淥烚年代

营业中

休息中

天氣凍，又到火鍋的季節，今次發現咗間隱蔽的私房火鍋。呢到用燉湯打邊爐，真係好少見，已經想象到好濃郁，同時又啱我地，下下麻辣真係食到悶。羊肚菌海參燉雞湯($208)羊肚菌性質溫和，海參滋陰補血，兩者都有相當高嘅營養價值及食用療效。先飲湯後打邊爐，燉湯濃而鮮味，飲哂全部材料的精華，店員有幫忙拎啲湯料出黎放碟，可以慢慢食下啲肉、雞腳、海參、羊肚菌，燉湯的肉食落不會柴，真係好值得一試。另外打邊爐的食材選擇好多，真係好難揀，安格斯同三拼丸都係店員的推介。安格斯 - 小份($198)排到一朵花咁好靚，牛的雪花密又均勻，食落牛味濃郁，脂肪比例唔算高，所以可以不斷食都唔會膩。淥個陣一定要睇實，一變色就要夾起，唔係就食唔到嫩滑的牛肉，第一片一定要食佢的原味，不要點醬，有咁嘅份量呢個價真係抵食！三拼丸($98)新鮮手工丸大推！一款的價錢只要加$10就可以試到三款，各有3粒。左: 金沙牛丸呢個係我的推介，咸香的蛋黃同牛肉非常夾，令牛肉的味道昇華咗，完全唔洗點醬都得。中: 柚子墨魚丸聞落有淡淡的柚子清香，丸上面的蟹籽令賣相更吸引，墨魚丸口感彈牙。右: 黑松露肉丸朋友鐘意呢個多D，豬肉丸口感軟滑，食得出係手工打

就快到冬天，係咁凍嘅季節最啱就係打邊爐，而成班人一齊打就係最開心！約埋班fd子去呢度，開心仔！食材都幾多，如果一班人食嘅話都有好多選擇，我哋幾個試吓啲新嘢都好！叫咗個藥材煲，入邊啲湯渣都好入味，我就咁食湯渣可能都夠飽@@點咗嘅餸就成個拱橋咁送上，真係夠特別！特別鍾意佢呢種精心嘅設計，成個感覺好高尚食材處理亦都好好，用咗生菜托底，望落去就好索水同埋夠新鮮。通常打邊爐亦都唔少得竹籤插蝦，佢提供嘅竹籤好揸手，呢個位亦都係好細心！欣賞！望落去各樣食材都淋漓盡致，別樹一格！特別要介紹雲吞，佢係用咗蟹肉同埋馬蹄，咬咁好之餘，仲有蟹肉嘅鮮味！比想像中處理得好，完全唔係廉價食材嘅感覺當然我哋都會開埋酒，想飲酒嘅朋友，亦都可以嚟呢度揭一揭腳，保證滿意！

為咗慶祝世界盃愛隊贏咗初賽，決定打個邊爐烚吓烚吓，食餐勁嘅！於是去咗尖沙咀近九龍公園附近嘅樓上鋪打邊爐，附近嘅選擇都唔少，但聽人講呢度坐得好舒服入到去果然啲裝修好靚好整齊好乾淨，同一般打邊爐嘅舖頭好大分別，入邊完全冇油煙味當然佢哋都好落力清潔呢度竟然有養生湯底同一般淨係比豬骨清湯有好大分別另外，佢哋都有set Menu，仲有唔同嘅選擇喺入邊，唔使自己花心思去諗揀好咗，喺上菜之前，仲有好多配料任君選擇！我哋叫咗花膠燉雞湯底，入邊真係足料，花膠都有唔少安格斯肥牛都好大碟好多，相信我哋兩個人都一定食得飽牛肉仲好厚！另外我哋叫咗海鮮、菜、蜂蜜豆腐等等，兩個人完全係食得好飽食材處理亦都非常之乾淨新鮮，完全冇雪藏味，甚至乎上碟嘅時候仲好有心思好俾我哋，實在好有驚喜！總體而言，餐廳俾我哋有好乾淨嘅感覺，坐得好舒服，另外食材亦都好新鮮，下一次一定會嚟幫襯！特別推介，聖誕可以嚟呢度試吓佢哋嘅雙冬羊腩煲，應該都好好食！

食材新鮮、擺盤靚，服務員友善、貼心，裝修有格調又舒服，要讚個洗手間乾淨到好似屋企咁，價錢合理。值得推介！Fresh food in decent presentation. Friendly and warm-hearted services. The decoration is classy and comfy. Super clean washrooms feel like home. Reasonable pricing. I'd definitely visit again and recommend it to my friends.

秋風起，又到了打邊爐的季節。比起舊式的任食火鍋，近年比較prefer高質火鍋。醬料點餐後，店員會先送上醬料。鹿茸菌清燉花膠湯 $188不同款式的湯底每日限量。花膠湯很足料而且不加味精，很鮮甜。建議一開始先飲湯，之後再落材料打邊爐。拼寶丸 $98黑松露豬肉丸柚子墨魚丸叫了有餡的丸，豬肉丸離遠已經聞到香濃的黑松露味，一食即可爆漿流出來，柚子墨魚丸帶小辣，清新與辣味既配合感覺頗為特別。除了雙拼都可以叫3拼試多幾款。鮮淮山 $48鮮粉腸 $58脆鯇魚骨腩 $88活海蝦 $138 牛柏葉 $68雲南黑木耳 $58豬肚 $58雲南黑木耳 $58一開始見到有個木制而且有點像摩天輪的裝飾架，真係打卡一流，不過食物質素亦好打得。粉腸比較花時間，在家很少吃，外面亦比較少餐廳做，見到有當然要試試，做得好乾淨。脆鯇魚爽口彈牙，清新好味，絕對推薦！海蝦新鮮，建議可以食埋蝦頭，蝦身入口甜爽。手切安格斯(細) $198睇得出既新鮮，安格斯入口十分重牛味。建議不要煮得太熟，保留少少粉紅色，肉質會比較嫩實，不會太鞋。唐生菜 $58約10小束，塊塊新鮮，食落清甜爽最適合最後做為結尾，讚！見到而家係OpenRice訂位，五

餐廳主色係懷舊綠色，裝修簡約。有3間私人房，當中2間係大房，可以容納10-12人。1間係中房，容納到6-8人。3間房可以打通 岩曬私人聚會。而家OPENRICE訂枱星期日至四 5:30-9:00有88折，9:30後有8折。除左打邊爐之外，仲有私房菜食。而家天氣轉涼，餐廳推出左個羊腩煲$488，可惜朋友唔食羊，如果唔係我都想試下。當晚試左幾款打邊爐配料都唔錯。✨鹿茸菌燉花膠湯燉湯每日有3款，每款限2個。所以賣曬就無架啦。但可預早打電話去餐廳訂。個湯好足料，隔水燉，所以特別清甜。✨安格斯牛肉(小份) $198呢個已經係細size，但都好大盤！食落肉質厚實，肉味香濃。✨活海蝦 $138幾大隻同新鮮，蝦肉係彈牙架。✨脆鯇魚片 $78魚肉軟滑，爽脆，有嚼勁。✨新鮮鵝腸 $98洗得好乾凈，無異味，好爽口。牛柏葉 $68水魷 $68萵筍片 $58唐生菜 $58蜂巢豆腐 $48

近來天氣開始轉涼，跟朋友喺九龍公園做完運動，朋友話喺網上見到一間叫淥恰年代邊爐店，嗰間邊爐店係新開㗎，開咗冇幾耐，叫我一齊上去試下， 新店試試無妨。上到去，個裝修好好清雅、好乾淨 、 好舒服 。侍應好熱情介紹美食給我們，佢介紹咗一個很合時清潤的湯底畀我們， 叫鹿茸菌燉花膠湯，真係很 啱口味，十分足料嘅湯底，侍應叫我們先飲咗湯，才開始打邊爐，因為個湯底真係好正，好清甜、好潤，花膠多到不得了，來做湯底真係一流。可以兩食嘅百花釀油條，可以點泰國醬油吃，或者用來打邊爐。用蝦膠釀的油條，十分彈牙，好好味。 有九種配料畀你選擇，隨你喜愛而選擇，真的不錯。 黑松露豬肉丸，黑松露味很香濃，好有口感。金沙牛丸，牛丸裏包住海膽，好彈牙，真係絕配。今次，真係第一次食嘅養顏桃膠餃子 ，又幾有趣喎，幾特別。仲有帶子餃，帶子好新鮮， 味道很鮮。安格斯牛肉，好爽、好鮮甜、好新鮮。 脆鯇魚片，好爽、好脆，一啲骨都食唔到，打邊爐必食。 加埋菜心苗，真係一個完美嘅邊爐。 晏晝仲有啲私房菜同埋午餐，下次就要再來試下先。

天氣開始凍，打邊爐嘅癮又嚟🤤🤤✌🏻今日搵咗間係尖沙咀九龍公園附近嘅邊爐舖試下🧚🏻‍♀️間舖裝修勁靚，由於我哋六點開始食，人數未算多～🧚🏻‍♀️9宮格配料好難得有我鍾意嘅香芹🥹🥹即刻加滿！🧚🏻‍♀️川貝百合燉螺片湯呢個湯100分！未打邊爐已經每人先飲咗兩碗，真係完全冇味精，仲要好足料！🧚🏻‍♀️安格斯肥牛$198勁大碟！肥牛肥瘦均勻、好有牛味🤤🤤吃貨嘉嘉同男朋友都超級鍾意！每枱都會有個木梯放打邊爐配料，自己跟住個Menu嗌就得～🧚🏻‍♀️首推新鮮鵝腸、白鱔片、萵筍、日本黑豚肉片唔好睇佢細細兜，每樣配料都好多，而且價錢唔貴，可以食多幾款！🧚🏻‍♀️三拼肉丸（金沙牛丸、清酒蝦丸、風味鯪魚球）金沙牛丸入面係鹹蛋黃，牛丸都特別彈牙爽口😋😋清酒蝦丸就好特別，有爆漿嘅感覺🦐風味鯪魚球入面釀嘅係臘味，識落有種好似食煲仔飯嘅感覺，好得意🤣員工話呢啲丸全部都係新鮮手打，所以食落特別厚實，同埋要淥多幾分鐘🧚🏻‍♀️總結：食物質素非常好，每樣食材都好新鮮，超級鍾意飲佢個湯！加上呢間餐廳嘅裝修好靚，打卡一流。（廁所都係好乾淨🤣🤣）

天氣一轉涼就好想打邊爐！成條街都係任食火鍋，價錢平但就無咩質素，想食高質火鍋真係好難搵，今次亂打亂撞就試左間好野(⁎⁍̴̛ᴗ⁍̴̛⁎).聽個名已經好有feel! 一到去門面成間西餐廳咁，仲以為去錯左地方，估唔到呢間火鍋店裝修得咁靚，平日人少少仲好似包左場咁，超爽！.最正最正嘅係呢度真係超級高質素(ﾟoﾟ;; 打邊爐最緊要個湯底，呢個湯底真材實料，足料夠味，好有火喉嘅花膠湯，店員會先裝一碗俾你飲，飲完可以再添，飲到夠先開大火打邊爐🍲.啲牛肉超新鮮，唔點醬都夠好味！最特別係個呢個有睇頭又好味特別嘅火鍋料彩虹，搞卡一流，啲手打丸特別之餘仲好好味，必叫！.不得不提象拔蚌，刀工好好，唔係好薄到似食風，又唔會厚到鞋，無論剌身食完火鍋食都好正！

呢排天氣轉涼令人特別想打邊爐，尖沙咀嘅廣東道嗰度發現咗呢間新開無耐嘅港式邊爐。入到去地方幾闊落同埋都空氣幾流通，打完邊爐唔會一陣味。餐廳以散叫為主，我哋要咗個椰子雞湯底，店員會叫你等佢淥到滾之後就加入滑雞件之後就一齊煲，雞見到好新鮮，份量都唔少，椰子雞湯清清地我地打完邊爐唔使咁熱氣。我哋要咗豬皮、鵝腸、豬潤、黑豚肉、粉腸同鯇魚片，每款都好新鮮，依家講求質素貴精不貴多。我哋再要咗個皇帝菜，最特別推介喺一定要試佢嘅自家製手打丸。呢個係佢哋嘅招牌獨有嘅菜式我哋試咗佢嘅金沙牛丸同柚子墨魚丸，牛丸好彈牙大大粒入面包住鹹蛋黃食落去有鹹蛋黃起沙嘅味道，好食。仲有柚子墨魚丸都大大粒好彈牙啊。食落去你會食得出有柚子香，好清新，味道特別。整體食物質素都高下次會再食其他嘢。

呢間火鍋店新開張不久，裝修仍然非常新淨，空間感都幾足夠，坐得舒服，想要私隱度高啲，仲可以book間房慢慢傾。點左餐之後，職員就會拎個九宮格調味料俾你自己選擇，乾淨又衛生，唔使行出行入去拎，仲有洋蔥🧅芝麻嘅配料，比較少見。1️⃣ 麻辣鴨血鍋 $158一放低就已經聞到好香，鍋內有蜂巢豆腐同埋京蔥，味道麻多過辣，最正係舊豆腐索哂啲湯。2️⃣ 安格斯(細) $198紋理都好靚，牛味都幾重，淥幾下就食得。3️⃣ 田園鮮菌盛 $108食左肉又點少得菜，呢個蔬菜拼盤又好多款式，有菜心、生菜、蕃茄、粟米、冬菇等等，而且仲幾新鮮。4️⃣ 三寶丸 $78/款餐廳會用一個好似天橋咁擺岀黎，放得好靚，打卡一流📸。全部都係創意手工肉丸，唔係街市買到嘅普通肉丸，有黑松露豬肉丸、柚子墨魚丸及牛丸，肉質好彈牙，味道都唔錯。5️⃣ 養顏桃膠餃 $88第一次食呢個味道嘅餃子，味道都幾特別同清甜，口感係較為爽口，入面有冬菇、蘿蔔、椰菜同桃膠，適合素食者同愛美一族。6️⃣ 脆鯇魚片 $78脆鯇魚片擺得好靚，成朵花咁，魚肉咬落脆脆地，不過食個陣點都要小心啲睇下有冇骨。7️⃣ 豬肚 $58豬肚爽口帶啲煙靭，有少少豬羶味。8️⃣ 粉腸 $58粉腸洗得幾乾淨，煮熟

天氣凍凍地，又係打邊爐既季節呢間餐廳開左業無耐，位置係尖沙咀，夠哂方便！調味料可自己選擇，選擇都幾多湯底選左鹿茸菌燉花膠湯，打邊爐前先飲碗湯，湯十分清甜，入面仲有用有雞同豬肉去燉，飲得出係無味精👍飲完湯就可以開始打邊爐三寶丸丸係手打的，墨魚丸口感有彈性，牛丸食落好爽，值得推介脆肉鯇好新鮮好脆，忍唔住要encore豬肚味道新鮮，食落無苦味安格斯牛性價比幾高，二百幾蚊就有成大碟，牛肉雪花分佈平均，唔會太肥，食落牛味都幾重，4個人share都夠食牛柏葉，好爽，夠埋湯底既味就好正！雙拼餃橙色既餃子皮係用甘荀汁整成，味道幾特別！而雲吞入面有好大隻鮮蝦，分量好足！食材都幾高質，而且服務態度好好，價錢適中！會再encore!

今日朋友約咗我去尖沙咀行街，佢知道我就嚟生日特登帶我去尖沙咀食嘢，我自己平時最鍾意就去打邊爐，老友特登帶我去一間好好味嘅火鍋店。果然知道我心意淥烚年代火鍋店，餐廳係尖沙咀站A1出口附近，海防道32號寶豐大廈2樓。上到去餐廳裝修得非常整潔，而且用嘅食具都係好講究，全部都係一套㗎。俾人嘅感覺好有格調而且好舒適。呢度主打用燉湯湯底打邊爐，店員話仲可以提早預訂。燉湯有三個選擇每日都限量供應，鹿茸菌清燉花膠湯，羊肚菌海參燉雞湯，川貝百合燉螺片湯。今次我哋選擇左羊肚菌海參燉雞湯，首先係飲咗湯先，湯底味道好香雞味好重，清香得來味道好鮮甜，用料非常豐富，有雞腳，海參，羊肚菌，瘦肉三寶丸我哋就揀咗，松露豬肉丸，金沙牛丸，鮮蝦丸。豬肉丸包住黑松露，入口陣陣黑松露香味。金沙牛丸真係好特別，一啖咬落去陣陣嘅鹹蛋香味滲出來，味道配搭得啱啱好。最欣賞就係鮮蝦丸，蝦味香濃，口感爽滑彈牙，呢個係我食過最好味嘅丸手打嘅丸，果然係唔同啲手切安格斯，牛肉上枱非常吸引，望落去色澤紅潤加上有少少脂肪，入口牛肉味非常香濃味道鮮甜，初初嘗到牛肉香再嚟牛脂嘅香味。安格斯牛肉好值得推介。另外點咗幾碟餸食材都係好新鮮，最特別就係用一條橋

天氣前排轉左一轉涼，即刻係打邊爐既季節！即刻同同事book間打邊爐黎食啦上網搵到呢間係尖沙咀既邊爐鋪，主打食海鮮湯底！有好多配料有蒜有蔥有辣椒海皇湯底，勁多料，有龍蝦，蝦，聖子，蜆，帆立貝！ 第一次食咁足料既湯底呀淥野食前梗係要飲下個湯底先，真係好重鮮味，完全係食材既味道，唔係濃湯寶煲出黎！淨係食呢d海鮮肉已經好滿足啦我地想食牛，就嗌左牛小排，午餐肉同生菜午餐肉好可愛 砌到好似磚咁好厚肉好juicy時餐肉另外仲嗌左雜錦手打肉丸，好食！同事都話好推介，下次再約多d人一齊黎食仲開心

近排開始凍啦，當然要捐窿捐罅搵返啲打邊爐嘅餐廳！依間絕對係尖沙咀云云眾多嘅選擇之中嘅頭三位！羊肚菌海參燉雞湯第一次用一大鍋燉湯去打邊爐，非常適合秋冬季節，滋補一下，湯底更加有紅棗、圓肉、杞子、雞腳，湯頭好清，帶有菇菌的餘韻，裏面海參份量驚人，食落口感爽口。手切安格斯色澤鮮紅、肥瘦相間、紋理非常清晰，溶雪程度極佳。輕輕淥5秒，咬落去好軟柔，牛味好出好濃。海鮮叫左一份活海蝦，一共六條，條條新鮮，蝦膏滿滿，咬落去肉質飽滿，爽甜；另外叫咗一份土魷，廚師𠝹花出色，食落爽爆；脆骨腩肉質透白，全部魚骨都起好晒，食落頗有魚鮨香。美顏桃膠餃子外型翠綠，全人手包餃子，皮薄餡靚。咬落去口感豐富，除咗有滑捋捋嘅桃膠之外，更加有爽脆嘅蘿蔔絲椰菜絲。蔬菜叫咗萵筍、雲耳、唐生菜🥬，放入呢一個湯底真係非常清甜！