渝味曉宇重慶老火鍋 (太子集團中心) (已結業)

周圍搵唔同既麻辣火鍋食最中意都係呢間已經唔知第幾次食啦，都仲係會定時定候食一次中意佢有半份叫既份量，可以試多啲唔同既配菜呢日星期日因爲唔想等位所以比較早食，但都已有幾枱客同樣一來就好體貼咁有雪耳糖水食潤一潤喉先一陣食太辣都唔怕指定湯底，每次都係叫麻辣小辣配豬骨湯底，食極唔厭呀真係叫左份大安格斯牛，四個人食剛剛好牛味十足，唔厚又唔會薄黃喉脆卜卜，15秒食得，薄薄一片又脆又爽口吸埋辣味好正毛肚大大片15秒岩岩好 又係爽口太中意食，四個人都要叫兩份鵝腸都好脆，今次叫哂啲好脆既配料，全部都好爽口又大條又新鮮鮮牛肉同手打肉滑好嫩滑彈牙浸埋辣湯好正仲有我一試就愛上既耗兒魚，食完第一次之後要次次叫，唔會腥又多肉冇咩骨岩哂我又滑又甜好好味！食完咁多肉同辣，黎個雜菜藍配落豬骨湯，甜哂清清地好好味呀！食完捧住肚走，每人都要400左右間唔中食一次就好滿足

🌟座落於尖沙咀的新式麻辣火鍋店 十分有格調 環境舒適 👱🏻‍♀️員工服務質素相當不錯☀️三面落地玻璃設計 讓餐廳充滿陽光坐正餐廳正中心的卡座 👩‍❤️‍💋‍👩跟朋友有一段十分愉快的相處時光❤️1️⃣麻辣火鍋的湯底故知然重要 相當足料 辣度十足之餘麻麻的口感都讓湯底顯得更惹味 更值得一讚的 是這家出名麻辣火鍋的餐廳都同樣把不吃辣的客人照顧周到2️⃣火鍋盤設計得跟平時鴛鴦鍋不同不是分左右兩邊而是大圈圈包著小圈圈 設計相當細心照顧到桌上全部人 不會有任何一款湯底享受不到值得一讚啊再講到用餐器具除了有普通正常火鍋用具3️⃣還附上一條即棄圍裙以防不小心把麻辣燙彈到衣服上著白色衫去 都無有怕啦食物質素十分有水準4️⃣牛肉軟綿綿 有牛肉鮮味5️⃣四色丸都十分有質素 有咬口之餘 很新鮮6️⃣另外值得一試的就是那個手打牛肉 加上芫茜顆粒 讓鮮味更加提升7️⃣加上鵝腸牛柏葉炸腐竹亦是值得一試的食材總括而言是一間性價比十分高的麻辣火鍋店環境優雅 食材新鮮 用具貼心 服務優質 的餐廳😊十分推薦各位麻辣火鍋粉絲去朝聖一下

一食再食就知真係好好味😍😍😍念念不忘又去再食 朋友都讚口不絕話好食過重慶。呢個麻辣火鍋係之前好出名既9宮格火鍋呀.我地揀左鴛鴦鍋 大骨滋補鴛鴦鍋配香辣湯小辣今次試埋耗兒魚 魚肉好結實 煮耐左都唔會好易散 連魚骨都食得 好軟的～必食就緊係鵝腸 牛毛肚同安格斯優質肥牛肥牛既肉質平均到呢 煮13秒左右食最正入口即溶咁 又好香.鵝腸同之前食既一樣 好長又大條落辣湯非常惹味又爽口牛毛肚煮耐左會韌 要留意下煮既時間啊～.配返2杯洛神花茶解辣解膩 一流👍🏻酸酸甜甜又開胃啊！.不得不提既係呢度會有靚景睇啊望住景色食好正呢

重慶麻辣湯底超香，食材好新鮮，品質好，好好食生日買蛋糕上去唔收切餅費咁啱4月份優惠，食滿300減100，如此類推不設上限，五個人埋單，$12xx，好抵食哦仲要食到超飽！

渝味曉宇曾經上過《舌尖上的中國2》，又是重慶火鍋的50強之一，當然要黎朝聖啦！選在中午的時段幫襯，貪佢人流相對上會比較少，唔洗等就有得入座。被安排在靠窗的位置，有勁靚嘅維港景，心情都靚啲！相信夜景更加無敵！桌子上有齊蒜蓉、香油、醬油、蔥花、醋等，也有店員問我們要不要指天椒和辣椒粉，仲有圍裙，唔怕啲辣油會彈到衫褲，唔錯！先來的是甜點，潤一潤喉，先甜後辣！洛神花茶 $18 each微酸中帶一點甘，頗為醒神的！鴛鴦鍋 $38 每位我們叫了大骨滋補鍋加重慶辣湯，中間的大骨鍋除了有超大舊豬骨之外，仲有紅蘿白、粟米、馬蒂等，香滑鮮甜。外圍的是最高辣度的重慶辣湯，又香又濃，勁辣得黎又唔嗆，出晒汗都仲會想繼續食，非常刺激！重慶炸酥肉 $60連埋大量原粒花椒一齊炸，既香又麻，愈食愈想食，根本停唔到，好味又過癮！稻田毛肚 $112一淥就會縮水，所以建議時間係15秒，而且啲毛會掛起大量辣湯，又爽又辣！鮮黃喉 $99鮮黃喉是豬牛的血管，又爽又脆又帶一點鮮甜，配大骨湯或辣湯都好夾，正！重慶耗兒魚 $79結實而且少骨，非常適合用黎打邊爐，個湯點滾都冇散，魚肉帶甜唔腥！曉宇嫩牛肉 $81肉質超滑超嫩，烚2分鐘啱啱好

自己好鍾意打邊爐今次就同咗朋友去sze尖沙咀呢一間專打重慶麻辣火鍋專門店咁入到去佢哋即刻畀一個雪耳糖水你 那個時候可以飲下糖水咁樣似肥雞呢就嗌咗燒粉嫩牛肉魚酥肉安格斯牛扒肉等等湯底就嗌咗重慶麻辣火鍋湯底同埋雜菌火鍋湯底咁佢嘅重慶麻辣湯底小辣但係都非常之夠啦 配埋啲皇后食簡直立得好過癮跟住然後再試下佢個雜菌湯底好鮮甜佢嗰啲分給埋湯底嗰陣味真係令人停唔到口佢嘅蘇玉出面有好一粒粒嘅花椒食落口又辣又向後再配埋一杯落神花茶，正！

今次多得朋友帶我黎😯，我先知原來之前成日係ig 或者其他地方見到嘅九宮格麻辣邊爐🍲就係出自呢一間火鍋店！🔥近呢幾年都有好多內地嘅火鍋店🔥進軍香港開分店，呢一間就係其中一間！佢係一個🌶重慶麻辣火鍋店，嚟到就當然要試吓佢個🌶重慶麻辣火鍋啦！但係由於一班人實有啲人食唔到咁辣🤧，所以最後我哋都係叫咗個鴛鴦火鍋，除咗麻辣之外，我地仲揀左大骨滋補鍋。🥳第一次食重慶火鍋，入鄉隨俗，1️⃣首先要自製醬料，枱上邊佢會有提供香油、蒜蓉、香蔥。另外，服務員仲會提供芫荽，辣椒。首先要倒香油再撈蒜蓉，之後就在按自己嘅喜好放入香蔥、芫荽、辣椒⋯⋯個人認為，點完佢可以令食物冇咁辣。😂⭐️重慶炸酥肉🍗好肚餓，叫左個小食食住先。呢個酥肉個樣好似炸魷魚蘇咁，食落好香口，佢用埋麻辣嘅籽去炸，所以睇下你鐘唔鐘意，唔鐘意就要避開d麻籽啊。⭐️稻田毛肚好大份，好爽口，好快就俾我地食晒。⭐️䁱宇嫩牛肉🥩呢個超嫩滑，開頭食完仲諗緊呢個係咩肉，第一次打邊爐食到咁嫩嘅牛肉。⭐️美國安格斯肥牛🐮好靚又大塊。⭐️手打香菜牛肉滑🥗呢個牛味重，牛滑好嫩。

見到openrice 呢排有唔少優惠，而呢間重慶火鍋店都有推出優惠， 加上位置都幾夠腳，可以約埋朋友一齊打邊爐，挑戰我最鍾意食嘅麻辣火鍋。餐牌上款式都唔少 ，真係諗到頭都大埋。當然要試下呢度推介嘅十味啦， 款款都好吸引，樣樣都想試。一坐低，侍應就送上一碗糖水，等客人潤一潤喉。好快湯底就送到，望到咁多辣椒同花椒，就知道呢個湯底絕對唔可以睇小。食之前梗係飲一啖呢個洛神花茶滋潤一下，酸酸甜甜嘅味道好開胃， 可以準備好個胃，挑戰嚟緊嘅食物。食肉獸梗係要試下呢個安格斯肥牛啦，一睇啲雪花咁多，當然唔可以錯過， 牛肉味好香，但唔會太肥。手打四寶丸都唔錯，有蝦丸、墨魚丸、牛丸同魚丸，我最鍾意嘅就係牛丸同墨魚丸，牛丸食落好彈牙，好多肉汁，墨魚丸爽口，而且有啲墨魚粒，好有口感。至於呢一個嫩牛肉食落都好滑，不過就同肥牛片有啲唔同，呢個就比較厚身，肉味更重。鵝腸爽口之外，唔會太肥，已經去曬大部分肥膏，食落好香， 罪惡感減咗唔少。 牛肉滑好香芹菜味， 肉質好彈牙，加咗芹菜嘅關係，令到味道好香好清新，必食。呢度嘅火鍋都幾精緻，而且價錢合理，可以下次再嚟。

趁住weekend得閒 ，於是約齊人一齊去打個靚邊爐 ，呢期最興嘅就係重慶火鍋 ，各式各樣嘅麻辣火鍋餐廳越開越多，不過呢一間位於尖沙咀嘅渝味曉宇， 標榜自己都係重慶老火鍋嘅正宗味道， 加上位置都方便 ，都係一個唔錯嘅選擇。門口等位嘅時候有提供到糖果同茶飲， 就算等位都有服務，感覺唔錯。睇定曬想食乜之後一入到去就可以即刻落order當然要試下推介嘅 鴛鴦麻辣鍋，不過 同行嘅朋友唔食得太辣，我哋只係揀咗普通辣度。食物都好快送到， 大大話話都叫咗唔少嘢食，睇見已經夠曬吸引。先試下呢一個新鮮即整嘅紅糖糍粑，食落熱辣辣， 入口 外脆內軟， 加上紅糖漿同芝麻，味道非常香口。至於呢個就係比較少見嘅大刀牛肝，店員提醒我哋可以將上面嘅鵪鶉蛋黃同牛肝撈埋先至淥， 咁樣做可以令到牛肝嘅味道更嫩滑。果然食落唔錯，入口好滑，唔會太硬， 而且非常大塊， 簡直唔似食緊內臟。而食重慶邊爐又點可以冇黃喉同埋黑栢葉呢， 兩者都整得好薄， 煮十零秒就食得，食落非常爽口。至於田園菜籃都有好多款式 ，除咗普通嘅生菜同娃娃菜，亦有油麥菜、皇帝菜及金菇， 都幾新鮮。不過溫馨提示下，啲菜好吸味，如果放辣湯嘅話， 都會幾辣，所以我就

渝味曉宇重慶老火鍋 登上《舌尖上的中國2》唯一推介嘅正宗重慶老火鍋，令到我好期待，果然無失望。無論係食物，環境同服務都不錯。餐廳座位寬敞，有落地玻璃滲進日光，日頭可以欣賞海景。餐廳好貼心為顧客準備即棄圍裙👅，免得湯汁濺到衣服。我地點了麻辣及蕃茄魚頭口味湯底，上層為蕃茄魚頭湯底，下層就係麻辣湯底，避免兩者湯底混合。配料點左曉宇嫩牛肉、極品鵝腸、安格斯肥牛、毛肚、紅糖糍粑和同黃喉。🖖🏻😽仲有清甜雪耳紅棗糖水解辣洛神花茶特飲酸甜酸甜，好開胃肥牛油花比例均稱肉質軟嫩，吸收麻辣湯味道后更聽不了口。這餐以紅糖糍粑作尾，炸糍粑外脆內軟，富有米香口感煙韌，沾蜜糖更甜而不膩。😦🤤

朋友食過話好味既麻辣火鍋🍲今次帶埋我黎一齊挑戰食辣野🤤🤤🤣🤣今日未天黑就已經去食飯，為左假日避過人潮同坐係望到海景既窗邊位，打邊爐🤭真係好梳乎呀！今次揀左鴛鴦湯底：蕃茄魚頭鍋 拼 麻辣湯底🌶🌶哇，一黎到都有啲怯！🤨好似真係好辣咁。紅紅橙橙既麻辣湯，望到都覺得好惹味。個麻辣湯唔係得個辣字，辣得黎係好香濃又開胃。蕃茄魚頭湯好足料。個湯底好清甜，又不會油膩！大大舊魚頭，食落好鮮好滑。呢度有好多款特別既火鍋料，都幾特別！安格斯肥牛🐂賣相好靚，夠哂肥。食落牛肉味重又嫩滑。😺鮮黃喉:韌度非常爽口，好味。大大塊食落口感豐富👍都唔錯。重慶耗兒魚🐟：第一次食呢隻魚，又幾好味。肉質比較結實不怕淥熟左會散哂。食落魚肉好滑同鮮味！鵝腸:大大條，淥熟左唔會話縮到好細！口感非常爽口彈牙。食落唔會有陣腥味。曉宇嫩牛肉🐂牛肉好鮮牛味，肉質更嫩滑同厚肉，食落更有口感。好有嚼勁唔洗滾好耐就食得。👍曉宇苕粉:苕粉好好味，要淥到腍哂，索哂個湯底精華先夠正，食落真係好惹味！食到最後，都真係幾辣🌶🌶餐廳送左碗雪耳糖水我地飲，解下辣，滋潤下個胃。好清甜，真係岩哂呀！

難得同班好耐冇見既朋友約出嚟食飯，梗係諗住食好少少啦，一班人最好就係打邊爐，上網就搵到一間喺尖沙咀有好高評價嘅火鍋店。一上到去已經見到間鋪環境乾淨舒適，而且非常簡潔，望出去仲可以見到維港嘅海景添。一坐低店員已經送上甜品冰糖紅棗雪耳，可以幫客人食辣野前先滋潤一下腸胃。 (太好味，飲左一半先記得影)雖然呢度最出名嘅係九宮格麻辣大紅鍋，但由於我哋有一半嘅人都唔係太食得辣，食辣嗰個今日腸胃又唔太舒服，所以我哋揀咗大骨滋補鍋同番茄魚湯鍋。以為鴛鴦鍋一定係好似一般火鍋咁分開兩邊？佢就分開咗內外兩個鍋。 湯底既材料非常多，我最鐘意個大魚頭！稻田毛肚：即係牛柏葉，黑色係因為未漂白過既，薄薄地一片好爽口。鮮黃喉：第一次食，估唔到原來係幾爽脆又好有咬口，唔係咁易食到架平時。重慶耗兒魚： 又係第一次聽同第一次食，因為見佢係魚嘅關係淥左好耐，諗住會啲肉質會好「鞋」，點知都仲好滑，而且肉同骨好易分開。紅糖糍粑：唯一點左可以即食嘅嘢，外脆內軟，再加上紅糖甜甜地幾好食。曉宇嫩牛肉：新鮮本地牛肉，只需涮幾分鐘，肉質嫩滑香濃。美國安格斯優質肥牛：肥瘦適中，只需涮幾秒就食得，比曉宇嫩牛多左份油香。我哋仲叫咗一渣自製洛神花

趁假期 與朋友去尖沙咀逛街兼食飯逛累了就提早吃晚飯 不用等位更好都是嗜辣之人 直接選了麻辣鍋名店舌尖上的中國推介 就在海港城附近環境亦舒服 開揚海景兼且座位闊落坐下先送來銀耳糖水 服務似乎不錯說是潤喉墊胃再吃辣不傷胃 很貼心十大招牌菜幾吸引 我們就點了幾款-湯底：山珍菌湯x普通辣湯 $38位因為不太能吃辣 沒叫到招牌九宮格誤打誤撞 選了個大家一致好評的湯菌湯菇味極濃郁 猴頭菇冬菇茶樹菇比屋企靚湯有過之而無不及 超級正我們忍不住邊打邊爐 一邊飲了幾碗至於辣湯也很真材實料 香辛料豐富但對我來說有點太辣 要配飲料食用-🥩美國安格斯優質肥牛 $208火鍋必叫肥牛 份量不多 但質量幾好 油脂分佈均勻 灼兩下食得 肉質軟嫩-🐂稻田毛肚 $112其實是黑柏葉 不錯 爽脆彈牙又索味-🥢極品鵝腸 $87一向喜歡鵝腸 清理得很乾淨 沒髒物份量不少 非常爽口 與麻辣湯底好夾-🐂曉宇嫩牛肉 $81見幾抵有肉食 順便試下 但相對失望肉質滑 茄牛麵滑牛般滑 可惜欠肉味-🥢曉宇苕粉 $51怕不飽 所以叫個澱粉質 朋友愛薯粉淥五分鐘左右 好煙韌 索滿麻辣香氣-🍯紅糖糍粑 $69有名甜品 熱辣辣外脆內軟 不會太甜-🍹自

這間店鋪唯一一間在九龍區的分店 位於尖沙咀 鬧市中太子集團中心較高的位置 坐窗口位更有機會望到維港景色食火鍋前 每人先送上一碗紅棗冰糖雪耳 怕太刺激個胄 先點份小食 —重慶炸酥肉 肉條好酥脆鮮黃喉 指豬心管 口感爽脆真心好嫩滑 曉宇嫩牛肉 有驚喜美國安格斯優質肥牛上枱時覺得賣相似炸麻花 現炸豆皮 類似響鈴但大塊版 要浸湯一分鐘先變軟身紅糖糍粑 口感好煙韌 外層炸過之後沾上紅糖漿自製洛神花茶 不會太甜離開前發現 這間店被"舌尖上的中國"推介過 仲要第一位勁

外地親友來港數天，話想去食麻辣火鍋，自己一直都未試過，小寶介紹尖咀渝味，話景觀甚佳又好食。同親友在尖沙咀觀光後，下午二時多才來吃午餐。坐在玻璃窗旁，景觀果然不錯枱面已預先擺放了調料。剛坐下來，店員就送上糖水，涼涼的紅棗雪耳滋潤又消暑。點菜後又送來芫茜、辣椒等...店家為客人準備了圍裙，可以開懷大吃，很貼心大家都未食過有幾辣，所以選擇鴛鴦鍋最保險，萬一受不了，仲有得揀。重慶辣湯大滾之後，花椒和辣椒味四溢，好香未食已經聞到好香好開胃！先吃點小食打個底，炸酥肉外脆內軟，口感果真夠酥，炸粉混有花椒粒，又香又脆又麻紅糖糍粑有點像煎年糕，表面微微香脆內裡QQ，淋上紅糖漿，香甜軟糯出乎意料的好吃。肥牛油花均勻好靚，口感軟滑肉味香濃鵝腸口感爽脆，乾淨企理無異味嫩牛肉果真嫩滑無渣，牛味濃郁耗兒魚就係沙鯭(一種剝皮魚)，啖啖肉無細骨，浸在湯中吸收辣湯的鮮香更好食。大骨滋補湯內有筒骨，以形補形，我的最佳食物吃到舌頭發麻，辣得過癮，叫杯冰凍洛神花茶解解辣。哈哈，成功挑戰麻辣火鍋，幾過癮又好味，值得一試。