湊湊火鍋‧茶憩 (如心廣場二期)

营业中

休息中

終於都幾到食過新年飯，甘梗系試吓新野喇！我哋揀咗呢間台灣過江龍一試，佢既鴨血一般，佢既胡椒豬肚湯同麻辣可以，佢好在可以鴛鴦鍋，（麻辣湯底任加鴨血同豆腐）甘就可以試到兩個湯底，佢所有野都系好精緻，價錢都偏貴，人均$300-400左右，佢既珍珠奶茶都好飲，可以揀甜度，佢既蝦好似吾系好新鮮，所以麻麻

鴨血嫩豆腐麻辣湯底🍲🥢麻辣火鍋的底料很足，鴨血味道不腥，辣度剛剛好，非常刺激。雞煲湯底可以直接飲，濃稠香郁。服務員一直幫忙加料，加鴨血和嫩豆腐，服務很nice，一頓吃下來心情非常愉悅。🥰沾的配料是重慶特質辣椒面，和熟肉搭配非常巧妙可口。👍🏻🌶

朋友話好想黎荃灣試這一間餐廳嘅嘢飲，說係OpenRice 見到有人推介，就係我哋覓食期間經過呢一間火鍋店，就看看有什麼午餐邊爐推介！原來除咗一般的火鍋外，可以嗌午餐定食！這間餐廳午餐餐牌分別有兩種一種是打邊爐即是火鍋，另外一種就lunch set!Set lunch 分別有麵及滷肉飯,不過飲品係另外俾錢嗌嘅！由於我個朋友心心念念好想試飲呢一間餐廳嘅飲品，我哋就入去試一試！分別叫咗酸菜魚麵（$138）及台式鹽酥豬扒滷肉飯（$88）其實唔叫飲品都可以，因為點完餐，會上一壺茶，呢個茶嘅味道有啲甘甜，很清香！不過既然我朋友話呢間飲品出名，所以我哋都分別點了兩杯飲品！飲品方面，我朋友就叫咗凍嘅翡翠鮮橙綠，而我就嗌左熱黃金鮮桔茶！🌀酸菜魚面（ $138 ）◻️酸菜魚，湯OK，魚都很滑，美中不足嘅係鴨血真係好麻麻，豆腐都麻麻🌀台式鹽酥豬扒滷肉飯（ $88 ）◻️鹽酥豬扒被炸得很香口，味道偏鹹！不過好好味◻️滷肉飯味道一般，而飯粒比較偏硬◻️中華沙律作跟餐小食🌀凍翡翠鮮橙綠🌀熱黃金鮮桔茶金桔🍊味道清新而帶酸爽，刺激胃酸分泌，進而增加食慾

湊湊火鍋其中一個特色係無限添加鴨血同豆腐，只不過佢嘅鴨血一啲都唔好食冇其他台式火鍋店咬落去咁嫩滑，食落去好老至於豆腐就鹹得滯，同樣地好老，好似煮咗好耐咁我叫咗個鴛鴦鍋台式麻辣鍋同埋酸菜魚鍋湯底都OK唔會太辣或者太鹹酸菜魚嘅酸菜都俾得好多唯一覺得比較好食嘅係佢嘅牛、飛魚籽墨魚滑同埋贈送嘅沙冰飛魚籽墨魚滑食落去好彈牙同埋滿口都係飛魚籽而牛肥瘦都好均勻，食落去啱啱好另外出邊有個自取區，有各款醬料可以揀亦都有得任添白飯同埋沙律（中華沙律）湯底嘢食都還好，不過我對個鴨血真係好失望

經過，看見門口企牌上寫6:30前完成結帳，即可享有85折優惠。咪諗住入去試囉。點知買單嘅時候發現沒有這個優惠。咪即是問服務員點解會沒有八五折優惠。由我在前台，帶位，坐低。服務員沒有介紹餐牌。過程中服務員沒有提及過八五折的優惠是什麼？為什麼要客人最後問服務員八五折的優惠？最後得知原來餐牌上有八五折優惠，套餐是沒有的。（全個過程都是問號）食物方面。海鮮不夠新鮮。鴨血，真心講完全失敗、難食。都未見過啲鴨血是硬的。唔夠入味。正常鴨血是柔軟的。真失敗可以簡單地說，請我都唔會再黎。如果黎，我都係淨係買嘢飲算啦。

天寒地凍🥶最啱吃火鍋🍲👍🏼依家火鍋店一街都有，我個人覺得呢間性價比高，坐得舒服，鍋底亦足料，美中不足是很難有位子😥訂枱都好難訂，有時候電話都不通👽火鍋湯底🍲胡椒豬肚雞鍋及台式麻辣鍋📍賣相 ⭐️ ⭐️ ⭐️⭐️⭐️📍味道 ⭐️ ⭐️ ⭐️ ⭐️ 💬 鍋底十分足料，豬肚同雞份量都多，奶白色的胡椒湯相當吸睛😍，湯很濃濃的胡椒味，建議吃前先喝一碗熱湯，非常美味😋台式麻辣是我的最愛😍我比較喜歡台式麻辣因為不太辣，麻夠香，反而四川麻辣對我來說太油太辣了，另外鴨血和豆腐都是任添加的，實在太開心因我是一個鴨血控🥰火鍋配料📍賣相 ⭐️ ⭐️ ⭐️ ⭐️ 📍味道 ⭐️ ⭐️ ⭐️ ⭐️ 💬火鍋配料選擇好多，尤其是肉類嘅選擇好高質，我沒有叫貴價的和牛，只是叫普通的美國牛肉，我覺得都好好味😋份量足，沒有因為價錢較平而失色👍🏼叫平叫貴悉隨尊便，兩者都好吃。飛魚籽墨魚滑，非常好食😋墨魚味濃，有咬口，魚子很多，夠晒鮮味又有口感。整體味道非常出色，湯底做得好，食材夠新鮮，驚喜的是飲品都非常好喝🍹跟街上出名的台式飲品店一樣，非常高質又大杯🏞誠意推介尖沙咀K11分店，個人覺得環境最好，景觀一流👍🏼有機會一定要再去，大前提係如果能夠訂到位👉🏼👈🏼🥺

朋友打去訂唔到枱，話已full 叫我哋可walk-in ，果然同朋友共四人7:00pm去到都有位，但又係限時食sad兩個鐘，坐落都舒適而且每枱之間有一定距離。我們叫咗個鴛鴦鍋 (臺式麻辣🌶鍋/珍鮮菌菇🍄鍋）美國特選級牛肩胛 係唔太肥不過如果喜歡食好滑牛肉的人未必啱, 手工蝦滑🦐重蝦味 like正, 伊比利亞黑豬肉 不過不失, 牛百葉 因切成又幼又碎很容易在鍋裏走失😁魚腐 就麻麻地肉質撻撻地, 時蔬拼盤🥬很出色有多種蔬菜且新鮮, 加拿大松阪肉 造形是兩朵玫瑰🌹賣相討好, 萵筍🥒 飛魚籽墨魚滑🐙墨魚味不太出, 漁鮮棒棒糖 食落係只有些少海鮮味⋯但都好啱小朋友😅另外我哋四人分別點了大紅袍珍珠奶茶 🧋翡翠鮮橙綠 同冰香梅紅茶 🍹餐廳亦每枱都送上冰沙🍧及梅子茶凍🍮

“大紅袍珍珠奶茶”($33)一向都知呢間火鍋店有台飲部😆唔打邊爐都可以就咁買嘢飲🤩今次終於經過可以試吓😋叫咗杯最出名嘅大紅袍珍珠奶茶嘩一飲真係不得了😍茶味好夠香同時同奶味好平衡😍珍珠size比一般細但食落夠煙韌好好咬口☺️好耐冇飲到一杯咁高質嘅珍奶😍

荃灣罕有極高質台式火鍋喺依個任食邊爐當道嘅荃灣 湊湊可以話係其中一道清泉不論食物質素定係啲台式飲品都非常優秀令我喺依個去唔到旅行嘅時期覺得自己置身於台灣一樣 雖然價錢同台灣有好大出入 但可以一止無得去旅行嘅癮湊湊嘅大紅袍珍珠奶茶可能係我喺香港飲過最好飲嘅珍珠奶茶 而且夠晒大杯 食晒成餐飯都仲未飲晒 喺路過嘅時候我都會忍唔住叫杯黎飲下講返食物 雖然佢嘅肉類選擇唔多 但大路嘅豬牛羊雞魚都有 而且質素好高 真係食過番尋味最重要嘅係叫佢個鴛鴦鍋可以瘋狂免費任加鴨血同豆腐 佢嘅鴨血分分鐘好食過台灣 喺你去嘅時候仲可以每人打包一份鴨血走 可以用嚟返屋企煮面食另外佢嘅服務質素拍得住台灣 每個職員嘅態度都好好 有求必應 喺香港有咁嘅服務實屬難得唯一缺點真係偏貴 我地2位埋單差唔多$800 但整體黎講佢都係我喺香港食過數一數二嘅火鍋店會再次光顧

湊湊賣嘅係環境。一入去感覺好好，裝修華麗地方闊落，但再睇真啲其實鬼祟位做得唔好，例如湯匙、食物夾係個兜度勁烏租癡粒粒，最經典係墨魚滑個碟發晒霉，真係裙晒黑邊。睇得出好努力模仿台灣火鍋店的服務💁🏼‍♀️，其實職員大部份都真係好禮貌服務周到，但就衰係一兩個人手上，落錯單、催極唔來，經理好好已好努力補位。整體服務其實尚可接受。湯底叫了勵志鍋(辣湯)加食妝鍋(花膠湯)，老實講花膠湯杰身得好奇怪，唔似天然嘅湯。麻辣湯不辣且沒有香味，愈滾愈似深圳化學邊爐，變左死死的紅湯及油份。推介的主要係大紅袍珍珠奶茶同打完邊爐送果杯沙冰。其他食物包括牛上腦、墨魚滑及棒棒糖只屬一般。呢個價位可以有更好選擇，裝潢再靚食物唔得都無用，食呢個邊爐十分唔抵。

幾個月前，第一次經過呢間湊湊鍋嘅時候，買咗杯大紅袍奶茶，覺得好好飲，大紅袍茶嘅味道令我對佢念念不忘。今次嚟到荃灣，特意走過嚟再幫襯。見餐牌上有大紅袍拿鐵，向店員查詢下有咩分別，原來大紅袍奶茶係用奶粉沖，拿鐵係用鮮奶沖。於是今次點咗用鮮奶嘅拿鐵（少甜少冰），滿心期待，結果係超級失望個樣好似好吸引，不過可能因為啲奶變咗奶泡嘅狀態，同啲茶完全混合唔到。完全冇奶茶嘅味道，個甜度又蓋過咗個茶，啲冰碎溶埋，變咗冇咩味嘅糖水，完全冇諗過會係咁... 之後我哋忍唔住再點返個招牌大紅袍珍珠奶茶，三分糖少冰。這次，大紅袍奶茶嘅味道終於出現返，不過可能真係唔同師傅嘅手勢有異，今次個奶味比較重，個人覺得有點兒嘥咗個大紅袍茶。好懷念第一次飲嗰杯大紅袍奶茶嘅味道，真係可遇不可求。

呢日約咗朋友嚟食晚飯，當日晏晝打過電話去諗住book定枱，點知book夜晚9點都冇位😱😱我哋本身已經打定輸數，如果要等位就去食牛大人😂😂（明明牛大人仲多人😂）.我哋大概9點左右到。因為朋友有揸車，所以一去到就放低我哋上去睇洗唔洗等位，點知其實冇人等位😂就叫佢哋去泊車上嚟。點知等既時候見到9點半後有8折😍差3個字就緊係等8折啦☺️☺️.一到9點半就入得，佢哋服務態度真係好好，雖然唔係成日見到我哋揮手😅😅.湯底係嗌一邊麻辣一邊胡椒豬肚雞湯本身見到有一個4人餐，但計一計好似未必嗌到咁多嘢，所以就索性單嗌算數。.想講食一餐飯送左3樣嘢😂一開始送左整成波板糖樣既魚滑食到中間就送咗一人一杯可爾必思冰沙，最後食完送左個有粒梅子既茶味果凍，老老實實送既嘢都既高質😂，朋友仲諗住嗌多杯冰沙，點知原來menu就冇既🤷🏻‍♀️😂.食物方面，我覺得啲嘢食都幾新鮮！我最鍾意係個豆腐😍👍🏻而麻辣湯底本身有鴨血同豆腐，佢會不停咁幫你加👍🏻👍🏻.我地一共4個人食到勁飽折左一共800其實真係幾抵食既。.除鼎王變態既90度躹躬之外，其實呢間同台灣嘅鼎王冇咩分別🤷🏻‍♀️本身以為佢係台灣火鍋店，點知原來係大陸野嚟既😂台灣係一間都冇囉

同大家分享一間值得收藏嘅台式火鍋店 全因一個湯底😋.🍲食妝鍋-紅顔花膠雞鍋足料金黃湯底 可見嘅主材食材 有花膠、雞肉、花菇、野米、鮑魚💁🏻‍♀️ 湯體濃稠 竭身 質感有點黏黏的 啖啖膠原蛋白嘅感覺 真係「好膠」啊啊啊😍 咁滋補女生們一定好喜歡 店員們不斷叮囑我地要先飲！先飲！先飲！呢個湯底比較適合配搭較健康/淡口味嘅火鍋配料 例如蔬菜類、魚滑等🙆🏻‍♀️ 其他如煎炸物 紅肉等有點不相襯🙅🏻‍♀️.🌶勵志鍋-台式麻辣鍋 (辣度2/5級)叫得鴛鴦鍋 總有一邊廂要係辣的😆 原本想試他們家的治癒鍋-老四川風味麻辣鍋 (辣度4/5級)但辣等級比勵志鍋高頗多 所以先試試呢個溫柔辣再向難度高挑戰😎 勵志鍋辣度容易接受 帶輕微花椒麻 唔會食到鼻水狂流伸脷扮狗 內附台式特製鴨血、豆腐🤏🏻 如果嗜辣的話 呢個絕對滿足唔到你 可試試治癒鍋😌❤️推薦必試飛魚籽墨魚滑 魚籽量激多 每咬一啖都會聽到好幾粒魚籽嘅啵啵聲 鮮味之餘 仲爽口彈牙 絕對係必點墨魚滑🤤💔可以不試🐷湊湊嘅午餐肉較軟身 而且係薄切 口感欠奉 覺得可以不用浪費胃嘅quota🤣🤣 因為飛魚籽墨魚滑太出色嘅關係決定試埋松茸菌菇海鮮滑🍄 不過伏已中 羶味好勁

中秋節晚一家三口諗住食打邊爐，揀咗呢間平時人氣好旺的湊湊。等咗一個鐘多啲就有位坐低。我們坐喺近門口第一張枱光線暗到完全睇唔到枱面啲嘢同餐牌，要打開電話燈照住先點到餐。等食物上到嚟，真係好失望😞，蝦唔新鮮，霉！牛柏葉好似膠，無味！花膠湯底開始煮幾分鐘已經燶底，要不停搞住，僅有的幾塊花膠口感硬同無味，勁似豬皮，羊肉三分二都係肥膏，煮完都搵唔到⋯⋯⋯叫咗十一樣嘢，無一樣好！好差！呢間嘢下次一定不會再幫襯😡。

凑湊話明係台式火鍋，就要試下佢地 d 麻辣鴨血豆腐啦。兩個人叫左個台式麻辣湯底。我以為湯底都係快手野，但係都要等十幾分鐘。個湯底幾好，同係台灣一樣，d 鴨血同豆腐係任添既。侍應新添既豆腐同鴨血豆未夠味，建議大家都要煲耐一 d 先食。如果要食盡個湯底既味道，可以考慮一下我以下點既食物：油炸鬼，其實好似響鈴咁，會吸走 d 味。佢分別在，呢 d 油炸鬼係炸得耐 d，所以可以係 d 湯到放耐 d，都唔會林曬，唔似響鈴要放一兩秒就攞上來。但係舊粉就大舊 d，會飽肚 d。毛肚，其實係牛柏葉未染色既前身。佢地呢 d 係經過處理過，煮完都係硬硬地，有口感。點解要食內臟呢，都係因為佢會吸味。粉絲，真係吸味高手。食既時候，個人鍾意落少少蔥同芫荽，更香口。怕辣既朋友就唔好叫。另外想介紹下個飛魚籽墨魚滑係幾好食，大家可以試一試。食到咁上下，侍應送左兩杯沙冰，冰冰涼涼，小小酸，幾清口既，清左舌頭上麻辣味既重口感，可以食得更多野。牛筋丸就麻麻地，唔係特別好既就唔好叫。因為食麻辣火鍋都唔會點食到牛既味道，所以只係叫做 d cheap 牛。埋單兩個人咁就要 546，都幾貴。