清亭．燕萍 (已結業)

搬左之後第一次黎~ 店面比以前大左好多~ 牛粒紅飯---味道同以前差唔多~ 紅飯有茄味幾香, 牛肉有蒜香, 但係油左d~牛油雞翼---比以前差左~冇咁香牛油味同蒜味~而且都好油下~

答謝食友遠洋替自己買的手信，就來到這裡吃個簡餐。換了新舖，環境變得企理舒；周日四點，客人不多，奇怪是沒有招客的下午茶套餐，與食友笑言是合併後生意好到唔憂做。分別點了豬腸撈，生牛河及元蹄牛腩檬，問靚姐提醒後者配辣湯底，問可否轉清湯底，被拒。豬腸撈是豬腸凍切成幼絲，撈上炸乾蔥絲及河粉吃，闊河粉怎麼都撈不上腸凍絲，乾蔥絲乾而沒香味，與食友皆認為換作細長河粉及將粗切腸凍絲會好一點。生牛河是濃牛骨湯底，味道極為濃郁，很足料，沒有下多少香葉，感覺是以純肉骨湯取勝，濃俗的味道將牛骨鮮味蓋過，非自己所好，薄切生牛帶著鮮紅血水，很對辦，吃落亦為嫩滑，不錯。至於元蹄牛腩檬，鮮辣的湯底與濃濁牛湯底是兩個世界，鮮味的肉湯加了點辣油提味，辣不蓋鮮，效果出奇的好，配白滷水豬腳不好，配牛腩出奇的夾，最難炆的腩位亦炆得夠味而鬆軟，不費牙力輕易地清理掉，很不錯。吃完眼前物，又望望身邊幾檯客點的炸物、煮物，看來新店還是叫湯河穩陣，亦再次感謝食友抽時間買來的手信。

之前聽friend 提過"清亭"同"燕萍"兩間越南餐廳, 想黎試下o架喇, 宜家係咪合併左?第一次黎, 都唔知叫咩野食好, 睇左o的comments, 不過有positive, 有negative, 諗左好耐都係試個最基本既春卷檬粉, 如果連呢個都唔好食, 咁其他野都唔駛諗喇.試食一兩啖之後, 覺得o的粉, 真係非常清淡, 一o的味都冇, 要落好多檬粉汁先有少少味. 春卷就....OK 啦, 唔係特別好味, 個面炸得幾好, 不過個皮太厚. 整體上...個檬粉...冇味, 九龍城間永真好食o的.另外聽人講越南咖啡係用condensed milk, 於是叫左柸試, 嘩....好苦, 又唔酸, 又唔甘, 得個苦字, 不過係咁依都要試下既, 試過一次就夠喇.我去o個時唔係peak hour, o的waitress 態度都OK 既.

老婆的牛油雞翼癮發作，又來這裏。牛油雞翼，一貫出色。生熟牛肉湯河，湯底幾好味，可惜熟牛肉(類似清湯腩的東西)有點韌馬拉盞通菜，一般啦，但有d鹹，食完好口乾。最得意係烤豬肉濱海，幾得意，米粉上點炸蒜，連再烤肉，再用生菜包著吃，味道唔錯，口感也豐富。招呼當然是小店的質素，但待應仍算禮貌，而且有求必應，(可能未有機會同老闆娘交手啦。)反而有d客人就無乜禮貌。話說新店的坐位雖然較舊店寬敞，但仍算擠迫。隔離枱有一對男女，男的不斷用手趕烏蠅，不斷把烏蠅撥向我們這邊，我已盯著他，但他仍是那樣。最後烏蠅被撥到我的手上。本來趕烏蠅係人之常情，但駛唔駛咁呀？香港人真係自私，乾淨自己，污漕人地。

今日同埋3個朋友一齊聚會食飯, 我地咪book檯7點鐘食, 我地嗌左牛油雞翼, 凍濛待4個餸, 我地大約食到8點左右, d侍應已經好快手咁收曬我地d野, 仲問左我地好幾次d野黎齊未, 因為我有朋友個妹咁岩係附近要上黎食d野我地咪嗌多2個小食同幾杯飲品食住先囉!過左15min左右個瘦瘦削既老闆娘就過黎玥問多次我地d野到齊未, 我地咪同佢講我地有個朋友上梗, 佢就話:你有朋友黎? 上黎做咩呀? 黎埋單呀! (語氣十分差勁個隻)我地聽到成個人呆左, 咩態度呀, 我地咪佢講:咁你想點呀, 我朋友真係黎梗佢就話:我想點? le度係我地方, 我想點要問過你呀!我地當然無理佢咪繼續飲埋d野先, 我地又唔係無俾錢, 我地都因為要等朋友, 都已經特登嗌多少少野去食住得, 都唔係齋唔食野, 都唔使咁既態度呀, 真係離曬諳呀!le件事都足以令我唔再去幫襯佢, 即使d野有幾好食都好! 梗何況d野都退步左, 無之前咁好食, 家下仲成肚火呀!

這店最出名要算是牛油雞翼了，叫了一客來試,味道唔係差,但又唔係極好啊!春卷反而不錯,豬肉碎炒得好香,好好味,個酸汁都幾好味吖!生牛肉河都不錯,湯底濃。因為多人關係，侍應好似成日望住你,服務應該要更好才對,我的朋友覺得好唔自在,所以很快就走,如果想生意好一點就要改善吓呢!

原本去食打邊爐,但想去個一間已結業了,唯有找其他東西吃,十點半才來到這裡,但還有很多人,這是我第一次光顧,店內環境幾舒適,感覺不錯!點了些菠蘿炒飯~ 飯裡有蝦、菠蘿粒、扎肉粒、蛋、蔥, 蝦好爽口,但飯身比較濕粉皮蝦卷(唔記得個名) ~ 粉皮包著蝦、檬粉、肉、韭菜,味道比較清淡,再點一些沙嗲醬就會好好味!牛柳粒西蘭花~ 西蘭花用了上湯來煮,就咁食已經好好味!牛柳粒有酒香,肉身好多肉汁,又夠淋! 正!豬、牛、雞串燒~ 用了很多香茅來醃肉,啖啖都是香茅碎,肉面燒得脆身另外叫了三杯飲品,我飲的是椰汁三色冰,椰汁味夠重,唔係一杯椰汁味o既水,好飲!

昨晚到老婆七點幾黎到，等了5分鐘就有位。牛油雞翼：好似比以前細隻左，但味道仍然幾好。馬拉盞通菜：ok啦，唔會太鹹，又唔會太油生牛肉湯河：好味，d湯好鮮甜。豬肉蝦凍粉卷(唔記得個名)：味道一般，但d皮幾煙韌。鹹檸疏打、青檸可樂：ok啦。咁多網友鬧老闆娘，好彩今晚見唔到佢。不過連門口的靚姐都唔見埋。唔知係咪休息呢？伙記執埋係好快手，每次行過都會望下你有無吉碟要收，但態度都算幾好。有位哥仔見我地食緊河粉，仲主動問我地要唔要辣椒，我地話：「好呀，唔該。」佢就比一碟我地，又話：「要乜野開聲就架啦。」臨走時8點幾，門口已塞滿了人，真係幾好生意。

自從越興園無左之後, 跟住既燕萍同清亭都五好食,都無諗住再食, 點知飲x男女又介紹番呢兩間戲劇性合拼, 甘又諗住比多次機會佢. 點知又一次失望!!!同朋友八點去食, 樓下阿姐話五使等位我地先上去, 我問清楚係咪真係五使等我地先上去, 佢話係, 即刻有位, 點知上到去個阿細太話, 等陣! 埋緊單, 好快有! 但我又見到個個都食緊, 五見有人埋單, 如是者我地都等左十五分鍾, 跟住有五六個上黎見到都說:又話五使等? 所以以後都五好信樓下個阿姐!坐低後點左蒜容牛油雞翼, 牛粒紅飯, 青檸soda1. 蒜容牛油雞翼, 只有牛油味, d雞翼完全無味2. 牛粒紅飯黎到一d都無, d牛粒竟然係涷既? d飯少少熱, 好明顯係炒定, 好難食!3. 青檸soda超難飲!d魚露更不知所謂!總之全個銅鑼灣無哂食肆都五會去食!!!

Went with bf after movie, and since it opens so late, it was a great choice to sit in a nice place for pretty inexpensive food that tastes good. I actually prefer this new "combined" restaurant than to the previous ones many years ago, very big, spacious and cleaner.We ordered a "for che tou" (train head) pho, which had beef, beef balls, tripe and beef tendon. Also the famous butter chicken wings, prawn rice paper rolls, stir fried broccoli, black glutinous rice for dessert and also the green l

我尋日俾佢兇, 中午時, 我一個人去到, 話有4個人+1個bb, 當時我見好多位, 咁我講明要一個安全d 既位, 無咁多人(有bb仔嘛), 個個老闆娘就話呢張6 人大䒷 啦, 我見係走廊位, 仲係廚房出菜個位置, 有待應送菜既走廊, 我話唔要, 我要牆邊個d 3張2 人䒷 (拍埋有6個位), 佢好鬧咁話"無呀! 都話左係呢張就呢張, 個d 係2 人䒷 , 你要坐呢d 6 人大䒷 " 我好冷靜就話, "你咁鬧講野, 會嚇親我" 佢竟然大聲話"係呀! 我好鬧架", 想要個安全d既位姐....... 之後, 我同個伙計講,你地老闆娘好厲害, 佢就話, 車, 你唔好驚佢呀, 我地成日都俾佢鬧架, 咪鬧返佢囉, 我心諗, 我黎食飯姐.... 唔使咁呀........ 今朝睇左唔知第幾期既飲食男x, 先見到佢係叫細蔡太, 係出名好巴辣.... 舊時強留客同鬧隔離餐廳, 今時連鬧客都........d 野係幾好食架, 牛油雞翼係好味, 但係無乜特別都唔會中上去囉...... 好驚個老闆娘... 佢簡直想趕客

睇完雜誌繕稿, 和太太去尋找拍拖時的集體回憶, 因以前經常幫襯此店前身。可惜今時唔同往日, 店鋪裝修是靚了不少, 但食物質素卻直線下降, 加上座位擠迫, 侍應服務態度奇劣, 結果集體回憶變難忘經歷!魚露- 可以用"1:99"形容, 連最基本都唔掂!牛油雞翼- 食完都唔知係牛油雞翼。豬肉蝦檬卷- 皮厚兼冇味。火車頭- 味精湯大平賣。越南春卷- 生菜比春卷更好食。茄腩煲跟法包- 茄味生粉獻加雪藏牛腩, 法包竟然成為全晚最好食物......可悲!進食期間不停有侍應"服侍", 每當接近食完一碟就有人伸手想收碟, 真係"手快有、手慢無"! 由坐低到食完都無半點享受感覺! 最可怕係臨走目睹隔兩客人被疏忽侍應以牛河淋身, 侍應只說了一聲"對唔住", 然後不停講"無事, 無事, 無事喇可".....認真不知所謂, 俾我一定追究到底!!!總結: 一定無下次。(建議評分級別加上"0分"或"負分", 以便更能反映實際情況)

朋友介紹話好味,諗住去試下,兩個人叫左:豬肉蝦卷串燒豬肉蟹肉湯粉牛肉粒飯咖啡一杯豬肉蝦卷,好普通,個粉皮好厚,入面有主要係有好多粉絲,仲無啦啦有一條九菜...好奇怪...本身個汁都可以,不過都係配返平時d酸甜汁好味d!串燒豬肉,燒到岩岩好,但佢只係會俾好少汁你...蟹肉湯粉,真係好難食!其實我平時好鐘意食海鮮,唔係太怕腥~(因為d海鮮煮得好就唔會腥家嘛!)點知佢個湯唔知落左d咩,應該係蝦膏?腥到一食落去就想嘔!我食左少少就無食到!牛肉粒飯,咁多樣野食之中,呢個最好味!d飯用茄汁炒得好好味!牛肉都好林,好入味,但個味道重左少少,一定要送飯咁食~地方係乾淨企理,但d員工真係亳無服務態度!上到去,出面個人叫我地入去,入到去,入面d人喝我地,問我地做咩走面去,叫我地出返去等!明明有好多空木台又無咩人等位,食完就即刻趕你走咁!仲有,d位又迫,我走既時候,岩岩後面有個waiter拎野食俾隔離木台,個托盤撞到我勁痛仲要話我行路唔小心!埋單大約$190,我諗我唔會再去第二次!d野食又唔係特別好食,d服務態度真係差到令人想反木台,所以我寧願俾貴少少去第二間食都唔會再去!

牛油雞翼的確係無以前咁好食還點了牛肉濱海咖哩羊腩(配法式麵包)香茅豬扒飯椰子焗海鮮飯炸蝦餅炒豆苗炒金邊粉不過整體質素同價錢算係抵食啦而且環境比以前好多了~~~ 多了空間，價錢沒變，人情依然

沒有珍多冰, 唯有叫三色冰, 那些渣太林不好吃。生牛肉湯河, 小得可憐, 雖然牛肉沒有牛肉味, 但湯底味道好, 我的朋友連湯都飲埋。香茅豬扒飯, 肥得很, 全塊墊碟的生菜都是油, 嚇得連豬扒也不想吃, 沒有香茅味, 飯較硬和凍。waitress 堅持要我們把隨身行李放椅底, 因為椅底有特別設計, 但我們的背包太大放不下, 兩個人四大袋, 加上座位在最後的牆角, 我堅持要張椅, 要我喝令她們才肯拿來。