海雲天

营业中

休息中

我係一個點心控，知道九龍海逸君綽酒店的中菜廳「海雲天」有點心放題，當然要同老公去試吓。點心放題每位$208 (平日$168) + 1，可以任叫任食90分鐘，共有四十款點心/小食可供選擇，以五星級酒店來說一點也不貴。每位更送花膠蟹肉灌湯餃、黑金燕窩蝦餃、原隻鮑魚珍珠雞各一客，加88元更可任飲紅白餐酒及橙汁。點心紙上可以自行填寫件數，所以就算得我同老公兩個人，都可以一次過試多幾款食物唔怕浪費。必試推介：😋黑金燕窩蝦餃第一次見到黑色嘅蝦餃，蝦餃皮厚度適中，入面有大大隻蝦夠爽口彈牙，裡面有燕窩好奢華😋鮮果沙律鮮蝦筒即叫即炸熱辣辣，皮夠脆唔會淋，配上水果酸酸地好開胃😋花膠蟹肉灌湯餃灌湯餃皮夠薄，個湯清清地唔會太油😋鮮茄金湯鮮竹卷鮮竹卷配上番茄呢個口味幾清新，酸酸地食多幾件都唔覺膩😋鮮排骨竹筒飯飯會用竹筒上，所以會有陣陣的竹筒香味，排骨整到好淋唔會韌😋斑蘭千層糕味道有點像馬拉糕，不過就加入斑蘭口味，鬆軟好味😋酥皮焗蛋撻熱辣辣，酥皮夠鬆化，蛋漿好滑，忍唔住encore多碟！埋單後居然仲有口罩送，真係貼心呢度有無敵大海景，邊吃邊欣賞海景真的十分寫意。不過呢日全場爆滿，想坐海景位置的話可能就要早點到。同

疫情下，少咗出街食飯，難得出開街，絕對要好好善待自己，身為海產愛好者，今晚就來個海產晚餐～鍋燒薑蔥美國珍寶蠔 $268成個鍋熱辣辣丶吱吱聲上枱，超香嘅薑蔥味，美國珍寶蠔嘅蠔味較淡，但蠔身肥大肉厚，啖啖肉，好滿足！水牛奶煎斑球 $268未食過呢個配搭，水牛奶口感好似蛋白咁滑，奶味算重，斑片魚味清甜鮮香，肉質硬中帶微脆，完全無腥味。註：水牛奶即是由水牛產出的奶。水牛不是乳牛，所以產奶量有限；其營養價值高，綜合營養價值比黑白母牛嘅奶高約2倍，鈣、鐵、鋅、VC、VB、VD、VE等礦物元素和維生素比普通奶牛奶高數十倍，尤其是必須氨基酸和必須脂肪酸含量高，而且口味香醇濃厚，人體消化吸收率高，是國際公認的奶中黃金。上湯龍蝦泡飯 $438龍蝦肉粒粒爽口彈牙，配上香脆可口嘅炸米(可自行添加)，當炸米灑落熱辣辣嘅泡飯中，發出沙沙聲，可能係炸米比我更早飲緊頭啖湯，一個泡飯有雙重口感，一鍋大概分到約8碗嘅份量。九製陳皮燉雪梨 $42飯後嚟個清潤甜品，對於陳皮產品情有獨鍾，所以就揀咗呢個燉雪梨，雪梨中間已去芯，燉後仍完整不爛，每一啖都有陳皮香。註：九制陳皮採用優質的柑橘皮為原料，經過揀皮、浸漂、保鮮、切皮、醃製

由於疫情既關係，我同友人好少出街食飯但今日適逢係友人既生日 所以黎到佢屋企附近既酒店入面嘅酒店食生日飯事前我已經做咗資料蒐集😂知道呢度推緊優惠！蟹之約會（$698）套餐 買一送一優惠，整個套餐都係以蟹做主角。啱晒我同友人呢啲鍾意食蟹嘅人海雲三小碟叉燒，辣絲青瓜，木耳叉燒做出個水準來，肥瘦適中青瓜辣辣地非常醒胃蟹肉燕窩羹非常足料、淡淡蟹肉 鮮甜美味 燕窩入口即化係口中！芝士焗蟹蓋估唔到呢個芝士加埋蟹肉一齊，仲有應該係麵粉粒既東西 max埋一齊夾到不得了！好想打包一個拎走雞油花雕蟹肉伊麵伊麵好難整其實，太乾太濕都唔得呢個剛剛好，雞油同花雕既香加蟹肉 令個麵更上一層樓紅梅雪地鮮蟹箝黎到既時候我嚇咗一跳，蟹鉗同我手差唔多大底下既蛋同花雕酒陪襯住，肉質爽口鮮嫩！花雕酒味濃郁又唔搶蟹肉既甜！正星洲黑胡椒蟹食到呢一味其實已經有啲飽，仲黎隻全蟹上一開胡椒味突出，食起來惹味 小小辣 蟹鉗都非常細心有打碎小小俾客人食用蟹肉灌湯餃呢一個就同平常食開既灌湯餃差不多，不過轉咗做蟹肉最後蛋白杏仁茶作結束杏仁茶要整得好又係一門學問，有啲整出嚟個茶刃奇怪，有啲會好假。呢度試到既杏仁茶係我食過最好食！除翻開每人都係40

有口福!今晚去左九龍海逸君綽酒店既海雲天晚餐。環境寬敞舒適，裝潢雅致，充滿空間感。一睇餐牌見到有片皮鴨2食，唔洗預訂就有得食，即叫!京式片皮鴨2食(生菜包、七彩炒、火鴨絲窩米) HK$498外皮酥脆鬆化，肉質嫩滑唔會嚡，肉味香濃，油香滿溢又唔覺肥膩，餅皮厚薄適中，熱辣辣入口柔軟煙韌，加入切得幼細既大葱、青瓜，再配以甜麵醬，絕對係完美組合。七彩炒鴨崧調味剛好，炒得惹味有鑊氣，口感豐富。兩個人淨係食京式片皮鴨2食已經好滿足好豐富!推薦!

今晚同爸爸去酒店食晚餐，我們和蟹有個約會，去咗紅磡德康街6號 - 九龍海逸君綽【海雲天】餐廳用咗270度落地玻璃既無敵大海景，望住維多利亞港，食住晚餐，簡直一流呀🤩🦀【蟹之約會】🦀($698 買一送一蟹套餐【全部都係蟹】)佢地選用每日新鮮空運越南肉蟹，炮製多款特色鮮蟹菜式，包你一試就愛上，仲要🦀蟹迷必食🦀【蟹之約會】套餐 - 菜式包括：☁️海雲三小碟 3款開胃小吃，黑木耳豆腐皮煙韌入味、辣辣口感既爽脆冰涼青瓜，厚切甜甜的半肥瘦叉燒軟綿綿🦀蟹肉燕窩羹淡淡蟹肉，配上燕窩碎，清甜美味又養顏😋😋🦀芝士焗蟹蓋焗到黃金色既原隻蟹殼，香脆芝士面層，包住滿滿既蟹肉(極之多)🦀紅梅雪地鮮蟹拑肥美既蟹拑配上滲入蟹汁既滑滑蛋白，好美味既配搭🦀星洲黑胡椒蟹個黑椒汁真係勁正，蟹又多膏又多肉，肉質嫩滑，肉質夠哂惹味，連洋蔥都入哂味，食材新鮮，食到LamLam脷，停唔到口😋🦀雞油花雕蟹肉伊麵雞油花雕伊麵，伊麵內有花雕酒香，配上蟹肉，香味濃郁。🦀蟹肉灌湯餃有片又滑又爽口既花膠，個湯好甜好清仲好香，大大隻皮薄餡靚(蟹肉、蝦、冬菇、肉碎)🥚蛋白杏仁茶 - 甜品一絲絲既滑滑蛋白，甜度適中又香滑既杏仁茶，仲特別香，飲完令身體更

今日奶奶生日，老公BOOK左呢間酒店中菜一齊慶祝~去到先發現原來做緊晚市3小時任食放題!$468一個人，LIKE & SHARE fb仲有4人同行1人半價優惠~抵到爛!入到去個環境勁chill，可以180度對住海景食飯，一流既享受!叫左茶之後就睇下menu，選擇都唔少!呢個放題每人送幾款頭盤，有龍蝦、鮑魚、蟹蓋、乳豬，仲可以揀燉湯或者雞絲翅，食既水準同種類直情係飲宴級!menu上既選擇好多，小食、粉麵飯、小菜、燒味同甜品都有。我地差唔多全部都食勻。燒味方面蜜汁叉燒皇冇得輸!又厚又唔乾，juicy得黎仲每啖食落甜甜地，超好味!encore完再encore!椒鹽豆腐粒切得好細，每口都勁香口，外脆內軟，一個人都可以輕鬆ko一碟!鮮果咕嚕肉用上火龍果炮製，酸酸甜甜，又係encore之選!巴馬火腿雞粒炒飯係出面真係未食過~pama ham既咸香令炒飯既味道更加提昇~飯炒得乾身，非常香口!甜品方面紅豆沙都好好食，酒店水準果然係唔同D!紅豆煮得軟稔綿密，食多兩碗都唔覺得滯。埋單時仲有驚喜，而家疫情嚴重一罩難求，原來係度食飯會送番一包4個口罩!呢個價錢可以係酒店食到呢個質素既放題，享受酒店級服務同對住

今日嚟到九龍海逸君綽酒店的海雲天食飯，叫咗個脆皮和牛腩，口感好特別，肉質部份好嫩滑，有啲似中式版嘅威靈頓牛柳，係一種幾特別嘅菜式，係其他餐廳都未試過😋，唔怪得知係呢度嘅招牌菜啦！跟住叫咗一個乾炒安格斯牛河，由於乾炒牛河易做難精，其實都幾視乎師傅嘅功架㗎，油份要恰到好處而且每條河粉都要炒得均勻，一食落口已經食到濃濃的牛肉香味，唔錯唔錯😋！另外睇埋個靚景就更加一流啦，中菜廳有咁嘅靚景真係估佢唔到啊😍！

今日行開黃埔記得海逸君綽酒店入面既海雲天食中菜好似好多人都讚，所以專程去試下，果然水準同環境都一流!我地去到先知原來而家推出左個放題，成人$468就可以有個一次性頭盤同無限追加小菜同炒粉麵。開頭見到個價都有少少貴但其實睇真D食既野就會覺得真係值得既! 因為入面既小菜好多都係menu上有既野，所以用放題形式食可以樣樣都食到少少又唔使咁貴! 頭盤上既都比較精緻同埋貴價既食材，而且絕對唔係求其整，拍得住平時酒店飲宴既水準。個人最鍾意就係芝士蟹蓋，芝士味突出但又唔會搶咗蟹肉既鮮味，足料同埋熱辣辣! 其他頭盤例如鮑魚、翅、開邊龍蝦等等都係新鮮整起，完全值回票價!到咗任食既部份其實我地好多小菜都有嗌到，驚喜既地方係每樣野都新鮮熱辣唔會攤到凍哂。個人就好鍾意黃金蝦球、巴馬火腿炒飯同埋咕嚕肉，調味岩岩好而且真係煮得好好食。加上呢到面向海既環境同埋柔和既音樂，令人好放鬆好舒服!

好耐無出去飲茶見海雲天午市有點心放題點心、小食都可以任叫，食物都有好多同嘅選擇一般蒸點、小食、炒粉麵都有得食每位仲會有花膠蟹肉灌湯餃、黑金燕窩蝦餃同埋鮑魚珍珠雞花膠雖然係只係魚肚但係都大大舊，好爽口鮑魚係真料實料嘅鮑魚仔唔係粉製果啲雖然係放題但係啲點心小食都唔會求其細細份可以試多幾款唔同野食鍾意食先再叫咁就唔怕浪費食物啦紅棗糕好食可以試下一路望住個大海景一路飲茶都幾舒服同埋呢度啲姐姐服務態度好好勁勤力👍🏻

適逢慶祝日子，特地在海逸的《海雲天》訂枱晚飯慶祝一番，好為特別的日子多添幾分難忘！踏進五星酒店的中菜廳，門面甚有氣派！座位寬趟舒適，環境高雅！抬上推廣的 "蟹之約會" 買一送一，超值抵食，菜式八道，實在抗拒不了，套餐先來上前菜海雲三小碟，有蜜汁叉燒、紫薑青瓜及四喜烤夫。蜜汁叉燒，肥瘦適中，質感鬆化，蜜汁甜美，好味道！💖👍接著是蟹肉燕窩羹，夾雜著大量蟹肉的湯羹，蟹味濃郁，羹面上擱著燕窩，看得到的奢華 👏👏！湯羹夠熱，喝到最後還是燙嘴的！芝士焗蟹蓋，面層的芝士焗得超香口，微焦微脆，裏面的則釀滿了蟹肉、洋蔥……饀料，份量不少，很飽肚。紅梅雪地鮮蟹拑，賣相精美，蛋白嫩滑得像豆腐，蟹拑肥大肉厚，去殼令人食慾大增，很出色的一道菜式 👍💖💖星洲黑胡椒蟹，跟星洲乾身的胡椒炒蟹有點分別，這個用上黑椒味獻汁，紫洋蔥吸滿了胡椒汁，味道有新意。要拆殼的部分，始終不及去殼的來得吸引 🤭🤭蟹肉灌湯餃，湯底清甜，算是較平實的一道菜式！當然還是優勝過茶市的點心灌湯餃 🤣🤣雞油花雕蟹肉伊麵，略遜其他菜式，可能尾聲關係，已經吃得差不多了 🤭🤭最後甜品是陳皮紅豆沙，紅豆跟豆湯比例平均，而且每啖都滲著淡淡的陳皮香味，燙嘴的熱

今日同友人book 左11點係誠哥旗下酒店中菜廳海雲天$168午市90分鐘任食點心。去到show番預約訊息，拎張飛仔等叫號，11時正即入座。入座前聽到侍應同客講電話「如果你鬧我會開心d既，甘你繼續鬧啦」聽到真係好心酸，服務行業真係經常比人鬧，但被鬧原因就未知了，大概都是booking問題吧，因為呢度任食點心真係好受歡迎，全場爆滿。入座後，每位送花膠蟹肉灌湯餃、黑金燕窩蝦餃、原隻鮑魚珍珠雞各一客。最喜歡係個黑金蝦餃，比起同場普通的蝦餃，更香口。其餘的任食點心，款式多，可參考相片。每碟件數可自由填寫，可以留肚試到更多款式。我推介食蜜糖金絲脆脆，香口，即炸。必食！最後埋單，仲有誠哥送的口罩～總結，環境舒適，望住海景同友人傾計飲下茶。不錯！

難得老公得閒幫手湊仔，可以同媽咪去食下好嘢，依家咁嘅時勢，真係要食D好嘢開心下，平衡一下心情黃埔海逸君綽酒店嘅中菜廳 - 海雲天一直都想試，除咗食物質素高之外仲有無敵大海景而家仲做緊🦀「蟹之約會」第一位$698，第二位免費💖食材新鮮，蟹肉鮮甜，特別係個星洲黑胡椒蟹🦀超級惹味，而媽咪就鍾意紅梅雪地鮮蟹拑，啖啖肉啊😋每一道菜都非常夠熱，因為媽咪特別注重上菜嘅熱度，呢一餐佢真係非常滿意！服務態度仲非常之好👍🏻👍🏻👍🏻下次可以一家人嚟飲茶🍵 .

每日都見到確診個案不斷上升,我同家人心情都好差好擔心,但因為我見少左人出街食飯,間唔中1個月出去食下飯放鬆下應該都OK既,仲可以支持下飲食業🙌🏻所以決定帶媽咪去食好餐好既!食物方面:-蟹之約會套餐🦀⚪️海雪三小碟Hoi Won Three Treasures有烤夫,手拍青瓜,蜜汁叉燒💁🏻‍♀️味道岩岩好,青瓜好開胃,叉燒好淋好香!⚪️蟹肉燕窩羹Braised Birds Nest Soup with Crab-meat好足料見到有好多燕窩,而且每一啖都食到蟹肉,好鮮甜,食到1半加左少少醋,發現更加帶出蟹肉既鮮甜,正⚪️芝士焗蟹蓋Baked Crab Shell Stuffed with fresh Crab-meat and Cheese熱辣辣好香脆,焗到金黃色好令,好多蟹肉絲夾住好好味💋⚪️紅梅雪地鮮蟹拑Steamed Fresh Crab Claw with Egg White超大隻蟹拑蟹肉好爽口彈牙,蛋白超滑超級鮮甜,吾夠喉😹⚪️星洲黑胡椒蟹Authentic Singapore Black Pepper Crab打開個煲就嗅到好香既黑胡淑味,蟹肉鮮嫩多汁,肉質爽滑彈牙.而且好大隻,其中2隻

復活節假期，突然知道呢間酒店有點心放題。見到優惠168加一就可以食到好多樣點心野食，咁就來試下。一入到去就已經有得做係無敵大海景,個景已經值回呢個價。本身168 仲以為無咩好食，但佢質素又唔差。除咗有特色點心，仲有花膠，鮑魚等等野食都有水準，但有個問題蛋撻係凍嘅，理論上佢呢個級數唔應該係咁。門口個阿姐唔知係咪因為人多而服務質素下降，佢就咁比左本menu我就叫我自己行過去張枱到，唔帶位其實冇問題，但你加一服務又照收。提大家門口泊車要500先免費一個鐘（食呢個點心放題用唔到），旁邊停車場30蚊就輕鬆泊

好耐都冇食中菜，最近去咗位於紅磡德豐街九龍海逸君綽酒店裏面嘅 💫海雲天地方闊落，位置就腳，由黃埔地鐵站行幾分鐘就到。入到酒店可以直接行雲石大樓梯上去，日落時分一定好靚，而且又有海景睇。菜式多選擇，但我哋得兩個人，就叫咗專貴餐 (每位$368)：海雲天三小碟，豉油皇珍寶虎蝦，蘆筍輕煎澳洲帶子，花膠螺頭燉湯，松露龍躉蒸蛋白，中式煎牛柳，珍菌炆伊麵，迷你心太軟。三小碟個叉燒好好食，半肥瘦；隻虎蝦有手板咁大隻；燉湯清甜，唔膩；個牛柳竟然有薯格伴碟，仲以為炸雞專門店先會有薯格；心太軟都ok，冇諗過中餐會有西式甜品食。另外有<蟹之約會套餐>，每份$698，優惠期間買一送一，抵食^食完仲有口罩送^📍 紅磡德豐街20號九龍海逸君綽酒店2樓#海雲天 #HoiWonTeen #紅磡 #中菜 #蝦餃 #脆皮和牛腩 #脆皮叉燒 #鹽霸雞 #胡椒蟹