淥麵 (已結業)

圖中個吉列豬飯同menu 張相極大出入首先隻蛋煎到老哂又乾又鞋又冇哂蛋汁之後塊豬扒應該係冇用吉列粉去炸 完全食唔到鬆脆嘅感覺 豬扒冇豬肉味 成塊乾爭爭 似係凍肉鋪是但買返豬扒就咁拎去炸跟住就咁配一堆茄汁就算 我真係懷疑緊自己食緊茄汁撈飯（仲要分量小 女仔食哂都可能係啱啱好夠飽）我明白間鋪係主要賣車仔麵 但如果冇應有嘅基本技術同埋基本嘅質素 不如正正經經賣返車仔麵算 唔好再整呢兜嘢出來 實物睇到個個除咗冇胃口 仲會覺得個廚房係是但煮啲嘢出來比你食最大問題係咁嘅質素都charge $58蚊 傻的嗎……

之前經朋友介紹食紅磡呢間餐廳，餐廳環境唔算大，座位都有少少迫，枱與枱之間嘅走廊好窄，坐得唔係太舒服講返食物，佢嘅下午茶做到六點半，非常之抵，但就係我中伏嘅開始本身朋友介紹黎食車仔麵，但係我貪小便宜試咗佢嘅下午茶飯餐。點知佢飯餐嘅質素非常之參差。另外加咗個生菜同埋脆炸韭菜餃（4粒）我叫咗豬軟骨飯餐，佢嘅飯同汁同肉嘅比例超級唔配合，醬汁比較多相對比較鹹，肉塊嘅量非常少只得三塊 ，整體嚟講唔係太滿意想聽飯我淨係比較鍾意佢嘅脆炸韭菜餃，即叫即炸，熱辣辣唔錯下次都係決定食返佢嘅車仔麵

店家的車仔麵真係好多選擇,我睇住張車仔menu, 好似樣樣都好想食咁,😜我數過有成7種湯底,餸都有超級30幾款, 即刻有選擇困難症,我個friend 對我實在太好喇,為咗俾我可以食多D唔同款式嘅嘢,所以選擇share食個麵,跟住就點店家不同的小食,滿足吓我嘅好奇心! 🔮自選湯麵   $41 （兩餸）朋友勁推介老牌沙嗲湯底！上菜時見到個湯嘅色水都睇得出好有味道!未食麵先飲湯！嘩,好正,沙嗲湯頭不但濃郁,還有微微的花生醬香味,微微辣啱哂我！ 🔸️滲滲麵滲滲麵唔係到到都有得食,其實滲滲麵即係油麵+米粉,一次過可以食到兩種麵,口感特別！有D似我以前去新加坡旅行時,都食過當地嘅local都係咁整喇沙的 🔸️牛筋+猪大腸 牛筋以腩汁鹵水炆得入味而軟腍,猪大腸也很腍身無騷味, 兩樣都同個沙嗲湯好爽呀！ 🔮冰火魷魚 （小辣）    $48魷魚入口超爽呀！廚師將魷魚浸在自家既秘製辣汁超過半日,好讓可魚身吸引辣汁嘅味道,以冷盤形式奉上,魷魚不但入味而爽脆彈牙！冰火之感,越食越辣,越辣越想繼續食呀！推介！👍 🔮金牌蝴蝶腩  （猪）$48蝴蝶腩即係我地食日都聽到嘅隔紗或猪肺綑位,此腩位位於橫隔膜附近,會有一塊隔間

淥麵，位於紅磡黃埔，依度食物餐廳既選擇超多，卧虎藏龍，淥麵就係一間唔簡單既車仔新派裝修，港式感覺裝修，簡單而自在既，半開放式廚房，電話落單，個App超精美！又多圖，搞到我揀左好耐，相當方便車仔麵黎講算多餸，連蝴蝶腩都有，湯底都好多款，仲有做撈麵價錢都幾抵，特別係小食，真係街坊價即刻開餐，超大碗，老牌沙爹湯渗渗麵，餸就揀左響鈴、花菇、蝴蝶腩、豬紅，個湯好香，即刻試湯先，花生味濃而唔搶，好夠味又好惹味好正既沙爹湯底，忍唔住食個響鈴先，好夾個湯，趁熱食好正，吸晒啲湯放入口叫左渗渗，就係油麵溝米粉，再種口感一齊食，都非常夾個濃沙爹湯，有啲叻沙既感覺，加啲港式風味花菇，真係同冬菇有分別，無左啲草鮮味，濃啲既冬菇味，好味蝴蝶腩(豬)，即係間隔肉，一隻豬得一塊，好少食到，煮得非常腍滑，肉食落去好重肉味豬紅就正正常常，拼依個湯底都係好味牛三寶，小食，有齊牛腩、牛筋、牛肚，上枱份量好多先食牛腩，腩汁好好味，濃得黎啲香料味好出，腩既肉質都幾嫩，夠腍牛肚，超滑，牛味濃又吸左啲汁勞蘇食推介 —— 牛筋真係大驚喜，牛筋Size已經係好大，一咬，非常腍得黎有種係口入面溶既感覺，超膠索汁之餘同個汁，超級夾，個汁配腩

紅磡出名美食如雲，今次嚟到呢間《淥麵》，除咗車仔麵之外，亦有不同種類碟頭飯，吉列豬扒蛋飯、豬軟骨飯、滑嘟嘟海南雞⋯⋯形形色色任君選擇。車仔麵都有不同特色湯底，我哋叫咗《老牌咖喱湯底》配5 x剩餸！牛腩蘿蔔金錢肚炆得好琳，惹味咖喱湯底小辣剛剛好👍另外《海南雞酸辣米線》，雞肉鮮嫩無骨，腐皮好新鮮腐皮好新鮮，份量亦好足夠！店舖仲有自家製菜莆可以另外買👍店員態度親切，我哋手機落單有啲阻滯，佢即刻幫我哋用手入單，而且仲特別覆單一次確保正確☺️價錢實惠，兩人食咁多樣嘢$145👍- 老牌咖喱湯底(x5餸）- 海南雞酸辣米線- 菜心腩汁- 凍檸茶走甜- 忌廉加冰 #淥麵 #香港車仔麵 #黃埔車仔麵 #自家秘制湯底#自家制7款湯底#海南雞#海南雞米線#黃埔美食 #紅磡車仔麵 #紅磡美食 #whampoa #whampoafood #hunghom #hunghomfood

Skip the noodle soup format for once (or more), and get it as Cart Noodles Lo Mein 車仔撈麵! This makes perfect sense because there is no broth / noodle soup to strip away the marinade or braise flavors of each topping, and you get to enjoy each and their textures to their fullest. For best results, get the wide egg noodles 粗麵, and perhaps toppings that are richer flavored, such as the braised items. For this combo I customized my noodles with turnips 蘿蔔, mushrooms 冬菇, dace (mud carp) fish cake 鯪魚餅,

叫咗個3餸幼麵+凍奶茶車仔麵必叫蘿蔔、咖喱豬皮和好少有的豬粉腸。蘿蔔一舊超大件，無渣之餘好入味😋真係好少見有豬粉腸食，梗係要叫啦！唔錯！通常食清湯加腩汁，但今次試咗沙爹湯底，又ok喎！好少搵到間食車仔麵咁有水準，下次會試吓佢其他餸和湯底，雖然唔算平，但勝在好食👍🏻

今日係紅磡經過見到餐廳有海南雞既米線就諗住入去試下, 可惜岩岩售罄🙈但好彩車仔麵有多款湯底同餸可以選擇有齊7款自家製湯底👍🏻我地就叫左老牌沙嗲湯底既滲滲麵加陳皮魚蛋同腐皮角 再加埋香煎蝦餅呢款小食 🍤 滲滲麵係2款麵底組成, 食落多左層次感而剛好又可以索唒淡淡既沙嗲湯汁🤣陳皮魚蛋好重陳皮味蝦餅煎得好脆口👍🏻佢地仲有自家製嘅菜圃加埋落啲麵度夠晒惹味😋朋友就試左佢地既飯叫左豬軟骨飯豬軟骨好腍身,好易入口再加埋溏心蛋, 賣相一流🫶🏻整體來講, 呢到既港式車仔麵麵底同配料選擇多, 份量又夠, 夠唒親民🤣

🍽 淥麵 📍地址: 紅磡湖光街1-7號聯成大廈地下10B1號舖💰只供參考💰人均$50-$100😋👉🏻脆炸流心蛋 （2隻）$36推介‼️超正既炸蛋 仲要係流心蛋 作為蛋既愛好者 實叫呢個 果然無令我失望🤭👉🏻自選湯麵 $51招牌酸菜辣湯底 加腩汁油麵+$13牛筋 日式豬軟骨 響鈴笑死 個湯底無禁到辣度 變左無辣🥹 因為佢落單可以自己揀辣度 仲寫住唔要辣可以唔揀😹 仲以為酸辣湯底包左辣 搞到無再揀到 可惡 搞到好似清湯加少少酸咁 唯有自己落辣菜莆🤭 辣菜莆好出色 估唔到會有提供 惹味脆卜卜牛筋細條但多條 豬軟骨大條 響鈴🔔正常發揮👉🏻脆炸韮菜餃（4粒）$26炸物 即叫即炸 因為多人叫 所以都要等一陣 不過好脆 仲要多韮菜 食完個啖氣勁重韮菜味🤭👉🏻自選湯麵 $41自創沙冬湯底 加腩汁油麵+$13 柱侯牛肋條推介‼️呢個湯底一流 辣辣地又唔會好辣 惹味出色 又似沙嗲又似沙茶既感覺 但更出色 油麵麵底勁多 但因為個沙底搞到忍唔住又食多左牛肋條超多 食極都仲有肉既感覺 好實在既肉感👉🏻凍檸茶 少甜少冰 $9👉🏻玄米茶 $11 佢有3款自製茶可以揀 我地就買左玄米茶試試佢 淡淡茶香 無糖好味指數: 4

同朋友去黃埔行街，之後佢同我去食車仔麵，佢話有同事去過食，又平又靚又好味！麵店叫淥麵，主打港式車仔麵。自創多款湯底供食客選擇，有沙冬湯、咖喱、沙嗲、秘制辣湯、酸菜辣湯、冬陰公等，粉麵也有不少選擇，車仔餸有自選也有套餐。超級至尊捌寶湯麵，呢個湯麵真係超級豐富又抵食，大大碗有豬手、豬腸、豬紅、花菇、雞中翼、豬皮、蘿蔔、紅腸。全部都好入味，滷水豬手林度啱啱好，滷水豬腸有嚼勁，豬紅滑溜，雞中翼皮滑肉嫩，豬皮爽口。揀咗招牌沙嗲湯底配油麵，沙嗲湯底味道比較香濃，配油麵好惹味！自選湯麵，豬腸、豬紅、豬皮，沙嗲湯底配幼麵，每樣車仔餸份量都不少，豬腸洗得乾淨唔會有異味，連肥膏也去掉，大塊豬皮吸咗沙嗲湯汁，一咬入口滿口湯汁，超惹味，豬紅一啖一粒，滑嘟嘟真係食唔停口，幼麵掛湯食啖啖都美味又彈牙!

呢個淥麵最出名食車仔麵，今日我地兩個人下午茶時間過黎食。冇諗過呢啲小店都可以QR code落單，好先進😂。🔶️ 超級至尊“捌”寶湯麵($68，8.6/10)佢既招牌麪！唔知車仔麵叫咩餸好就最好叫呢個，佢有8樣餸：豬手，豬皮，豬紅，花菇，雞中翼，豬腸，蘿蔔，紅腸！叫左酸菜辣湯底！首先要讚下個酸辣湯底勁有味勁惹味！！全部餸都好入味，最推薦佢既豬手，勁焾！其次豬皮同豬腸都勁入味好好味！大大碗，食完超滿足。🔶️ 海南雞湯麵($58，7.6/10)個湯清清地，中意清湯既朋友可以試下。雞都唔錯，不過我覺得可以咸多少少。

車仔麵店作為街坊餐廳，通常我都唔抱太多期望🤣，而淥麵用嘅食材味道都好有驚喜，第一次食車仔麵牛腩係食到牛肋條整嘅，五香味濃，成個口感味道唔同曬！💯（係我第一次食車仔麵牛腩無攝牙🤣）鹵水豬腸唔會有過多油脂，口感軟滑份量都唔少！車仔麵嘅固定搭配蘿蔔都清甜無渣💯4大塊都十分入味，食曬d送都應該勁飽🤣河粉好滑，條條分明，索左沙爹湯汁好有味道🫶🏻柱侯牛肋條$14鹵水豬腸$14蘿蔔$8面底$13冰鎮爽脆新鮮嘅墨魚頭更加係一試難忘！❤️‍🔥💯

淥麵 𝘓𝘰𝘰𝘬 𝘔𝘦同朋友係黃埔行過諗住食個車仔麵，估唔到星期六都有下午茶😜叫左2份下午茶湯麵餐，2份都好足料，大大碗夠哂飽，仲包埋飲品添😌🍜自家制麻辣湯底加腩汁配幼麵、柱侯牛肋條、招牌鮮蝦餅、咖喱豬皮、魚皮餃 ($61)麻辣湯底一上枱就好香麻辣味，加左腩汁嘅關係多左份柱侯嘅味道，增加左湯底嘅味道層次😋牛肋條份量唔少，炆得好淋蝦餅比較似蝦膠，食落彈牙有咬口，而豬皮食落爽口入味😉🍜老牌沙嗲湯底配滲滲麵、瑞士雞中翼、蜂巢豆腐、蘿蔔、溏心蛋 ($59)沙嗲湯底夠香濃，食落仲有淡淡花生香氣😋滲滲係油麵加米粉，食落多左份口感溏心蛋可以用流心蛋形容🤤醬油味亦調較得唔錯蜂巢豆腐吸哂湯汁食就最正蘿蔔好大舊，煮得夠淋又入味🥤凍檸茶🥤凍奶茶

黃埔站開通咁耐都無去過黃埔, 一直都知黃埔好多好野食, 今日終於同fd 去黃埔行街同試新野, 經過見到一間車仔麵, 見到間鋪個名好貼題 - "淥麵" 即刻入去幫襯下先 用電話自助落單, 自選配搭嘅車仔麵配料選擇多, 而且平時食開車仔麵都極少有湯底揀, 呢度竟然有九款湯底選擇,今次揀咗平時食車仔麵好少見嘅 "滲滲麵" 配特濃蕃茄濃底滲滲麵指油麵加米粉, 一次過滿足心大心細、選擇困難症嘅我今次揀咗腐皮角、蜂巢豆腐、紫菜同支竹，全部都係勁吸湯, 連埋當中嘅吸湯米粉, 啖啖都有酸甜蕃茄味。朋友就揀咗招牌酸菜辣湯+油麵, 配咖哩魷魚、日式豬軟骨、豬紅、鹵水豬腸湯底酸尾尾微辣開胃, 配有酸菜, 莖位更爽脆, 同時入口, 增添酸味。油麵有dd彈性, 爽口魷魚有淡淡咖哩味, 唔會太重口味; 豬紅彈滑; 鹵水豬腸入味偏林; 豬軟骨連帶少少好林嘅肉, 軟骨爽脆有口感。

身為土生土長嘅黃埔之友 我敢講紅土差唔多所有餐廳我都試過🤣 今次就試吓今年新開嘅車仔麵店淥麵🍜我覺得呢度最正嘅就係有多達9款湯底 梗有一款啱心水🙌🏻 我哋就試咗招牌酸菜辣湯 酸辣交錯加埋酸菜幾惹味🌶 而老牌沙嗲湯底充滿沙嗲香 如果個湯底可以再濃啲就更佳😋除咗大路麵底選擇 值得一提嘅係呢度竟然有摻摻 即油麵米粉兩溝 一粗一幼口感夠晒豐富🥢 配餸方便選擇亦都唔少 招牌鮮蝦餅幾彈牙 仲有唔係成日見到嘅蝴蝶腩🐷 蝴蝶腩係🐷連接兩邊肺葉及豬肚的部分 每隻豬只有一塊好珍貴 但可以再炆得淋啲🧐 記住一定要落埋自家製菜圃！脆炸韭菜餃都幾足料 但略嫌外皮太厚 如果可以提供埋泰式甜酸醬更好🥟 其他小食個樣望落都好吸引 其實想食脆炸流心蛋不過已經售罄 想食嘅記得早啲去😗