淥烚年代

营业中

休息中

淥烚年代📍地址：尖沙咀海防道32-34號寶豐大廈2樓=================呢間新開ge 餐廳之前聽朋友講過幾唔錯的，咁啱今日在附近完成工作，就去幫襯下啦！佢要行少少樓梯再轉電梯先可到達的,但估唔到入到去嘅裝修好華麗！仲有VIP房😳佢主打係打邊爐的，但因為而家係午市時間，竟然有提供價錢相宜的午餐！午餐主要係燉湯盅飯，每人都只係幾十蚊！ 估唔到weekend 都有咁優惠ge套餐！😍午市套餐可以揀一個飯同一碗湯， total $78,真係好抵！我地揀左：黑松露排骨蒸飯 黑松露味幾重，估唔到同排骨味都幾夾！加埋豉油食，有啲似鳳爪排骨飯嘅味道🙊蟲草花北菇滑雞蒸飯雞肉醃得非常入味，肉質滑溜至於佢嘅燉湯真係非常足料，睇圖你哋就知!😍 $78又有得飲又有得食，真係好抵!川貝海底椰鱷魚湯羊肚菌海參燉雞湯

9月生日去試新野，無諗住要寫食評，所以一張相都無影🤣🤣🤣岩岩打開個Open Rice見到呢間野，心血來潮想分享下。湯好飲，啲野食好有心思，好食👍個🌽都甜過人🤤會再去試其他野食，上次得兩個人食得好少野😋😋😋 有朋友聚會都會諗起呢間野，因為佢有幾間房，一大班朋友去係唔錯既選擇💜

估唔到秋涼之後打邊爐第一擊搵到一間咁有驚喜嘅舖頭!店铺就喺海防道寶豐大廈電梯門一開就見到！店舖新開無耐，入到去感覺舒適又乾淨!平時鐘意食清湯，因為打落湯底一定越食越油，但今日就朋友點咗沙嗲湯底，竟然唔會越食越油，而且味道唔會太咸，食完都唔覺特别口渴！而且食具器皿都係靚靚嘅，仲有條拱橋俾你擺食物，慳位又吸睛，啱晒打卡！打邊爐牛肉當然不可少，一碟安格斯牛肉點細份嘅都有咁大碟，紅卜卜睇都知夠晒靚~牛肉帶點脂肪但唔會太肥，淥一淥入口軟熟又夠牛味！脆鯇魚骨腩新鮮有魚味，腩位嘅味道加上少少脂肪，特別鮮味！咬落脆脆地，魚味夠突出～鐘意食內臟嘅真係唔可以錯過呢度嘅鮮粉腸，新鮮豬膶同豬肚，每樣都好新鮮，豬膶入口粉粉嘅口感，咬落軟嫩，一d腥味都無，配埋沙嗲湯底，真條好想叫個米粉淥埋一齊食。粉腸同豬肚亦爽彈得嚟帶點煙靭，完全無羶味，食得勁暢快!！三色丸好特别，有清酒蝦丸、金沙牛丸同黑松露豬肉丸，每粒都係非常彈牙，無論蝦味肉味都一樣咁突出，咬開就會見到餡料，而清酒蝦丸咬開就有少少清酒溢出~都係第一次試呢個配搭！而豐盛田園蔬菜盒又真係幾豐盛!面層嘅菜夾開面後見到下面仲有一層，成個盛盒都塞得滿滿!!菇菌、蔬菜都各

冬天就黎到係時候打邊爐😝今日上咗大廈搵好野食!!上到去裝修好骨子，最正係佢有一個位有間板，入面每間房坐到12人嘅大圍，餐廳話可以打通變成一大房坐到40人🤩公司一大班人食飯啱哂！！豉油碟有好多選擇自己混咩醬，店主好有心思!有好細粒嘅洋蔥，同薑粒(擺明自己切，見到好多薑絲)正！今晚食好啲叫咗個我食過最好味嘅湯底😍龍王海鮮鍋 $538入面用料上乘，有龍蝦，大蝦同花甲!!味道超鮮甜👍🏼成個湯煲出嚟橙色，好濃郁好鮮！龍蝦有成隻斬件係入咗，啖啖肉！！就算係腳都好彈牙！不過最好係上菜無耐就飲多幾碗，之後就無咁濃味🤣我有啲後悔飲咗2碗咋！之後其實我都有keep住飲到成肚湯🤣👍🏼店主提我地下次黎要預訂湯底，因為數量有限!!明🫡好多配料雖然細碗咁樣，但係佢放得都幾多幾滿㗎！而且仲放滿個好靚嘅層架好有氣派！！啱哂打卡🎉窩筍片 $58豬肚 $ 58牛柏葉 $68鮮粉腸 $58水魷魚 $68蜂巢豆腐 $48窩筍片好爽甜，打邊爐一流！！豬肚同鮮粉腸彈牙，無騷味，洗得好乾淨👍🏼蜂巢豆腐超抵食，有成8舊咁多！！當豆腐吸哂啲湯真係好好食🥺安格斯 (小份) $198超抵食🥹🥹雖然淨係叫小份，但都勁多，一啲都唔小😝啲牛仲要

今日天气冻冻地，比较适合打边炉，但系老公话五想自己整，甘就稳下边度打边炉比较好，跟住就来到呢间铺。铺头装修比较复古风，好似系新开既，因为都比较干净企理，服务员态度非常好。我地叫左个鸳鸯锅，一边系麻辣鸭血，一边系芫西皮蛋，麻辣鸭血闻到就好香，入面有好多鸭血架，芫西皮蛋都一样甘好味。打边炉梗系食牛最好啦，呢度既本地新鲜牛肉确实好新鲜，五使禄好耐，一阵就得，好有牛味，五点酱料都好好食，值得推荐！三宝丸有黑松露猪肉丸，柚子墨鱼丸同虾丸，个人最钟意食个虾丸，弹牙有虾味。值得一提系个脆肉皖，我本身就五太好淡水鱼，但系老公想食下，就点左一份。点知原来距系甘好食架，鱼肉脆脆地，又新鲜，又无甘多细鱼骨，五错五错。仲叫左粉肠，鹅肠，牛柏叶呢滴打边炉经常食既野，讲真，全部都新鲜同干净，价钱五算太平，但系好食既。

最近見朋友成日食燉湯做湯底嘅邊爐🥘搞到我哋心郁郁又想去試下😋淥烚年代個名咁有gimmick🤣加上出名用料新鮮 cp值高！咁當然就要去見識見識先得啦🤪原來舖頭係棟商業大廈入面🤔夠晒神秘 果然係隱世小店！我哋坐底之後 店員就幫我們倒滿豉油😋然後拎出九宮格調料俾我們自由調味🧂調料種類好豐富🥳中芹、香蔥、洋蔥、薑蓉、辣椒、芝麻、蒜蓉、炸蒜、芫荽☘️只要係諗到嘅調料哩到都有齊🤤而且店員服務非常有禮貌 值得一讚🙇🏻‍♀️🙇🏻‍♂️螺片海底椰燉湯 $208是日推介有daily special螺片海底椰燉湯🤤有推介咁就當然揀佢啦！燉湯上場一大煲🥘材料超級豐富😋有雞腳、豬肉、海底椰、螺片、而且份量勁多又足料！打邊爐之前先飲兩碗燉湯🍵味道清甜 而且飲落冇味精！燉湯真材實料用黎打邊爐一定好正👍🏻三寶丸 $98三寶丸可以自由挑選三款唔同類型嘅丸🍡我哋就揀左睇落去幾特別嘅金沙牛丸🐮松露豬肉丸🐷同柚子墨魚丸🦑金沙牛丸就係牛丸入面包住咸蛋黃🤩牛丸咬落滲出淡淡咸蛋香☺️咬到中間咸蛋黃一湧而出🌊咸香嘅咸蛋黃配上牛味濃郁嘅牛丸🤗哩個配搭幾新奇好味道👍🏻松露醬放係豬肉丸入面又俾人另一種感覺😂豬肉襯托出松露特有嘅味道🍄特別香濃！哩到

網上睇到有人介紹呢間 淥烚年代 , 見近日秋風起 , 氣溫開始稍為微降 , 就諗住趁星期日相約家人打個邊爐取名有趣食字  該店位於2樓 , 甫一進店內與想像中的懷舊佈置不同裝修行現代風格中滲多少懷舊感 , 所有家具都好簇新 , 酒櫃靚 , 環境乾淨企理 , 座位十分闊落 坐得舒適, 亦有數間細房招呼客人店員亦殷勤有禮 , 因到達時時間尚早 , 我們是第二枱餐牌簡而精order左唔夠5min , 就有野陸續上枱羊肚菌海參燉雞湯 $208 - 養生燉湯 , 湯底清甜而不油膩 , 飲完全部都不覺口渴, 相信沒有落味精, 且湯量好多 , 可倒出滿的8-9碗 , 食材的量更為驚人 , 瘦肉 , 雞件 , 海參等燉得入晒味 , 尤其海參值得一讚 , 先飲晒鍋中的湯後再讓店員加湯打邊爐水魷 $68 - 切好一塊塊 , 肉質彈牙爽甜 , 吸湯一流 , 正養顏桃膠餃 $88 - 非常特色的餃 , 內餡是桃膠 , 素有平價燕窩之稱 , 固有養顏美容功效 , 味道少鮮甜而啫喱狀 , 第一次試食此新奇水餃八吋日本蟹柳 $78 - 超長 , 仲長過對筷子 , 肉質非常鮮甜 , 味濃而不帶冰鮮味三寶丸 $98 -

對香港九龍新界都佈滿集團式的食肆開始厭倦，尖沙咀發現新驚喜🤩一間性價比高又用心製作的火鍋料理👍🏻被懷舊又有趣的名字吸引了《淥烚年代》，雖然是樓上鋪，但地點十分方便。位於每日人山人海的海防道，鋪內裝修也是懷舊風適合打卡影相。店內還可有獨立房間，絕對是三五知己或親友門飯聚的好地方！餐牌上多款養生保健燉湯，選擇困難既我們已經約好下次要試其他款式的燉湯😋驚喜係燉湯除了足料外，味道十分鮮甜！對味精過敏既我，好耐未試過係屋企以外嘅地方飲湯啦🥰 連平時唔太喜歡飲湯既小朋友都飲左兩碗湯！精美火鍋料理都睇得出廚師的心機，三色手打丸和餃子🥟外觀及味道也是一流👍🏻三色丸除了彈牙，還保留原有肉質既味道。牛肉份量大碟，而且賣相肉質都值得一讚👍🏻除了火鍋料，還有串燒及小食。其中一款小食係油炸鬼裡釀蝦膠，又脆口又美味！伴酒小食一流👍🏻用心經營的火鍋店，我地一定會繼續支持我地發現除了火鍋外，中午有燉湯蒸飯😋還可以提早預訂私房菜我地已經訂定下次再黎食過🤭

尖沙咀新開打邊爐店，啱晒而家天氣凍凍地嘅秋天，而且地點位置十分方便店舖新開，裝修比傳統邊爐店靚，有特別嘅格調材料係逐碟叫，雖然比任食邊爐貴，但係食物質素極高而且不錯👍🏻首先會自選豉油配料，有九項嘅選擇湯底可選雙拼右面係芫荽皮蛋左邊係麻辣鴨血麻辣鴨血湯底都幾足料，有好多舊鴨血和豆腐，吸盡湯底精華， 十分正，但注意有少少辣🌶，食到先好叫本地新鮮牛肉 小份牛肉超級靚，色澤和肥瘦亦均勻、高質不錯，唔會太肥，入口亦很嫩，肉味重，唔似係急凍冰鮮🐮五寶丸手打丸，每一粒丸入邊仲有饀包括牛肉、豬肉、蝦滑、墨魚丸等，粒粒唔同，入口彈牙，睇得出店舖用心製作❤️店舖食材打卡亦別出心思，賣相十分吸引餃子亦包括養顏桃膠餃帶子餃、奶皇餃粒粒精緻💗👍🏻😆

呢間火鍋舖喺尖沙咀嘅樓上鋪，比較少人，想靜靜哋打邊爐啱晒～食物嘅選擇都係大路嘢，選擇都唔少。開波打邊爐之前梗係要混醬先！醬料有各款嘅蒜！我最鍾意西芹粒！今晚要咗個芫荽皮蛋湯底，清清地都唔錯。打邊爐梗係要食牛肉啦，牛頸脊性價比高！$258 嘅份量都唔少，兩個人食啱啱好。牛頸脊嘅脂肪比例好好，唔會太油，肉味亦都濃郁。之後仲要左其他火鍋料，每碟幾十蚊。我哋覺得最好味係脆肉鯇，真係非常爽口！仲有豬潤都幾好，如果可以厚切啲就更加好。最後食個菜。飲罐啤酒，咁就差唔多啦

Happy Saturday!!呢日諗住帶屋企人去食好西一早book定呢間新開嘅樓上打邊爐/私房菜因為新開冇幾耐 暫時未有私房菜menu但一班人打邊爐會開心啲😆想避開人潮 所以book左5點幾去食 有包場嘅感覺xd上到去發現裝修好靚碗碟都好精緻Staff好熱情好用心 不時幫我哋加水加湯收碟Menu選擇非常多先選燉湯湯底3款燉湯都非常滋潤四季都好啱食最後要咗鹿茸菌燉花膠湯$188先飲湯 非常甜非常好飲飲得出係真材實料 冇落味精湯料有大量花膠、鹿茸菌、雞肉同豬肉非常足料花膠大塊又彈牙 食完即刻覺得好多膠原蛋白😆然後就可以開始打邊爐先食安格斯牛肉（大）$288份量好巨型好正 雪花分佈平均擺盤好靚 打卡超級正烚2下就食得 牛味好濃郁 肉質軟嫩🥰三寶丸$98金沙牛丸好有驚喜牛丸食得出係手打 非常彈牙入面有咸蛋黃 味道超級豐富黑松露豬肉丸同樣爽口裡面包住黑松露 好香好好食柚子墨魚丸 同樣好surprise柚子味道清新 夾埋墨魚丸嘅鮮味 正！😋炸響鈴$58好脆 每一層比外面食嘅薄 所以脆度增加淥一淥就食得 吸晒湯頭嘅香甜 口感同味道都一級棒😎雙拼餃$128鮮蝦雲吞食得出係人手包嘅蝦勁大隻 肉同雲耳都

朋友擺60歲大壽，揀咗呢間位於尖沙咀嘅淥烚年代叫我哋一齊慶生。餐廳唔算好大，不過就有獨立房間，活動板可隨意調校，一圍定三圍都冇問題。調味盤都擺放得相當精緻，仲有齊生熟蒜、芹菜、芫荽、蔥、薑蓉、紅椒、洋蔥、芝麻等，夠晒繽紛。年紀大咗要養生，揀咗個好正嘅鹿茸菌燉花膠湯，湯水清得嚟又夠滋潤，我哋連湯渣都食埋，一啲都唔嘥。近乎飲到落煲底之後，就另外加湯開始打邊爐。打邊爐梗係要食牛，我哋揀咗牛頸脊，口感一流，而且佈滿雪花，雖然只係屬於細份，但份量一啲都唔少，我哋四個人食都夠晒數。自家製嘅肉丸可以雙拼，拼寶丸我哋就分別揀咗黑松露豬肉丸同埋柚子墨魚丸。柚子墨魚丸上面鋪有蟹籽，雖然肉眼見唔到柚子，但咬落彈牙之餘亦有陣陣嘅柚子香。黑松露豬肉丸入面係包心嘅黑松露醬，放入口入面之後整個口腔都充滿着黑松露嘅香味。另外我哋仲叫咗好多款其他配料，枱上嘅拱形架慳位得嚟賣相仲好精緻，搞到我都想喺屋企整返個。活海蝦總共有六隻，每隻海蝦都好新鮮，肉質爽脆，一隻隻串好之後方便進食。牛柏葉非常爽口，而且切得相當工整。我就最鍾意食水魷魚，水魷魚應該本身相當大隻，所以切起一片片都好大片，另外仲有魷魚鬚，最鍾意食咁爽口嘅水魷魚。朋

新店開張，都係朋友推介比我先知！裝修幾modern，仲特設vip房，有派對🎉可以book房一齊shabu shabu!沙嗲火鍋湯底，好濃郁，晚上都吾口渴，所以應該唔重味精。叫沙嗲湯底，當然要叫啲食物係可以索晒啲汁，我叫左豬肚、牛柏葉、豬皮、黑木耳，全部好爽口，越煮越入味！豬大腸成日係街邊都會叫，估唔到打邊爐碌豬大腸又有另一番味道，豬味會再突出啲，而且洗得好乾淨，所以食得好放心。水魷口感煙韌有嚼勁，𠝹花後更美觀，加上沙爹汁係絕配😁脆鯇魚片整成玫瑰花，很有心思，食落有少少骨，但幾新鮮且厚身。我最開心係店員會將啲食材放喺條橋上面，擺盤好美。每款食材都砌得好似藝術品咁👍🏻👍🏻👍🏻鮮蝦雲吞有大大隻蝦係入面，好彈牙，又大粒，足料。牛頸脊份量不少，有15塊。牛肉味好濃，鮮嫩，充滿油花，牛魔王必食~白菜苗完全不是小苗，每棵都好茁莊🥬整體來講，無可挑剔，食得出係優質食材

今日同朋友去尖沙咀行街，睇完場戲諗住喺附近搵啲嘢食下，無意中發現一間新開嘅火鍋店非常吸引即刻去試吓。淥烚年代，地址係尖沙咀海防道32-34號寶豐大廈2樓。上到去餐廳，裝修得非常整潔，而且坐位嘅空間好闊落坐得好舒適。坐低店員好熱情嘅招待我哋問我哋鍾意食啲乜，店員推介我哋叫咗個鹿茸菌燉花膠湯底打邊爐，188元。首先先來一個九種配菜嘅調味任君選擇，我最欣賞佢有洋蔥粒，好少地方可以食到湯底嚟到店員會將啲雞，花膠夾出嚟俾我哋食咗先，跟住就係飲咗啲湯先。湯底非常香甜，帶有濃郁嘅雞湯昧，花膠味道亦都好出，湯底有啲黏口。飲完個湯真係覺得好正，又暖胃叫咗幾碟餸打邊爐，餐廳用一個好似天橋襯托住，將啲餸放到好靚。淨係賣相已經非常吸引。脆肉鯇腩真係我嘅至愛，入口魚肉味香濃，而且非常爽口，每一啖都食到脆肉鯇嘅鮮味，爽口彈牙，完全冇魚嘅腥味豬膶非常新鮮，等一陣已經可以食，入口香甜，口感非常特別。另一個拼寶丸都係做得好出色，黑松露豬肉丸拼柚子墨魚丸，墨魚丸做到好爽口彈牙，最正就係有柚子嘅鮮甜味同墨魚丸融為一體味道非常鮮甜。黑松露豬肉丸味道層次好豐富，加上我自己又鍾意食黑松露，整粒豬肉丸都好香而且仲好多汁。好值得推介

六十年代令人回想，而“淥烚年代”卻令人回味。呢度基本嘅火鍋食材都有提供，高質素嘅牛肉、豚肉、新鮮嘅海鮮以及自家製手打丸同特色餃子等等。點好食物後，店員會拎一個九宮格嘅調味盒俾你去調配合適自己嘅醬油。九宮格有辣椒、蔥粒、芫荽、香芹、生蒜、炸蒜、薑粒、洋蔥、芝麻，總有一款啱口味。火鍋店裝修雅致，地方唔算大，但勝在座位寬躺空間感十足，而且仲有房間提供夠曬私穩，想同多幾個朋友嚟打邊爐，真係可以自成一角。今晚揀咗一個特色嘅沙嗲火鍋湯底，湯底極為濃郁，非常惹味！牛頸脊脂肪分佈平均，紋理清晰，肉質嫩滑，牛味濃郁，味道令人無可抗拒。拼丸 (黑松露豬肉丸 / 柚子墨魚丸)豬肉丸里面有松露醬，入口帶松露味。墨魚丸爽口彈牙，配上柚子，味道清新又有特色！水魷味道清甜爽滑，淥熟後變成魷魚卷，原來魷魚片𠝹咗花，望落好睇，食落爽滑。脆鯇魚片魚片新鮮，厚度適中，入口爽脆彈牙。大花甲好鮮甜完全冇沙，大大隻新鮮好味。田園盛蔬菜盒內非常豐富，粟米、蕃茄、金菇、冬菇、香菇、菜心、生菜、油麥菜，樣樣都好新鮮。