渝痴漁醉

营业中

休息中

約左班舊同事食飯，佢地問我銅鑼灣有咩好食，我即刻介紹左佢地食呢度。佢地價錢合理，個set lunch 重好多選擇，我每次一定點佢地嘅口水雞同水煮牛肉，正到不得了。值得推介嘅餐廳

平時同朋友返大陸按摩會去食下麻辣魚鍋，喺香港真係第一次，咁啱朋友聽同事提起呢間不錯，於是我哋就去試試佢！魚鍋方面都幾多選擇，又可以叫啲配菜當打邊爐咁！另外亦有不少惹味小菜可供選擇，真係睇到花多眼亂，樣樣都想食~ 最後我哋叫咗清江魚配特色鮮花椒味、酸辣土豆絲！魚鍋我哋想叫微辣，但以店員講解鮮花椒味屬於微辣，但其他鍋都可以以個人喜好選擇微辣、小辣、中辣、大辣！另外加配多碟好抵食嘅A4-A5和牛試下~店舖好貼心地送上圍裙比我哋著住食，以免啲魚汁會整到衫朋友唔太食得辣，就叫咗杯柑桔青檸梳打解辣，甜度適中不錯！主角清江魚到了，真係好大條！先飲一啖湯，唔太辣有好香嘅鮮花椒味，魚質食落好滑好入味好好送飯，於是我哋叫咗一碗白飯撈湯食，真心不錯！呢碟酸辣土豆絲炒得不錯，食落唔算太辣，食完咀邊有麻麻嘅感覺，土豆絲好爽口，酸酸地又幾開胃！A4-A5和牛放湯碌，油脂分佈好均勻，有入口即溶感覺！呢個價錢食到真係超值！值得推介！最後附送兩碗有個桂花爽，配埋西瓜肉涼涼的好有解辣作用！

「渝痴渝醉」真係一聽難忘。身處銅鑼灣鬧市，要揾食無難度，一家四口去到金百利就直上渝痴渝醉食魚窩。先叫江青魚(渝翁招牌豆花烤魚/可走辣($298) - 江青魚祇有魚骨一條，入口啖啖肉，熱辣辣的魚窩舖滿紅紅的辣椒，但味道並非想像中的辛辣，當然分大，中，小辣或走辣，但食魚窩，始終喜歡有些少麻辣味道才能帶出魚的鮮味，而大大條的青江魚足夠四人份量，更可多叫配料食材放在魚窩內滾兩滾，食幾多叫幾多。有魚必有菜，叫了一碟大碗花菜($78)，清清淡淡的清炒椰菜花，新鮮的菜花能把麻辣的味道中和，但椰菜味道鮮甜，絕對推介。再嚟乾扁田鷄，先把田鷄灑上椒鹽再加入紅，青小辣椒油炸，但入口味道有濃郁椒鹽味中帶少許麻辣味。食完辣始終想飲番一杯冰凍飲品，就叫了一杯somersby crush提子味($38)，紫色中加入兩片檸檬，味道既解渴又可口，是很不錯的選擇。飲飽食醉仲加送糖水生菓，食完辛辣煎炸食物再吃冰凍甜品生菓，特别覺得透心涼。食物質素不錯，價錢大衆化，地點適中，食完行去搭地鐵返屋企，十分方便呢。

今日去左銅鑼灣覓食 去左金伯利睇下有咩食 揀左渝痴漁醉由於我唔識食好多骨嘅魚 所以問左店員邊條魚最少骨佢話清江魚 咁就揀左呢條 再加麻辣豆花湯底 可以加配料打邊爐 就加配左烏冬同埋做緊promo 嘅黑毛牛片條魚到左之後 店員見我著白色衫就遞左2個圍裙比我同朋友 服務非常貼心 條魚好大條 覺得$300 都幾抵食 好多肉 而且真係冇乜骨 好滑 加埋啲湯好好食 不過唔係幾夠辣黑毛片亦都好正 唔係一般肥牛 顏色粉紅 肥瘦適中 食落都好滑同好有牛味 估唔到98蚊會有咁嘅質素除左邊爐 仲叫左四季豆同皮蛋四季豆好有鑊氣 啲肉粒同欖菜好惹味 不過佞佞下覺得有啲咸而皮蛋係流心皮蛋 個蛋白唔係平時啡色而係淺色嘅好食但係2個人食 會有啲漏 建議多啲人先叫皮蛋總結魚同小菜都非常唔錯 但可以問下烤魚可唔可以加辣 想食烤魚的話都係一個唔錯嘅選擇

主打邊滾邊吃烤魚，用鐵盤盛載，以火爐烘住上枱除左烤魚打邊爐仲有家常小炒，款色都幾多。招牌豆花烤魚，魚選了清江魚，魚大條又肥美，最緊要好少骨，啖啖肉。魚肉質雪白嫩滑，無腥味鐵盤上面舖滿了滑豆腐、香茅、芽菜、辣椒和蒜，配料十足，但香辣味稍為欠奉酸辣土豆絲土豆絲炒得乾身，好香口，鑊氣十足有又麻又辣嘅味道，略帶酸味，都幾醒胃7星辣子雞賣相炸得好脆，都幾多乾辣椒，包括指彈椒和子天椒，但入口較乾，沒有鬆脆口感，這個不太建議

<渝痴渝醉 烤魚正>🌶🐟呢間喺cwb金伯利上面既渝痴渝醉 食既係川菜 除左有小菜外 最正就係雞煲烤魚 味道都唔錯 價錢ok 😌🍴渝翁招牌豆花烤魚鯇魚 238 蚊🌶🐟魚底同魚類都可以選揀 我就點左佢招牌豆花烤魚 一上枱好香 有炒過即辣椒 脆豆 芽菜等等 鯇魚多骨但好甜同嫩滑 😀 魚皮煎過先放入辣鍋 所以好惹味 😍 放喺四角既豆腐應該係百福豆腐黎 好香滑 盡吸辣汁 整體都好正👍🏻寛粉 26 蚊🍜名符其名 比較闊身 口感煙靱爽口同飽肚 同辣魚煲 食係幾夾🍴A4 至A5 鹿兒島黑毛m牛 98 蚊🐂抵食 特價既靚牛肉 牛肉肥美脂肪紋幾靚 食落比較軟熟 牛肉味適中😀🍴青炒萵筍絲68 蚊🍀熟既小炒 萵筍甜同新鮮 炒得夠鑊氣 唔錯 🍸Somersby crush 38蚊落左somersby提子味既特飲 外表靚 味道加埋酒都唔錯 配辣野okScore 平均分 <7.9/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍

平時食飯只有我和寶寶二人，好少會點一條魚食，因為總是會食不完。今晚好想食魚，咁點算？那直接把魚當主食便可，烤魚是最好選擇。對魚的種類沒有什麼概念，見點菜紙推介比較少聽見的清江魚，便點來試試。因為寶寶不太好辣，於是便點了相對無咁辣而又多香料的漁翁招牌豆花烤魚配清江魚($298)。清江魚很大條，魚上面舖滿了香茅、芽菜、辣椒、乾松子、芝麻和蒜片，十分惹味。而且仲有滑豆腐做配料，可說是很足料呢。清江魚魚肉都蠻厚身，魚皮帶點煙韌口感而魚肉就好滑身，唔算多骨，挾起就食到啖啖肉。烤魚雖然用上好多香料，但又唔會太濃或太咸，蓋掉魚肉的鮮味。烏冬($28)和寬粉($26)食濃醬汁湯底的烤魚一定要點烏冬同寬粉，可以吸收晒香濃皂山湯底精華，特別是寬粉，煮至透明時會變得煙韌彈牙，十分好食。腐皮($28)腐皮好大塊，放到湯底內又同時吸收湯底的精華。凍豆腐($22)凍豆腐就比較普，以為會是蜂巢凍豆腐，但原來只是凍左的布包豆腐。相比下本身烤魚內包埋的滑豆腐仲好食。鹿兒島黑毛牛($98)一送上檯覺得好細碟，望落又唔似特別靚牛肉咁，但原來食落好香牛味，看起來唔多脂肪但煮過後肉質又可以保持到嫩滑軟淋，都值得一試。飯後還有黃

筆者雖然講唔上係個魚痴，但都幾鍾意食魚，記得早排去左天后一間主打重慶風味的火鍋店吃烤魚，條魚新鮮熱辣，分量十足，而且一端上桌，已飄來陣陣香味，邊滾邊吃，感覺很正，所以一直都好回味。近日從友人口中得知，銅鑼灣都有間主打重慶風味的烤魚火鍋店，據說店子除了供應烤魚和火鍋外，還有家常小炒、涼菜及特色香鍋，地道美食應有盡有。唔講由自可，一提起就心思思，趁天氣還有點涼意，一於坐言起行。餐廳座落於記利佐治街金百利廣場 8 樓，店內裝潢極具心思，牆身以魚為主題，不但畫上了不少游來游去的魚兒，而且還將可愛的貓咪化身成廚師，為大家烤魚，配上旁邊嘅漁夫捕魚壁畫，色彩斑斕奪目，再以窗邊的捕魚網作襯托，形象鮮明。安頓後，店員先為我倆送上餐前小食，有蠶豆同紅莓乾兩款。拿起菜牌細看，魚類共有五款選擇，有鯇魚、凌波魚、清江魚、桂花魚和深海石班，而醬汁就有渝翁招牌豆花、特色鮮花椒、老壇酸菜、濃香孜然、金牌蒜香、秘製麻辣、經典泡淑、風味醬香等八款。客人可額外追加配料，有安格斯手切肥牛、蔬菜、豆品、丸子、粉麵類等。除此之外，還有之前提過的家常小炒、特色麻辣香鍋、特色川菜、風味涼菜、主食、甜品及一系列飲品可供選擇。既然一心為

約左朋友係銅鑼灣飯聚，金百利係一個覓食的好地方～～地點方便又多選擇！今次朋友熱烈推薦要來試試渝痴漁醉，主打烤魚，雞煲，川味小菜等等，很適合嗜辣的朋友三五成群來聚餐～～先點一些川味涼菜開開胃⋯⋯小龍坎口水雞口水雞十分嫩滑，不太辣，味道亦夠惹味～夫妻肺片晶瑩剔透的牛𦟌肉，可見師傅刀功利害，把夫妻肺片切得夠薄，一口一塊剛剛好！渝北涼粉口感有點似苟弱，比一般的粉皮滑溜，配上特製的醬料吃著挺開胃～～萵筍炒木耳吃了這麼多重口味的小菜，總是要來個健康小菜平衡一下～～重點來了！必點招牌烤魚！！如果可以食辣，一定要點渝翁招牌豆花烤魚！辣度可以任君選擇～～今次我們揀選的清江魚夠大條又多肉，不多骨頭，幾乎是啖啖肉，配埋招牌豆花湯底辣而不麻，夠香又夠惹味，吃得十分滿足～～當然少不了這些鍋邊配料～～土豆片跟湯底很夾，美味～～飲品又大杯抵飲！吃得差不多，店員會主動送上桂花啫喱糕作飯後甜點，中和一下油膩感，貼心！超級滿足的一頓晚餐，已經和朋友們約好下個月再來光臨～～～

本身約左朋友去食泰菜 點知行過見到呢間魚鍋個點評都好似好高 就膽粗粗去試下我地兩個女仔 叫左一個酸菜魚鍋 再加左一份寬粉 一份娃娃菜因為加入左新會員 送左一份木耳再叫左三杯特飲 埋單連加一先500蚊 好抵食🍴酸菜魚⭐️⭐️⭐️⭐️⭐️我地簡左桂花魚都算大條 多肉兩個女仔食岩岩好基本上我系食唔曬我果邊果半條魚 因為條魚真系幾大條😳之前食過第二間魚鍋，個酸菜鍋煮左2個鐘之後會變得好傑同埋會好甜 勁奇怪。不過呢間完全無呢個問題，岩我口味，會再encore !!! 🤤🤗D侍應都好helpful 會主動加湯 加水 換碟 加紙巾環境服務都食得舒服 唔會話太嘈⭐️⭐️⭐️

喜歡食辣野嘅我，最近得知係銅鑼灣鬧市中開左間川菜專門店，主打香鍋同埋烤魚，好想黎試下。由於同行朋友唔太喜歡食魚，我地揀左配料選擇較多嘅香鍋。香鍋辣度有四個選擇，分別係香辣，麻辣，孜然同埋醬香味。我地揀左麻辣，而配料方面我地揀左肥牛，豬耳，雞翼  ，貢丸  ，香菇  同埋豆卜  ，當然唔少得大量辣椒啦。香鍋上菜時熱辣辣，賣相吸引，入口微辣，配埋飯食都幾開胃，不過喜歡食辣嘅我認為可以再辣多少少，咁樣入口就會更加惹味。配料方面，值得一讚嘅係廚師將雞翼一開二，方便客人進食，除此之外，豬耳亦都切至幼身，入口非常爽，口感同味道都非常豐富。除左香鍋之外，我地都叫左個「小龍坎口水雞」。啖啖肉嘅雞件，肉質非常嫩滑，亦都唔算多脂肪。雞肉吸收晒秘製麻辣醬汁後，聞落好香，入口又麻又辣，非常好味，令人一件接一件咁食。Somersby Crush 原味 ／Somersby Crush 提子味 ：食d味道咁濃嘅野，點都要飲返d凍野解下渴。近年黎真係好興呢d賣相精緻，倒轉酒樽插嘅飲品，見呢度價錢非常超值，都想試下。呢杯特飲只係賣相已經夠吸引，底層有D類似梳打水+檸檬／提子沙冰，再插入一枝原裝嘅Sommersby Ci

成日好想食烤魚，不過多數都係辣的。我不是不吃辣，但見到咁濃味又有d驚。上到黎呢度，原來有唔辣的選擇。我選了金牌蒜香味。魚主角選了鯇魚（$238）。伴個稻庭烏冬和響鈴（各$28）。另外習慣打邊爐有牛，見到鹿兒島黑毛和牛做特價（$98）也點了一份。等了十分鐘左右，食材陸續送上。烤魚最後出場。原條開邊鯇魚放在薄鍋正中。身上鋪滿大量碎蒜及蔥，湯汁內亦放有多粒蒜子。顔色、賣相、香味都非常吸引。我一口氣切了一大段放到自己的碗裡去。吃鯇魚時要很小心，慢慢將細骨挑出來。剛好弄熟的魚肉，肉質非常嫩滑，連碎蒜一口吃下極為美味。黑毛和牛看起比較肥，脂肪比例較多。想不到口感極爽，沒有肥膩感，而且有香濃牛肉味。吃到這裡其實已經很飽（以上份量兩人食）。不過也要吃點菜和烏冬才均勻。將烏冬稍煮一會，湯汁就充分滲透令烏冬變色，每條都吸收了滿滿的精華。食完竟然還有甜品、生果附送呢。那碗桂花甜品幾特別，鼻涕與啫喱之間的口感，泡在甜甜的桂花糖水中，味道其實也不錯。

去到銅鑼灣，金百利廣場這一間川菜真是冇得彈，已經去過好多次，我都算係熟客。今日同女朋友行完宜家傢俬，好自然想去依度，食川菜真係會上癮。喜歡這家菜館，不單單是因為菜式好味，而且地方餐桌非常乾淨，因為食川菜的地方，很容易會有油漬，但是這裏枱擦得非常乾淨。而且每一台好細心有紙巾及冰水！相反有唔少餐館，紙巾會另外收錢，細心照顧客人要加分店員咁多次來都好親切，譬如今次電話冇電，餐廳好樂意借叉電器俾我哋麻婆豆腐（$68）每次來到必定要叫嘅菜式。餐廳用豆瓣醬把豆腐他們炒到色澤鮮豔。中間的白豆腐、紅辣椒、深紅色的肉、綠蒜苗，賣相已經相當吸引。之後山椒帶出刺激的麻痹感，配白飯吃超一流！皮蛋一塊塊排列整齊，半透明的蛋白，啫喱般的蛋黃，賣相已經非常吸引。識開又如何呢？咬下去蛋白即鮮明地分開，蛋黃非常香濃，小小川辣味，伴菜、送飯極品！與上一道麻婆豆腐，算得上是黃金組合。朝天門水煮魚（$218）大大盤水煮魚，香魚夠滑、分量多，夠晒辣、夠晒麻！如果唔夠可以向店員進一步提升辣度！提一提大家，底入邊有薯粉。餐廳選擇的薯粉，特性係唔會吸收過多辣油，麻辣味可以恰到好處。以前試過有些餐廳，錯誤選擇一些薯粉，過度吸收辣油，以

好耐無食烤魚，之前見佢新開‘已經好想試，近我放工，味道視覺上都好好，唔係好辣夠香，係配料唔多，魚鮮美 ，價錢偏貴dd，位都好好坐，亦都怕食緊會彈到衫污濁，有一次性圍裙俾你，都好多普通話既客人食。有甜品 解辣，清清地抵飲$98 牛

渝痴漁醉位於銅鑼灣金百利，地方位置方便易揾！有烤魚打邊爐and小炒，款色都幾多添wo當晚我地叫左烤魚！我地叫左隻「清江魚」，店員說這條魚只有一條大骨，所以非常容易進食我地選擇左渝翁招牌豆花做湯底來烤條魚！可以選擇唔同辛辣程度。我地叫左少辣，看上去湯底血紅色！但其實沒有想像般那麼辣的清江魚魚肉嫩嫩的，好幼滑最重要係唔多骨可以好滋味咁啖啖肉吸哂湯底既香辣味！惹味得很仲有叫左份日本既A4-A5和牛，非常優惠抵食質數超班肉質 juicy嫩滑仲有海鮮都幾新鮮，彈牙既海蝦都唔錯