渝痴漁醉

营业中

休息中

個傻妹前兩星期跟學校去了四川參加 512 汶川大地震10週年紀念活動，回來後，說感受頗多，明白自己是多麼的幸福。我問佢在當地有沒有吃過地道美食，佢話食過 “重慶雞煲” ，好辣，但又好好食。返到香港都想再食多次。今晚就帶佢去銅鑼灣金百利廣場食重慶雞煲。呢度人氣旺盛，生意唔錯，客人都食到興高采烈。店員給我倆一些小食，原來有蠶豆，我好耐都無食過蠶豆了，好正! 個傻妹竟然放隻公仔話要影相post 俾同學睇，真係無佢收。我唔理佢咁多點菜先。先來兩杯梳打: 柑桔青檸梳打 ($28)、蜂蜜柚子梳打 ($28)。一杯甜甜酸酸，另一杯甜甜蜜蜜，兩杯都清潤好飲。來個小食【麻辣青瓜 $38】看似紅油好多會辣，其實仍可以接受，個傻妹就好欣賞啲青瓜好爽脆。我就開始有點頭皮發麻，立即要飲啖梳打中和下，舒服晒。【青龍湖鮮椒魚 $178】這個魚鍋好大鍋，好香胡椒味，令人口水都流。魚肉好嫩，其鮮味配合胡椒味，令人越食越想食。【重慶雞煲 (半隻) $168】打開煲蓋，辣味飛撲出來，傻妹話好香，比得上四川嗰啲。梗係啦，裡面有咁多辣椒辣油和薑蔥。雞肉嫩滑，唔韌，味道夠辣，初初覺得辣到上腦，後來習慣了就覺得好過癮。兩個餸好快

經朋友介紹去到銅鑼灣一間「渝痴渝醉」的小館，有幾種特別的魚都沒有食過，而煮法都有幾種，可自選鮮魚用不同煮法，平時食開都係桂花魚同黑草魚，原來仲有一種叫清江魚同凌波魚，渝痴渝醉有特色水煮同皇牌烤魚，可揀微辣至勁辣，看看個人味蕾可接受辣的程度。可自選鮮魚，點選了清龍湖鮮椒魚$178 ,魚肉新鮮夠滑，份量又夠多，最適合吃不到太辣的我。紅糖桂花水果冰粉細細碗而且不太甜。黃糖糍粑$48，軟糯綿綿煙煙韌韌，灑上面的黃豆粉香氣迫人。小館推出各種二人套餐都非常抵食。

仲記得第一次接觸烤魚係大學時代位於紅磡既所謂始祖店，而家已經周圍都開左呢d烤魚店隨時隨處都可以食，開心星期五落左銅鑼灣試呢個好多好評既渝痴漁醉，睇下會唔會真係食到我地如痴如醉🤤🤣 餐廳位於金百利8樓，地鐵一上去就係，地點好方便。餐廳分兩邊下面呢張係大d個邊，咁多枱一齊烤，坐呢邊應該會比較臭🤭 好彩店員安排我地坐個邊得三四張枱，食完都無味☺️魚翁招牌豆花烤凌波魚🐟🌶 有4款價錢既魚比大家選擇，鯇魚➡️凌波魚➡️清江魚➡️桂花魚。 我地揀左既呢條係凌波魚，都幾大條兩個人食岩岩好。魚皮烤到脆身，魚既肉質比較林但一d都唔霉，皮連肉食魚味好濃係新鮮魚。烤魚用鐵盤上枱，底會用火爐🔥烤住。重點係個烤魚汁調得非常野味，個汁完全滲透入魚肉中好入味。米睇佢咁多辣椒係面以為會好辣，其實辣度係可以自己揀，小辣都唔算好辣。鐵盤上既4個角分別有1片豆腐，烤左咁耐都仲好滑👍🏻略嚴配菜太少，只有豆腐同芽菜，如果可以有d菇菌就更perfect!自行加左豆卜同萵筍兩款配菜，豆卜比較難林會脆脆地，不過就可以吸曬d魚汁。水煮肥腸🐷🌶 $148除左烤魚外，亦order左我既最愛水煮肥腸🤤 一上枱有少少嚇親超級大碗😳 好似酒樓用黎裝一

渝痴漁醉 地址: 銅鑼灣記利佐治街1號金百利廣場8樓R1號舖 上次北上食烤魚鍋打邊爐後就上癮，返香港終於比我搵到間啦！烤魚鍋依不同魚種而價錢不同，點左份水煮魚$328 二人餐另加配料，煮埋一齊就一大盤上臺啦！我地鐘意可吸盡湯汁，所以點左大豆芽，海帶同菜煮埋一齊，魚片起曬肉，有好多酸菜特別開胃，辣辣的好過癮呀！撈起魚肉大快朵頤，魚肉沒腥味因調味夠香夠新，一大盤夠2-3人食。小食有麻辣青瓜，好大碟有夠麻同多水青瓜好夾。宮保雞丁粒粒雞肉好入味夠鑊氣，送飯一流架，套餐跟飯兩碗水果桂花廈粉同飲品可以解辣。透明似jelly 加入糖水同生果粒，食完麻有甜野中和，舌頭唔洗無曬感覺。香港都食到高質辣魚，唔洗下下來回90蚊車費仲來回要坐3個鐘車同排隊過關，下次拉埋深圳為食友來食辣魚。

因為近公司，所以好多時候都黎呢度食lunch, 呢度坐得舒服，冷氣夠勁，最重要係食物無得頂。個水煮牛肉同口水雞係my favourite, 正到不得了，有時自己一個黎食都好舒服，員工服務幾好，雖然係粗聲粗氣，但都好有禮貌，值得一去再去。

心血來潮想食辣野，聽朋友介紹呢左呢間食烤魚。雖然有book台，但黎到都等左一陣。-我地4個人一坐低叫左一份招牌烤桂花魚，幾個配料，同埋一份水煮魚。後來食得唔夠候，再加單叫左涼粉，雞絲涼麵，同口水雞。-本身諗住係香港食重慶菜都係過下口引，點知真係喜出望外😻-🔺招牌烤桂花魚（小辣）其實有4款魚揀，但我地唔太鐘意食硬身既魚，所以揀左桂花魚。小辣對我地黎講岩岩好，好入味。魚上台之前已經輕輕煮過，所以唔使等火全滾已經食得👍🏻🔺水煮魚份量相對地少，本身以為會好似龍利柳咁，點知原來有骨既，但都係辣度岩岩好-其他小食都不過不失，食完仲有甜品送，下次想食辣野會再黎！👍🏻

今日同同事去呢度食lunch，個水煮牛肉勁正，如果可以加多啲水晶粉就好，重有個口水雞都好食到不得了。個set lunch 重有drink同糖水送，應該會變成我既飯堂。

朋友想食川菜，於是就帶我嚟到銅鑼灣嘅渝痴漁醉。雖然餐廳唔算大，但座位寛敝，環境乾淨。食物選擇好多，有部分菜式可以選擇走辣，啱哂唔太食辣嘅朋友。我地點左一個水煮二人套餐($328)，套餐包一款水煮菜、家常小菜、涼菜，兩個白飯、甜品同飲品。我地點了煮牛肉、宮保雞丁、同山椒木耳。另外我地嗌左重慶雞絲涼麵、一杯渝痴漁醉 ($58) 同Somersby Crush ($38)。山椒木耳：木耳爽脆配上酸辣汁同香菜，味道同口感一流。重慶雞絲涼麵：兩味涼菜非常開胃，涼麵嘅麻辣醬汁好惹味，麵質爽口彈牙。宮保雞丁個汁酸酸甜甜，丁點都唔辣。 雞丁唔會好乾，整體唔會太鹹恰到好處。水煮牛肉：麻辣熱湯味道香濃，牛肉嫩滑，煙靭嘅寛薯粉吸收麻辣湯精華，好好食!烤魚方面我們選了清江魚， 以蒜味煮法， 絕對適合唔吃辣的人。 魚肉清甜， 魚味唔算太重，所以配合蒜味煮法能帶出其鮮味。 個魚湯越煮越濃， 配白飯吃一流!渝痴漁醉：朋友嗌左呢杯Signature飲品，係用左橙酒同七喜。Somersby crush：而我就點左超大杯嘅Somersby crush，配辣野相當唔錯，而且兩杯飲品賣相都好有心思。晚餐奉上特色配菜， 一款是

一早跟個同事來過呢間餐廳，位於銅鑼灣金百利，好多食肆，仲會有好多職員喺樓下派傳單，唔多唔少都被吸引過來。餐廳位於8樓，除左等電梯時間比較長，其他都很好。之前來過食烤魚，正到痺，好少可食到咁好食又入味嘅烤魚。但今日再來，竟然見到有好抵食嘅套餐，即管試下。套餐分2人、4人，我地揀左328蚊2人水煮餐，再加多個小炒，夠哂3個女仔食，十分抵「2人水煮套餐」328：包括 1：水煮/鮮椒/酸菜味 配魚/牛肉/肥腸/田雞；2：12款小炒揀1款，例如回鍋肉、泡椒牛肉、雞丁、咕嚕肉等等；3：涼菜1款；4：白飯兩碗；5：桂花冰粉；6：飲品前菜酸菜魚片酸菜魚片賣相吸引，加左好多芝麻，入面唔算太多辣椒、花椒，屬於容易入口嘅範圍，適合廣東人口味。裡面有好多魚片，已起骨，切片，入口滑溜到不得之了！而且索哂d酸菜湯底，好入味！湯底唔會太辣，酸度適中，酸菜份量不少，而且裡面仲有金菇，送飯一流麻辣青瓜涼菜可以揀一份，我地揀左青瓜，開開胃，爽脆夠辣。宮保雞丁雞丁份量不少，用上雞柳粒，冇骨肉腍，個羨夠杰身，粒粒都有香氣。帶少少香辣，十分惹味，又係送飯之選。呢度比較特別，用花生取代腰果，好香口，我都好鐘意食乾扁四季豆 68呢

天氣開始有些悶熱又係時候去食吓辣嘢衝擊一下。好在有位志同道合的同事嗜辣，尤其正宗四川菜甚有研究。於是我們一行四人到銅鑼湾金百利如痴如醉一番。銅鑼灣食飯一定要book位或者好早 就要到。 來到餐廳門口， 已隱約聞到四川麻辣的味道。 店內裝修並非一般傳統古色古香或帶中式味道， 相反幾現代型格，店員年青活力又有韓feel。丨餐牌選擇很多， 主打有正宗四川烤魚。 還有一些抵吃二人套餐已包括多款涼菜和水煮菜式。 當中有位同事不太吃辣，我們亦因此點選了一些唔辣的菜式。烤魚方面選了清江魚， 由於鯇魚和桂花魚都曾經試過，反而這款淡水魚好奇一試。 用了"金牌蒜香味"煮法， 魚頭偏小，魚身份量頗大，肉質厚實， 唔算多骨， 雖然冇桂花魚肉質咁滑， 但其肉味特別清甜， 滾到最後都唔會太老。配上勁多 炸蒜頭和碎炸蒜的魚湯， 完全冇腥味且帶出魚本身的香甜味。食明爐烤魚鍋的時候還可加添配菜，當作打邊爐一樣。 不過個鍋比較淺， 嘗試一兩款已足夠。 我們選了 震撼優惠推介 "鹿兒島A4和牛"一客($98)。 凡選烤魚或雞煲便可以優惠價點選一客。 和牛肉質嫩滑， 輕淥幾下已可食。 入口帶甜肉味濃。此外我們叫了一些大推的特

前陣子來到銅鑼灣金百利覓食，筆者幾位好辣之徒選了一間位於8樓，以四川烤魚為主打的小店，店內裝修帶點中國風的Cutie，地方整潔座位寬敞，店家還貼心的奉上膠圍裙，避免湯汁弄髒衣服。細閱餐牌，發現這裡除了川辣烤魚外，還有很多其他的川式前菜和小炒。我們先點來一些冷盤小食，椒拌松花蛋，松花蛋色澤金黃通透如啫喱般，有別於一般的皮蛋，少了那股獨特的阿摩尼亞臭味，入口軟彈流心，濃厚麻香。爽口豬耳，鹵豬耳切成幼條，撈上紅油麻辣醬汁，爽脆惹味。乾煸田雞，田雞未必人人敢食，但好此道者無不被其鮮甜所吸引，單看最懂吃的法國人也將牠入饌便知道確有其獨到之處。師傅以不同的辣椒和辣椒乾將田雞炒得香口乾身，但肉質仍舊細嫩多汁，香辣入味而不失鮮甜，就連平時少食田雞的筆者也忍不住吃上幾件，辣氣十足。 終於到主角登場，這店主打烤魚，單是魚種已有鯇魚、凌波魚、清江魚、桂花魚和深海石班五款選擇，而味道更是有八種之多，當中有辣有不辣，而我們就選擇了中辣的渝翁招牌豆花烤清江魚，店員推介這種魚只有一條大骨，方便不太懂吐骨的筆者，而且肉質還肥美軟嫩，是大廚推介之一。當魚鍋端上來時發覺果然句句屬實，魚身份量十足，口感香滑啖啖肉，最重要是

四川烤魚想食好耐, 但一直搵唔到同行朋友....今次終於有機會食到啦!!! 訂左8點半, 上到去full哂, 所以想食記得訂左檯先, 店員安排入座後簡單介紹有咩食, 咁我就交俾我朋友發板啦~ 最後我地揀左"渝翁招牌豆花烤魚",  既然係招牌當然要試試, 魚類型方面就揀左桂花魚, 貪佢多肉少骨~上檯時未點火已經好香, 已經條魚好大條, 食落啲肉亦好滑, 食得出係新鮮魚, 加埋啲汁同配料一齊食, 口感幾豐富又好味。而係爐四角既豆腐就真係意想不到咁滑, 絕對有驚喜! 邊爐小食: 有好多款小食揀, 我地揀左蓮藕 同 海蝦海蝦一份4隻, 都幾新鮮蓮藕片好爽脆, 吸收左辣汁好好味我地仲叫左碟夫婦肺片,有肚、牛展同脷.... 醬汁香中帶辣, 不錯食辣野一定要嗌野飲, 我地揀左柑桔青檸梳打, 最岩要黎解辣最後每位敬送甜品: 桂花糕 同 西瓜, 好清甜解渴 

名字好緊要，尤其是要一見到就可以令人記入腦的。呢個長假期決定留港消費，大吃大喝是其中指定動作之一。與女同行，近近地去咗銅鑼灣既渝痴渝醉食鷄煲，貪佢地點方便又就腳。先order重慶麻辣鷄煲半隻($168)全隻($238)，有辣，半辣和少辣的選擇，大女為咗遷就我就叫了少辣，但鷄煲一上枱，已聞到一陣濃香的麻辣味，鷄煲祇order半隻，但份量斤両十足。飲一渣渝痴渝醉($108)橙酒，用雪碧，七喜 溝walker，一渣藍色橙酒不衹入口透心涼，凈睇賣相已攞滿份。再嚟，懶人炒飯($88)一碟，唔知點解叫懶人炒飯，這碟炒飯點睇都要考厨師功夫，皆因炒飯要用冷飯炒就最好，兼且要炒到粒粒乾爽，最怕油笠笠的炒飯，炒飯加入肉粒火腿蔬菜雞蛋的食材，既健康又美味，懶人炒飯這名字應該是專炒俾懶人食才對。有肉梗要有菜，時令菜叫了大碗花菜($78)，花菜即係清炒椰菜花，味道爽嫩新鮮，衹需數分鐘就把花菜一掃而空。其實又鷄煲兼炒飯，二個女人仔已食到很滿足。叫埋單時，伙記仲即時送上生果甜品，正嚟得合時，食完鷄煲最好食冰凍甜品生果潤一潤。望吓手錶，夠鐘睇戲，其實長假期留港消費是對的。

最近天氣忽冷忽熱,. 又好鬼想食烤魚所以又約朋友食烤魚, 已經食過幾次了~ 我一想食就會約朋友同我食"渝痴漁醉"價錢又唔太貴., 又好食~ 野飲我就喜歡叫呢杯, 酒精成份, 但好飲, 基本上夠我飲成餐 ﹗ 所以好抵飲, 又大杯~ 仲有糖^^ 唔洗一百蚊, 加碟和牛, 超抵, 緊係加啦~ 除左食魚,都要食下牛肉先開心我朋友點的食物: 牛柏葉特登點既食物: 花膠,. 大家都要補下~ 最索湯底的菜之一: 娃娃菜~ 正~ 我緊係叫最少骨既魚啦( 清江魚) 100%推介我好怕多骨,,一多骨就唔食所以點最少骨的魚是十分十分重要﹗﹗﹗ 大大煲, 又香又好食SPICY 既程度由自己決定~ 足料^^ 朋友點的飲品~

尋晚同朋友兩個人聚餐，喺銅鑼灣行完街冇嘢做就想去金百利嘅呢間四川菜度食辣野。兩個肥妹仔叫左成六個餸，兩杯野飲。不嬲好食得辣嘅我哋都幾欣賞呢間，首先我哋嘅份量每一碟都唔細唔係揸流攤本人覺得最出色都係個水煮魚，同埋個口水雞必食推介個水煮魚下面仲有薯粉，辣到啱啱好！飲到湯唔會覺得辣親個喉嚨！其他都不過不失！另外比較欣賞嘅就係呢兩杯飲品，做粒顏色冰係入面，食到咁上下嘅時候，飲落去特別透心涼。如果喺銅鑼灣旺區，我覺得真係又抵食又大件！重要地方非常乾淨，通常呢啲地方會有好重油益味！但係佢坐得非常舒服同埋乾淨，抵讚！