淥烚年代

营业中

休息中

餐廳新開張 裝修非常有格調 枱與枱之間唔會好迫 坐得好舒服 😌餐廳選擇都幾多 有燉湯 打邊爐 刺身 仲有串燒及小食😄我哋頭盤先嚟個刺身 熱下身先😎日本魚刺身$328無論師傅嗰刀功或者係擺盤都非常吸睛 睇得出廚師嘅用心👍 一片片透明的刺身 非常新鮮 好鮮甜😉鹿茸菌燉花膠湯$188叫咗個花膠燉湯 廚師介紹先飲湯 然後再用加湯 嚟，打邊爐 個湯真係好清甜 鹿茸菌索左啲花膠湯 真係特別好食 花膠大大塊 都有好幾塊😎牛拼盤$398牛肉油脂分布均勻 牛肉粒 牛胸油 好多唔同部位嘅牛肉都有 薄薄地 淥一淥就食得 隻隻都好好味😋五寶丸$98鮮牛丸 豬肉丸 墨魚丸 鮮蝦丸 鯪魚丸丸類全部自家手打 食落同雪藏嘢好大分別 有驚喜 用料上乘 我特別鍾意佢嘅豬肉丸及墨魚丸 非常Q彈👍雙拼餃$128桃膠餃 帶子餃 蟹黃餃及鮮蝦雲吞 每樣兩粒有四款咁多 我都係第一次食桃膠🥟 好特別😋田園鮮菌盛$108啲菜都好新鮮 擺盤又靚 真係會增加食慾㗎👍 炸響零$58響鈴炸得好脆 淥2秒就食得啦 😄見佢有串燒 都叫啲嚟試吓燒牛脷（2串）$48台灣一口腸（1串）$28芝心獅子狗（1串）$28串燒燒到略帶焦香 啱啱好 打邊爐之外小

酒香不怕巷子深我都唔明點解屋企人可以成日搵到e d 特色店！場內唔係超大，但我見到都有房可以坐，多d 人一齊食都冇問題枱面夠大，叫多多野食都放得落～ps. 個爐火力足，唔洗怕等十世紅色個碗仔我一坐低諗左好耐唔知係裝咩。。。原來係裝醬料！夠深夠大九宮格有炸蒜、生蔥、芫荽、西芹、辣椒仔、紅蔥頭，辣椒仔勁香，勁推介！茶樹菇花膠湯底，好足料，上枱先人人飲一碗。好鮮甜呀！長輩話真材實料，後生嘅話連瘦肉都好有味。我地女仔飲左兩碗豬肉片香而不騷，望落細細碗，但每人都食左幾片豬潤未必人人都鐘意，但打邊爐食兩塊補下都幾好牛肉雪花分佈平均，食完成家人讚不絕口欣賞佢夠大碟，畢竟打邊爐真係唔可以缺牛🐄 依個五星推介極長蟹柳打卡專用，夠長又夠厚實魚片好靚，淥完更靚成朵花咁～不過畢竟係魚 食個陣點都要小心睇下有冇骨呀(雖然我食唔到有骨下次想叫碟雞試下

打邊爐無分春夏秋冬，大熱天時想打就打，今日去咗位於尖沙咀一間新開嘅火鍋店，位置有少少隱蔽但唔難搵，位於海防道入亞士厘道路中嘅寶豐大廈2樓，尖沙咀地鐵站A2行2分鐘就到，火鍋店裝修雅致，座位寬躺坐得幾舒服這裏基本上你講得出打邊爐嘅材料都一定會有，主打新鮮海鮮，高質牛肉類，自家創意手打丸，手包特色餃子，另外有大量海鮮刺身供應，特別驚喜嘅係其中一款燉湯打邊爐湯底，原鍋燉湯可以先飲晒啲湯再打邊爐，非常有創意，啱晒鍾意飲湯嘅我✨▪️點咗嘢食之後店員就會拎一個九宮格嘅調味料俾你自己選擇，乾淨好企理，唔使離開座位行出行入，好方便，有齊晒蔥，芫荽，香芹，辣椒，蒜蓉，薑粒，洋蔥，芝麻，炸香蒜一定有幾款啱你口味🐠▪️日本鯛魚刺身原條即劏鯛魚刺身，細細條二人份量啱啱好，肉質入口彈牙，味道非常鮮嫩，魚味本質味道較淡，可以加少少Wasabi和淡醬油，提鮮魚味🥘▪️鹿茸菌燉花膠湯這個燉湯不得了，用鹿茸菌，鮮雞殼，雞腳，花膠一切熬製，味道清甜，絕無味精，未打邊爐之前我飲咗五六碗，一定要飲多啲唔好浪費，花膠同雞腳都唔可以錯過，都好好食，之後先再叫姐姐加湯再打邊爐😋🐮▪️牛頸脊睇埋相就知道非常高質，牛肉充滿油花，只需淥大約15

今日朋友帶左我黎呢間新開嘅火鍋店係海防道上樓梯再轉lift餐廳環境光猛乾淨九宮格調味盒 除咗平時一般嘅調味料之外 仲有白芝麻同西芹粒幾特別牛拼盤 牛頸脊牛柳粒牛白肉牛舌心鮮牛展呢個拼盤真係抵食 牛頸脊油脂分佈平均 油香十足牛柳粒肉質好嫩 一咬落去肉汁滿滿 勁正😋 仲有少有嘅牛胸爽同牛展水魷 魷魚上枱果時望落無乜特別 一淥熟 發現原來啲魷魚𠝹哂花 一熟左會變成一舊魷魚卷 令到食嘅時候更爽口 味道都唔會嗱到無哂味五寶丸 鯪魚丸 豬肉丸 墨魚丸 鮮蝦丸 鮮牛丸四拼餃 鮮蝦雲吞 養顏桃膠餃 蟹皇餃 帶子餃鮮蝦雲吞真係大大隻蝦喺入邊 🦐😋我係好鍾意食桃膠 第一次見到有桃膠餃嗌 梗係毫不猶疑點黎試下啦四樣餃粒粒都真材實料👍🏻 田園鮮菌盛估唔到菜都有三款 好意外👍🏻 餐廳環境舒服闊落 食材又好新鮮 已經bookmark咗下次再嚟👍🏻

呢間私房火鍋店位於尖沙咀優越地段💞商務宴客親友聚餐都一樣大方得體😛餐廳裝修使用 Tiffany Blue 作主調，配搭拼合顏色玻璃，彷彿置身60年代逐漸興起嘅萬花筒當中用餐😌而且仲備有因應唔同人數可以調節空間大細嘅隔間，淥烚開懷傾得忘形嘅時候就唔怕騷擾到其他人喇🥳坐低揀好湯底，店員旋即奉上九宮格造型嘅調味😜我地簡左沙嗲湯湯底（$118）😙辣椒香葱炸蒜款式繁多，好彩呢度冇群眾壓力，坐喺道慢慢隨意調配唔成問題🤩🥢安格斯牛(小份) $198講咗咁耐係時候直入正題😜厚切安格斯肥牛片擺盤精美，厚切牛肉油花均匀😋安格斯肉質夠份量，絕非任食邊爐薄切牛可比擬😌😌🥢七味橋 （脆鯇魚片 $78、四拼餃 $128、水魷 $68、日本黑豚肉 $68、萵筍片 $58）木橋放置火鍋食材有驚喜，將自家製帶子餃、蟹王、日本黑豚等等置於其上😌可以話係琳琅滿目，另一方面又減少佔用用餐空間，真係有姿勢有實際！😜😜當中嘅脆鯇魚片最得我歡心，選料新鮮唔梅口，保有爽脆彈牙嚼感，風味上佳。😜🥢五寶丸 $88自家製丸類必不可少😙五寶包括墨丸、蝦丸、鯪魚球、牛丸同豬肉丸，真材實料口感綿潤😜🥢八吋日本蟹柳 $68蟹柳長度有成8吋咁大條

繼上次帶mami去尖沙咀打邊爐後 今次有又做孝順女 帶mami去海防道一間新開ge餐廳食好西 呢間主打食火鍋同燉湯蒸飯 我地揀左食燉湯蒸飯set $78 per set 黃金茶樹菇燉花膠湯我揀左呢款 woo 好鮮甜 好足料 睇番menu 每款燉湯都有唔同功效 呢款又抗衰老 又去袪水腫 有益又好飲 川貝海底椰鱷魚湯mami揀左呢款 我試左幾啖 飲落去好滋潤好舒服 一樣係好足料 mami好滿意 蟲草花北菇滑雞蒸d雞真心好滑 有好多件雞 超足料 特別要讚同蒸飯 mix埋d雞蒸出黎ge雞油 所有精華入晒d飯 超正超香 桃膠肉餅蒸飯蒸肉餅飯食得多 用桃膠黎蒸肉飯 呢個combination真係第一次食 咦 出奇地 又幾夾wor 加左桃膠好有益 增加骨膠原 美顏upup 總括而言 燉湯蒸飯set真係又平又有飯 又健康 見佢ge火鍋都幾吸引 下次一定要試埋

今晚的晚餐在海防道的寶豐大廈，上樓之前完全唔覺得這裡有間火鍋店，正當質疑之際，見到餐廳名 - 淥烚年代, 英文就是The 60’s 😆按電梯二字樓，一開𨋢門就見到大大隻字餐廳應該是最近新開的：入到餐廳，擺設都是私房菜的感覺：隨著晚飯時間，餐廳熱鬧起來，而枱面是電磁爐火鍋：我們坐低一陣，店員為我們端上九宮格火鍋醬料俾我們自己調配：我們叫了三餃、五丸，分別有蟹皇餃、帶子餃、桃膠餃、五寶丸，看賣相已經令人垂涎欲滴：蟹皇餃好食，值得試下，幾特別的。三餃、五丸真是各有特色，唔係一般火鍋店食到，這個都是我喜歡到私房菜食的原因之一。以下是我們點了的田園盛：可以見到好新鮮的蔬菜、顏色好鮮艷、好吸引😉最後值得一提是他們的花膠雞湯，真係好好味，盛起的湯料都咁好食，難得難得👍🏻總體來說，餐廳提供的都是高質素的火鍋食材，而餐廳餐具都頗精緻，比較深刻是餐員用端盤為我們盛上一杯杯水，誠意誠意呢😉

估唔到尖沙咀有間隱姓火煱店，應該開業無耐，一家五口拖住3個小朋友搵飯食，但大家都太肚餓關係，打算是但其求食完一餐就走，開頭唔知淨係得打邊爐，帶住小朋友打邊爐一定唔會係首選，係坐埋枱先知係打邊爐，但店員都好細心介紹佢地火煱店菜式，本人一直好少去食單點火鍋，但今次確實有驚喜，最重要是連小朋友都話好食要加單，唯一改善飲品可以再一點選擇，蟹餃好好食但皮薄較易爛，要好小心咁淥熟，餐牌可以再整得精美一點，但相信是新開張關係，其他的冇得挑剔，希望下次再來時可以繼續保持水準。

相約朋友一齊去尖沙嘴烚吓烚吓😆搵到呢間新開嘅樓上打邊爐 新開人流唔算多 位置同其他火鍋店比都較細 位置唔多 但係位置好闊落 仲有兩間包房👍🏻有種私房打邊爐嘅feel🤣先上九宮格調味料 有好多選擇 仲有平時比較少見嘅洋蔥容同西芹粒🤣麻辣雞煲雞件好滑好嫩！啖啖肉😋份量都頗多。配菜仲有啲洋蔥、杏鮑菇 索左汁好入味👍🏻入面仲有大量爆香左嘅原粒蒜🧄正🥰牛拼盤超吸引😍😍有六、七款牛肉組合🤩🤩牛頸脊、安格斯、牛舌、牛展、牛柳粒、牛白肉等😃😃款款都好新鮮 濃牛味 牛魔王必嗌😆日本蟹柳超長八寸蟹柳！鮮甜美味田園鮮菌盛全部都頗新鮮，種類多😋日本黑豚肉望落好似好多脂肪但食落爽口 唔會有好肥膩嘅感覺👍🏻鯇魚片新鮮 夠爽口 唔算太多骨三色餃🥟包括有養顏桃膠餃、帶子餃、蟹皇餃，三款平時都比較少見 幾特別🤣🤣都好足料肉丸拼盤有五款丸包括牛丸、豬肉丸、蝦丸、鯪魚丸、墨魚丸等 都幾彈牙整體上環境舒適、食物都唔錯👍🏻

朋友介紹左呢間喺尖沙咀新開嘅火鍋店，佢話個燉湯好正，食材又新鮮，咁就book左試下火鍋店叫淥烚年代，個名改得好正，淥烚同60同音，難怪裝修都有少少懷舊風，又有打邊爐嘅意思，有趣有趣川貝海底椰燉螺片湯朋友介紹得又點可以唔試下個燉湯，店員介紹話立左秋要飲多啲滋潤嘅湯水，呢個湯啱晒好大煲好足料，有雞，瘦肉，紅棗，龍眼，海底椰，杞子等等，仲有超級多螺片，咁足料難怪非常清甜，我哋每人飲咗三大碗之後店員再加上湯打邊爐本地新鮮牛肉本身見到咁紅好似無乜雪花仲驚會唔會好嚡好靭，點知食落完全無呢個問題，當然唔會好似和牛入口即溶，但係都幾淋滑有驚喜，而且牛味好濃，真係好好味皇帝菜好新鮮，份量又夠多其他配料放左喺條七色拱橋上面，真係好吸睛鮮蝦雲吞足料大大粒，隻蝦好新鮮彈牙又大隻蟹皇餃混入左蟹肉蟹皇，食落鮮味無比，仲加左魚肚增加口感，非常有特色嘅一款餃子豬皮好耐無打邊爐食豬皮，見個湯底咁正真係要嗌啲索湯嘅配菜，果然無令我失望，豬皮吸晒個湯嘅精華堅係正新鮮淮山新鮮爽脆又有益養生，記得唔好煲太耐呀，太粉就唔好食豬腩片厚薄切得啱啱好，豬味好香無騷味五寶丸分別係墨丸蝦丸鯪魚球牛丸豬肉丸我覺得墨丸同蝦丸特別出色，鮮味又彈

今日去尖沙咀食打邊爐，淥烚年代。餐廳係近期新開，有一次經過見到有好多花牌，已經計劃會去試試。餐廳位於海防道，鄰近地鐵站，步行唔使3分鐘，非常便利。店內新裝修，座位十分闊落，有好幾間小房，私隱度高。湯底點了芫茜皮蛋湯拼麻辣鴨血鍋，芫茜皮蛋料頭多，非常清香，麻辣鴨血亦夠惹味。-牛頸脊 (小份)小份的牛頸脊份量都好充足，賣相100分，味道更加無令人失望，牛味非常濃郁，肥瘦均勻，大小適中，食得出係高質素的牛肉。-牛白肉牛白肉，又名牛胸爽，是比較少見的部位，即位於牛心臟旁邊的一塊脂肪膜，呈白色，燙3分鐘左右就可以品嚐到又香又爽脆的口感，香而不膩，值得一試。-新鮮鵝腸 : 爽口，唔太肥，鵝腸壁上帶有一層油脂，香口鮮美。鮮粉腸 : 夠新鮮，一點也不苦，不但有嚼勁味道還非常的鮮，口感夠粉。脆鯇魚片 : 鯇魚片切得夠薄，魚片本身夠新鮮，帶爽身口感。-評分 : 7/10

今日約左姑仔食晏，本來想打邊爐，揾間清靜餐廳慢慢食傾下計，來到才知中午無得打邊爐，只有老火湯套餐，即來之則安之，中午周圍都多人，就在這裡食好了。餐廳應是新開的，裝修骨止，乾淨明亮，座位非常寬敞舒服，台面設計都是為打邊爐而做，一個好靚的木製放碟架，即美觀又實用。淥烚年代這名字，俾人覺得一定是食火🔥鍋的，今次食唔到可惜了。🤤幸好中午套餐都不錯，最好是兩盅老火湯，一個是川貝海底椰鱷魚🐊湯，一個是羊肚菌海參燉雞🐔湯，熱辣辣湯鮮味美，真材實料，兩個飯都份量不小，蟲草花北菇滑雞🐔蒸飯，桃膠肉餅蒸飯，好特別的創意，桃膠有豐富骨膠原，食左皮膚靚靚。兩個老火湯都是抗疫補身食材，食完精力充沛，充滿正能量。

上網睇呢間餐廳新開，就入黎試吓，但位置真係好唔顯眼，唔睇地圖真係唔知呢到有間咁高質嘅餐廳！鹿茸菌燉花膠湯$188: 非常足料，裡面有雞腳、花膠、鹿茸，而且店員亦都建議我地飲左個湯先，飲落去好清甜！飲完又唔會覺得口渴！牛拼盤$398: 好多唔同種類嘅牛，有牛展、牛舌、牛肉粒、牛胸爽，每一款牛都有佢嘅特質，雖然唔太識分，但食落去都一樣咁新鮮，好有肉汁味，有少少入口即融嘅感覺！五寶丸$88: 每一款丸都好新鮮，個人比較中意墨魚丸，食落去好彈牙～亦食到粒粒墨魚丸，好有口感！四拼餃$128: 個人比較中意雲吞，師傅包得好飽滿，而且有一粒蝦仁，成件事好滿足！八吋日本蟹柳$78: 超級無敵長，有成件筷子🥢咁長呀！食落去超過癮，而且吸收晒湯嘅精華！田園盛$108: 好多唔同嘅菜，當諗唔到袋咩菜嘅時候，呢款菜絕對適合有選擇困難症嘅我～另外仲有醬油費收返架～$16/位！

In Tsim Sha Tsui, we discovered a new wonderful place to have hotspot. We saw a newly opened hotspot restaurant and decided to try it. In addition to the beautiful decoration and fresh materials, the store is very spacious. The decoration is equipped with modern equipment and retro nostalgic style, which will take you to feel the old Hong Kong in the 1960s.There are many choices of soup bases, and I choose the one that  base of stewed fish maw chicken soup with antler mushrooms. It is very healt

朋友係尖沙咀地膽，介紹海防道最近開咗間新餐廳，今日特地過嚟試菜😝上到去，環境舒適，餐廳格局有啲似私房菜⋯川貝百合燉螺片湯我哋揀咗個養生滋潤湯底，打邊爐之前先飲湯，啖湯清甜可口，我飲咗3大碗！牛頸脊我哋呢啲牛魔王，打邊爐點可以無牛！？牛頸脊肉質細緻嫩滑，肉味濃郁，最重要係油花比例均勻⋯放落鍋烚至肉質剛轉為粉紅色，入口油香滿滿，真係好好食！必食！！日本黑豚肉口感柔軟有彈性，肉味甘甜鮮美，肉質爽口唔黏膩⋯白鱔片鱔片顏色晶瑩剔透， 非常新鮮！食落魚油甘香，口感爽脆，味道鮮甜。新鮮鵝腸鵝腸一定要食新鮮鵝腸！急凍鵝腸點都不及新鮮嘅滋味⋯鵝腸口感爽脆，嗰種甘香滋味，真係難以形容！八吋日本蟹柳由於朋友好鍾意食蟹柳，所以蟹柳都係打邊爐必食之一！八吋長蟹柳真係好誇張，放落鍋唔使烚好耐就食得，味道鮮甜，絲絲分明，可以媲美真蟹柳。養顏桃膠餃、帶子餃、蟹皇餃三款餃都各有特色，桃膠餃裏面全部都係蔬菜，清新健康。帶子餃配搭豬肉，啖啖足料，好鮮味！蟹皇餃甘香無比，鮮味十足，可以一試。整體上，呢間新餐廳無論環境、食物真係無可挑剔！食材新鮮優質，值得去試！