清亭．燕萍 (已結業)

姐姐極力推介其牛油雞翼 。。今次終於試到了。。未食前一向都知這間餐廳其知明度極高，估唔到真係咁多人！好在７：３０去到不用點等位。侍應和食物都好快。落單不用１０分鐘食物已上了。但是食物沒有因此而失色還是熱的。真是準備功夫做足，為的只是賺更多的錢！分別叫了：牛油雞翼＄３５。。價錢比較貴，＄３５得４隻。不是雞全翼為一隻，是腿為一隻，雞中翼連尖為一隻。大大隻。食一，二隻已足夠。雖然黎得好快但裹面還是熱的，腌料十足，味道十足。真是有令人回味的感覺，真為本餐廳的主打！炸春卷＄２８，生菜伴上，脆口小食！無骨鳳爪＄４５，不算大碟，有點貴！越南火車頭＄４０，全是牛！炒金邊粉走時大約９：００。。嘩。。勁多人等位。唔怪得食完好似吹係走咁Lu ~~

星期六，八時多，什麼地方也是人，兩個人等了十分鐘終於有位 ．蟹肉湯河：名字非常普通，看起來像很辣的原來一點也不辣，湯味道很特別，令河粉也很好味，我和朋友將全部湯喝完! highly recommended!!! ．扎肉包($28)：看起來很普通但包是蒜蓉的，而且材料很好，兩大塊厚扎肉很爽口！最喜歡厚的扎肉！材料還有豬肉，趁熱吃更佳，愛包人可以一試！朋友不愛包的也說不錯！．蝦粉卷：唔得！這個吃得出是在雪櫃拿出來，因為外層頗硬，裡面又乾……幸好有satay醬否則難以入口……．海底椰冰：海底椰都ok多，但過甜，椰汁還可以吧。．紅毛丹冰：很解渴，原粒紅毛丹很爽口！雖然人非常多，但阿叔都幾有耐性替我們落單。

一個月前既食評牛油雞亦脆口但唔香，　又淡ｐｈｏ食完唔知乜味，　雖則加齊所有配料．．．都係淡而無味，　牛湯啲牛味若有若無春卷檬，　嘩啲魚露淡到加成碗都無乜味．．．點解呀？舊時唔係咁架！？ｗｈａｔ　ｈａｐｐｅｎｅｄ？做低鈉ｃｕｉｓｉｎｅ呀？

大大話話都幫襯咗清亭成10多年, 由細個讀書的時候就開始去食o 由舊鋪仲係拉入單紙到搬咗去對面街, 到而家搬埋上樓, 一直都會因為佢的牛油雞翼跟隨住去年! 但好可惜, 自從搬咗上樓之後, 我食過兩次, 食物質素真係差過以前係地鋪好多.............. 尋日同屋企人去食, 對佢的食物真係的失望, comments 如下:牛油雞翼 (每次去都必叫) --- 仲可保持水平, 我都依然好鐘意食生牛肉河 ---------------------- d牛肉上枱的時候已經係全熟茄汁牛腩河 -------------------- 我老公至愛, 我從來都唔食的, 所以比唔到comments, 佢話冇以前咁好食豬頸肉撈檬 -------------------- 個豬頸肉係前所未見過咁乾, 豬頸肉本應都已經係比較多油份, 佢都可以整成咁, 真係冇話可說, 見到個樣都唔想食, 只係食哂d檬粉 咖喱羊腩反 -------------------- 無咩特別, 同任何一間茶記的質素差唔多咖喱牛腩粉 -------------------- 我冇食到, 本人唔鐘意食咁樣的粉.........但我媽

沙爹牛腩飯 沙爹一d都唔惹味凍濛 台面個d汁 唔酸唔辣 = 無味蟹餅...... 勉強可以.....彈牙囉都係只得牛油雞翼 好食不過都冇以前咁香牛油味啦d 野仲有大半碟, 亞姐都問你仲要唔要地方大咗....仲要好似以前咁趕客, 為咩?

午飯特地撘車過來，十二點幾不用等位！叫了細生牛粉、牛油炸雞翼、廚師推介的特色越式炒飯，然後靜靜的期待著上菜。生牛粉，先試湯底，淡淡的湯底卻有濃濃的牛肉味，不錯！芽菜是刷熟的，港式？吃片牛肉，味道1般，最讚的是越式粉，很有口感，也是加拿大做不到的水準！炸雞翼，非常不錯，果然是招牌小食，皮脆肉滑，加上越式香料，配合的天衣無縫，加分！再來的特色炒飯， 實在是不怎麽樣=.=" 索價$52，是很普通的揚州炒飯，只不過把肉和蝦改爲魚蛋，是很大1碟沒錯，不過實在是不明白特色在哪裏．．．還是廚師推介．．．完全不行，大扣分！好的地方是我們漏了一袋東西在餐廳，幾個小時後才發覺，返去拎店員態度很好，還有紙釘著我們之前的枱號在袋上，細心加分！

一行四人點了 : 招牌牛油雞冀, 生牛河, 咸魚炒芥蘭, 串燒牛柳, 春卷, 蝦片牛肉, 咖哩牛尾(跟法包), 青檸梳打, porter 39 黑啤酒, 後來再加了馬拉盞通菜.生牛河的湯濃味, 牛很滑. 雞冀十分夠味, 又夠脆, 係例牌必叫的食物. 兩款菜各有各好味. 無論咸魚定係馬拉盞都炒得不多油. 春卷和蝦片牛肉的蝦片都好香脆, 牛肉一點都不韌. 咖哩好香, 如果辣少少會好點 店員服務很好, 有禮貌. 唯一不好的是二人枱, 枱同枱之間比較窄. 四人枱就坐得舒服點.

自從搬左黎呢邊之後都未試過, 地方幾大, 所以都唔駛等位. 試左幾様:香芧豬扒湯檬 - 個湯勁甜, 我相信味精不少. 件豬扒就幾爽口, 但香芧味可以再重d炸春卷 - 唔錯, 不油膩, 仲有幾塊生菜比你包住食炸蝦餅 - 一般, 似煎多過炸, 都係比較鐘意泰式蝦餅牛油雞翼 - 同以前一様咁好味, 好香牛油味飄埋黎. 但其實係幾漏的, 食少少就好另外見到隔離枱碟抄芥蘭好靚咁, 幣在成碟底都係油....雖然個場咁大, 但人手好充足. 落單, 添茶, 傳菜, 收碟都好迅速. 叫完埋單錢都未收完就執好枱set 晒野比下round, 勁! 做野快但態度都好, 所以都覺得ok

岩岩個星期四晚上左去食..叫野食外仲叫左d野飲, 我男朋友叫左杯"雪啡奶".點知佢黎杯熱既.. 都覺奇,同個侍應講, 佢話要去check, check完話我地的確係叫"雪啡奶", 之後仲要同我地講話其實個做法一樣,話不如俾個冰杯我地倒杯熱既入去?聽到佢咁講都覺奇怪, 都算, 叫佢拎個冰杯黎..點知一等, 雞翼都食左幾隻, 但個杯都未黎, 再吹都幾次先黎到.倒入去飲.. 好淡, 同以前飲開唔同味..再叫個侍應黎話唔同味道, 淡左, 叫佢不如重新換話杯"雪啡奶". 但佢一路黑住面一路仲要話"咁不如同你加番d咖啡?" 咁就又去加左, 拎番黎, 杯野深色左, 但仲難飲左... 再叫個阿姐侍應, 同佢講真係唔同左味, 我再次重申我係叫杯"雪啡奶". 叫佢重頭沖過杯, 唔好又再加呢d加個d, 佢即刻背對我男朋友, 黑晒面大聲對個咪話"A7話唔要杯咖啡哦!!" 之後另一個男侍應黎到又解釋杯野點點點... 我只不過想佢由頭換過杯姐, 一來又唔係我地叫錯, 佢死都唔肯重新沖過, 仲要越攪越難飲.. 最後佢終於肯換另一杯野飲, 但係係叫我地轉, 好, 轉左杯青檸梳打, 但呢杯野足足又等左2個字, 仲要見個

昨晚去左食越南菜點了: 馬拉盞通菜: 普通啦~ 咖哩豬扒飯: 豬扒唔un, 有香茅味, 都ok, 咖哩汁係普通既椰汁咖哩炸蝦餅: 好一般蒜蓉牛油雞翼: 係呢度既招牌菜, 全晚都好食都係呢碟, 個面好香蒜蓉牛油既香味, 肉質亦滑, 趁熱食好好食~椰青: 爛的, 好差呢間清亭燕萍即係以前景隆街清亭同燕萍既合併版, 仲記得以前呢兩間野成日爭客, 兩間老闆仲成日因為咁而鬧交, 而家竟然合併左, 真係勁搞笑~ 食物既味道同以前一樣都ok的, 服務都同以前差唔多, 即係一路都唔多好, haha, 搬左上樓之後地方就大好多, 位都比以前闊落左, 聽之前d食評講話呢度個老闆娘好惡態度非常差, 搞到我都驚驚地, 不過好彩昨晚無遇到佢, haha~

搬左上黎後已經幫襯過好多次, 昨晚再去食, 叫左雞絲粉絲(d雞幾好味喎, 切得幾大條), 細o既生牛河(都唔係好細碗), 仲有馬拉盞炒通菜, 雖然好香好多油但幾老...最後就係例牌編號501的四隻牛油雞翼, 雞翼愈來愈細隻, 兩隻雞鎚連兩隻雞翼連雞翼尖, 我唔食尖的. 叫朋友撕開比我, 細隻d反而好似嫩d, 真係好香好好味. 而服務態度雖然麻麻地, 但效率真係一流.

4個人叫左4碗粉同一個小食....先上3碗牛肉粉...碗野得個幾塊少少的牛肉碎....唔係化...收人30蚊...比d咁ge野人....佢地食左一半之後我碗豬排粉終於尼啦...一望...明白晒點解要咁耐了...d豬排炸到過晒火...又薄又dry...想點呀!!個小食完全冇味道可言...咁都未夠死...食完之後先係大件事...勁口渴...間野d味精多到呀...落到好似唔洗錢咁...d料又唔見比咁多人!!一句講晒..又貴又差!!

和朋友一行十個人一齊到呢間野食第一次食...叫了很多野食..有炒金邊粉、牛油雞翼、椰子焗飯、咖喱雞煲、沙爹牛肉煲、越式炒飯、馬拉盞炒芥蘭等等...大部分都不錯，尤其是雞翼...很有牛油的香味，雖有點油膩同昂貴，但真的幾好食...另外芥蘭亦很新鮮，很甜，但用了幾多油去炒呢..全晚最差的是沙爹牛肉煲...很難吃....從來無霖過沙爹可以咁難食....今晚算見識了...

跟女友到這裡吃晚飯...因為大家也不太肚餓...所以只叫了三道菜越南炒金邊粉---不過不失...嫌它太淡和太油馬拉盞炒芥籣---色香味俱全...炒得好香...吸引了鄰枱也order 了炸蝦餅---很彈口~~好味道!!!!價錢都ok...值得一試

成日經過銅鑼灣都心思思想食清亭，最鐘意既梗係牛油雞翼，又香又脆又大隻，生牛肉湯粉都唔錯，D牛肉幾嫩！炒通菜就不過不失，不過熱D就更好！最唔好既就係要同人撘台，想傾下偈大聲少少都難，而且食完就要即走，因為太多人等位，阿姐會趕客．．