湊湊火鍋‧茶憩 (如心廣場二期)

营业中

休息中

之前表妹介紹呢間啲鴨血好食，所以今日出開去買嘢就順便嚟試下⋯鴨血我就覺得普通，不過個胡椒豬肚湯底好好味毛肚都唔錯嘅個魚麻麻，聖子仔有沙，牛、羊都ok啦！服務係幾好嘅

用QRCodeh等位但食野又唔係用QRcode點菜以為好方便原來都唔係既我自己本身都不嬲唔鍾意等位，但真係好耐冇去台灣而且湊湊鍋呢間野又未食過一心想試下，等左差唔多1個鐘頭地方環境都幾好坐位比左卡位可以坐到6個人，叫咗個鴛鴦鍋啦麻辣同番茄湯黎到個鍋我覺得好普通既湯底叫既肉好薄，新鮮我又唔覺真係特別新鮮。荃灣好多任食火鍋都好過佢。。。因為唔夠飽叫多左3碟羊+豬，食完都唔滿足...2個人埋單要1千蚊多真係唔太值得。1千蚊我可以好多選擇但一定唔係湊湊鍋。量少又薄，質素唔係特別好D肉下面放左d垃圾菜整高左，暗暗地既環境，打曬登望落去又好多好正。。我1個人食一碟唔夠飽6😂。打卡就岩。。。西瓜最好食。。。。同埋都有送個d甜品梅子啫喱。但我係黎食火鍋唔係食甜品架麻。食甜品唔洗黎湊湊鍋到食啦

食物質素OK，但服務極差令我不會再去光顧。原因一：進場前說用餐限時兩小時，但沒有提醒last order及截單時間。原因二：上菜速度極慢，漏單我可以接受但上菜速度根本就是直接影響用餐時間。原因三：用餐到90分鐘時再order食物時，職員沒有任何提醒亦幫我照落單，但之後足足等左20分鐘食物才到齊。當時直接有職員跟同我講：得返10分鐘你地都食唔切，不如打包啦...出面有枱客等緊！跟手開大我個爐冇野呀，燶曬癡底原因四：呢個係我最不喜歡的原因就係～好，你叫我打包呀麻，但係你連個外賣盒都唔比我又係咩玩法，我杯野飲得番兩啖你問我打唔打包，你真係好趕wor,哦～錢就照收足我重要等你D外賣盒自己打包。埋單出到門口，你有幾多客呀，又唔係大排長龍結論：因為你嘅服務，冇下次

每次經過如心廣場都可以見到煙霧彌漫嘅湊湊😍裝修十分古色古香 加埋特色嘅煙霧真係好似竹林 今次終於的起心肝去試試！🍲勵志鍋（台式麻辣鍋）💰198🍲暖心鍋（胡椒豬肚雞鍋）💰198我地嗌左兩個鴛鴦鍋底！分別係台式麻辣同埋胡椒豬肚雞😍台式麻辣入面會有預先滷好嘅鴨血豆腐 鴨血全部厚切 豆腐都好厚一舊 出面層皮超有風味 入面都入曬味😙會有店員行過來拎住個裝住鴨血豆腐嘅兜問你要吾要加 我地淨係加左一次已經好夠🤣胡椒豬肚雞都好濃味！一開始一定要飲一碗湯領略佢嘅鮮味😆雞都係比定你自己祿熟 所以全部都超級大舊 而且煮得好入味！豬肚撈極都仲有🥺仲要每塊都又長又大舊 好好味！🦑墨魚仔💰58🦑飛魚籽墨魚滑💰68海鮮方面我地嗌左呢兩樣！墨魚仔真係超級得意！同埋真係好多舊😍祿熟之後會收縮變身超級細舊 不過因為數量夠多真係超滿足！店員都會幫手落飛魚籽墨魚滑 落完一半我地已經覺得超足夠 可見佢份量勁大！可能加左飛魚籽所以整體會偏鹹 但係都覺得味道超讚 好彈牙👍🏻🥩美國特選級牛板腱💰118🥓毛肚💰68肉方面我地就嗌左呢兩款！牛肉底有好多塊大白菜墊得好高🤣唔係話特別出色 毛肚份量都好值得稱讚！食完好多都未食到一半🥺最尾要打

今日經過荃灣食左間高質打邊爐,價錢係有少少貴, 但係都好值返個價!!同埋呢間湊湊都想食好耐!!今日終於試到, 最好BOOK定位,唔係平日都排長龍!!首先個火煱湯底真係好味!!個名好似叫勵志鍋, 唔太記得!!入面D鴨血同豆腐吸晒味!!非常正, 而且我本身都好鍾意食鴨血!!佢會不斷咁加俾你, 食到你夠為止, 爽死!!醬料有好多, 最出色係個XO醬!!而且佢有D凍盤任食, 尤其係個魚皮!!好爽味道較到啱啱好,另外仲有個台式鹵肉飯,又係任食, 而且味道唔HEA!!肉方面唔敢叫太貴, 因為第一次黎食!!叫左最受歡迎既牛小排同羊肉!!牛肉味濃, 不過羊就麻麻地, 好多膏,仲要一挾果下已經散散地...呢個係飛魚籽墨魚滑,味道好特叫, 認真出色!!食落口卜卜聲, 口感一流!!呢個係蛋餃, 好濃郁蛋味,都好值得一試, 不過價錢略貴,因為好似四隻已經60蚊大約...蔬菜拼盤乜都有少少, 都唔錯!!但係下次如果要食菜唔可以揀D太辣太油湯底!!唔係臨尾食落都有D辛苦!!呢個真係估佢唔到!!從來無試過食火鍋飲珍珠奶茶!!原來都幾夾!! 下次都會再叫!!甜甜地送辣火鍋, 好過飲汽水啤酒果D!!整體黎講, 食物質素

次次經過都想試，今次終於試到啦。OpenRice 訂位，6點前有85折😊之前試過大紅胞珍珠奶茶🧋同其他果啲真係唔同，好飲好多。今次打邊爐剩係飲茶🫖都好好飲😂鋪內裝修好暗，有時舉手搵人都有難道。要出聲佢哋至聽到🤣前菜個辣味爽魚皮好出色，不停refill☺️☺️同埋醬油配料好充足好多種類。一定有你鍾意嘅😇第一次嚟試熱門嘅鴨血花膠雙拼湯底。果然冇令我失望飲左兩碗花膠湯，好濃好足料😌😌😌好夠味道鴨血湯好重味，唔洗醬油都所夠，鴨血又可以refill😌😌😌好滿足牛豬各一豬出色好多，細細塊好快熟。碌一碌就食得，好軟身，好襯個鴨血湯底。碟牛栢葉切到好細，又係同鴨血湯好夾😋呢碟基圍蝦好新鮮生孟上到枱仲係生孟😌蝦身大小適中，好透，食落好彈牙新鮮。呢餐好滿足除左丸類其他都係好好食😋食食下有沙冰、有茶類甜品。下次都會再嚟食過

環境好靚，坐得舒服。👍🏻👍🏻叫咗鴛鴦鍋底，膽識鍋夠辣，超香牛油味。👍🏻👍🏻毛肚爽口，大碟抵食。👍🏻👍🏻羊肉夠肥、羊味重👍🏻冰大紅袍珍珠奶茶奶味重、好大杯👍🏻免費嘅沙冰同甜品解膩👍🏻美國特選級牛板腱，正常，不過不失👎🏻👎🏻另一個食妝鍋就超失望，重味精、雞粒感覺似係冰鮮雞粒、得幾塊細魚肚同一隻拇指指甲咁大嘅鮑魚。所謂嘅濃湯就係落咗好多芡粉，膠得嚟得個鹹。👎🏻飛魚籽墨魚滑，好一般，冇墨魚味，唔知食咗咩。整體嚟講，想要靚環境同食牛油麻辣火鍋嘅可一試，但本人就應該唔會食第二次😂

今次試吓唔係任食火鍋，環境真係好好，服務真係好好，員工都好有禮貌，前菜好好食，有涼拌魚皮同中華沙律任食水果有西瓜同哈密瓜，仲有啲白飯任添，啲茶都好香濃，有好休閒嘅感覺👍🏻不過我哋叫咗個花膠雞湯底，真係對佢好失望，簡直係碗仔翅嘅質地，完全唔係新鮮雞煲出嚟，啲雞粒係急凍貨，完全冇雞味，用豬皮當魚肚唔緊要，但都唔好加得太多生粉或者馬蹄粉，都唔似打邊爐嘅湯底，無論你放啲咩落去都變咗味精雞湯碗仔翅味，其他湯底冇試過，但佢連呢個招牌嘅雞湯都用急凍貨，雞件都冇見過，可能食得辣嘅人都係要返鴨血湯底會好啲不過佢鴨血豆腐係任食味道都還可以個店員仲好有禮貌最尾叫我哋會唔會外帶鴨血豆腐佢話都係免費服務態度真係一流仲有沙冰可以免費添，最尾仲有個甜品，都係免費，紅茶梅子果凍都幾特別👍🏻

每次經過呢間火鍋店都見到好多人排隊，又聞到一陣台灣火鍋嘅麻辣味道好吸引，見今日少人就終於入去試試。今次我地叫咗台式麻辣湯底，無得揀辣度，個樣好紅但食落好淡，完全食唔到辣味，初頭問侍應又話無得加辣，點知問第二個侍應，又安排到，好奇怪。另外鴨血，豆腐任添，有啲失望，鴨血口感較硬，亦無麻辣味。丸類拼盤～牛筋丸最好食，魚蛋同蝦丸一般。鴨腸～就算淥好短時間都一樣好鞋，好硬。老油條～好厚身，外脆內軟，食落有啲似迷你牛脷酥，索埋啲湯好正！美國牛小排～份量唔少，有牛肉味。飛魚籽蝦滑～飛魚籽超多，但係煮熟之後夾起已經好散，咬落去唔夠實淨同彈牙。基圍蝦～一份8隻，上枱時好新鮮仲識郁，肉質爽彈。精選羔羊肉～筋位比較多，但羊肉味都ok。烏雞卷～個湯底唔夠味，所以個烏雞卷索唔到味，肉質唔錯，但味道一般。經典珍珠奶茶～最滿意係杯珍奶，奶茶味好香滑，珍珠係細細粒。

飽左幾日嘅台式火鍋平均消費係偏高嘅….叫左兩個鍋1. 勵志鍋（台式麻辣）2. 食妝鍋（紅顏花膠雞）成日都好掛住台灣嘅麻辣火鍋😭好鍾意佢嘅辣度好適中但又好夠味道😌呢到嘅勵志鍋鴨血豆腐無限Fill可以食到夠為止⋯佢嘅鴨血係好食嘅😋啲豆腐又索晒啲湯🤤食妝鍋嘅內容都好豐富啲菇菇個樣好靚🍄個湯值得飲左先個湯愈煲愈膠 感覺好養顏🥳叫左個冬粉落落去麻辣鍋到真係一流但叫左個巴沙魚係一般般同埋有個熟食排骨酥 黎到凍冰冰感覺係都唔知炸完放左幾耐🥲免費奉送左一杯仔乳酪沙冰同梅子茶凍兩者我都好鍾意杯乳酪沙冰想直頭叫一杯隊食完啲麻辣飲啖佢係剛好🤤

好耐都無四人聚會啦,難得約到,就試下朋友想試既打邊爐啦呢間都幾多人食,攞飛到入座都差唔多成個鐘左右雖然唔係放題而係散叫,但每人都2百幾都頂住肚仔離開,中途仲送乳酪沙冰(幾好食,好似益力多咁)同梅子茶凍(大紅袍啫喱,味道唔錯,凍既,中間有粒似梅既野我麻麻)胡椒豬肚鍋併台式麻辣鍋*胡椒湯幾濃,但一舊豬肚都發現唔到😌好大既疑問*麻辣鍋鴨血任添仲有豆腐,我唔食得太辣都食到,只係麻左啲前菜醬料*有個自助位自配醬料,仲有蔬果(西瓜,車厘茄),前菜(辣味魚皮,愈食愈辣同中華沙律)飛魚籽墨魚滑*正,烚起都無散開,飛魚籽仲卜卜聲,放胡椒湯個邊突顯到鮮味烏雞肉卷*有驚喜,好食過牛,而且唔會鞋口,烚耐左都仲好易咬得開美國特選級牛板腱*麻麻地,無論快烚定等一陣,個質感都好鞋口咁,都幾一般蟶子*大愛,都係胡椒個邊突顯味道,好鮮甜爽口,正蓮藕*兩邊湯底都好正,易咬開,好爽無乜絲,一直唔好蓮藕既我都食左幾舊響鈴*麻麻地,個芯好硬,如果要浸到軟,外層就淋晒

約咗幾位朋友一聚，揀咗喺荃灣嘅呢間裝修非常靚嘅火鍋店。湯底我哋揀咗食妝鍋，即係紅顏花膠雞鍋。店員叫我哋飲咗湯先，之後先再打邊爐。湯底非常之濃厚，真係有花膠煲過嘅口感，入面仲有細細粒嘅鮑魚，我哋四個人每人都可以食到一粒，算係幾真材實料。食物方面除咗個湯就普普通通，個人覺得唔係幾抵食。而且呢度嘅服務真係超級麻麻，店員嗌極都唔應，想落單都等咗三四個字先至有人嚟，可能個場較大，店員數量又唔多。呢間火鍋店有鴨血豆腐無限任食，但係我哋想追加鴨血又係等勁耐，最後都淨係可以食到兩round，唔知係咪舖頭要咁樣去節省成本。雖然呢度湯底幾特別，但其他食材就比較普通，價錢又唔特別，店員服務都一般。

With social distancing measures its been hard to get together for hotpot.So when we decided to take the plunge we opted for Taiwan style hotpot.This restaurant is quite large so seating is well spaced out. We were lucky that we didnt have to wait for a table as I have been told queues here are the norm.You order from the a la carte menu but they do hv a counter where you can mix your own dipping sauce and offer fruit and a few appetisers. The highlight is the unlimited 'mala tofu and ducks blood

好掛住鴨血又掛住台灣所以就去咗湊湊呢間我已姐食咁幾次除咗有一次坐收銀旁邊無人理外整體都滿意我多數中午時分去呢個時段唔太多人我最愛豬肚有好多豬肚食鴨血又任食滿足晒我食慾

次次行過都好多人，今日（平日）7點黎等6個都差唔多半小時。一入去地方好大，環境部局很舒適！食火鍋可以點台式飲料真係幾開心既配搭；重要係杯飲品個杯超大，比平時外賣杯大一倍！食完野送梅子果凍，有淡淡茶香唔會好甜，真係好好味！呢餐好滿足，搵日要帶埋屋企人試吓。