湊湊火鍋‧茶憩 (如心廣場二期)

营业中

休息中

上網睇呢間火鍋店喺國內傳來見到餐廳裝修好靚，而且食物價錢唔貴OpenRice睇咗話服務態度麻麻地本身都唔抱太大希望但係我又覺得幾好，一舉手就有人過嚟而且食到最尾，仲過嚟送咗兩碗麻辣鴨血及豆腐給我們回家慢慢品嚐餐廳有多款醬料及水果自取首先一嚟就揀咗湯底先，一共有七款紅顏花膠雞煲 $198湯底呈金黃色，好濃郁的雞味，感覺好矜貴。湯底很足料，包括有鮑魚、菇類、花膠，愈食湯底會越嚟越濃味。店員首先叫我哋飲咗湯先，湯底好重骨膠原，很黏口日本和牛前胸 $358雪花紋理平均，肉質有光澤及嫩滑，肉味香濃。加拿大松板肉 $98外型非常之討好，肉質脂肪比例比較多，但係食落爽口彈牙。飛魚子墨魚滑$68賣相好靚，店員會主動來幫我哋放入鍋內，蟹籽份量勁多，重好鮮味，但略嫌墨魚滑唔夠彈牙。毛肚 $68估唔到咁大碟，目測有10多塊，每片也是大大片，入口好爽口。最後仲送咗梅子茶凍比我地，一解油膩，入面既脆梅好脆口！正

朋友話呢間好食，禁我就嚟試下佢。我地兩個人大概去到九點半先入座，有全單八折優惠😝 呢間店夠大，每一枱嘅距離都好闊，唔會坐到好有壓迫感，有番自己嘅私人空間。 我地一嚟到就叫左個鴛鴦鍋，一半係勵志鍋一半係回味鍋。然後再叫左啲肉同蔬菜。-回味鍋呢個其實就係酸菜魚鍋，個湯底用左唔同嘅香料同好多酸菜 所以好好味😋。可惜啲魚就非常失色，一嚟啲魚又唔滑二嚟仲要得好少，每人食左兩舊就無曬，真係超級唔抵食。-勵志鍋呢個就係麻辣湯底加鴨血同豆腐。呢個湯底除左有少少麻辣香味之外仲有淡淡嘅藥材味，我個人係非常中意呢個湯底。然後啲豆腐同鴨血一係不得之了，吸曬湯底嘅精華，超嘢味😋 仲有就係呢度啲鴨血同豆腐係可以無限refill。👍🏻👍🏻👍🏻-鴨腸爽脆-羊肉呢間啲羊肉比其他火鍋店嘅羊肉更加蘇，非常推廌俾中意食羊嘅朋友。👍🏻-時菜拼盤呢個拼盤一嚟到真係嘩左一聲，因為成個擺放都好靚同好大盤。啲蔬菜全部都好新鮮👍🏻但過咗一陣我就有啲後悔因為實在太大盤😂兩個人根本食唔曬，唯有每款蔬菜都試啲🤦🏻‍♂️總結，成間店啲食物同服務都做得好好，值得一試👍🏻

好爽既辣湯底喜歡打邊勞，又喜歡食辣，呢期早食有折，餐廳防疫做得足，入咗錢唔會量度體溫，比搓手液消毒，同埋餐廳地方大，每張枱都隔足一定嘅距離。一嚟到梗係先叫個辣湯底，勵志鍋好紅既湯，望見都辣到流晒口水，其實飲落吾會好辣，因為有紅棗、蜜棗、菇類做料，養生感覺重。叫左吾同既肉食，牛板腱，松阪豬肉，烏雞卷，巴沙魚，帶子，菌菇海鮮滑，和牛牛肉粒～其中最鐘意食既係和牛牛肉粒同松阪豬肉！和牛牛肉粒有12粒骰仔size既牛粒，好快碌熟，同埋好juicy牛咪，真係和牛粒，有粒碌耐左都吾會un。松阪豬肉上碟擺設靚，卷成一朵大花，粉紅厚肉，碌完黎食仲好口感，啖啖肉。鴨血&豆腐無限添加士多啤梨沙冰&梅子果凍

放咗工同同事打下邊爐 ，因為之前有同事試過食這一間邊爐，所以今次就再嘗試多一次 ，入到去裝修豪華，感覺上好宮廷感覺，坐落去亦都比較舒適，我哋一行六人坐嘅位置大概是八人四邊長枱， 我哋分別嗌咗牛柳粒、鴛鴦湯底，中間亦都有炸魚皮和午餐肉和黑豚肉等等，值得推介嘅反而入面的珍珠奶茶，可能珍珠奶茶而家好多都有得飲，而味道亦都差唔幾，但這間珍珠奶茶茶底比較濃厚， 漏咗一樣好重要的是入面可以無限添加鴨血，鴨血都係比較重點推介，可惜冇影到，大家記住無限添加，好食又抵食， 雖然消費比較貴，但坐得舒適，食得招積！

在美食清單上不僅腦海滿是常出現之地，尤其系台式專門店所主供多種品質及選料、材料，喜歡叫海鮮既朋友是最好不過。而且主打有別於一般，當中配合四周環境和獨門台式風味鍋名，別樹一格最為有趣！滋潤嘅鴛鴦搭拌花膠，色澤層次大大提昇，一涮鮮味再以新鮮龍蝦鍋，不用沾醬也很入味。而吃三層拼盤上視覺最吸睛，生猛足料含有肉品及款樣多海鮮為基底更添惹味，一次過享受各有不同，油花比例讓人著迷！外皮透色鬆化，炸得脆口既魚皮，涮於鍋中保留酥脆，不論啖啖芝士魚腐帶出邪惡的一面，湊湊匯聚令人一試難忘！

台式涮鍋不僅能看著鍋物溶匯一起，新鮮單點的食材配料及湯底靈魂也是必要「湊湊火鍋」摩登雅緻環境設計特設配料能隨心挑選讓人吃得自在坐得又舒服較為重口味而突出鴛鴦濃湯「紅顏花膠雞鍋/燕麥龍蝦鍋」順口足料較為濃郁內藏花膠/鮑魚，平和當中海產味鮮及味蕾滋潤無比「山海一盤 $588」超澎湃的層層疊上滿足不同派味，震撼既重點有帶子/青口/扇貝/牛肉片/三文魚等....，飽滿肥美程度食落尚鮮分佈夠細密「巴沙魚 $58」口感細膩魚塊細滑狀態Q彈輕灼味突Juicy「芝士魚腐 $49」紮實質地內軟吃出原汁原味不同凡享

湊湊火鍋‧茶憩係中高檔台灣火鍋店 店內的台灣店員好nice 不時主動添茶 詢問我地食物意見座位以卡位為主 空間感很大🥰 外面仲有醬料前菜自助區 白色情人節🤍所以我地好放縱點到成檯嘢食 $500pp🤪 不過普通點菜$600落到樓 鴛鴦鍋龍蝦燕麥鍋+台式麻辣鍋$267 我地超鍾意個龍蝦湯底 不斷落海鮮 龍蝦湯底帶子 鱈魚 比目魚 蟶子 飛魚籽墨魚滑熬海鮮湯😛😛肉類點左 牛板腱 烏雞片 加拿大松阪肉松阪豬肉口感爽口 2朵玫瑰花上檯🌹飲品方面 招牌大紅袍珍珠奶茶珍珠口感QQ茶底夠味但奶味欠奉 反而金橘翡翠檸檬好清香fresh❣️𝚈𝚞𝚖：👅👅👅👅/𝚁𝚎𝚟𝚒𝚜𝚒𝚝:💃🏼💃🏼💃🏼/𝟻𝙿𝚛𝚒𝚌𝚎: $500/𝚑𝚎𝚊𝚍.————————————————.湊湊火鍋‧茶憩 (荃灣)荃灣大河道98號如心廣場商場二期1樓121號舖———————————————— . .

呢排好多香港人都好少出去食嘢，尤其是打邊爐但係今日經過真係完全冇人，所以成班同事都入去幫襯一下。入到去，原來環境俾我哋想像中大好多，空無一人嘅氣氛令到我哋都擔心佢會結業。點解咁講？因為佢哋全部野都好用心，所有食材，裝飾，餐具，都睇得出係揼本一坐低已經有生果食，雖然唔係普通人習慣，但係正常健康真係飯前食生果係好四邊櫃桶入面都有紙巾同埋濕紙巾，好有細心有插頭仲有USB插，實在太體貼成日用電話嘅我哋出去調教自己嘅豉油 佢連芝麻，香油， XO醬都有另外仲有水果，白飯自己拎我哋揀咗三個湯底，番茄湯，本身我唔係好鍾意，同埋佢呢個就甜咗啲啲。另外花膠雞湯，真係好出色，越打越傑 但係建議用雞件唔好用雞粒！跟住就係麻酸魚湯底，唔係好難，啱啱好基本上湯底已經好有味，唔使點豉油都好好我哋都叫咗豬肉、牛肉、羊肉、都算幾大碟全部擺盤都好靚好欣賞嘅係佢哋會送甜品，食完打邊爐可以有清清地嘅梅子 茶啫喱。如果食得太過辣又有一杯類似益力多嘅沙冰送俾你 所以食完成餐，由頭到尾都覺得好貼心好味

係台灣打邊爐，係我食過最好食嘅邊爐，今次係香港食到台灣味嘅邊爐。好，坐低睇吓有咩好食先。岀面係自助調味料區，白飯任裝。台式麻辣鍋+燕麥龍蝦鍋，麻辣夠香夠辣，龍蝦鍋真係有半隻龍蝦係裡面架！山海一盤，一放上枱已經好震撼，成個仙境咁樣，海鮮除左色澤新鮮，帶子、鮑魚食落好爽好鮮甜，帆立貝大隻又厚肉。加拿大松阪豬，豬肉嘅質地係係爽肉，間住一條條嘅脂肪，但食落口柔軟得黎唔覺膩，正！鴨血同鹵豆腐係任添㗎！大白菜，菜量好多，抵食。西瓜沙冰，食到熱熱地，飲番個沙冰，爽晒！梅子茶凍，仲有甜點送，甜甜地有啲似大菜糕，好清涼。

想試好耐啦～～～不過之前經過都大排長龍，於是到依家先有機會唔洗排隊就食到😅😅😅湯底非常吸引，今次我就試咗酸菜魚湯底，由於朋友唔食得辣，於是佢點咗一個食妝湯底，兩個湯都非常足料，我食啲酸菜食到停唔到口😂😂😂，而食妝鍋記住不時要攪拌，為免燶咗影響味道呀～～至於食材，建議餐廳可以將牛先解解凍，因為上枱時硬得滯，烚出嚟吸收唔到湯底味道，呢一點較為遜色一些同埋，提議各位喺選食材時，先考慮自己選咗咩湯底再揀，因為食落去嘅感覺係會隨住所選湯底，有分夾同唔夾㗎😂😂好似今次選咗火雞片，火雞片喺食妝湯底好好味，但放入酸菜魚湯底，真係唔多夾😅😅😅

3月10日兄弟請我食生日飯仲話要食好啲，去左呢間湊凑鍋打邊爐。一入去先量體温，入面個環境比較暗裝修似以前中國古代。一坐底先解釋外面有調味吧、前菜、生果、白飯係茶位包左。之後就奉上熱茶及菜單。呢度有好多款不同既鍋比你選擇還可以雙拼。我地選了花膠雞和豆腐鴨血麻辣鍋，花膠湯非常濃也很膠非常好味每人都喝了2碗，如果雞用雞件會比較好。豆腐鴨血麻辣鍋，味道ok不太辣是香港人的口味而宜豆腐鴨血是任加的。我地點了鴨腸普通冇特别，牛小排就正常貨，海鮮拼盤都ok，有三文魚、蟹、蜆、帶子、小聖子但聖子殼碎了食到一口都係。粟米太老咬不入。很好的是她有白飯，飯質同平時食的不同值得一試。整體可以還進步空間。走果時佢地送少左個好似果凍既東西比我地，不過算因為人手不足。

荃灣都開左好多新餐廳，今次見到依間整得咁靚就去食下，估唔到依家有疫情時，6點幾度都已經full house 喺OpenRice 睇到有d負評，有d係關於個服務，今次我地都不寄予厚望，估唔到我地又覺得幾好入到去個餐廳好大都幾靚，有d似內地打邊爐，中間無喇喇噴煙😂有個自助區，見到店員係有refill 既，白飯任食我地叫左個鴛鴦鍋，一邊台式麻辣，一邊蕃茄，我地對蕃茄鍋俾大大力個讚好！好鮮甜，濃厚，有蕃茄味，用靚蕃茄煲，加上湯入面有2大舊牛根，想睇多d相，要去我ig😂望望反而，台式麻辣，無辣味，利申，我係唔食辣既，不過上次去台灣食火煱，個鴨血同豆腐好正，不過就辣到嘴唇都變孖膶腸😅😅所以今次又叫依個，依間個麻辣湯底就一啲都唔辣，我認為😂😂可能食辣既朋友要揀另一個四川湯勁值得讚，二杯嘢非常高質翡翠檸檬同柑桔檸檬，二者無小甜下，個茶底非常香，檸檬味真，好解油膩，我地見到佢有得外賣，我想講依間茶底好值得外賣，整得好過好多飲品店牛小排好靚，份量都多，雖然唔平，不過佢個份量已經足料個好多打邊爐店，攞盤靚，份量多，牛味重，佢擺牛下面都有棵大既菜😂😂二個人食既可以考慮下不用另叫菜😅毛肚同樣份量多，食極都有，建

今晚黎到呢間結合左台式茶飲概念嘅火鍋店, 可以一邊打邊爐嘅同時, 一邊飲台式飲品火鍋湯底有 8 款選擇: 勵志鍋 (台式麻辣鍋)、食妝鍋 (紅顏花膠雞鍋)、回味鍋 (辛酸菜魚鍋)、表白鍋 (番茄牛膝骨鍋)、聚會鍋 (珍鮮菌菇鍋)、治癒鍋 (老四川風味麻辣鍋)、菁英鍋 (燕麥龍蝦鍋)、任性鍋 (黃金奔馳鍋), 每款湯底嘅名都改得別有心思先黎一壺台灣貴妃烏龍茶, 味道香甜甘醇出面嘅自助區有成十幾種火鍋醬料, 仲有前菜同水果表白鍋用上大量番茄 & 洋蔥, 仲有大大舊嘅牛膝骨, 骨膠原豐富,  超濃郁嘅番茄湯底入面有輕輕嘅牛羶味, 果然係用料十足美國特選級牛小排油花較少, 筋膜唔多, 所以肉質比較細緻軟嫩, 肉味又濃又鮮白鱈口感結實, 魚油唔多, 啖啖肉丸類拼盤有魚丸、蝦丸 & 貢丸, 可以一次過試晒 3 款 油條即叫即炸, 所以黎到時仲係脆卜卜, 無論就咁食定放落湯鍋度, 一樣咁好味菠菜 原來用菠菜打邊爐又幾好食, 夠晒鮮嫩粉絲基本上一放落去煮 10 秒左右就食得, 吸收晒湯鍋嘅精華, 正冬瓜檸檬 (+珍珠)大大杯, 酸甜道適中, 檸檬嘅微酸中和左冬瓜嘅甜膩, 清涼又解渴梅子茶凍 & 梅子冰

行完吉之島經過如心廣場見到呢間火鍋店開左附帶飲品部有得外帶就望下個menu有咩好飲大大隻字寫話: 大紅袍珍珠奶茶"推介"甘就決定飲呢一款試試佢首先個女仔就簡單一句:要凍嘅? $33.我就好奇台式飲品唔係應該有得選甜度/冰量?而吧台上個menu亦唔見有寫呢一行我就問個女仔:有無得話少甜架?個女仔先話:有啊要我問先答咀嘅我就要左少甜少冰.甘係等飲品嘅時間問個女仔有無咩其他飲品都係好飲佢都係答大紅袍吖.茶味濃嘅.等左一陣好快就有杯飲品上面嘅貼紙就寫:8分糖/少冰我無即時飲, 因為出面落雨, 所以係拎到返屋企先飲(十五分鐘後度)一飲...甜嘅奶味嚟嘅茶味得1%甘上下都唔知有無啲珍珠係細粒款, 但好淋身無咬口幾失望下, 因為掛住個名係茶味行先而個女仔都話呢一款係茶味濃我亦本身中意茶味重嘅飲品但無諗住如此差唔會再想試第二次.

外貌協會台式火鍋店裝修奢華 擺盤用心 可惜虛有其表火鍋店評價不外乎湯底+材料縱然材料尚算新鮮 都彌補唔到湯底質素🥘勵志鍋(台式麻辣鍋) ........$138(鴛鴦鍋)如果你偏好不香 不麻 不辣既麻辣火鍋呢個就岩晒你🤷🏻‍♀️即使台式麻辣鍋普遍偏向微辣 較看重香味但呢煲只有鹹味.🥘食妝鍋(紅顏花膠雞鍋).....$138(鴛鴦鍋)湯底濃郁 杰撻撻 要不時較拌 好易濃有少量花膠鮑魚比較推薦配襯時蔬 白肉同牛肉味道唔夾🥘美國特選級牛小排............$198油脂分布平均 牛味尚重 份量適中🥘飛魚籽墨魚滑....................$68全餐最值得推介口感彈牙 飛魚子卜卜脆比普遍墨魚膠鮮甜🥘菌菇拼盤............................$88🥘前菜&沙冰&梅子茶凍.........free反而值得欣賞 沙冰酸酸地梅子茶凍微甜帶茶香兩者皆可中和火鍋既油膩感.環境寬敞 坐得舒服但畢竟呢啲只係配套再靚再奢華 都救唔返味覺上既缺失以呢個價錢 絕對可以享受更優質既火鍋—————————————🏠 湊湊火鍋‧茶憩 (荃灣)荃灣大河道98號如心廣場商場二期1樓121