港澳義順牛奶公司

营业中

休息中

成日都聽到義順d雙皮奶好食..今日同媽子去完工展會就過去試下=)去到要排隊不過好快就入得..叫佐一個多士($7)一個雙皮奶($20)..可能自己唔太喜歡食甜野所以覺得太甜``但媽媽話岩岩好..牛油多士也不錯!值得一試,可惜價錢貴少少..

下班後，到這兒吃碗「薑汁燉奶」（$20）係回饋自己辛勞的大補帖！熱食比凍食來得吸引，熱力保存著那燉奶的香濃和幼滑。亦能讓我慢慢細味，不用狼吞虎嚥，能真正味嚐。讓我好好地停下來！

今日好想食雙皮奶~~ 就去左ｓｏｇｏ後面果間義順諗住食雙皮奶，發覺呢間野既食物質數至到服務態度都真係不堪入目呀!!首先，入到去已經唔係好開心架啦~ 我有兩個fd因為飽飽地而無叫野食，然後個服務員就走過黎同我地講唔叫野食都要比十蚊服務費~~ 個阿嬏仲要成程都係企係度，要等你叫野食為止~~ 真的好有壓迫感同討厭呢，邊有d咁既服務態度架!~之後講番d 食物質數，真係覺得佢名過其實呢，廣州果d 比你呢度好食何止十倍~~之後到到比錢啦~~ 果個老闆娘的服務態度真係不感恭維~ 我比錢佢啦~~ 然後佢勁串咁話呢張十蚊唔收呀，因為隻角爛左少少，跟住我已經好唔順架啦~~ 唔係錢黎架咩~~ 之後咪費事佢煩，諗住換個張比佢，係呢個時間果陣佢無啦啦唔知發咩顛咁話，喂，唔夠數喎!!!~ 真係比佢激死，我換緊張十蚊紙比你，然後你數番剩餘果d 梗係唔夠數啦阿嬏!!!!!我都未比番張十蚊你~~ ~~~~ 我宜家咪攞緊張十蚊比你囉!!~果幾十蚊，唔係要呃你錢呀嗎!!~佢的語氣及態度真是十分不禮貌~~ 總之就是憤怒!!!~

唔信邪係應當奶野的。幫襯幾次的印象中都只是一般﹐今晚由大陸公幹會來﹐想吃甜品﹐來了在家附近的義順。坐底後﹐特然想吃通粉。但上次來吃過一次通粉﹐超淋。今次﹐唔信邪﹐叫左一碗腸蛋通﹐當比多次機會。一吃﹐又係超淋﹐超多油&超鹹。睇怕撞奶燉蛋以外的都不用幫襯。

義順間間既雙皮奶都差唔多，好香奶味但好貴，雖然貴，仍然忍唔住口要食。

一早在銅鑼灣辦完正經事﹐正惆悵吃些什麼﹐剛看到這店開閘-- 好吧﹐就入去吃吃。我比較大鄉里﹐澳門聞名的豬扒包我從來沒試過﹐看見店內推介﹐就點了。要等一會才上的﹐應該是即叫即整-- 非常的喜歡它只是一個豬扒+ 豬仔包的配搭﹐賣的就是這兩樣東西嘛﹐就是這樣才見真功夫。豬扒因為新鮮炸起﹐很鬆軟﹐豬仔包剛炕起﹐微熱﹐皮脆﹐很好味!!一邊吃著豬仔包﹐一邊看著餐牌﹕要試燉奶丫﹐還是燉蛋好呢? 最後﹐為著肚子著想﹐還是叫了冰糖燉蛋(熱) -- 一邊吃一邊想著自己可不可以做到這樣的水準﹔很滑﹑不杰﹑但又不是很"水"﹐唯一是可以少甜些(雖然這是個人喜好問題)﹐已經很高分了。服務我又不覺很差-- 雖然有幾多人不同意那個$10一位淨坐的收費﹐但做他們這些要人流的生意﹐也實在沒辦法的(駱克道地舖租金可不便宜呀!)。埋單$33﹐這個午飯很抵﹑又滿足!

兩人試了燉蛋及薑汁撞奶, 唔知係咪去貨快, 好似比起澳門的還要好味.

同朋友0係Baby Blue late lunch 完仲未係好夠飽, 朋友話想食腿蛋多, 諗起好耐無0黎呢度, 就0黎幫襯.因為俾澳門義順寵壞了, 對香港所有燉奶/燉蛋已完全失望, 只係試了朱古力燉奶(見圖). 賣相好似西式chocolate mousse 杯, 食落都好似西式chocolate mousse, 朱古力味唔係咁濃不過唔係咁甜, 都唔錯. 比起朋友的甜到震燉蛋, 呢個其實一d 都唔甜.腿蛋多的蛋依然好食, 今次的仲比之前幾次0黎0個d 滑同香, 幾好食!雖然整體唔及澳洲牛奶公司, 不過0係銅鑼灣區想食同類食物, 間唔中0黎0下都唔錯.

如果可以全部俾零分今晚同老婆食完飯去左義順食雙皮奶, 入到去嘅時候, 個舖入面得幾枱客, 我地叫左一碗雙皮奶, 食到一半個侍應行埋嚟同埋指住個餐牌講:先生你唔叫野食呀, 要收$10架噃,我即時回應話以後都唔嚟呢度食, 過左一陣, 有個阿姐行埋嚟講, 呢D係公司規矩, 個餐牌都寫明,不過老闆唔係度, 未返嚟, 一次半次就無所謂, 如果唔係我地會好難做, 會畀老闆扣人工, 簡直係無良兼屈錢.當然最後我都冇再叫其他野食同冇俾嗰$10對於義順呢種O甘嘅態度行為表示強烈不滿............

朋友o係美國返lei, 話好掛住地道小食,所以lei 義順叫左(熱)薑汁燉奶,牛奶紅豆冰同西多士share..薑汁燉奶--薑味適中,有奶味加上又唔'蘇'牛奶紅豆冰--d奶好正!好滑!好natural gei 奶味!真係滑過普通紅豆冰ga!西多士--花生醬好均勻, 又唔太個waiter哥哥仲好好耐性咁加茶同俾多隻叉我o地, 讚!

(6/12/06)和男友食完晚飯,食甜品。我吃紅豆雙皮奶,雙皮奶稀得出水,又奶粉味,唔得。男友吃紅豆涼粉,頗大碗,涼粉幾重草味,少許煙韌,唔爽的涼粉,沒好感。

昨晚來食甜品,叫薑汁燉奶和雙皮奶。因我的雙皮奶層皮唔多兼比朋友食埋,所以奶味沒預期般濃,相對薑汁燉奶就味道上豐富得多,有薑味,有奶味。燉奶關係,所以質感上不會像撞奶般滑得"蕩"來"蕩"去,不過反而喜歡這質。有點懷念澳門義順!

我覺得呢度最好食的，除了薑汁撞奶之外就係，豬扒包加木瓜奶。豬扒包好香脆的豬仔包，沒有醬料，但係已經好好味。豬扒香軟有肉汁。有時簡單的可以好好味。

「唔叫野食清茶十蚊！」這算是甚麼？一行兩人入到這間，因為剛吃飽晚飯的關係，我朋友不想再吃了，於是只我叫了一碗雙皮奶，而我朋友打算不再落「柯打」。誰知侍應竟送來一句這樣無品的說話，真叫人火都來埋！咁既服務態度，一世都不會再去！只可惜不能給零分！零分！

今日同mom去食雙皮奶, 我地2個都係第一次食,本來我想食燉蛋白, 不過冇, 叫左2個熱gei,order左幾秒後就到啦, 我最鐘意食個皮,個奶味真係好濃好濃, 又夠滑, 好好食,最好係唔會好甜, 食完kok喉咁.雖然成$18.5有少少貴, 不過間唔中食下都okay!!