平日7:00左右嘅時間，唔知係唔係佢嘅臭名已經開始遠播嘅關係，基本上可以直入唔使等位。食過海底撈，知道佢有指定嘅侍應負責邊幾台枱，每次入座都會介紹負責你張枱嘅侍應名俾你聽，呢度冇呢一個安排，所以基本上每次你要叫野，加湯，加菜，埋單，都只能夠長時間無助地舉起小手，希望經過嘅侍應會望你一眼。咁當然總會有人見到，然後由於佢手頭上有其他嘢做緊，又或者佢並唔係安排負責你張枱，就會同你講等等我搵同事幫你，當然你就唯有等落去啦。/ 服務 / 見呢度好多review寫佢哋呢間的服務唔好，我覺得其實一般侍應態度都正常，冇話唔禮貌，但係殷勤就真係稱不上啦，唔好話佢會唔會主動留意你需唔需要加湯或有咩需要，甚至連你舉手叫人都需要等一段時間。/ 漏單問題 / 我哋落單時叫咗冬瓜，冇黎到，舉手搵侍應跟單，當然跟到埋單都冇人過嚟update過我哋，我哋睇單嘅時候發現，佢根本冇落到，但我哋肯定係有叫到的，啊係，佢落單無紙冇iPad，你只係口噏噏同個侍應講，但打邊爐要叫咁多嘢，成枱人想食

好耐冇同撐枱腳，只從多左個成員都冇出過街。今日就出黎試下食好野啦。上網睇過食d咩、今日晏就黎到，見話6點半前埋單85折。叫左個花膠雞鍋！首先我想講，唔係花膠黎囉！（其實係魚肚！係魚肚呀，食雞扎既魚肚）心份面諗係咪圖文不符？魚肚扮花膠。個肚底好傑⋯⋯傑到我好後悔叫左！因為佢扮晒有骨膠原⋯⋯底落左d似薏米咁既野⋯越煮越傑⋯雞係雞粒（粟米肉粒咁）食個鍋最好係d菇 最入味！如果食牛既，更加唔襯！成個鍋完完全全唔值尼個198 既價！ 好伏！叫左蛋餃，應該係成餐最有驚喜既！不過份量得4件⋯⋯真貴！烏雞卷⋯其實咩味都有⋯⋯仲有少少雪味⋯⋯飛魚子滑😥 尼個失望到爆⋯平時食墨魚滑/蝦滑係食佢彈牙⋯尼舊野煮完係淋⋯魚麵咁！叫埋個半生烏冬⋯⋯都係麻麻煮出黎似沾麵咁⋯鹽酥排骨幾好食既 可能食定食尼餐會更加好。有任你食鴨血同豆腐，唔夾個湯 所以冇點食！野飲叫左兩杯，好大杯飲唔晒！服務黎講 係幾好，主動黎幫手整既滑。同員工都有禮貌 ，可能成餐都冇咩客😂。如果問我再唔再食⋯我應該唔會啦⋯ 冇咩野係值得返食

話說7月26日打電話去湊湊鍋訂位，佢話冇得電話訂坐都算，六點鐘放工去左拎位，科技好似好先進咁，要用QR Code，等左半個鐘打黎話有位，叫我六點五十二分要去到，我同老婆說準時六點五十分跑到去，個侍應話未入得都算，我同老婆睇住社交平台企係度等，等左十分鐘，我問個侍應入得未，佢話入面未埋單，唔入得去住，過左十分鐘我都開始燥底，問個侍應重有幾耐入得，佢話埋緊單，我話冇位你又打電話黎話入得，重要搞到我老婆跑到成身汗。於是一等就等左成大半個鐘，由六點五十分等到成七點三十五分先入到去，已經餓到我老婆屎屎下，真心嬲！入到去，點餐叫左花膠湯底、帶子、牛肉、蜆、墨魚滑等等。。。野都未食，就有侍應就放低左杯白色野話叫我地解油膩都算。我同老婆都留意到d侍應，我地食緊野個陣就咁亂擺d野食埋黎，冇禮貌不特止又求求奇奇！一路食一路哄老婆既時候，個侍應重走埋黎話洗唔洗幫我整墨魚滑落去，重要問左我兩次？？？做咩呀而家？趕我走阿？快d食哂d野趕我走呀？牛肉冇牛味，d帶子成138蚊又唔好食，好似純食緊花膠入面既雞湯味咁。本來都諗住叫埋珍珠奶茶飲，食左成800幾蚊都唔知食緊咩，唔會再黎！只此一次！冇性價比可言，去隔離食牛氣

由7:30pm等到差不多9:30pm，其間會有職員不定時取小食或飲品問等候的客人吃不吃湯底叫了麻辣的，鍋內已有鴨血、豆腐及少量菇鴨血及豆腐如有需要可叫職員加給你 （免費的）2個人叫了幾個餸，份量適中 和牛牛肉粒 ： 有很香的牛肉味，不會「鞋」，很軟身，好食牛柏葉 ： 份量很多，但味道普通 沒有特別鵝腸 ： 處理得很乾淨，沒有脂肪痴在鵝腸上，爽口，不錯菇拼盤 ： 份量很多，菇類很新鮮，冬菇特別好味服務員有很多，所有有需要幫忙很快便有職員協助

我真係嬲到第一次花時間寫食評。。。之前去尖沙咀分店覺得幾好食，服務超級好，員工個個都勁nice, 係門口等位會主動比野食同野飲你，賣單前主動話你知佢地鴨血可以免費打包，賣好單就已經拎到比你。之後見到荃灣西呢間分店新啲就諗住黎試下。。。但係呢到既員工圍裙又唔比你，野食又等勁耐先黎，野飲又係食飽追佢先黎！到最後賣單既時候諗住叫定個鴨血 (因為呢到標榜鴨血任食仲可以打包)。但賣完單等左7個字，吹左4次，到最後揾經理先跪求到份鴨血返黎！！！呢到既服務同其他分店完全差天共地，就算呢到環境好啲新啲，我唔會再黎第二次！

首先，荃灣等一間餐廳 星期六預左要等到天荒地老7:00pm去掃QR CODE排隊,我地一大伙人7個 （要等4張枱）中途等了1個小時（還有3張枱），減少一人，由接待處姐姐幫我地修改為6人，該名姐姐話「唔會影響排隊位置」，app上顯示，還有3張枱....想講一離開店面，去行多一陣，發現「還有4張枱」，即是要再等.........先前等了一個鐘先郁了一張枱等到8:50左右，突然又有枱，又要跑返去首先，翻枱快，但櫃桶內乜都冇，只冇幾支牙線紙巾冇、濕紙巾冇點餐用了15分鐘完畢，個鍋都未到等個鍋到左，問了可否加 酸菜魚&鴨血豆腐，服務員都答「可以」，最後叫左加魚，另一店員答「唔可以」**最終朋友第二日中午食，係有得加酸菜魚！！🤷🏻‍♀️上菜不是慢不慢的問題、係要無時無刻催單！！！！肉類全部已食用完畢、奶茶都飲完、第一次個蔬菜盤漏單，我叫取消，店員望望身後個雪櫃，9秒9上左菜比我.....第二次，無得加魚的酸菜魚、我哋自己點魚片，到賣單都來唔到.....催左4次、4個不同店員都上唔到菜，最終賣單時叫「取消」份量少，我諒你鋪租貴、有白飯任裝、有水果任食補返！但個個服務員，不會focus客人所需，而且有部

已經係第四次光顧，之前幾次都係21:30後特價時段黎食，所以都試過一次遇上鴨血/豆腐無得添加嘅情況（店經理解釋話因為未夠入味所以無得添加，最後費事我地唔開心，所係勉為其難咁幫我地添加左一次，但完全唔夠候）所以今次決定唔再等特價時段；由於係星期五晚食，19:00拎飛，二人枱等16張，最後接近21:00入座我地揀左招牌嘅勵志鍋·台式麻辣鍋由於食食下先記起要影相，所以未必影得好好今次非特價時段無再遇上鴨血豆腐無得加；不過由於人手不足、全場爆滿，所以都係要主動告知店員先會加比你肉類本來想試羊，可惜近兩次黎都話無最後都係點左一豬一牛肉類質素好，但份量多多少少更好以呢個份量黎講會略嫌有d貴得幾塊，食唔夠喉原本點左一份蝦滑，都預左係機打，所以唔夠起膠突然忽發其想其實可以再自己搞搞佢打到佢起膠🤣🤣老公覺得唔會work,不過最後都留返半份比我玩下最後係成功打到佢起膠嘅，即刻變得好食左👏🏻👏🏻😋😋所以老公再點左份墨魚滑比我玩不過墨魚滑我估因為佢爆多蟹子嘅關係，所以味道偏甜，我地唔太岩食，最後都無食哂最後要推介嘅係大紅袍珍珠奶茶無諗過餐廳飲品都可以飲到飲品專門店嘅質素同味道👍🏻珍珠比起平時嘅細粒d,我覺得好