港澳義順牛奶公司

营业中

休息中

跟一個很久沒見的朋友吃晚飯，飯後大家想再找一個地方吃甜品，便進了這一家，讓他吃他很掛念的正宗雙皮奶。一坐下，大家立即用條件反射，跟伙計說要一碗熱雙皮奶。那知來到的雙皮奶，表面看上去跟往日如一，那知一吃下去，只見底下水汪汪。雖然奶味依然很濃，不過那一攤在碗底的水卻為這個雙皮奶扣了分。難道價加了，是因為來貨的材料貴了，抑或是租金升了？

多年前接待過遊客，他們手中的旅遊書有介紹港澳義順牛奶公司，他們問我質素如何，我答不到他們，因為香港美食多的是，不一定旅遊書介紹的就會吃過吧。不過這也是其中一個原因，我努力認識香港。當時在太子分店外賣了一碗雙皮奶，不知是不是放得久了，感覺是極一般。一隔多年，今日就在銅鑼灣認認真真坐下來一吃。我知入來吃通粉是一件很險的事，不過我倆真的有點餓意，不得不各一碗通粉打底。我點了豬扒通，女友點了牛肉通。通粉不會粉，有一點點彈力，可惜湯底比較多msg，當然不會好吃。豬扒煎得香，加上薄身，理應不錯，不過過鹹。牛肉不知加了什麼，是夠鬆軟，不過味道奇怪。再點的當然是熱的雙皮奶，奶味香濃，那固口感細滑，我倆也覺得相當不錯，所以證明吃此類甜品外賣會差得多。

一直都很想吃 這天終於有機會...跟朋友都要了馳名的雙皮奶,一冷一熱! 總是覺得熱會比較好吃真的很滑..很好吃*值得一試

這里的服務真的有夠差的，我點的粉面沒有給叉，我叫侍應取叉他並不是去取而且還在推卸責任，我都火起來了。之後到埋單果時，個啊姐竟然可以找錯錢。果個啊姐找錯錢又唔認，佢真係識唔識計算的!!!

由於銅鑼灣有太多唔同既食店, 決定得意d, 去食義順做lunch, 反正唔多人, 唔使等位. 不過呢間義順既門好重, 要好大力先推開到~ 呢到要改善下咯~決定點個香濃朱古力燉奶, 不過阿姐話呢個同咖啡燉奶都只得凍, 冇熱既. 唔緊要啦, 反正今日天氣唔係好凍, 食個凍既都無問題. 由於一早已經做好 (即係雪櫃都拎出黎之嘛), 所以一落完柯打, 不出10秒就上~顏色幾靚喎, 唔會個表面比入面深色好多. 燉得幾好~ 放入口, wow, 好滑! "good" 一聲就吞左~ 哈~ 而且好輕, 感覺有d似羽毛--又輕又滑~ 正! 好快就清左呢碗香濃朱古力燉奶. 不過細碗左d~ 如果大一個size就v good!d阿姐既服務態度幾好丫, 我走個時仲同我講拜拜 (其實個下我係一驚, 因為冇諗過嘛.). 哈~不過$22咁細碗燉奶似乎貴左d喎, 唔係好抵~

上嚟openrice一睇先知原來呢間嘢咁多劣評咁就真係唔怕多我一個！！！！今晚年三十我哋一共9個人一齊入去食嘢咁啱有一個人唔食咪叫8個甜品點知個姐姐仲好鬼黑面同我哋講黑面阿姐：「未叫齊」咁我哋咪逐個人問係咪已經叫咗嘢食我哋：「我哋叫哂喇」黑面阿姐：「得8個」我哋：「我哋有人唔食，咁8個啱呀」點知個黑面阿姐企喺度又唔走開又唔出聲又唔幫我哋落單搞到我忍唔住問佢係咪唔叫唔得個黑面阿姐先用支筆篤兩下個價錢表最底下行字唔叫係要收每人10蚊茶錢但係我哋唔叫嘢食嘅，都係得一個人個朋友唔叫嘢，係因為之前食過覺得難食最激氣嗰下，係嗰位朋友原本係冇位坐，要另外加凳衰啲嗰句你哋唔休做我哋都唔一定要食你義順如果唔係年三十費事掃興我會即刻拉大隊走人問心嗰句我覺得佢啲食品唔係咁特別只係吊高嚟賣！！！

晚上到了cwb義順作飯後甜點.巧手薑汁燉奶友人說 ''入口即溶'' !蓮子燉鮮奶也是無可厚非的''入口即溶''不過蓮子沒什麼特別只是以糖水煮過放上燉奶而已,與燉奶沒有'結合不過,真是貴了一點 $20多元一碗.....'

一直想試試看與家鄉順德的味道是否一樣 但我覺得一般是奶味不夠 , 奇怪的是食到有椰香味相比幾年前在順德大良食的雙皮奶義順的味道還欠好遠不過在香港來說 , 這雙皮奶都OK只是不夠地道下次試下其他 ^^

星期六一家七口到銅鑼灣的義順食墩奶, 間嘢冇乜人, 不過佢要我地七個人坐6人卡位, 有一個要坐路口, 人地想留番D大枱俾多些人的坐,我地都諒解, 我就隨手拉張有PAN櫈坐路口都未坐落去, 個阿嬸嗱嗱聲走過嚟話: 我俾張圓櫈你就一手攞走張有PAN櫈, 放張圓櫈落嚟我都未火, 就話: 我坐埋D就得啦佢話: 你會阻住我地行過我重未火: 就話: 我坐乜嘢櫈都係坐咁開嫁啦, 個櫈PAN多唔到一吋就換番咗張有PAN櫈過嚟, 一股坐落去這時有個阿叔走過嚟, 又話:我俾過張圓櫈你 (兩個都係唔該, 唔好意思, 對唔住, 等的說話 and/or BODY LANGUAGE-------都冇)我已有點火, 不過唔想玩咁吋, 想幽佢一默, 大家好落台, 接咗佢張櫈,講埋唔該, 就用嚟放手袋佢重要堅持, 話: 你阻住我地行我D家人都開始火一個問: 你可唔可以行另一邊先?一個問: 你係唔係咁肥行唔到先, 洗唔洗我行一次俾你睇呀?我又問: 你係唔係覺得我真係咁阻路?佢都係一句: 你會阻住我地拎嚟這時我們己經冇MOOD同佢玩, 一個家人話: 咁我地走, 唔阻住你做生意嘞於是去咗麥記食雪糕

同朋友食完burger再食甜品就黎左義順啦之前食過佢馳名既雙皮奶今次就試試朱古力燉奶啦一黎到, 試過之後同想像中既"朱古力燉奶"好大差別,,,入口係有d燶燶地既, 好似煲燶野的味道係有朱古力味但係好微好微....下次唔會再食, 食番雙皮奶穩陣d....@@

寫左幾次, 最後今次, 唔想再番兜寫落去今晚一條冷又係到開餐, 點了雞蛋治加熱薑燉奶夜晚既麵包仲係非常鬆軟, 蛋有點老亦不夠厚身, 普通料 熱薑燉奶: 夠滑夠薑, 美味 三十多元不算貴, 如果銅鑼灣還有更加多既甜水鋪選擇, 更加無番兜理由

馳名雙皮奶：比之前差在DD。雖口感依舊細滑，但奶味不夠香濃。鮮奶麥皮：相較雙皮奶，鮮奶麥皮奶味較濃。入口有點滑溜黏著嘅感覺，配合麥皮嘅口感，都幾好食。

之前食過雙皮奶覺得冇乜特別,只係奶味較濃.個人喜歡<葫蘆館>既撞奶多d. 今晚經過見到咖啡燉奶, 實在係抵受唔住誘惑.好香濃既咖啡味,對於我呢個咖啡迷黎講,簡直係~正呀! 不過就完全蓋過咗奶味.

雖然不喜歡重奶味的食，但如果好食一定棒場。慕名以來，明明時間已經好夜，但舖裡依舊好多人。要了點特色的紅豆雙皮奶。紅豆很少，以致奶味很重，食唔慣。伙計見你食完都會有 d 動作暗示你埋單走。想坐耐 d 要再叫野。我想出名的舖頭都要忍受呢 d 吧。

和一位朋友去吃下午茶..雖然食物ok但服務員態度極差, 催促我地叫食物及警告我們要叫至少兩樣食物態度極差.... 好像想趕我們走叫她給我們一杯水... 她給一杯極熱的水... 又黑口黑面極之無禮...這樣的服務態度.................想再幫襯都難....