渝味曉宇重慶老火鍋 (太子集團中心) (已結業)

今天放假，想中午休閒地與朋友食一個火鍋，談天一下。渝味曉宇環境夠闊寬，在尖東站L3出口不遠，很方便。.原來除了火鍋，就有午餐（重慶小麵套餐），$58有一碗麵、前茶及一杯飲品。不知道朋友什麼時候會到，又真有點肚子餓，見午餐這麼便宜，就先叫了一份。共有9款麵可選擇，我選了牛𦟌麵。飲品有羅漢果茶、洛神花茶或可樂。牛𦟌是厚身的，而且筋肉分明，好食也煮得入味。麵條很特別，像手工麵般彈牙有咬口，不錯！.除了甜品是送的，原本午餐食火鍋，湯底也是免費的！麻辣鍋，一看就知道是正宗的重慶火鍋。.曉宇嫩牛肉（一份，$82）也是招牌之一，牛肉非常的嫩，又保留了牛肉的質感及味道。美國優質肥牛粒（半份，$76）看到有雪花紋，就知道是好東西。鮮龍躉片（半份，$72，共4片）有海鮮的鮮甜，沒有腥味，切得也很厚，不錯。鮮蝦雲吞（半份，$32）一共有4粒，每一粒都很大的，啖啖肉及蝦。手打墨魚滑芝士腸（半份，$26）金菇（一份，$32）淮山條（半份，$22）堆得很好看，有心思。.坐得舒服，中午又比較安靜，很享受的一餐。

聽過「曉宇」好多次了，都是聽到他們的辣鍋好正，於是趁星期六去挑戰一下。午餐湯底是免費的！我選了，鴛鴦鍋- 番茄湯鍋+普通辣湯。.值得一提，這裡的環境非常地好，很舒服，高檔優雅，而且還看到海景呢。.先上一碗送的甜品，不錯。.我是能食辣的，但這個「普通」辣也真狠辣，在香港很少有真正令我有感覺的辣，「曉宇」是第一家了。.自製羅漢果（一渣$58）清新，有濃濃的羅漢果味，很適合食了辣來解辣。美國安格斯優質肥牛（一份$216，8片）很新鮮，香濃牛肉味，不是薄薄的而是有厚度的。曉宇手打三寶丸（一份，$96，共6粒）串鮮蝦（半份，$52，共4條）串著吃，很方便，肉是很紮實的，很新鮮。鮮蝦雲吞（半份，$32，共4粒）足料，每粒都有隻蝦。特色迷你燕餃 （半份，$38）細細粒，很特別，一口一粒剛剛好。食了那麼多肉，當然少不了菜：田園菜籃（半份，$42）有油麥菜、娃娃菜、皇帝菜、唐生菜鮮腐竹（一份，$36）藕片（一份，$32，12片）.很relax 又好吃，期待下次再來！

食吾辣重慶火鍋聽同事講呢間打邊爐既食材都幾新鮮，所以就同男朋友試下。但我地兩個都吾係食辣既人，所以食吾辣既湯底。餐廳細心，提供圍裙，防弄污衣服。鴛鴦火鍋湯底🍲1⃣蕃茄湯好香，重蕃茄味，好正！🤩2⃣大骨滋補湯雖然麻辣是主角，但佢都唔失色！非常足料，味道都相當濃香，冇味精。🤤曉宇嫩牛肉我特別鐘意呢款！新鮮無添加的嫩牛肉，牛肉好新鮮，又滑又爽嫩。美國安格斯優質肥牛火鍋又點少得肥牛呢！ 肥牛新鮮，肉脂分布均勻，啖啖香濃牛味。牛肝牛肝呢個夠特別，係鵪春蛋同牛肝撈勻，牛肝滾三分鐘就可以吃，牛肝是相當滑而且美味，似少少豬肝口感。鵝腸鵝腸清洗得超級乾淨完全無可怕嘅肥油～手打三寶丸鮮肉打出來的丸，肉夠新鮮，唔會有雪味。蠔叫左半份蠔！雖然得兩隻，但大大隻！煮熟左無縮過水！吾錯。血旺近期我既打邊爐新寵，一定要叫，血旺係正既，補血～自制面線好彈牙，好有拉面既口感。鮮鱔片鱔片本身新鮮，鐘意佢好滑好爽口既感覺。

中秋節正日，難得同男朋友都唔洗食過節飯，出去尖沙咀行街順便食好野🤤今次又係食我哋最愛嘅麻辣火鍋九點四十五分上到去，店員帶我哋坐窗口位，估唔到有景睇下，望到維港夜景。😊入正題，呢到有幾款湯底揀，我哋揀咗麻辣湯底同山珍菌湯底。由於我唔係太鍾意食肉類，所以點咗大部份都係素。凍豆腐、蓮藕、冬瓜片、萵筍、鴨血，呢幾款勁吸味嘅配料必點！！！桂花蚌象拔蚌，雖然份量唔算多，但係質素搭夠，非常新鮮，烚完仍然爽口鮮味，值得一試。而且餐牌上有指明最佳煮食時間，唔洗怕烚到過哂龍👍🏻曉宇苕粉，我個人覺得必點，睇落似紅薯粉，不過大條啲，口感非常煙韌，煙韌程度似芋圓，加埋索晒啲湯底，好好味啊！餐牌上，大部份配料都有講明，需要烚幾耐，唔洗估估下啲配料熟未，又唔會怕烚得太耐唔好食。另外大部份配料都可以點全份或半份，兩個人食都可以試到好多唔同野食，又唔洗怕食唔哂。👍🏻👍🏻👍🏻

近幾年火煱店以光速增長，台北嘅重慶嘅本土嘅三分天下。但呢間重慶火鍋店仍能排衆而出，有幾間分店同間間爆，絶對唔簡單。尖沙咀呢間尤其是我們一家人挈愛，由訂枱開始已經好有禮貌同貼心。餐廳係非常簡約但有品味的裝修，座位甚寛敞，不覺得擠迫，食物同湯底質素中上而價錢非常合理。最最最重要係成間餐廳好多細心位，一入門有免費涼茶，我去果日係洛神花茶同麥茶，之前有無花果茶，味道似足屋企㷛一樣。圍裙係一次性，有少少唔環保但我見大家都好節制冇濫用。食物可點半份，最啱香港人又花心又眼濶肚窄的陋習；每枱有籃放手袋雜物，上菜和加茶加湯都超快，服務員超級有禮貌同笑容！希望每間火煱店都可向佢地學習

前幾日，同朋友一齊去咗食重慶火鍋，因為冇食過，所以一直都好期待，呢度環境好好，坐得都好舒服。首先仲嚟咗個糖水俾我哋潤下喉，好貼心！我哋叫咗個鴛鴦鍋，一邊係大骨滋補鍋而另一邊係蕃茄湯底，賣相都好靚啊，依家就係等佢滾姐。我哋叫咗個串鮮蝦，買相整得好靚，而且每隻蝦都差唔多有成10 cm咁長，大概3分鐘左右，就可以食得，味道鮮甜而且爽口。跟住呢個就係黑豚腩肉，睇得出脂肪同肉汁嘅比例分布得好好，豬肉比較爽口而且甘香。甜品方面我哋叫咗個南瓜餅，佢焗得好香脆，而且入邊嘅南瓜煙煙韌韌，味道柔軟又甜。而且另外由八月開始午市火鍋湯底免費，咁真係好抵食喎，可以下晝嚟同朋友一齊食。我哋仲叫咗個洛神花茶，喺呢度自家製嘅，味道酸酸甜甜咁好開胃。

朋友約我夜晚黎渝味曉宇食麻辣火鍋 作為最仲意食辣野既人緊系認承啦 一坐低就覺得個環境好好 張枱又大 完全吾會逼 最好既系尼到既餸系可以點半份架！咁樣就可以試更多既野啦尼間店好好咁提供左圍裙俾我地 算着白色衫都吾怕彈到油喺開始打邊爐之前 店員先攞左碗湯水俾我地 然後我地開始點單我地叫左個山珍菌湯鴛鴦鍋 啲湯清甜又夠味 然後海鮮又夠哂新鮮 我哋仲點左萵筍 廚師好有心機擺咗個花形 仲點左個手打蝦滑 非常彈牙 如果想打邊爐可以黎渝味曉宇試下 8月黎食午市 火鍋鍋座更可享免費優惠！！

一向鐘意打邊爐嘅我同朋友經過尖沙咀渝味曉宇，見今日lunch有時間，8月火鍋鍋底免費優惠，就入嚟try try佢哋最出名嘅麻辣火鍋，順便打卡。鴛鴦鍋（香果鍋，重慶辣鍋🌶️）重頭戲當然要試吓重慶辣鍋，味道香麻，麻中帶辣，辣中又帶麻香，食後全個口腔感到麻麻非常過癮，香果鍋可以俾少食辣的朋友們重慶炸酥肉 新鮮即炸，外層酥脆味帶麻辣，麻辣味慢慢滲出。曉宇苕粉 最少滾6-8分鐘，要淋先有QQ口感，非常值得一試（闊身的薯粉）久仰大名的毛肚呀！類似牛柏葉既部位，好爽，好快熟，索曬辣汁冇得彈平時唔食鵝腸嘅我見呢到都好乾淨，肥美，就試下食一條。原來係好好食，我地跟足佢建議時間去淥，真係岩岩好，唔會縮到好細好硬，彈牙得黎唔難咬，吸左麻辣湯底味道更加完美。食唔停口，好彩一碟份量都多。田園菜籃，蔬菜種類多有娃娃菜、皇帝菜、金菇和唐生菜，這幾種蔬菜都有一個共通點就是非常吸湯，食的時候除了蔬菜本身的甜味，還帶有香濃的麻辣湯味道。

第一次來的時候是晚市，見到午市咁抵食！不時都會想起那重慶辣湯汁的味道，一於下午再來食過 呢個優惠直到10月31號架，星期一至日(12:00-17:00) 都啱用！首先每人來碗滋潤糖水清一下味蕾［鴛鴦湯底來了：皮蛋香菜鍋配辣湯 (普通辣)］右邊清湯比較清熱下火，有一撮芫荽，皮蛋，爽口馬碲等。左邊辣湯內的牛油味真的好香，還有大量花椒，大蔥混合出來的香味實在太迷魂我最鍾意食冰豆腐，鮮竹笙，吸收了濃濃湯汁的精華 🍲 而黑豚腩肉就肥瘦剛好，另外招牌三寶手打丸亦有驚喜，咬落好彈牙！這店位於 19樓，高層的景觀非常開揚，180度飽覽港島和維港一帶日景，如果帶外地來的朋友來食可順便欣賞和介紹一下香港的美景店內座位寬闊，餐具餐碟精美，檯下有籃子可放隨身物品。醬油方面：每檯都會有瓶香油，蒜蓉，香蔥，醬油跟醋，方便隨時添加，不需要再離開座位去弄的醬油。飲品方面：試咗衝上雲霄，原來係百香果，比較少有，味道甜甜地！另一杯是洛神花茶，酸酸的，特別解辣離開時食返粒無糖薄荷糖，清一清口腔陣味！

呢幾日天氣好熱，但好辣嘅我無減去食麻辣火鍋嘅興致，趁住渝味曉宇8月份有午市免費火鍋鍋底就帶埋媽咪去食🍽一坐低店員已送上免費糖水潤一潤，好貼心鍋底方面我地擇咗鴛鴦鍋-重慶麻辣鍋同大骨滋補鍋麻辣湯底夠香麻，岀色👍🏻但同我一樣食得好辣嘅朋友就可能會覺得唔夠辣，到中後段d辣先至慢慢滲岀來。大骨滋補鍋，清甜，食得麻辣多覺得油膩時剛好中和一下。順帶一提，粟米好甜！由於媽咪比較細食，食物全部只叫咗半份。鴨血必點！食麻辣鍋絕配😋功夫鍋筍片好爽甜，清湯同麻辣鍋都一樣好味，但切記唔好久煮，淋咗就唔好食。皇帝菜&鮮准山建議放入清湯食，比較吸油。美國桶蠔一上枱已聞到好香蠔味，因為想食到原本鮮味所以放入清湯煮，好大隻又厚肉！招牌闊薯粉食親麻辣火鍋都必點嘅食物，仼何類型嘅薯粉都得，今次係闊條，非常有驚喜！完全吸哂d麻辣湯，咬落彈牙，如果唔係太飽，必定會再叫🤤

朋友鍾意食辣，同佢嚟食重慶火鍋，咁啱八月至十月做緊午市優惠，火鍋湯底免費，每人慳返$38都幾抵!! 湯底嗌咗鴛鴦鍋(大骨滋補湯同普通辣)，我主力食大骨湯，真係有好大舊豬骨喺個湯裏面，湯底足料味濃!! 一開始有兩碗糖水送上嚟，俾我哋暖下胃，幾貼心!!我覺得呢度嘅食材都幾多選擇，最好就係可以叫半份，可以試到多d野!! 第一round order左唔少野食(全部半份)，最impress係美國安格斯肥牛，你個雪花就知道正，真係入口即溶好好味，另外牛肉滑都好啱我口味，食落好似山竹牛肉咁!! 第二round再order多幾款黎試吓，呢度嘅食材大部份都好好味又新鮮，曉宇嫩牛肉真係幾嫩滑，第一次食紅糖糍粑煙煙韌韌值得一試!! 最後影下個環境，坐得舒適高層望落去都有d view睇下!!

網上見到渝味曉宇做緊”午市火鍋免費鍋底”，優惠期至10月尾。朋友見咁抵，梗係約出黎食飯啦😂😂餐廳擺設格局寬敞，環境光猛、舒服。我地坐係窗口附近，仲睇到海景添😆我地早2個星期已經約好左食呢餐，啱啱病好左嘅我本身諗住可以食辣野，點知到我朋友早2日病左，所以同麻辣鍋無緣😔我地揀左鴛鴦鍋，分別係大骨滋補鍋同山珍菌湯鍋網上見到渝味曉宇做緊”午市火鍋免費鍋底”，優惠期至10月尾。朋友見咁抵，梗係約出黎食飯啦😂😂一落完order，店員馬上送上一人一碗糖水，先潤一潤現炸豆皮﹕大大片、好香脆，而且仲係微暖嫁😚曉宇嫩牛肉﹕牛肉好嫩滑，就算滾耐左都唔驚過火變韌，而且好香牛肉味血旺﹕豬紅好香，無腥味。份量多，抵食👍🏻鮮龍躉片﹕真係龍躉片，大大片、厚身嘅魚肉仲連皮㗎😚煮完后白雪雪😍好滑仲好彈牙🤤曉宇手打三寶丸﹕半份係三寶丸每款一粒。可以比你試下鐘意食邊款再order，真係貼心，好抵讚🥰午餐肉﹕火鍋必點😍豬肉味好香濃鮮蝦雲吞﹕肉餡嫩滑，鮮蝦肉好彈牙菜肉雲吞﹕呢款雲吞好啱我胃口，加左木耳有爽口嘅口感，而且勁juice😋😋白蘿蔔﹕因為薄切，唔使滾好耐就食得。配大骨鍋真係好清甜👍🏻👍🏻👍🏻藕片﹕藕片新鮮但口感較粉，我個

As soon as we are seated we are handed some bibs. Okay this might get messy but we are ready. The seats are nice and wide, very comfortable. First we had to choose the soup base we went the for classic Szechuan MALA plus pork bone soup in the middle. Then we had to order stuff to put inside our hotpot. Since we came here with only 2 people one great thing is that they sell half potion of meats. That way we are order more variety. We ordered a 2 kinds of fatty sliced beef and also tender beef. An

之前曾經喺西安食過一次, 見到品牌嚟香港開分店, 當然要去朝聖一下😋一坐低店員熱情咁送上紅棗雪耳糖水, 印象中西安分店係冇嘅, 覺得好窩心🥰食物選擇好豐富, 仲要咁啱我哋午餐嚟食, 八月做緊優惠, 午餐湯底免費, 感覺好抵😁而且食物全部都可以半份咁叫, 啱晒兩個人撐枱腳👍🏻我哋叫咗雙併湯底, 一邊係大骨滋補鍋, 一邊係普通辣湯😁食材方面我哋揀咗安格斯肥牛, 精品羊肉卷, 美國肥筒蠔, 蝦串, 手打蝦滑, 鴨血, 金針菇,油麥菜同萵筍, 全部都好新鮮, 特別係個筒蠔, 足足有個成隻手板咁大, 而且十分新鮮😋

唔知由幾時開始就好中意同女朋友去打邊爐，今日就黎試下呢間重慶老火鍋先☺️原來午市火鍋鍋底仲做緊免費優惠，下次可以食Lunch 打邊爐😂2個人打邊爐最衰就係叫唔到好多款食物，不過黎呢到就冇問題啦😁 全部火鍋料都可以叫半份，咁就可以咩都食d啦👍🏻仲好細心咁有條圍裙俾大家食既時候用😳 著咗白色衫都唔洗驚啦💡仲送碗糖水清清甜甜解熱氣💖黎到呢到又點可以唔試下個辣湯呀，叫咗個普通辣試下，再拼返個大骨滋補鍋☺️打邊爐除咗牛，就梗係要叫返d吸味既食材啦😉 呢到既蘿白同冬瓜都超甜，師傅切到薄薄一片，吸哂d湯咁食就最正🤤 女朋友第一次打邊爐叫油條，將脆脆地既油條點落個湯幾秒再上返黎食，食到佢停唔到口🤣打邊爐又點少得肉類呢，安格斯肥牛同黑豚腩肉真係冇得輸👍🏻再試埋個曉宇嫩牛肉，真係同個名一樣咁嫩 😍鮮鵝腸有驚喜，口感一流😋 三寶丸都好新鮮，不過半份就好似細碟咗少少😬最後真係不得不提呢個鮮龍躉片，肉質好滑，用料新鮮，平時麻麻地食魚既我都係咁食😍下次可以再黎試下個重慶辣睇下有幾辣先😁