港澳義順牛奶公司

营业中

休息中

一行六人在Baby Blue吃完大餐後, 走前幾步再去義順吃雙皮奶.一向覺得熱雙皮奶味道香濃些, 也滑嫩些. 入口嘟一聲就流滑到喉嚨去, 多吃肌膚會否像它一樣就未能確定, 但多吃就一定會增磅呢~

28/2(Sat)午飯後，來這裡吃飯後甜品。我和媽媽都要了雙皮奶，很香滑亦充滿新鮮鮮奶味，但媽媽覺得太甜，而我一向喜歡吃甜品，所以覺得不算十分甜，但如果糖份略為減少的話會較合好。環境和服務一般，那些侍應阿姐常常顧著談天，無笑容。

天氣凍凍地就更係要叫碗熱燉奶啦..友人就叫凍既薑汁燉奶...但我都係覺得燉蛋燉奶都係熱食會滑d, 試左一啖薑汁味既燉奶..我就覺得麻麻太重薑汁味好似無左咩牛奶味咁..又可能加上凍食啦好似無咁滑

第二次去這店猶記得第一次去應該係6-7 年前事, 當時這間店給我的印象的負分因為店員態度極度惡劣講番今次, 因為食飽要搵地方食甜品, 不知不覺行了去這一間我選咗個木瓜鮮奶及花生醬多士多士當然無乜特別啦, 相信間間食店對於多士的製法唔會有太大分別至於杯木瓜奶, 的確真係比平時飲的滑, 甜味足夠, 但又唔會蓋過奶味不過略嫌貴咗小小如果佢地的服務態度可以改善的話, 相信會更好

飯後甜品，朋友想吃義順。等了一會，要坐一邊的卡位。想吃朱古力的東西，想試朱古力燉奶，但原來沒有熱的朱古力燉奶，心想也算吧，雖然外面很冷。想不到都幾好味！好香朱古力奶味，口感像豆花。而且其實不冷的，不會『越食越寒』。朋友都話唔錯。薑汁撞奶，水準依舊，沒有什麼特別。見到別人的炒蛋很吸引！下次來吃lunch也好。

近期經常同男朋友夜晚去食野, 食左幾次其實都已經留意到d伙計態度麻麻, 但係上次去完之後, 我決定點都會叫男朋友唔好再去幫襯. 事發個日我叫左份豬扒蛋治, 個伙計拎住兩份三文治過來問我叫左邊份, 我同我男朋友都講左幾次扒蛋治, 佢都係拎左份腿蛋治俾我...跟住我話"我係要扒蛋治", 佢居然好惡咁話"頭先問你, 你又話唔係"...由頭到尾我都無講過"唔係"呢兩個字, 我從來都未試過入去一間鋪頭食野居然會俾伙計鬧, 仲要係個伙計唔o岩仲惡人先告狀, 我之後每次諗起呢單野都令我覺得好激氣. 我之前都曾經目睹佢趕客, 個次係3個大陸人(兩男一女)坐係張四人枱, 兩個男的都叫左甜品, 係個女既無叫野食...跟住我見到個伙計走埋去話佢, 佔坐位又無叫野食要俾$20, 個女人跟住話佢而家走, 個伙計都仲要講話"你都坐左好耐啦". 我聽到都有d目定口呆, 佢陪朋友入來食野都要俾人趕, 如果幾個人都無叫野食就話o者, 真係好離譜...

今日有事又去到銅鑼灣,岩岩好路過義順,便坐低食碗薑汁燉奶因為weekday的緣故,入面大把空位,落了order之後一分鐘便有得食了,熱辣辣的薑汁燉奶,極其幼滑,奶味幾重,卻無蓋過薑汁的味道,而薑汁則並不辛辣,不會破壞牛奶的香甜,兩種味道相得益彰,真是好好味!

好耐無黎，今日同兩位朋友黎到食燉奶。左起...1. 朱古力燉奶 $21 - 朋友話味道適中，唔會太甜2. 薑汁燉奶 $21 - 幾夠味3. 雙皮奶 $20 - 正啦!!! 奶味夠!另外叫左奶油多、鮮油多，都幾好味!!! 唔會太漏!亦見到佢新出有咖啡口味ge燉奶，下次有機會試下!

八月初四‧晴喝了不少啤酒，只想吃點甜的東西。朋友說來這裡，無可無不可，就來一試。不想吃燉蛋，就要了薑汁撞奶。這裡的撞得不錯，看起來晶瑩，吃起來嫩滑，有薑味之餘又香甜，在滿肚子是酒的情況下，吃這個甜品就無比受用。埋單21蚊，深宵想吃一碗有水準的燉奶，可以一試的。

早排o係公司食lunch買左碗紅豆雙皮奶 , 發覺同以前差好遠 ~ ( 真係都好耐以前喇 ~ 有2-3年前 ) 成碗都起水 , d紅豆又冇紅豆味 , 雙皮奶又唔夠奶味 , 淨係得個甜字 ......

都已經成2個星期前GE事,有晚食完野打算食個雙皮奶啦,點知成十一點幾仲要搭檯,都算喇, 跟手叫野啦, 黎得好快, 不過叫熱GE唔夠熱,同埋好甜, 我明白食甜品係咁, 不過都唔係得個甜字又唔香,跟住果度D人又勁大聲講野,仲以為去左酒吧,一定冇下次, 又唔好食,坐得又唔好。

上堂前, 在老銅逛逛. 熱, 疲, 食, 要解決三個問題, 就找到義順, 食碗雙皮奶.為何滿足了三個願望1. 熱, 一碗凍雙皮奶, 可以消暑2. 疲, 有冷氣位坐, 不亦樂乎3. 食, 不想大吃, 又可以頂頂肚.食過多次, 但始終覺得澳門比較地道.應該沒有"三聚氰胺"吧

食完<華姐清湯腩>之後, 諗住行去銅鑼灣散下步, 行一行又想食甜品, 咁就提議去<港澳義順牛奶公司>, 因為呢間我地都未食過, 本身只係叫招牌燉奶, 點知我見到其他人食0既通粉都幾好味, 而且仲叫埋咖央多士, 哈哈!!! 真係食完再食, 唔變肥仔都唔得!!! 1. 招牌燉奶 ($20) ~ 積奇梨對燉奶就真係麻麻, 因為我對奶都會有d敏感. 祖安就覺得燉奶夠滑, 同平時係酒樓食0既唔同. 仲有好香的牛奶味, 但係食落牛奶0既分量又唔重喎!!! 2. 牛肉通粉 (好似 $22) ~ 通粉有口感, 不過湯底好重麻油味, 牛肉就普通, 下次可以不用試了!!! 3. 咖央多士 ($8) ~ 呢個都OK, 不過<勝香園>的咖央多士就比較出色, 仲有<維記>0既咖央西多都值得去試!!!整體評價：可以一試的!!!

蛋治 $12 : 軟軟既麵包夾著炒蛋, 蛋亦不會過老, 係不錯, 但呢個價就貴左小小, 比盡佢 $10 紅豆雙皮奶 $24：無上一次咁好食, 雙皮奶夠滑但太過水狀, 紅豆亦唔夠熱, 減分, 下次都係去返杏花樓

兩年前黎過，尋日先第2次黎，因為地點不就腳同上次一樣叫左個雙皮奶一樣gum香同埋滑^^兩年後的水準依舊抵幫襯=D