海陽。居酒屋

营业中

休息中

有「驚喜」的一餐， 從未試過咁嘅價錢 、咁嘅食物質素、同埋服務態度… 先講時間… 一家人叫五個丼或麵，慢慢咁嚟咗四個… 我理解係新餐廳，人亦多，可能廚房忙… 第五個餐催咗三次，去到第四次先話原來冇落單… 咁頭嗰三次催咗啲乜嘢？ 到呢個時候已經等咗一個鐘頭 ，其他四個人都巳經食曬，我老婆仲等緊個餐。再講食物質素… $198嘅吉列豬扒親子丼，「親子」竟然係茶餐廳煎反蛋，洋蔥都冇條… 啲飯林bet bet， 好似落多咗兩mug水嚟煮…再講服務態度… 等咗成個鐘頭冇嘢食，當然走去投訴下啦，嗰waiter哥哥仔就refer另外一個後生仔，嗰人聲稱話自己係經理，講咗幾聲sorry，我其實都有啲懷疑，不過都算數走人。 點知漏咗嘢返轉頭攞，呢個時候見到個年紀大啲嘅西裝友， 原來呢個先係經理… 咁頭先敷衍我嗰係乜水？我問個經理，佢都反白眼… 又say sorry... 價錢無謂講啦… 豐儉由人，五個人四個，食唔飽，埋單$1,200...

K11 Musea 新開張，去咗湊熱鬧。就算係平日都人山人海，每間餐廳都大排長龍。呢一間日本餐廳吸引左我目光，對住開口係好有格調嘅Bar area ， 音樂同氣氛都有高檔嘅感覺，始終商場新開張人比較多，都等左幾耐先有得入。刺身、壽司🍣、燒物同埋好多清酒嘅選擇。得出餐廳用料質素高，刺身非常新鮮，燒物嘅碟都揀得好靚。叫清酒會比你自己揀清酒杯我哋問經理有啲咩係餐牌無嘅，佢推薦左啱啱運到香港嘅日本口岸蠔。非常新鮮肥美同creamy 傳統日本居酒屋會有嘅燒物都做得非常出色，燒雞翼同南瓜，簡單嘅食材，但係調味火候都控制得非常好👍🏼食咗個鰻魚飯，飯粒粒有口感，配上鰻魚汁同啖啖都滿足感嘅鰻魚，好味。甜品係靜崗蜜瓜，好甜好新鮮！食幾多都覺得唔夠🥺

今天跟太太來食飯，叫了兩份 tasting menu，每份1,188左右，加上酒，再加一，埋單計三千多。但食物水準很一般，海膽壽司外面的紫菜是軟扒扒，明顯是包得太久，壽司飯太黏，中吞拿魚腹居然切到有尾絲，證明切魚生的刀法不合格。我們坐在壽司吧檯，吧檯的目的是讓壽司師父跟客人有溝通，並且能直接把魚生、壽司放到客人面前，供客人快速享用，但實際上壽司師父固然沒有跟客人有溝通，連做好的魚生、壽司也要經過侍應轉送，所以不能怪責為何紫菜不脆。侍應的服務態度還可以，但就常常出錯，在傳送食物的過程，已經有兩次送錯，明明是兩份tasting menu，但就可以兩次都只送一份食物，而另一份就被告之正在準備！而且出菜的logistics很有問題，我們是晚上7:30 落order，但直至晚上8:30，只來了沙律，而8:30-9:00就來了魚生、壽司、天婦羅、和牛鵝肝飯，但直到9:30我們埋單離開，鍋物、湯品、甜點都未上菜。最後我們選擇放棄不再等了。

第一次寫食評就係寫佢啦 行商場經過我見間餐廳幾靚所以就入咗去啦 食咗個六百幾蚊嘅set dinner 同friend一人一set 咁正常係同一個餸有兩碟係咪先 點知佢嚟咗幾次都係得一碟 要我地溫馨提示佢 佢先再比多一set我 仲要等一段時間 最後我哋放棄左一碟壽司同一碟唔知咩冇叫佢比返 因為唔想等 同埋我哋都飽飽地所以就算 佢每上一道菜都要等好耐 真係要非常有耐性 我覺得間餐廳應該要請多啲員工 都唔夠manpower! 同埋waiter唔夠專業 上咗一碟餸問佢係咩 佢要問其他同事先答到我 野色我覺得一般啦 個牛肉鍋有啲似吉野家 之前去海港城食嗰間京都一之傳高質啲

睇完飲食男女，諗住一個人無咩做過海去尖沙咀食個靜靜地嘅晏。 點知一去到，人都幾多， 都要排個靚隊不過算啦～個商場餐廳選擇咁少，唔通上5樓食成千蚊咩…到入座，其實個環境又真係同飲食男女d影片影出黎無落差，堅靚。 仲要俾我坐係對住壽司bar，個師傅仲要幾靚仔 (奸笑)好啦入正題，一黎就叫個精選刺身定食，睇下佢同我最愛嘅X鹽有冇得fight前菜正路野，茶碗蒸送上黎溫度微溫，放入口岩岩好 唔會燙。刺身都有小驚喜，話哂睇menu果陣無相， 腦海中無限ff，以為都係d千兩貨色，點知黎到 嘩左出聲海膽勁勁勁新鮮! 問待應原來係來自北海島嘅。正! 中腩一放入口油香馬上爆出黎，拍得住係新宿律津港個中腩! 心情即刻要level up!牡丹蝦好新鮮就基本啦，赤身雖然無咩油脂但未致於太乾。 其他就正正常常啦～

今天和朋友到新K11 MUSEA 行街，無意中發現了一間日本餐廳，雖然排了半小時但是值得的😁。坐的位子近門口而有個酒吧，好少日本料理有這個格局，值得一提Bartender 好專業👍，裝修都幾有日本風，內部有Sushi Bar, 半私人房。食物方面，寿司出色，炸物有驚喜是將薄薄的炸粉和鳗魚一起炸，外脆內軟👍👍👍！服務方面，可能是新開張，有D慢但可以理解，服務員熱誠和有禮貌，常常看我們有什麼需要！如果100分是滿分，可以有85分!下次會和朋友再來吃飯。

貪佢有得book唔使排隊所以先至揀咗佢兩個人買單差唔多食晏食咗成千蚊唔好以為叫咗好多嘢1. 海膽天婦羅一啲都唔甜 賣相亦唔掂所以我連相都費事影2. 一寸牛脷中規中矩畀佢過關3. 九貫壽司我係唔食wasabi的所以通常落order之前會再三叮囑重新講多次我!唔!食!wasabi!記!住!走wasabi Please結果上到枱 咬咗一啖都知出事若果我係食物敏感的話 我諗都真係多得佢唔少叫佢拿拿林换過但印象其差tbh 九件入面水準平平 冇咩邊件特別出色同食元氣冇乜分別4. 和牛鵝肝丼飯鵝肝size正常叫做煎得唔錯冇話過熟或者過生我就最鍾意食靚牛 但我食唔出係啲咩靚牛 薄切切咁得嗰五六片最出事喺嗰啲飯濕到不得了日本米都可以煮成咁係地獄廚神先至可以做到講真成五舊水一個人 我去尖沙咀啲酒店食日本嘢都食到奉勸一句除非冇得揀否則入嚟預咗中伏

位於尖沙咀最新甲級的商場K11musea，我同女友是個好鍾意食日本餐的人，果日行到咁上下都7點幾左右兩個人都想搵野醫下個肚，本應女朋友選了上層的鐵板，但我地最後選擇了哩間外觀比較時尚吸引到的kaiyo餐廳，佢位於一樓係意大利餐的旁邊應該係同一個集團。一入到去我地坐低5至8分鐘左右先有人俾茶，日本餐嚟講算唔合極，我地仲要系示意一位短頭髮應該系店經理的服務員後才有茶，到看餐牌時最後選了兩個$698的dinner set，感覺上都幾豐富都夠食。先上到個前菜，期待越大失望越大，大約20分鐘先來得個幾片刺身，等佐40分鐘後我地就問服務員我地D除佐上佐個刺身都未有任何野上過，服務員話幫我地追吓個order。好啦再等多陣8點3左右又在問，我地仲未有野到過可以答我要等耐，食法國菜都唔洗等咁耐，🔥都來如果個set要咁耐，我開始都唔為意原來隔離左右枱客，都有啲未到齊都等左好耐。我女朋友示意算啦。最後哩餐由7點等到差不點10點先上齊食完。食品味道上不是太大驚喜，刺身壽司都算新鮮，以哩個價錢，好多大型商場或居酒屋都可以有，但一定唔會再來試。

價錢完全對不起份量和味道叫左油甘魚壽司， 腥味重之後漏單茶漬飯 等左30分鐘都未黎追左3次先慢吞吞黎，果日d人根本唔多蒲燒鰻魚飯既鰻魚不錯，幾肥美，但係味道好差。d飯好似一pat嘢咁，真係好差。慢煮牛小排，一條乾柴你同我話係小排？ 肉真係好柴，味道似加左鹽既美珍香豬肉乾。但環境唔錯，如果你地只係想去裝修好既餐廳而唔care食物味道既話，呢間餐廳ok啦可能新開，都理解d服務員低效率，但真係太低了，感覺唔到係一個好餐廳

三文魚籽壽司就多數都好食的。個wasabi應該係現磨山葵泥，辣而不攻鼻，個人喺日本食過，幾喜歡山葵泥的清香~上菜時間有啲慢，食完個壽司之後等左5個字左右啲飯先上，食完飯個燒雞翼都未到😂兩個丼都有啲失望，個飯唔熱，有啲一Pat pat 太水了，份量對於女仔黎講啱啱好，但男朋友表示太少。豚肉肥瘦剛好，切得都算厚，幾有咬口，個醬汁好好味好香，但都係覺得唔值哩個價。鰻魚就都算不錯，油脂豐富，夠入味，都係衰係個飯度...同埋啲汁集中曬喺中間有啲偏咸個雞翼最後懷疑係漏左單...我地cancel左。男朋友完全唔夠飽😐環境&服務：環境氣氛加返少少分～環境比較暗，好有情調，好乾淨舒服。音樂好chill，西日合壁，黎食Sashimi/Sushi再飲野應該不錯的。仲有個新張優惠價$698 食omakase，哩個都有興趣下次黎試，俾多次機會佢。侍應們個個都好好笑容，好有禮貌。

坐落尖東新地標K11 Musea​ 商場以高中檔次為主流 , 今個下午我選了餐廳Kaiyo的日式料理「壽司定食8款」食材新鮮令人難忘 特別一题的是她的配菜；沙律入口脆脆的那份記憶感，想起來還在腦內和口腔中盤旋住；還有她的烏冬，滑滑的質感讓食客不其然的發出如卡通片主角發出的聲音，很是滿足😋：一間質素和價錢相等的餐廳值得推介。--

It’s a highly overpriced place. We visited k11 musea today and the mall is not fully opened so there are fewer choices for food. We were super hungry so we chose this one as there was no queue compared to the other ones. Then we understand why there was no queue at all. They serve tiny amount of food which can be only called appetizers. The chicken stew was less than a finger long and charge you almost 70 dollars. The cod fish plate is at 200 hkd price with just two small piece of fillet. Okay,