影片
更多
2019-04-09
3522 浏览
趁住weekend得閒 ，於是約齊人一齊去打個靚邊爐 ，呢期最興嘅就係重慶火鍋 ，各式各樣嘅麻辣火鍋餐廳越開越多，不過呢一間位於尖沙咀嘅渝味曉宇， 標榜自己都係重慶老火鍋嘅正宗味道， 加上位置都方便 ，都係一個唔錯嘅選擇。門口等位嘅時候有提供到糖果同茶飲， 就算等位都有服務，感覺唔錯。睇定曬想食乜之後一入到去就可以即刻落order當然要試下推介嘅 鴛鴦麻辣鍋，不過 同行嘅朋友唔食得太辣，我哋只係揀咗普通辣度。食物都好快送到， 大大話話都叫咗唔少嘢食，睇見已經夠曬吸引。先試下呢一個新鮮即整嘅紅糖糍粑，食落熱辣辣， 入口 外脆內軟， 加上紅糖漿同芝麻，味道非常香口。至於呢個就係比較少見嘅大刀牛肝，店員提醒我哋可以將上面嘅鵪鶉蛋黃同牛肝撈埋先至淥， 咁樣做可以令到牛肝嘅味道更嫩滑。果然食落唔錯，入口好滑，唔會太硬， 而且非常大塊， 簡直唔似食緊內臟。而食重慶邊爐又點可以冇黃喉同埋黑栢葉呢， 兩者都整得好薄， 煮十零秒就食得，食落非常爽口。至於田園菜籃都有好多款式 ，除咗普通嘅生菜同娃娃菜，亦有油麥菜、皇帝菜及金菇， 都幾新鮮。不過溫馨提示下，啲菜好吸味，如果放辣湯嘅話， 都會幾辣，所以我就
門口等位嘅時候有提供到糖果同茶飲， 就算等位都有服務，感覺唔錯。
睇定曬想食乜之後一入到去就可以即刻落order當然要試下推介嘅 鴛鴦麻辣鍋，不過 同行嘅朋友唔食得太辣，我哋只係揀咗普通辣度。
食物都好快送到， 大大話話都叫咗唔少嘢食，睇見已經夠曬吸引。
先試下呢一個新鮮即整嘅紅糖糍粑，食落熱辣辣， 入口 外脆內軟， 加上紅糖漿同芝麻，味道非常香口。
至於呢個就係比較少見嘅大刀牛肝，店員提醒我哋可以將上面嘅鵪鶉蛋黃同牛肝撈埋先至淥， 咁樣做可以令到牛肝嘅味道更嫩滑。
果然食落唔錯，入口好滑，唔會太硬， 而且非常大塊， 簡直唔似食緊內臟。
而食重慶邊爐又點可以冇黃喉同埋黑栢葉呢， 兩者都整得好薄， 煮十零秒就食得，食落非常爽口。
至於田園菜籃都有好多款式 ，除咗普通嘅生菜同娃娃菜，亦有油麥菜、皇帝菜及金菇， 都幾新鮮。不過溫馨提示下，啲菜好吸味，如果放辣湯嘅話， 都會幾辣，所以我就選擇放清湯煮完，再點少少辣湯食，比較易入口。
今餐真係食得好飽好滿足，而且食物質素唔錯，加上好貼心地附送咗 紅棗銀耳糖水，令到辣中有一點甜，非常潤喉，唔錯。
张贴
