淥烚年代

营业中

休息中

呢排天氣轉涼令人特別想打邊爐，尖沙咀嘅廣東道嗰度發現咗呢間新開無耐嘅港式邊爐。入到去地方幾闊落同埋都空氣幾流通，打完邊爐唔會一陣味。餐廳以散叫為主，我哋要咗個椰子雞湯底，店員會叫你等佢淥到滾之後就加入滑雞件之後就一齊煲，雞見到好新鮮，份量都唔少，椰子雞湯清清地我地打完邊爐唔使咁熱氣。我哋要咗豬皮、鵝腸、豬潤、黑豚肉、粉腸同鯇魚片，每款都好新鮮，依家講求質素貴精不貴多。我哋再要咗個皇帝菜，最特別推介喺一定要試佢嘅自家製手打丸。呢個係佢哋嘅招牌獨有嘅菜式我哋試咗佢嘅金沙牛丸同柚子墨魚丸，牛丸好彈牙大大粒入面包住鹹蛋黃食落去有鹹蛋黃起沙嘅味道，好食。仲有柚子墨魚丸都大大粒好彈牙啊。食落去你會食得出有柚子香，好清新，味道特別。整體食物質素都高下次會再食其他嘢。