海雲天

营业中

休息中

今天特登同老公仔一同去食酒店食中菜當係慶祝遲來的情人節。坐得舒服之餘，食物有質素。而且而家一至五仲做緊套餐買一送一優惠㗎🥰千祈唔好以為買一送一就唔抵！完全平到你唔信啦。首先海雲三小碟，已經比到我無數嘅驚喜。分別有牛柳、青瓜、叉燒！最好食的必定要數呢一粒叉燒🙈如果要想像周星馳嘅叉燒究竟有幾好食我諗應該同呢一舊差唔多！濕潤多汁肥瘦均勻～芝士焗蟹蓋：新鮮熱辣出爐，啖啖鮮甜蟹肉，配上濃郁的芝士！正呀星洲黑胡椒蟹：而家諗起都仲係念念不忘！佢好味嘅程度如果10分係滿分係一百分～蟹肉鮮嫩之外，仲好入味！黑椒味濃郁，鹹淡適中！基本上六百幾蚊真係買呢個蟹都值回票價！蟹肉燕窩羹：10分足料，清甜鮮香、口感豐富。雪地鮮蟹鉗：蒸蛋滑溜，蟹的鮮味與蛋汁融合。好正～蟹肉伊麵：大小適中，10分入味鮮甜美味蛋白杏仁茶：甜度適中，養顏護膚，柔滑細緻我鍾意坐非常舒服，而且遙望着美麗的海景！色香味完全俱全

前排去左間酒店對海嘅中菜廳，真心覺得環境、味道同性價比係可以兼備架🤩呢間係海逸君綽酒店裡面嘅海雲天☁️新推出嘅-海天珍品盛宴，$288一位，包每人八道菜，你冇聽錯❌係3百蚊都唔使啊❤️因為太多相，我會分開兩次po☺️-海雲天三小碟(雙喜烤麩/手拍青瓜/廚皇叉燒）第二張相嘅個件叉燒完美演釋肥瘦均稱，一d都唔鞋口，叉燒中嘅極品🌞-淮杞燉響螺湯🥣超鍾意飲老火湯❤️呢個湯好清好暖胃，有響螺香😋-上湯焗青龍蝦伊面🦞呢個價錢有龍蝦食會唔會太抵🙈拆開啖啖肉而且超彈牙，上湯配搭伊面簡直一流🤪-黑醋沙律伴蝦多士🦐個蝦多士唔係脆咁簡單，係好酥化，炸到一咬就碎個隻，隻蝦都冇令我失望好彈牙🙈-蘇薑銀鱈魚銀鱈魚外面個層炸過，裡面嘅肉質都依然juicy，做到外脆內軟，而且有兩種醬係面頭，一種係甜酸味嘅醬，一種係魚露嘅味道，味道有層次🤩-蒜茸榎茸蒸日本元貝元貝大大粒，張相凸顯唔到佢咁大粒，火候拿捏得啱啱好唔會鞋口，底下嘅粉絲同榎茸索曬元貝嘅鮮甜同d汁，好滿足🥰-果皮蒸南非鮑魚遠處已經聞到果皮香，鮑魚唔算好大粒但口感彈牙鮮甜，唔會有腥味👍🏻-魚湯浸菜奶白色係真係鮮熬嘅魚湯，好濃郁😍d菜係青綠色而且好嫩，保持住酒店餐廳嘅高質素

好耐冇食中菜，於是就同朋友去酒樓食晚餐。呢間酒樓好貼心，唔單止提供抗炎茶，仲會送兩個口罩比每個客人！打開餐單，見到有好多選擇，真係唔知揀咩好。我地點左籠南翔小籠包，78蚊一籠有6隻小籠包，小籠包皮薄多汁，肉汁勁鮮甜，正啊！點心方面，仲有呢個酥炸金沙包，入面有我至愛既鹹蛋黃醬，外面既包炸到酥脆，又香又惹味！主菜方面，點左生煎沙薑雞，沙薑雞好嫩滑，而且又入味，唔錯！最後，仲點左呢個鮮菌粉絲雜菜煲，清清甜甜夠健康！

餐廳在君綽酒店內，環境寬敞，270度落地大玻璃，飽覽維港夜景。一坐下，每位客人，可享用熱燙的枸杞雪梨茶， 清甜潤肺，安排窩心。太極燒蝦球$208鴛鴦燒蝦球，有金黃色及淺綠色，分別用上千島醬及芥末醬， 炸蝦球外皮鬆脆，質感爽口，配上千島醬汁，酸甜開胃；芥末醬很惹味，咀嚼之間，微辣而嗆鼻，十分過癮。意想不到，兩種味道，帶來雙倍驚喜。鮮杏汁燉白肺$88/位滋潤美顏的杏汁白肺湯，是冬天的佳品。熱騰騰端出來的湯，湯頭稠密，呈奶白色。杏仁香撲鼻而來，滑嫰白肺吸收了濃郁的杏香，軟綿即化，湯底啖啖鮮甜，吃完有暖笠笠感覺。 酥炸金沙包$78/六隻炸到金黃色，外皮酥脆，內裡軟綿綿，中心填滿香滑的奶黃，還有鹹蛋黃的香味，令人吮指回味。和牛粒炒香苗$198炒飯粒粒分明，火候十足，表面鋪滿蟲草花，增加額外鮮味。米飯軟硬適中，啖啖夾雜和牛肉和蔬菜粒，配上幼嫩蛋白絲及香蔥粒，充滿鑊氣。

適逢新春正月 總要一家人食餐飯今次就試咗呢個幾度招牌小菜每一款都相當出色 令人回味餐廳好貼心提供抗肺炎特飲金銀花雪梨茶有燒熱解毒嘅功效而且每位食客都會收到兩個口罩 非常窩心星洲黑胡椒蟹$428蟹肉飽滿而且非常鮮甜加上黑椒汁非常惹味 風味十足墊底嘅洋蔥亦都非常好味 鍋燒鮑魚海味飯 $298咁大鍋美味嘅海鮮繪飯 性價比十足光係鮑魚都有四隻 入口彈牙鮮甜炒飯底鑊氣十足 而且仲有少量飯焦忝蜜汁叉燒王$168叉燒絕對係必試必叫 肉汁澎湃而且肉味非常香濃肥瘦非常適中 鬆軟口感非常正西施紅茶凍$38 3件令人有驚喜嘅甜品！西柚清新加上紅茶做成果凍 真係好特別

餐廳在紅磡君綽酒店1樓 ， 進入酒店入口 ， 侍應幫每位客人量體溫， 提供消毒紙巾和 搓手液， 餐廳內的落地大玻璃， 飽覽無敵大海景，十分 享受， 裝修華麗 ，座位寬敞， 好有空間感， 每位客人，免費送上滋潤防疫雪梨茶， 服務十分貼心。紅燒蟹肉燴燕窩$128/位 紅燒蟹肉燴燕窩，分量十足， 每口都是蟹肉和燕窩， 湯底濃郁鮮味， 蟹肉和燕窩收了湯底精華，特別滋味， 滋補養顏， 絕對是女士恩物。八味魷魚鬚$88魷魚鬚即叫即炸，上臺時剛剛炸起 ，熱呼呼 ，香噴噴， 令人垂涎 ， 魷魚鬚肥美肉厚 ，魷魚鬚肥美肉厚， 炸漿十分薄身 ， 入口酥脆彈牙，係人氣小食， 送酒一流。太極燒蝦球$208太極燒蝦球用上兩款醬汁, 分別是金黃色千島醬及鮮綠色芥末醬， 賣相十分吸引， 千島醬汁，酸酸甜甜非常惹味、開胃， 芥末醬微微辛辣， 味蕾帶來刺激， 蝦球超級大隻，十分爽口彈牙， 兩種醬汁，帶來雙重驚喜， 廚師應該花了不少心思和功夫。陳皮杞子燉雪梨$48/位原隻梨子放在燉盅內， 賣相 討好， 雪梨因為經過長時熬燉，入口溶化 ，不會太甜，仲有啖啖陳皮的香氣， 非常適合冬天乾竭的喉嚨， 十分滋潤和潤喉。

較早前趁新年假期前, 相約一排無見的友人食飯, 好耐無食中菜, 突然心血來潮想食, 所以我地便去了位於海逸君綽酒店的海雲天食晚飯.由於係酒店的中菜食店, 所以環境相對好，最重要坐得舒服，可以一邊慢慢食, 一邊慢慢傾計.今次我地點了幾款菜式, 包括京式片皮鴨和七彩炒, 太極燒蝦球和花膠蟹肉灌湯餃 .京式片皮鴨和七彩炒.這個係一味兩食.先上片皮鴨.侍應會係客人面前片鴨, 見到也好想食. 片得好靚, 最重要係夠薄身, 基本上好少肥膏, 食多幾塊也不怕. 皮配上青瓜絲等爽口配料, 加上醬料一齊食, 多重口感. 另外, 就是炒鴨肉. 再配上蔬菜一齊炒. 鴨肉尚算嫩滑, 味道調教適中.太極燒蝦球. 一款係千島醬味, 一款係芥末味. 一次過試晒兩款味道的蝦球, 啱晒貪心的我.蝦球肉質夠爽口彈牙.兩款口味我也鍾意.花膠蟹肉灌湯餃 . 賣相夠精緻.餃內材料豐富, 而且個湯夠鮮甜, 飲完完全唔會覺得口渴. 甜品當然不少得, 點了十勝紅豆西米焗布甸. 上枱時香味撲鼻.甜度適中, 食埋甜品, 這一餐好完美.這裡不但坐得舒服, 食物質素又不錯，不論與友人食飯

琴晚放工和家人去了位於黃埔的海逸君綽酒店入面既海雲天食晚飯，餐廳環境很大，而且佈置也華麗的。 茶介為$18一位，餐廳當日有抗鹽茶贈送，味道甜甜的。開胃前菜：為$20一碟，花生口感較硬口。五層燒腩仔：出奇地覺得好食。首先外皮炸得好香脆，食落仲有卜卜脆既口感；燒腩仔肉帶林口，中間有少許肥肉，令整個口感吾會硬，反而是林林的。可配合旁邊的芥茉食用。太極燒蝦球：太極－代表一邊是芥末醬，一邊是千島醬。芥末醬的蝦球味道當然帶少少辣，而且由於整個蝦球以芥末包著，所以特別濃味的。至於千島醬，味道很甜。蝦球道也不錯的！咕嚕雞球：這雞球是一片片的，醬汁味道略為甜了一點；雞球吾會太硬太鞋口，份量很多。沙薑手撕雞：因以沙薑來配合，令手撕雞味道帶點兒咸味；手撕雞份量適中，可作為前菜。由於肺炎事件，餐廳為顧客貼心安排了活動－凡即日起於本店消費每位顧客可享２個三層外科口罩啊！

一家人食開年飯, 去左黃埔海逸君綽酒店內新開一間中菜廳---海雲天。餐廳環境闊落有氣派, 場地用於結婚擺酒就更加一流; 窗邊望出就是海景景色, 但玻璃反光關係, 未能清楚看到海景夜景。至於近月大家都關心肺炎疫情, 酒店同餐廳都很注重食客衛生, 踏入酒店即時有職員量體溫, 而餐廳入座更每位可獲一杯抗炎茶、消毒濕紙巾+兩個口罩。非常貼心!Menu上除左有2-12人晚市套餐, 還有不少散叫菜式。【沙薑手撕雞】HK$88冷盤手撕雞, 每啖都食到淡淡沙薑味, 送酒一流~【五層燒腩仔】HK$188每件燒腩仔切得好的骰, 個皮好香脆, 肉質嫩而不膩。【太極燒蝦球】HK$208蝦球超爽口彈牙, 有薄薄炸皮包住, 同時炸皮外平均沾上香滑醬汁, 分別係芥末醬+千島醬。前者帶些少WASABI攻鼻, 後者味道甜甜地, 口感+味道perfect match!!【蕃茄雞蛋安格斯牛肉煎米缽】HK$198以米粉壓碎再炸成米餅, 入口香脆可口, 個汁甜中帶微酸, 牛肉又嫩又林, 夾埋一齊食, 層次很出眾。

好少係酒店食中菜✌🏻 呢間新開既中菜館環境唔錯💁🏻‍♀️ 望住海景😱 仲有得擺酒😅#生煎沙薑雞 🐥 ($198)賣相幾吸引😏 雞件帶薑味😆 夠入味👏🏻 雞肉算軟滑🐤#兩儀雙色骨 ☺️ ($228)雙色骨即係兩個煮法✌🏻 一款酸酸甜甜好惹味😋 一款配芝麻醬🤤 肉質一啲都唔韌👏🏻#七味金磚豆腐 😆 ($68)豆腐炸得好香脆👍🏻 有准鹽調味🍶 非常惹味☺️ 作為前菜一流👌🏻

上天恩賜, ㄧ對龍鳳, 梗係要擺返廿幾圍賀ㄧ賀佢, 伙記招呼周到, 食物有水準, 賓客都好開心, 仲細心到留間房俾 BB 休息, 有埋廁所, 方便衞生, 最緊要係全廳落地玻璃, 黃昏景ㄧ流, 值得推介

海逸酒店大家都可能比較熟悉自助餐，不過原來中餐廳海雲天都好好食，這裏菜式選擇多，而且烹調方式別出心裁，值得推介！💎片皮鴨(兩食)由細到大對片皮鴨都有一種情意結，尤其是望着脆卜卜的鴨皮逐片逐片地片下來的情景，真係口水都流晒出嚟！這位師傅片皮手勢不錯，使得每塊鴨皮帶一點肉，而且size統一，夾一些青瓜和加一些醬汁，吃着很是滋味！💎七彩炒鴨絲鴨肉切絲在連同西芹青椒等等配菜一同炒，清新的蔬菜口感同鴨肉好夾💎太極燒蝦球超級大隻嘅明蝦爽實彈牙嘅口感，食起嚟令人好滿足😋而且配上兩個特別的醬汁，千島醬和芥末醬，帶來酸甜和辛辣的兩種不同效果💎花膠蟹肉灌湯餃湯底非常濃郁鮮甜，大大隻灌湯餃裏面超足料，蟹肉非常鮮味，加上灌湯餃吸收了濃郁的湯底特別好味！而且一碗裏面有差不多兩三塊花膠，簡直是養顏之選！而且價錢親民差50多元，是必吃推介！💎小籠包一啖咬落去，滿滿的肉汁爆出來，加上小籠包做得皮薄餡靚，原來是大師傅親手製作，怪不得吃起來鮮嫩多汁！比平常的上海店吃到的還要出色呢！💎海雲天黑白配這個其實是杏仁茶加芝麻卷，杏仁茶裏面還有蛋白，滋潤養顏不在話下，而且口感清甜順滑，充滿杏仁香味，女士們不要錯過哦！芝麻卷也挺香口

位於九龍海逸君綽酒店嘅雲中天最近新開張一行入餐廳就見到落地玻璃既維港海景能夠對住呢個無敵大海景享用頂級中菜絕對係一級享受！經理介紹之下得知海雲天由擁有35年中菜烹調經驗的正哥主理正哥曾擔任多間國外五星級中菜廳主廚，包括新加坡阿一鮑魚、印尼富豪酒家等咁淘小姐真係要試試啦～ 淘小姐叫咗幾碟馳名小菜 太極燒蝦球 $208望埋去橙色綠色好colorful原來蝦球拉完油之後再沾上橙色既千島醬汁同埋綠色既wasabi醬汁蝦球爽口彈牙而且係大大粒真係落重本呀！南翔小籠包 $78 (六隻)佢哋好細心咁喺小籠包嘅底放上一片薄薄嘅甘筍 咁就唔會黐底整穿個小籠包啦淘小姐真心好欣賞佢地呢份對美食既細心小籠包肉汁豐盈 配薑絲陳醋更能突出湯汁鮮味台式三杯雞 $198最後係三杯雞  上枱嘅時候發出滋滋聲好夠鑊氣 '三杯"原來來自江西用了甜酒釀、豬油、醬油各一杯燉製雞塊而三杯雞中豬油改為麻油、酒釀改為米酒以醬油、米酒、醬油各一杯去烹調九層塔、薑和蒜頭味道香噴噴未食就已經流口水啦！ 有雞腿雞翼雞胸啖啖肉 肉質係好嫩滑唔會過熟 時間嘅控制拿真係捏得好好呢味餸淘小姐會比滿分！

臨近歲晚同家人兩人聚餐，想高級少少，唔想太貴，又想好食真係幾難諗，朋友介紹下，去咗食九龍君綽酒店入面嘅中菜廳海雲天，作為正五星酒店，裝橫又是近年翻新，大堂光鮮有格調，配合春節佈置倍有氣氛，正門沿樓梯上兩層就到餐廳，十分易搵。我們選了靠近窗邊的位置，可以遠眺維港夜景，而且畢竟是酒店內的餐廳，氣氛幽雅，寧靜舒適，很適合情侶或夫婦見家長的聚餐之選，晚餐共點了三葷一素，獨門盬霸雞、五層燒腩仔、避風堂蝦餃及鮮菌粉絲雜菜煲，海(蝦) 陸(豬) 空(雞)全餐團年大餐。燒腩仔外皮香脆炸得好靚，份量超出預期（普通酒樓通常得呢度嘅一半），以金式花底襯碟，十分亮麗；盬霸雞剛好熟透，雞腿很大隻，雞肉輕易離骨而且入口嫩滑，雖然有盬字，但咸度適中，無重口味的負擔，咀嚼時齒頰留香；蝦餃皮超簿，外層脆口，一咬肉汁四溢，口口肉汁，餃入面粒粒大蝦，口感異常滿足，$88有六隻性價比超高；雜菜煲剛好可以平衡另外三道菜的油脂，清清地配合高湯暖胃很滿足。整體感覺十分有九，服務員殷勤接待，如盬霸雞上菜前能加些少伴碟或細點的碟上菜，會加分不少。

之前上網睇到呢到重新開張，細細個來過一次，之後冇來過，難得今晚老婆話一家人來試下，揸左車出來原來冇免費泊車，是但啦泊海濱都係16蚊個鐘，叫左幾個餸，脆皮腩仔加個炒飯。慳住個荷包先但原來食晚飯有8折，仲有得做會員積分當錢使，之後叫左兩個甜品，見到個場咁靚跟手問下經理百日宴資料，bb 就來出世問定差唔多啦。最後經理送左金箔芝麻卷配杏仁茶比我地早知之前唔叫個兩個甜品啦，可能新開張冇乜人，坐得超舒服，簡簡單單又一餐。