淥麵 (已結業)

鍾意食車仔麵 因為方便多選擇 價錢又合宜人生由細到大食過好多碗車仔麵大個左 就愈少機會食其中一個原因係湯底食到悶 通常都係加腩汁 加沙嗲汁 同清湯前排係紅磡食左間小店車仔麵「淥麵」湯底有新意 食材有誠意 整體都幾好食🥢自製沙冬湯底 麵底油麵👉🏻必點嘅湯底 無諗到沙嗲+冬蔭公嘅味會咁夾 冬蔭公嘅味出啲先 然後就食到沙嗲香 👉🏻成個湯底香濃但唔過鹹 個人覺得唔需要加腩汁除非熱愛極重口味👉🏻餸叫左柱侯牛肋條 豬粉腸 蘿蔔 👉🏻牛肋條好食 本身就煮得入味又唔韌 有少少根腱位連住更有油香👉🏻粉腸中晶粉粉地有嚼勁 但完全無苦味 清潔得好乾淨👉🏻蘿蔔好靚完全食唔到渣 清甜又無苦澀味👉🏻配油麵有少少似食馬星馬風味咁 🥢懷舊秘制辣湯底加腩汁 麵底滲滲👉🏻比起出面加腩汁嘅車仔麵湯底黎講 唔算重味 亦都唔算好辣👉🏻餸點左沙嗲金錢肚 滷水豬腸 韮菜餃👉🏻金錢肚同滷水豬腸都炆得夠淋 又好入味 👉🏻韮菜餃正常發揮 餡料飽滿皮厚適中👉🏻有米粉+油麵嘅滲滲配搭 👉🏻每檯都有惹味香辣嘅自家製菜脯可以自行添加下午菜$36*起 送熱飲 部分餸/湯底要加錢可以加小食 我就加左份油菜 兩份share份量都好夠 呢到夾埋都係食

紅磡呢個地方可以話係滿載啡熊嘅回憶🥹 以前讀U嗰陣成日同同學仔落咗堂 同莊員開完會嚟覓食 不過一排無黎就發現多左好多新嘢😂 今日久違地同車仔麵fans啡熊爸爸出街玩 就發現咗呢間高級配置版車仔麵🧐 店仔唔大 但勝在店員幾好禮貌 而且上菜速度超快😗 不過大家留意呢度係QR code落單的哦～-🌟-▪️超級至尊「捌」寶湯米粉 （招牌冬蔭公湯底）$68啱曬嗰啲眼闊肚窄大曬鬼 或者好似啡熊爸爸咁嘅大食朋友🤣 顧名思義有八個餸 豬手同雞翼炆得軟稔入味 豬腸 豬紅同豬皮都處理得好乾淨 煮得好香🤤 冬菇同紅腸就不過不失👌🏻 但蘿蔔真係驚喜 係甜甜的口味 多汁又無渣 必食！米粉係透透地嗰種 超爽滑超掛湯🫶🏻 冬蔭公湯香料味重 酸酸辣辣 好啱夏天熱辣辣食😗啡熊爸爸表示食得超滿足🐽▪️海南雞米線（招牌酸菜酸辣底）$58啡熊pick！海南雞超嫩滑 米線都係超滑溜溜🤤 配上粒粒香脆嘅酸菜 口感幾豐富😆 湯底超夠酸 但唔係好辣 適合譚仔嗌10小辣嘅朋友仔😉▪️凍檸茶 +$3-🌟-啡熊同爸爸都好鍾意佢有好多特別湯底選擇 其實仲有沙爹 咖哩 番茄等等🥰 加上每個配菜都整得相當唔錯 無乜伏餸🤪 啡熊認為係紅磡芸芸食店中都

📍 淥麵 咁啱同朋友行開黃埔，行緊去紅磡嘅途中，未食lunch見呢間食車仔麵既餐廳都有幾款湯底、麵底選擇，就入去試下，嗰陣仲係下午茶時段，三餸湯麵$36起包熱飲，超抵食！不過🐷肚餓，嗌左好多餸🤣雖然好抵，但超級高質，#chuchu推介 車仔麵新首選，一定會再食！—————————————————————❣️下午茶湯麵 $64呢碗嗌左四餸先60幾蚊，有日式豬軟骨、豬腸、糖心蛋、蘿蔔！豬軟骨+$6，好淋好入味，好好味，都有成5-6舊，豬腸係第4個餸所以+$14，份量都好足，同埋真係炆到好入味！糖心蛋係好好好好味，日式嘅醃法，但仲好味過啲拉麵舖，食落係有種gel嘅感覺，蘿蔔好甜！🐷嗌左沙冬湯底+$4，揀左米粉，啲米粉好爽，唔同出面嗰啲！.❣️下午茶湯麵 $47呢碗嗌左3餸，招牌鮮蝦餅、紫菜、韮菜餃，嗌左招牌酸辣湯底，幼麵！朋友譚仔平時食開3小辣，嗌小辣就話好辣，所以要睇吓食唔食到辣！招牌鮮蝦餅+$4，好爽口好彈牙，真係有蝦味的！紫菜就冇特別，韮菜餃+$4，好大隻，饀靚不過下次煮耐少少🙈仲送咗幾條生菜好爽！.❣️凍檸茶 +$3冇乜特別唔講了！👅.❣️凍無糖可樂 檸底 +$5呢排好熱要降下火！—————

𖦹 下午茶湯麵：自創沙冬湯底加腩汁 滲滲麵 潮式豬紅 腐皮角 蘿蔔 $46沙冬湯底有啲喇沙feel，微辣惹味，加埋腩汁仲香；潮式豬紅份量多而有口感，腐皮角非常索湯，蘿蔔超甜超入味！𖦹 下午茶湯麵：特濃蕃茄湯 幼麵 蜂巢豆腐 咖哩魷魚 招牌鮮蝦餅 $52 蝦餅非常彈牙，蝦味突出；蜂巢豆腐索滿番茄湯，鮮甜可口，最驚喜嘅係麵底可以揀滲滲，係油麵mix米粉，想提升湯底層次嘅仲可以落埋自家製菜圃。𖦹 玄米茶 +$5 係自家調製嘅玄米茶，解辣mvp！𖦹 凍檸水 +$3𖦹 生菜 +$15

💕淥麵閒逛紅磡舊區 發現一間裝修企理嘅車仔麵小店🍜湯底有9款選擇 車仔麵配料種類亦好多一次過食到晒鍾意嘅餸係滿足嘅🥰.🌈懷舊秘製辣湯底大辣嘅湯底都幾有辣勁 加上小店自家製菜脯特別惹味 叫咗幾款配料 每款都各有特色 唔會只係單一食到湯底嘅味 呢方面食得出餐廳嘅用心蝴蝶腩-佢地嘅蝴蝶腩係用豬肉 煮得夠腍夠入味 唔會俾湯底搶晒滷水味👍🏽雞翼尖-個人鍾意煮得腍身嘅雞翼尖 呢個雞翼尖就啱晒我口味😋溏心蛋-有流心效果 金黃色嘅蛋黃特別吸引酸斎-酸酸甜甜又好吸收湯底辣味 唔錯蘿蔔-車仔麵必點🧡雖然過咗蘿蔔嘅當造期 依然清甜無渣.🌈菜心好貼心 以QR code 落單時有走油選項 食得更健康.🌈玄米茶大大樽嘅玄米茶啱晒夏天無加糖飲落更解渴🥤

🎏️ 食盡紅土 — 淥麵✨ 紅土中臥虎藏龍嘅麵店🍜🤫#90cp紅磡篇 #90cp港式篇➖➖➖➖➖平時經過紅磡呢頭坦白講都冇留意呢一間麵店🙈 雖然佢門面平平無奇，但冇諗過佢嘅冬陰功湯底都咁好食😱 絕對值得推介！美味指數 😋: ⭐️⭐️⭐️⭐️環境指數 🏖: ⭐️⭐️⭐️⭐️服務態度 👨🏼‍🍳: ⭐️⭐️⭐️⭐️翻兜指數 💫: ⭐️⭐️⭐️⭐️(五粒星為滿分💯)✨ 冬陰功湯底海南雞米線 $58海南雞本身雞肉肉質都算滑，但最正其實係個湯底🍜🤫 個人覺得米線湯底好食已經贏咗一半，佢嘅冬陰功湯底真係有啲驚喜😚 我叫咗小辣，味道都好濃郁而且唔食辣嘅我都接受得到，份量亦都算適中，而且性價比都高，認真唔錯🥳🔸 自選湯麵 (蕃茄湯底 + 招牌鮮蝦餅 + 雞中翼糖心蛋蘿蔔) $63相比之下蕃茄湯底就有少許失色，味道唔算極濃郁🤧 好彩佢嘅招牌鮮蝦餅都唔錯，食落唔會好鬆散，加上佢都幾多配菜種類等等，都補救返🙈 不過個人覺得如果計味道加埋性價比都係冬陰功完勝🤫💰Total: $124✅ 雖則說門面唔算太特別，而且位置都比較窄，不過性價比真心高🤑 冬陰功湯絕對係大推！➖➖➖➖➖📍 淥麵 (紅磡)紅磡湖光街1-7號聯成大廈地下10B1號舖

紅磡掀起一般海南雞熱潮 連車仔麵店都有啊！@look_mecart 淥麵湯底選擇多 仲有特色小食最受歡迎的莫過於海南雞系列 每日數量有限下午茶至6:30pm 理大學生外賣有8折 堂食9折·海南雞米線🐔好彩晚市去 海南雞仲未賣哂 份量都幾多 才$58肉質真係做到餐牌寫的滑嘟嘟 連雞皮都好爽彈比想像中更出色 還附枝竹 豆卜 菜心 超級佛心🥢老牌沙嗲湯底沙嗲味夠香濃 配搭海南雞 多了份東南亞風味🥢滲滲麵估唔到車仔麵竟然可以油麵+米粉 吸湯能力高·自選車仔湯麵🍲單單湯底就已經有9種了 配料也差不多40款真係會有選擇困難症 諗唔到可以參考必食推介記得試枱上的自家製菜甫 辣得過癮 層次豐滿🥢招牌酸菜辣湯底揀咗小辣(可再辣啲) 酸酸地好開胃 岩哂夏天食🥢米線煮得剛剛好 保持彈牙口感 同時順滑不會很硬🥢招牌鮮蝦餅蝦味突出 幾扎實彈牙 相信單點煎過會再好味啲🥢本地腐皮角店家必食推介之一 豆香十足 輕薄易吸附湯汁🥢瑞士雞中翼🥢枝竹其他配料水準都不錯 雞翼入味大隻 枝竹份量多·凍檸茶🍋凍咖啡☕️跟餐熱飲免費 凍飲只需加$3 難怪門外大排長龍

呢間位於黃埔既淥麵係食車仔麵為主，不過同以往食開既車仔麵唔同，佢地有各式各樣既湯底可以選擇，好似冬陰功、酸菜辣湯同麻辣湯底等🌶️ 份量仲要大大碗🥣食完一碗真係夠曬飽☺️-秘制辣湯米線🍜 （韭菜餃🥟、蘿蔔、魚皮餃） 韭菜餃大大隻，魚皮餃有三粒，份量不過不失，蘿蔔又甜又林，好好味👍🏻 辣湯底加埋腩汁味道好香，佢地仲有提供辣菜脯，落埋一齊食就更加Perfect🤤下午茶餐會配埋熱飲，真係夠抵食🥰- 沙嗲湯渗渗麵 （自家酸齋、沙嗲金錢肚、生菜🥬） 第一下見到渗渗麵覺得好特別，係油麵同米粉兩溝，食落口感幾煙靭幾特別😯幾欣賞份酸齋，味道岩岩好，唔好太酸，幾開胃，金錢肚幾入味，份量都算多，配搭埋生菜，可以解膩，無得輸🤤跟餐除咗熱飲之外，$3可以轉凍飲tim😉😉-煎蝦餅 （4件） 蝦餅係新鮮煎起，又熱又香口，細細塊，同朋友share食的確唔錯😚🤩除此之外，舖頭仲有賣佢哋嘅自家製菜脯，真係好想買返樽返屋企，煮麵加埋落去，真係夠晒惹味😋😋😋

#frostie黃埔之旅 ✅ 淥麵📍美食探險👉 @frostiewithfood - 🔥黃埔車仔麵之選🔥屋企人想食車仔麵，又咁啱係黃埔見到呢間車仔麵，就入去一試啦。假日下午到訪都唔洗排隊~間舖環境唔算好闊落，但整體裝潢行溫馨木系風，別有一番感覺。冷氣都幾夠，唔會話好熱，而燈光都算光猛。見到佢地係用自助點餐，使用界面清晰，而且餐單都幾多選擇，仲有下午茶揀添！餐廳職員都好有禮貌，值得一讚！<沙嗲三寶撈麵(幼麵, 日式豬軟骨, 招牌鮮蝦餅, 咖哩魷魚)> $ 65沙嗲汁唔係街頭嗰一種，係偏甜口既味道，不過味道比想像中香濃！幼麵麵質爽口彈牙；日式豬軟骨味道香濃，頗有咬口；招牌鮮蝦餅食到些顆粒狀既蝦肉，口感幾好，咖哩魷魚唔錯食，煙韌得嚟又入味！<自選湯麵(招牌酸菜辣湯底, 加腩汁, 小辣, 米線, 牛筋, 金錢肚, 糖心蛋)> $ 53酸菜辣湯底幾好食，味道酸酸味味夠嘢味，加腩汁令到個味道豐富咗，係炎熱既夏日食好開胃之餘又唔會膩！配料方面，牛筋好入味，食落去有啲似啫喱，覺得幾高質；金錢肚咬落就比較煙韌，味道唔錯；而溏心蛋明顯見到有醃過，而且有流心嘅效果，好食！另外

黃埔紅磡呢邊越來越多餐廳，最近就試左間港式車仔麵店😛◦ 豬軟骨+鮮蝦餅滲滲麵($39；凍檸茶+$9)呢到主打港式車仔麪，配料選擇好豐富，我就揀左豬軟骨同招牌鮮蝦餅做餸；湯底選擇都好多，例如麻辣、酸菜等，而我就想清清地選擇豬骨湯底😛豬軟骨煮得唔錯，比較軟身容易入口～其實呢碗都幾抵食，呢個價錢麵底、配料同湯底(冬陰功、沙爹湯、特濃蕃茄湯等)選擇都好多，而且價份量都唔少，想平平地係附近食一餐都唔錯👍🏻◦ 海南雞飯配油飯 ($68；凍檸茶+$3)呢份海南雞飯份量都幾大，而且仲會送一碗湯🥣海南雞肉質都OK唔會鞋口📍淥麵紅磡湖光街1-7號聯成大廈地下10B1號舖

.同老公咁岩行過黃埔，見呢間食車仔麵既餐廳都有幾多湯底、麵底選擇，就入去試試，個陣係下午茶時段，三餸湯麵$36起包熱飲，都幾抵食。老牌沙嗲湯底+幼麵配招牌鮮蝦餅+ 韮菜餃+咖喱陳皮魚蛋配罐裝雪碧($49)沙嗲湯底濃郁；魚蛋彈牙有水準，陳皮足料，即使有咖哩汁亦掩蓋唔到陳皮既香；韮菜餃夠大隻，韮菜同肉比例均稱，鍾意食韮菜餃嘅絕對不能錯過；蝦餅彈牙十足，蝦膠結實唔會一夾就鬆散；幼麵索哂沙嗲湯好惹味，成碗車仔麵份量足，大大份好抵食。金牌冬陰功湯底(小辣)+滲滲麵配自家酸齋+蝴蝶腩(豬)+蜂巢豆腐配熱檸水($48)冬陰功湯酸甜辣度調得剛好；蜂巢豆腐索滿濃濃湯頭，入口爆汁；蝴蝶腩都係呢到既招牌，腩肉肥瘦均勻，煮得夠淋入味；自家酸齋都好食，酸度剛好；驚喜車仔麵有滲滲揀，份量多，麵條夠煙韌。枱面有自家菜圃，可自行加落麵到，有嚼口，幾好食。必食墨魚頭 ($48)墨魚頭果然係必食推介，夠滑夠彈，配上酸酸辣辣的香辣汁十分醒胃，而且有青瓜絲做底，口感清爽！呢間既車仔麵都幾好食，無論湯底、麵底、餸既選擇都多，性價比高，店內環境乾淨，店員都有禮貌，下次黎黃埔可以encore!.味道 ★ ★ ★ ★ ☆環境

望落去簡簡單單嘅車仔麵，食完發覺都可以有咁多變化，都幾有驚喜！沙嗲三寶撈麵 $65呢款三寶撈麵可以揀選唔同嘅麵底同撈汁，撈汁方面有沙嗲、咖喱同試鹵水，而麵底有滲滲、幼麵、粗麵等⋯今次一於試下沙嗲滲滲，配料則揀選左金錢肚、招牌鮮蝦餅同牛肋條呢個配搭。沙嗲味比想像中香濃，金錢肚同牛肋條都好入味、冧身，再配上撈滿沙嗲汁嘅滲滲麵，意外地夾！呢個撈麵比想像中出色極上至尊「拾」寶湯麵 $78呢款湯麵有十款配料，如豬手、豬紅、豬腸、花菇、紅腸、蘿蔔、酸齋等⋯湯底方面揀左金牌冬陰功湯底再配上幼麵，湯底味道遍酸，同平時嘅泰式冬陰功湯不太相似，另外亦可自行選擇湯底辣度！湯麵極多嘅配料，食完真係份外滿足

上枱次序：金牌蝴蝶腩：聞同食都有酸味，已換墨魚頭豬軟骨飯：第一次上枱係凍，第二次上枱係微微暖。。。酸菜海南雞油麵：叫油麵黎左個幼麵，味道冇特別。。。麻辣墨魚頭：墨魚頭爽嘅，但唔夠麻辣醬，麻辣醬對我黎講係微辣腩汁菜芯：正常水準總結：冇下次!! 明知蝴蝶腩變壞，重可以比第二枱人食，飯上枱兩次都唔熱。麻煩呢啲鋪頭唔好害人。。。P.S. 呢間野真係唔直得我打200 字

我地晏晝好肚餓，又見餐廳有位唔洗等，即刻入去醫肚13:49分落單檸茶好快到但等下等下二十分鐘先有一碟涼拌小食哩下已經好餓同無奈。。中間女同事話幫手催下 催左三四次 半個鐘之後先至話下一碗就整你地嗰份啦 。。。。。後面嗰位堂食嘅男仔仲慘，，，佢坐得仲耐過我都未有嘢食到。最無奈係聽到收銀位嗰位啊生話做咗外賣先，廚房一路淨係整外賣嘅單。堂食嘅人差唔多都要等半個鐘先有得食 既然時間上安排得咁混亂，不如好好管理下工作系統同模式。。

今日同朋友仔紅磡行街街，朋友推介食呢間車仔麵，其實我聽到車仔麵已經變扁曬咀，因為我戒緊澱粉呢 係佢極力游說下，咁就入咗去了唔試唔知有驚喜，我叫咗個冬蔭功湯底配豬腸，雞翼尖，鮮虾餅加蘿白（淨餸），凍檸茶走甜******要減肥沒辦法首先要講吓個湯底先，呢個冬蔭功真係冇得輸味道夠濃，不會太辣，酸咸適中，仲有D泰國香料味，真心欣賞豬腸都好食，夠入味口感剛剛好，不會太腍雞翼尖一般冇乜特別，腍D會再好D蘿蔔夠腍，冇渣，不錯仲有個虾餅都幾好，爽口彈牙涷檸茶正常檸檬新鮮有茶味最後最值得介紹就係呢個菜少少辣，好惹味，送麵一流，仲要係無限添加其實呢我好耐無寫過食評，因為疫情關係眼見好多小店結業，呢間本地車仔麵出品真心不錯，所以支持一下香港小店加油