淥烚年代

营业中

休息中

今晚2個人去左打邊爐，openrice見到呢間邊爐啲野好精緻所以走黎試下。坐低左之後侍應姐姐幫我地倒豉油同拎左個盤黎俾我地加豉油配料，侍應姐姐好nice，上每道菜都會話俾我地知係咩黎，仲同我地講笑，我地想食雞煲佢又會問我地食唔食得辣，俾番啱我地既辣。講下個雞煲先，師傅喺廚房炒到好香先上枱，個煲一黎已經聞到好香，佢個汁好燶但唔係鹹，而且啲雞好入味，同埋真係好多雞，食黎食去都食唔完。不過我想講雞煲入面既菇都好出色，索哂啲汁簡直係一流!食緊雞煲既同時上埋個日本海魚刺身，個刺身好新鮮，個盆仲可以著燈好靚~ 姐姐話佢地定期會喺日本入啲新鮮海魚番黎，有唔同既size，呢個刺身真係好好味~個雞煲食到咁上下就加水打邊爐，我地另外仲叫左牛頸脊、鮮蝦雲吞、桃膠餃、8吋長既蟹柳同雜菜盆。牛頸脊好靚，肉同脂肪既比例好均勻，而且入口仲好滑好有牛肉味。而佢個蟹柳上台時我地都嘩左一聲，因為真係好長，而且一啲都唔粉，好味!最後要講下2個餃，其實佢啲餃都好大粒同好飽滿，鮮蝦雲吞隻蝦好大。而個桃膠餃真係好出色，佢其實係一個素餃，入面有冬菇、蘿蔔、椰菜同桃膠，粒桃膠都幾大下，但我鍾意佢個口感，好爽口~ 我覺得個雞煲個汁真係

假期前同 C6 去食火鍋, 可以享受二人世界, 慢慢嘆.餐廳名雖然係淥烚年代 (取其音60年代), 但一 d 都唔 old, 裝修簡約舒適.有種高雅嘅感覺.主角係個龍皇海鮮湯鍋, 職員小姐話一定要飲個湯, 係用新鮮龍蝦, 鮮蝦, 蜆, 帶子等海鮮制成的, 所以特別鮮甜美味, 果然無介紹錯睇下海鮮嘅份量大大粒帶子牛肉, 雜丸, 鮮粉腸, 豬肚, 魷魚新鮮蔬菜新鮮牛肉, 唔肥食落唔靭墨魚丸好彈牙, 豬肉丸也不錯仲有這個擺設精緻嘅調味格, 有香蒜, 薑蓉, 香蔥, 辣椒粒......想知仲有乜醬料, 自己嚟試下就知

尖沙咀樓上高質養生火鍋店 朋友介紹呢間打邊爐 今日終於可以嚟試吓 好鍾意佢嘅裝修 色調清雅 坐得好舒服 😌😉 鹿茸菌燉花膠湯$188 湯底我哋叫咗個花膠燉湯 秋風起 補一補先🤣廚師介紹我哋 先飲湯 湯底真係足料 有花膠 雞肉 雞腳鹿茸菌 相當清甜 😋 鹿茸菌索左啲花膠湯 真係特別好食 花膠大大塊 都有好幾塊😎 飲完兩碗湯之後 開始打邊爐😉😉 牛頸脊（細）$258 超靚嘅部位 肉質鮮嫩肥美 油脂分布均勻 好重牛味 食完之後 口有餘香😋 打邊爐必叫的丸類🥳清酒蝦丸 $88金沙牛丸 $88黑松露豬肉丸$88 丸類全部自家手打 食落有驚喜 用料上乘 😍金沙牛丸原來裏邊有鹹蛋黃 非常Q彈👍 自家製餃子🥟🥟養顏桃膠餃 $88帶子餃 $118蟹黃餃 $118每款都好食 我都係第一次食帶子餃🥟 非常足料 特別好食 😋 田園鮮菌盛$108叫一個菜拼盆就啱晒 啲菜樣樣都好新鮮 擺盤又靚 啲粟米都特別清甜 讚👍 完美的一餐😎🥰 🎈淥烚年代 (尖沙咀)尖沙咀海防道32-34號寶豐大廈2樓kfoodie #hkfood #hkfoodblogger #hkfoodlover #香港美食 #香港必食 #

由海防道貫穿亞士里道條小秘道，竟然都有隱藏餐廳，見到有居酒屋，而二樓就係淥烚年代打邊爐。應該岩岩新開無耐，環境新淨企理光猛，見佢仲有包箱房仔，一大班人黎卜定間房就開心d。必備九宮格調味盤👍🏻麻辣鴨血🌶併芫荽皮蛋湯底🥬一放低個鍋就聞到好香麻辣味，鍋內有鴨血，蜂巢豆腐同埋京蔥，豆腐索哂湯最正😋🥩本地新鮮牛肉🥩手切鮮牛，脂肪唔多，有厚度得黎唔會韌，好好口感，牛味突出。依度d丸同餃🥟都係手工野，叫左幾款試下👉🏻牛肉丸，蝦丸，墨魚丸，手打丸都係真材實料，牛肉丸好食重牛味，蝦丸同墨丸特別彈牙😋帶子餃同蟹黃餃，皮薄餡靚，最特別係依度有桃膠餃，粒粒桃膠用黎做餃子餡又幾得意，有q彈口感😋 🐟脆鯇魚片🐟堅新鮮！好少食到真係咁脆口既鯇片，有鮮味🐟🦀8吋長蟹棒🦀長度同個鍋差唔多😂平時中意食蟹棒既話就爽，大大啖唔洗懢勁滿足😎又索到湯好好味😋🥬田園盛🥬最後好飽都要食埋d蔬菜🥬夾埋都有六至七款菜同菇，仲有蕃茄🍎粟米🌽回頭指數高👍🏻

朋友推薦，今日同老公去試下，果然無介紹錯！每一道都有驚喜嘅感覺😌好高質樓上店，但唔難搵，沿住海防道向海港城方向行，好容易就搵到新開張一個月，裝潢摩登，座位闊落5:45上去，無咩人，座位任選，6點半後陸續有人入座一坐低，店員就送上九宮格配料，常見嘅芫茜、蔥、蒜都有，亦有平日少見嘅芹菜不同類型嘅配料齊全驚喜嘅開始❤️湯底：鹿茸菌燉花膠湯 $188好好飲，好香菇菌味，湯入面有鹿茸茵、花膠、雞腳、瘦肉、紅棗、枸杞飲左2碗，店員倒入豬骨湯做火鍋湯底，其實好唔捨得加豬骨湯入去，因為個湯真係好好飲安格斯（小）$198好重牛味，就算淥耐左，都唔會靭黑松露豬肉丸$88、清酒蝦丸$88、柚子味墨魚丸$88每種丸都好彈牙，手打嘅口感，絕不死實三款嘅調味都有驚喜，其中最喜歡嘅係墨魚丸，墨魚丸中心係日式柚子鹽醬，估唔到中式火鍋配料會用到日式調味，但同墨魚丸好夾，即刻小清新左！豬肉丸嘅黑松露味同蝦丸嘅清酒味都濃淡得宜👍🏻蟹皇餃$118、養顏桃膠餃$88每隻淥起都脹卜卜名貴海鮮拼盤$768原隻澳洲龍蝦、6隻海蝦、6隻大蜆，還有桂花蚌和珊瑚蚌龍蝦除了啖啖肉，肉質彈牙，還有好多膏！好香！海蝦用竹籤串起，大大隻，肉質彈牙，

✨椰子雞鍋超級有誠意，竟然係包咗半隻雞！而唔係好似出邊嗰啲餐廳得幾舊！呢個湯底偏向清甜！職員仲有禮貌咁介紹呢個湯底用上海底椰、椰青水，夠晒天然！✨菠菜蒟蒻麵質地好彈牙，而且卡路里夠晒少！✨養顏桃膠餃第一次食咁新奇嘅餃子！煮熟咗之後會呈現橙色因為餃子皮夠薄，見到入邊啲餡料！朋✨新鮮豬潤比較厚切，而且冇血腥味代表非常新鮮！✨黑松露豬肉丸簡直係今次嘅亮點，因為真係好好食！豬肉丸竟然好滑，而且一開已經爆多黑松露！✨日本黑豚肉造型非常有心思擺盤好似朵玫瑰花！半肥瘦，真係超正，入口即溶！✨鮮蝦雲吞今次嘅第二個亮點！好似乒乓波咁大，而且肉質好結實！唔會一咬就散開，同埋用上好大隻蝦！✨清酒蝦丸真係有啲有清酒未到，唔係講笑😀😀✨柚子墨魚丸墨魚丸好彈牙，仲食到墨魚粒而且唔多粉漿！入邊柚子味道就有啲似平日柚子蜜嘅味道！✨田園盛洗得好乾淨，啲菜好似靚到發光咁！同埋都係好柔嫩嘅蔬菜，所以冇渣！環境係新裝修，所以坐得好舒服😆😆

太耐冇打邊爐，搵到呢間新開嘅鋪頭所以試吓。餐廳位置唔覺眼，但好易搵，佢喺海防道中間萬寧嗰度上樓梯去到寶豐大廈2樓就係。餐廳裝修以綠色為主，好醒神高貴。格局有啲似私房菜，都幾開揚。醬汁可以自己調配，有辣椒、芹菜、芫荽、洋蔥等等，而且個盤會拎過嚟枱面，好方便客人。龍皇海鮮鍋（$538）超級鮮味！聽職員講係用澳洲龍蝦去烹調，飲落好似龍蝦濃湯咁😍。除咗龍蝦，仲有普通蝦、扇貝、蜆等等去煲嘅湯底，真係要飲多啲😍，啲龍蝦肉仲要係彈牙嘅👍🏻👍🏻，其他海鮮煲完食都唔老而且鮮甜。推介～～田園鮮菌盛（$108）食材非常新鮮，而且份量唔少。擺落去湯底煲索晒啲汁，食得多肉叫個菜食均衡一下😉牛頸脊（細）（$258）推介👍🏻油花分佈平均，未食都知道係靚嘢。淥到差唔多7-8成熟，食落好嫩滑，有好重牛香味。三寶丸（$98）係手工肉丸，唔係街上普通肉丸。包含有黑松露豬肉丸、柚子墨魚丸及清酒蝦丸。呢3款肉丸係出面都未食過，係創意手工丸，肉質彈牙，味道當然係黑松露最重味，另外2款好清新幾特別，而且唔會搶左味。最後加左個烏冬，因為唔想晒咗龍蝦湯🤣。加幾條菜，連埋其他餸就整咗個龍蝦湯烏冬。好好味😋，推介呢個食法。呢間質素不錯，下

朋友介紹尖沙咀鬧市新開了一家火煱店，食物好之餘亦充滿懷舊氣氛，這晚即管和老公去試試。一出門就見到店名淥烚年代。全新的內部真是充滿六十年代的懷舊氣氛。由於是主打火煱，甫坐下侍應已遞上百味醬架，各式各樣醬料包羅萬有，完全滿足我這個混醬精。我們叫了一個鴛鴦鍋，一邊麻辣，一邊清湯，這個麻辣湯底並不太辣亦不會太油。我們先點了一客安格斯牛頸脊，單看外形已非常吸，紋理清晰，脂肪分佈均匀，一拖即吃，幾乎入口即溶，非常嫩口。丸類是火煱必不可缺的食物之一，我們叫的五寶丸有鯪魚、牛肉、豬肉、蝦和墨魚全部由廚師自家手打而成，新鮮彈牙，絕非坊間現成丸類可比。鵝腸也是火煱一種不錯的選擇，值得一讚是廚師把鵝腸清潔得非常乾淨，沒有半點殘餘脂肪在腸內。水魷是老公點名要吃的，喜歡它爽口易咬，夾雜火煱湯料，味道清甜爽滑。而鴨血放進麻辣湯底，把本身沒什麼味道的鴨血完全吸收了麻辣湯底精華，非常好味。這頓豐富晚餐，完全滿足了我吃火煱的慾望。

今晚我哋嚟咗位於尖沙咀嘅火鍋店淥洽年代食飯，餐廳位置好方便，由港鐵站出口行一陣就到啦，入面嘅嘅環境都好闊落啊，裝修亦都好時尚。鮮茄雜菜鍋呢個鍋都有唔少材料啊，有蕃茄，蕃茄入口好鮮甜，其他材料仲有唔少菇菌類同菜等等。帶子餃依個應該係餐廳自己製嘅餃子，入口鮮甜，入面既肉仲好厚實添。黑豚片黑豚片入口即溶，肉味非常之濃郁，脂肪亦都唔算太多。牛丸牛丸入口爽口彈牙，肉味香濃，睇個樣似係自家製嘅，味道算係非常之唔錯。牛頸脊牛頸脊嘅份量都唔少啊，肉味都好濃，加上牛肉非常之嫩滑，令人忍唔住食完一片又一片。整體來講，餐廳嘅質素非常之高，佢嘅材料多數都係自家製嘅，令人感受到呢間火鍋店嘅誠意。❤️淥烚年代 (尖沙咀)尖沙咀海防道32-34號寶豐大廈2樓#尖沙咀美食 #尖沙咀好去處 #hkfoodie#beautifulcuisines#kolhk#foodstagram#nomnom#lifestyle#finedining#香港好去處#打卡#吃貨#美食日記#香港美食#美食推薦#相機食先#hkfoodblogger#hongkongrestaurant#hkfoodshare#hkfood#hkig#igfoo

朋友話尖沙咀最近開咗間新嘅火鍋店，好耐冇打過邊爐，就決定去試吓。鹿茸菌燉花膠湯火鍋湯底我地點左鹿茸菌燉花膠湯，燉湯好足料，飲落非常清甜，完全有阿媽老火靚湯嘅味道。牛頸脊肉質鮮嫩，有咬口，切嘅厚度恰到好處，口感爽嫩軟滑。田園鮮菌盛蔬菜及菇嘅種類好多，有番茄、金菇菜、冬菇、粟米、油麥菜、生菜……全部都好新鮮。脆鯇魚片鯇魚片好爽脆，擺碟有心思，睇落似朵花。清酒蝦丸、黑松露豬肉丸、柚子墨魚丸丸嘅口味好特別，全部都係餐廳自己手打。清酒蝦丸咬落去淡淡清酒味，仲會爆汁。黑松露豬肉丸咬入去會見到黑色嘅松露，柚子墨魚丸亦都係有餡，質感咬落去好彈牙。蟹皇餃、帶子餃、養顏桃膠餃三種餃子亦都係自家製嘅獨特口味，個人最鍾意帶子，咬落去真係有成粒帶子，配搭新穎又好味。炸響鈴炸響鈴火候十足，喺店舖即叫即炸，上枱嗰陣仲係熱辣辣，淥完仲好香脆但唔油膩。八吋日本蟹柳的確係好長，有兩至三條一般蟹柳嘅長度，淥完都唔會散開，食落個質感都唔錯。總括而言，餐廳食物質素非常高，食得出配料用心製造，而且環境舒適，如果想打邊爐嘅朋友可以去。

今日天氣好好 陽光普照 約朋友係尖沙咀行街 中午想打邊爐於是上到黎到呢間火鍋店 佢嘅位置係尖沙咀海港城附近 係尖東站行過黎大概10分鐘💦💦💦一入到黎就發現餐廳好環保♻️♻♻️雖然外面氣温30幾度🌞🌞🌞 但因為午市客人少 得我哋一枱客 只係開左一部冷氣 我個人非常欣賞支持環保嘅人👍🏻👍🏻👍🏻入到黎發現冇行打邊爐 不過唔緊要有燉湯盅飯 我揀左川貝海底椰魚湯 配 蟲草花北菇滑雞蒸飯 而朋友仔揀左黄金菜樹菇燉花膠湯 配 黑松露排骨蒸飯😄😄😄一上枱啲湯熱辣辣 飲到我個人好暖笠笠 飲左幾啖就開始流曬汗🔥🔥🔥 海底椰魚湯好濃 潤肺化痰補腎 啱曬轉天氣飲🔥🔥🔥 花膠湯就滋陰養顏 入邊仲有好大片花膠另外個飯嘅蟲草花好香 滑雞又嫩🔥🔥🔥

第一次嚟淥烚年代，雖然叫淥十年代，但一入到去就覺得啲裝修好摩登XD 同埋環境好乾淨企理，坐得好舒服～～湯底揀咗川貝百合燉螺片湯🍲湯底超足料，除咗好多螺片，仲有好多椰子、瘦肉、雞腳，超好飲！職員介紹我哋打邊爐之前可以先飲吓個湯先，本身都係諗住試吓，點知一飲飲咗兩碗先捨得開始打邊爐，十分推薦！呢度食物質素都好好，牛頸脊好夠牛味亦都好嫩滑🥩白鱔片同牛柏葉都好新鮮🐟另外叫咗啲丸同餃，餐廳用咗個架嚟裝住唔同款嘅丸同餃，好吸睛🥟啲餃嘅口味好新穎，食咗蟹皇餃、帶子餃同桃膠餃，最鍾意係佢啲餃子皮，煙靭得嚟又唔會太厚。試咗佢哋嘅豬肉丸、蝦丸同墨魚丸，全部都好彈牙同鮮味，真係幾出色👍田園盛豉油同配料都好多選擇，一開始會上個九宮格有九款配料，最欣賞佢啲炸蒜，好脆好香口亦好香蒜味，鍾意炸蒜嘅一定要試吓！

淥烚年代 👻搵好野食搵到上樓上鋪依間邊爐鋪上openrice搵到佢係尖沙咀都幾方便不過要稍為搵下佢地址要食好野就要落下工夫🤓.🔅鹿茸菌燉花膠湯 HKD 188好清好足料既燉湯店員好貼心咁幫我地分湯飲咗啲湯先開始打邊爐個鹿茸菌味幾出花膠都有唔少仲要幾厚飲完好舒服😛🔅牛拼盤 HKD 398好巨形既拼盤真係唔同部位都有得食安格斯 牛頸脊 牛柳粒牛舌心 仲有牛白肉安格斯真係最無得彈入口即化咁🤩🔅日本魚刺身 HKD 328依到原來仲有刺身食擺盤一流既刺身盛入口都幾爽有得打邊爐又有刺身😆🔅四拼餃鮮蝦雲吞 養顏桃膠餃帶子餃 蟹皇餃🔅五寶丸清酒蝦丸 柚子墨魚丸 風味鯪魚丸 牛丸 豬肉丸佢地啲餃同丸都似係手打同自己包出面都無咩見過依啲款咁多款特色餃同丸當然大滿足啦😌🔅田園盛 HKD 108🔅燒牛脷(兩串) HKD48🔅芝士獅子狗 HKD 28🔅台灣一口腸 HKD 28除咗打邊爐依到仲有串燒食牛脷燒到啱啱好厚切夠哂正😜.整體黎講:高質邊爐 款式夠多😚.🎈 淥烚年代 (尖沙咀)尖沙咀海防道32-34號寶豐大廈2樓

呢間餐廳位於尖沙咀海防道街市附近嘅一間樓上鋪，位置10分方便，餐廳裝修使用咗Tiffany藍嘅，配合埋不同嘅顏色玻璃，真係同個餐廳名一樣— 「淥烚」年代，而座位都非常寬躺，坐得好舒服一坐低，員工就俾咗一個九宮格嘅調味盆，款款都好新鮮尤其係脆蒜，正～餐牌方面亦都好多選擇，而湯底都好多款，咁我哋今次呢就選咗麻辣雞煲味麻辣雞煲： 雞好滑好嫩，份量都幾多，配料仲有我最鍾意食嘅洋蔥、杏鮑菇以及芫荽，同埋超多蒜頭，正～ 食完雞煲，餐廳侍應就開始想打邊爐嘅菜式1. 日本蟹柳超長超粗嘅蟹柳，好新鮮，配埋麻辣味，一流2.肉丸拼盤總共有五款口味，有牛丸、豬肉丸、蝦丸、墨魚丸及鯪魚丸，款款都係人手打，十分彈牙3.牛拼盤好吸引，起碼有五至六款嘅牛肉，例如有牛頸脊、安格斯、牛舌、牛粒等等；個人最以想不到嘅係連牛胸爽都有，牛胸爽一浸落去湯底，幾秒拎上嚟就食得，又爽又充滿油脂，喺香港好少見到👍🏻👍🏻👍🏻必食

尖沙咀新開張餐廳太多，一個月都幾十間今日試左依間十分高檔嘅私坊菜主打高質素嘅火鍋大廈入口唔易搵，搵到再上就到人流唔算多，人多可以book 間vip 房menu 簡單可能新開張，冇時間去執執佢羊肚菌海參燉雞湯(標準）$208湯可以直接飲，好清甜，足料一d 味精都冇。打邊爐未試過用d 咁高質素嘅湯d 湯渣 都好好味調味醬油要有嘅都有私心推介，沙薑唔太常見，個味道有深度安格斯（標準）$288打邊爐點可以冇牛出面cheap 嘅肥牛，一睇就知唔得食都唔想食今日食d,一睇d 油花就知唔小野味道唔洗多講。必叫，自己試五宝丸（標準）$88四拼餃（標準）$128人手包，所以好新鮮味道正常，可能個湯底太出色炸響鈴(標準）$55邪惡但缺一不常田園盛（標準）$108健康之選