淥麵 (已結業)

🥢淥麵📍黃埔｜簡簡單單車仔麵，酸齋加沙嗲湯又幾特別。-行過湖光街見到呢間車仔麵，就嚟試一試。平時食車仔麵多數都叫辣汁油麵，今次轉吓口味，加多執米粉～即刻變咗滲滲麵。口感更豐富，沙嗲汁比起平時食茶記沙嗲牛嘅淡少少，無咁重口味，作為車仔麵湯底嚟講唔算好鹹。餸就叫咗酸齋、陳皮魚蛋同枝竹。酸齋同枝竹都吸晒沙嗲湯底，份量夠。不足嘅係湖光街嘅坑渠味道強烈，而餐廳門口長開，揀位記得坐入啲。

這家有位置 😆在下也想百吃熱熱濕濕的東西就這裡吧高科技落單選擇還滿多的有選擇困難症的在下喜歡自選 😛連車仔麵都有一番特色 🥰金牌冬陰功湯底 👍👍清濃度真的很好味道夠而不會喝得難受對在下而言比起去泰色餐廳點碗冬陰功湯更為好喝 😍麵底是滲滲麵 $12因為不知道是什麼所以點啊原來是2種麵 油麵 米粉 的合體哈哈那就跟在下平常在家煮2包麵吃的狀態一樣了餸菜就跟平常會點的差不多酸齋 響鈴 山根 枝竹 紫菜這裡的酸齋比較大顆而且是直接進湯沒有分上不過沒想到也沒有大影響到它的味道響鈴有2條在吃第一條時把第二條直接泡著..結果........忘記吃😑到看到它記起時已經整條軟軟的整碗上枱時擺放得蠻漂亮的吃了幾口才後知後覺發現能擺漂亮的其中一個原因是湯沒有很多..不知道能不能多湯這個月再有幾會來時要試試看 😆畢竟這半個月裡在這區有開的又被在下喜歡的餐廳是不多很大機會能再來的 🤣然後桌上有一瓶貌似自家制蘿蔔乾的東西在下只加了2匙怕吃光光會被歧視 😅好像有點甜甜的 🤔最後再跟一杯餐飲熱熱的咖啡..因為這2天精神狀態比較差希望能在今天接下來的工作中能提起一點精神..總括而言都很好啊因為熱熱濕濕本來就是在下偏喜歡

紅磡其實有好多間車仔麵～不過依間新開嘅諗住試吓柱候牛腩、牛筋滲滲麵酸辣湯底～滲滲麵即係米粉加油面～酸辣湯底幾好食夠嘢味～不過柱候牛腩唔太入味～又難咬開應該係煮得唔夠耐～牛孖根幾淋都算入味南乳豬手、豬腸秘製辣汁河粉～有六小舊豬腸～食落都幾入味～不過份量真係好少南乳豬手睇到都唔想食～睇落似水煮冇咩食慾～食落冇味另外+$6有一杯熱飲～叫咗一杯熱鴛鴦、一杯熱奶茶每碗外賣+$2～疫情期間外賣88折依個價錢～依個質素～依個份量冇下次

新開車仔第一次試, 味道還可以啦！但分量少得可憐😕 叫咗個極上拾寶麵$78 , 豬手, 雞翼得一件我都可以理解.🥲 無諗過紅腸得一薄片… 蘿蔔只得一件… 冬菇最過分得半邊…😢酸齊一件半… 豬血兩粒……其實可以闊佬少少🙄 糖心蛋半邊, 滷水豬腸三粒, 豬皮算有三片…….相對淨食蝴蝶腩$48 分量正常, 味道方面還可以接受!!! 必食墨魚頭其實可以叫不食墨魚頭. 只是墨魚鬚切成粒狀就當是墨魚頭…墨魚「拿」得太勁, 無咬口!!!

同老公在減肥中唔知食乜好，係附近逛下，意外發現驚喜😍😍兩人叫金牌冬陰功湯底+特式滲滲麵 ，成碗滿滿都係料，尤其是滷水配料好入味係必食。再叫小食麻辣墨魚頭，配埋自家辣菜脯，超級好味。下次經過一定要才試🥰

個麵底有得揀滲滲麵，油麵粉絲兩溝幾特別。麵底份量好足，食完夠曬飽。豬軟骨唔會太𣺉，有咬口。湯底味好足，同埋選擇都好多，麻辣都夠麻。下午茶時間價錢唔貴，可以試下。

見到呢間新開車仔麵店就入去試下，入面因為新開裝修都靚仔乾淨，坐得舒服，車仔麵餸麵都多選擇。最後叫咗個沙嗲湯底試下，不過湯底唔算濃。餸就叫咗蝴蝶骨、流心蛋同豬手。每樣餸都平均，不過冇話邊樣特別好食。

必食墨魚頭涼拌墨魚頭加上青瓜及少少辣汁帶出微微辛辣感.墨魚頭食得出新鮮爽脆既口感,肉身夠彈牙又唔會韌.加上清爽既青瓜更有層次感.墨魚頭鮮甜唔腥,少少辣汁令整體鮮味更突出.脆炸韮菜餃韮菜餅皮薄身,炸成金黃色既韮菜餃外層酥脆香口.內裏既韮菜餡菜多又爆汁,一咬噴射地溢出大量餡汁！韮菜量相當足料又多香,必食之選！老牌炸雲吞炸雲吞同樣炸成金黃色而且乾身唔油膩,入口帶陣陣酥香.內裏雲吞餡以魚蛋作餡,沾上甜辣汁令味道更惹味亦減低肥膩感.金牌蝴蝶腩整得出蝴蝶腩呢味小食真係唔簡單,要做到一份好既蝴蝶腩係清潔既程序已經落左好大既功夫.蝴蝶腩作為豬肉既橫隔膜,帶有筋膜煙韌感既同時,連住筋膜既腩肉具有同牛肉帶有幾份相似既香嫩感.平時充滿黏膜既蝴蝶腩唔好好處理會帶有一陣豬羶臭味,而淥麵既蝴蝶腩就無呢個問題出現,味道滷得入味香濃.腩肉嫩腍又不失肉質既嚼口,連筋膜食帶出彈牙不過韌既口感,同樣係必試之選.

誤打誤撞入左黎發現左一間靚料車仔麵今日路過見到好多人，原來有新開張，就試下新野，點知又幾好食喎！睇到點餐紙，佢除左車仔麵，仲有好多特色小食，好多小食都好特別，我揀左蝴蝶腩。蝴蝶腩$48， 以為48 平平地試下，點知黎到咁大份！ 仲要又夠份味+肉質夠腍。超抵食！點左小食車仔麵仲點返清啲，推薦凍豆腐必食，入味又質感正。紫菜食極都仲有！ 多到有啲誇張🤣🤣🤣🤣🤣朋友點左個咖哩三寶，個麵好正，食撈麵個麵均勻有汁有味唔容易，但呢間既撈麵個汁好均勻豬皮用牛肚都爽口彈牙裝修得幾得意小食好抵食

韭菜餃豬紅蘿蔔河粉豬骨湯加腩汁$40豬骨湯底普通不過不失，我懷疑佢係咪唔記得加腩汁，不過算啦清清地我都OK韭菜餃一般貨色味道正常，都算多餡，但其中一隻個煮住得未透個皮有少少硬豬紅正正常常，分量都夠蘿蔔大大舊好淋無渣，係我喜歡嘅口感，但奇就奇在佢胡椒味激重，重到我覺得有啲辣，蓋過晒蘿蔔應有嘅甜味，我就唔係太鍾意，唔知係平時都係咁定係今日出咗啲意外？我覺得其實個質素都對得起個價錢，唔洗排隊食得飽服務正常都算坐得舒服我冇乜投訴但係同區有咁多其他車仔麵，我就未必會翻兜翻兜指數:2.5/5

見到新開就去試下，點知都幾伏😣本身對車仔麵都係簡單一餐，自己揀自己鍾意嘅餸食好難好差，但呢間味精真係太重😅食完成晚都勁口渴#小胖遊紅磡🐠 —————————————————🔹牛栢葉、腸仔、米粉配蕃茄湯底 $37蕃茄湯酸酸甜甜🥫，但係冇乜蕃茄蓉🍅，牛柏葉都爽口，腸仔同米粉就正常🔹雞腎、紫菜、糖心蛋、金錢肚、清湯淨餸 $45🥚糖心蛋賣相好OK，係成晚食咁多個餸最好食嘅，紫菜、雞腎、金錢肚，份量都還可以，但無特別好食🔹 冰火魷魚🦑 $48睇相覺得好似好好味，點知係超級失望而且仲好貴抵食，凍魷魚非常之韌好難咬，面頭嘅辣椒醬辣度都還可以，但係食完覺得味精好重🔹通菜 $20🔹凍奶茶 $9—————————————————🧜🏻‍♂️口水度：🌕🌕🌑🌑🌑🤑CP值💰：🌕🌕🌘🌑🌑🧚🏻‍♀️打卡值：🌕🌕🌗🌑🌑🥰舒適度：🌕🌕🌕🌑🌑👅再食指數：🌑🌑🌑🌑🌑.♟Overall♟呢間真係味精好勁，食完好唔舒服紅磡太多好食嘅野，大家不需要揀呢間食😂

沙嗲湯底一啲沙嗲味都冇，完全聞唔到食唔到一啲啲沙嗲味，只係一個清湯幫我加咗辣椒油！超失望。煎蝦餅細快到你唔信, 竟然要$28蚊。收$178完全唔值，食一次就夠！中伏feel…….

紅磡區餐飲真係百花齊放，中西日韓台泰新舊美食咩都齊晒，喺呢區打滾多時，幾好食都食厭咗 🌭🍔🍟🍕🍝🥗🍜 所以一見到有新餐廳就會即刻衝去試，今次新開張嘅車仔麵原來就喺我之前分享過嘅小店麵．睦月同一個位置，不過成個體驗就唔多滿意 🙈晚餐時段店內完全爆滿，等咗 15 分鐘度入座，到落單嗰陣揮咗好耐手都無人理 👋🏻 直到一位男服務員上菜經過我身邊，叫住佢仲黑咗吓面，好唔耐煩咁幫我哋落單，即係咁，繁忙時間急啲可以理解，但都可以留返個白眼返到入廚房先反啩？🙄️ 望住隔籬啲人來來回回，過咗好耐剛才位先生先放低張單，睇睇個時間張單落咗成 25 分鐘…. 車仔麵喎，呢個時間正常應該夠你食完埋埋張單 👀 態度寸我當自己澳牛，咁你都要有人哋個速度，渣渣林食完趕我走啦好嘛 🌚 價錢係好平嘅，如果近近哋一試無妨，但如果特登過嚟食，又等位又要受氣就無必要啦 🥲❝車仔麵 ( $𝟱𝟭 )米粉 ‣ 秘製辣汁 ‣ 雞翼尖 ‣ 豬粉腸 ‣ 陳皮魚蛋 ‣ 娃娃菜要讚嘅係餸嘅份量非常大方，絕對夠飽肚 🙆🏻‍♀️ 辣菜脯切得細碎、鹹香惹味，粉腸同雞翼尖鹵得入味，前者略帶苦味但仍可接受 👌🏼 而湯底作為辣湯就真係淡咗啲，好似喺碗無乜鹽嘅

在紅磡區工作搵食多年，已嘗試過不同的餐廳。本區內多處重建，餐廳店舖執笠，最近見到多處進駐了不少新餐廳。上星期經過見多好多人在排隊，門面幾好呀，啲相又靚打算下次一定要早啲出門食飯！店舖還掛上試業中的牌。今天專程12點前來到淥麵，希望可以不用等位並直接入座。果然，店舖內已有一台人客。店舖位置桌面分布算是比較寬敞！一邊有長櫈位，另一邊是普通位。先自看點菜紙，發覺大部分配餸都打星。我們同行三人，每人均點了不同店家推介的餸。先來第一碗。這個是，豬膶豬紅豬腸豬皮，沙爹湯，油麵底。食車仔麵識食梗係要揀油麵啦！對於喜歡吃內臟的朋友，評語尚算不過不失啦，正常味道！豬膶新鮮，不過豬皮稍微有點酸。第二碗。雞翼蘿蔔陳皮魚蛋，沙爹湯，油麵底。我通常試車仔麵新店會有個自我標準，一定叫同樣的餸菜。蘿蔔夠甜，雞翼正常，陳皮魚蛋我食過更好的。沙爹湯底比我想像中較為清淡。第三碗。金錢肚蘿蔔糖心蛋，麻辣汁，油麵底。金錢肚有著濃濃的胡椒味，贊！不過糖心蛋好似有點點酸味，又未去到食唔落，不知道是醃料問題還是？！...總括來說，餐廳環境舒適，味道正常，價錢都ok。下次可以試試推介的小食。如果可以早放飯都可以來試試，唔怕等位1點後

港女好少食車仔麵，但唔知點解啲男人好鍾意，所以成日都食。慢慢有研究。終於食咗間覺得好食又可以成日去嘅車仔麵了。好多車仔麵店豬皮一係有味唔爽口，一係爽口唔入味，但呢間入味又爽口👍🏻蘿蔔無渣是必須的，呢到合格有餘👍🏻最欣賞係個個炸餃，一啲都唔油又硊，雖然炸，但有菜感覺唔會好肥(可能港女自己呃自己)會再去。重點係坐得舒服無趕頭趕命嘅感覺。啲員工好Nice ，唔多人個時又會問下你覺得好唔好食，俾下意見，依家真係好少快餐會咁做，感覺帶住口罩都feel 都啲員工笑。個裝修雖然唔算特別，但個淥字幾得意，吸引到我影下相。