海陽。居酒屋

营业中

休息中

餐廳野食ok，壽司好食，壽司師父有禮貌。壽司賣相幾好，細細件，新鮮既，但款式唔係好多。sake選擇多，價錢中等偏貴。長期無人加茶，樓面service 頗差但經常漏單，差不多每檯都有漏單，唔係廚房無做到，係跟本唔記得幫你落單，好多客人都係發脾氣地走.....包括我

食物好精緻，價錢亦是，但座位狹窄，猶如茶記一般，眼見隔離枱兩pair不相識的情侶，兩位男士膊頭碰膊頭，講野冇私隱，枱面細到放唔落幾碟餸，侍應人手不足，做到有啲忟憎，面口不大好看，叫加茶叫左4次都唔加，直至我想自己去加，有位侍應先肯幫我加。叫個壽喜燒，個煲有生銹，問侍應咩黎？佢話係刮花左，我用紙巾一抹就有鐵銹色，叫佢換一個，佢好悔氣咁話換個啦換個啦！總結好：食物，店內裝修差：地方狹窄，和隔離枱好似茶記咁近，侍應應完唔做，與收費唔成正比收我呢個價錢，唔會再去囉

要數到最近開張的話題商場，非 K11 Musea 莫屬。原址是新世界酒店及新世界中心，重建後成為集商場、辦公樓、六星級酒店及高級服務式住宅的綜合體，其中的商場部份就是 K11 Musea。商場名字是 Muses by the Sea 的縮寫，Muses 原意是希臘神話中一眾啟發文學、藝術、科學知識的靈感女神。顧名思義，商場的設計靈感及營運模式突破傳統，除了將創意、創新及文化藝術融入室內設計，商場內的店舖也有相當大的比率並非常見的連鎖店；至於餐飲方面，絕大部份都是獨立的品牌餐廳。今日第一次參觀這個商場，也揀了一間獨立品牌餐廳「Kaiyō 海陽。居酒屋」。雖然餐廳並非連鎖店，但其實隸屬於 Gaia Group。裝修風格秉承集團旗下其他餐廳，室內裝潢帶有濃厚西餐廳風味，但細微處又滲透出東方風情。對正門口就是一個小酒吧，設計靈感取材自日式洋風威士忌吧；酒櫃上陳列着的絕大部份都是日本威士忌、清酒及燒酌，配合餐廳的日式居酒屋定位。餐枱佈局及設計風格與日式居酒屋的傳統設計完全拉不上任何關係，根本就是一間精緻的高級西餐廳格局，如果不是牆上掛了一幅幅充滿東瀛風情的彩繪板畫作為裝飾品，實在無法與日本料理拉

K11 Musea自開業以來，吸引不少人前往打卡。喺咁靚嘅商場入面，餐廳嘅裝修都唔執輸。好似呢間《海陽。居酒屋 KAIYŌ》咁，打造高級日式居酒屋風格，走高檔路線，用嘅材料都十分上乘。食物種類多，刺身、壽司、伴酒、串燒少不免，另外仲有shabu shabu、烏冬等等。雖然話用料質素高，但價格偏貴，性價比唔算高。以地段嚟講，算係可接受。餐廳店面好大，頭一part係酒吧設計，亦有坐位；中間部份有堂食位置，可以坐吧檯，望住師傅用心製作；後部更有VIP room，方便一群朋友嚟聚餐。不過可能係因為容納咗太多客人，令到廚房同樓面都不敷應付。聽到好多客人追單，而我哋都係其中一檯要追單嘅客人。另外，服務方面實在有待改善。叫侍應幫手加茶，佢叫我等等，等完唔見咗影；問佢某樣材料係咩，佢話問問廚房，然後又冇咗影。另一位侍應問我哋啲嘢食到齊未，我哋話仲有邊幾樣，佢就幫我哋跟。然後又有第二位侍應過嚟問同樣嘅問題，證明大家嘅溝通不足。不完美，可接受，要改善🤗🤗刺身、壽司就好多人講咗啦，我就focus喺熟食方面。（個人覺得刺身嘅價格又唔算貴，好似三文魚刺身咁，$58一碟三片，新鮮肥美油脂四溢，幾抵食👅）日本豚肉涮

K11 MUSEA新開居酒屋呢間居酒屋KAIYŌ，主打高級用餐體驗，選材都好高級，值得一試吉列豬扒稻庭烏冬 $228烏冬好有咬口一啲都唔林。烏冬高質，豬扒唔錯。唯一可以挑剔嘅係豬扒會比較硬身少少火炙三文魚 $28/件睇住壽司師傅好用心咁整，別有一番特別嘅感覺通常食omakase先會有機會同整壽司嘅師傅互動，難得今次可以坐到bar檯望住壽司三文魚炙燒後味道會比較有層次感，有炭燒嘅香味燒黑豚肉白蔥串 $48黑豚肉好厚好有肉汁又唔會好韌，白蔥好香好脆有質感三文魚刺身 $58三文魚十分肥美、新鮮👍，食得出係高質既三文魚🍣唯頭尾較厚，中間較薄赤貝壽司 $38赤貝好爽口，大塊而喺赤貝同壽司飯中間有wasabi，點埋壽司豉油真係好食，就好似爽口嘅赤貝帶有wasabi辣辣地嘅感覺。值得一試北海道帶子壽司 $48期待咗呢個帶子壽司一段時間，因為好奇帶子壽司喺呢度食會唔會有好大分別🤔食完就覺得口感同平時食開嘅會有啲分別，比較鮮味😋，同埋結實有咬口啲，食落去會有啲慢慢化開嘅感覺新鮮得黎覺得佢用心做材料好，唔錯唔錯👍

擺脫了傳統居酒屋的裝潢設計，走高檔路線，摩登雅致，格調高尚。前半部是酒吧設計，後半部份是堂食位置，座位寬敞，坐得舒適。餐牌多元化，沙律、壽司、刺身、天婦羅、丼飯、串燒、涮涮鍋、壽喜燒、雞尾酒等等，款式之豐富，令人目不暇給。味淋雞泡魚干 ($78)入口鮮甜juicy，柔軟中帶點煙韌相當有質感，吃起來甜甜的，甘香可口。燒牛脷 ($68) + 秋葵 ($38)燒牛脷口感細膩，富有彈性又軟嫩多汁，富有嚼勁，非常爽脆，口感十足。秋葵口感清脆柔軟，味道香甜。慢煮牛小排 ($98)香氣十足，牛小排的切面呈現出漂亮的粉紅色，吃起來口感嫩滑軟腍，肉味濃郁。銀鱈魚西京味噌燒 ($268)肉質香滑鮮嫩，入口脂香滿滿，味道咸中帶甜，叫人吃得津津有味。燒日本和牛海膽丼 ($268)和牛口感柔軟，肉味香濃，珍珠米飯沾了醬汁味道帶微甜，非常美味。

香港人鍾意食日式料理，貪佢夠新鮮。今次來到K11新商場當然都要試試這裡唯一一間的居酒屋。餐廳一進內便發現以酒吧設計，放滿了各種形形色色的清酒，甚具氣派。中間則設有吧枱（可欣賞到師傅的刀工)；內裡原來更有優雅的坐位，燈光閃閃，非常舒適，客人可慢慢享用其美食。海陽就像「海洋」般，餐廳提供多樣化的居酒屋美食，如壽司刺身、天婦羅、串燒、丼飯、涮涮鍋等。人流也像海洋般的多，所以要稍稍等候，店員都清楚講解，可能要需要多一點時都間(想食好野，等一會都不怕啦)。雞泡魚干 魚干內裡還保存了其肉汁的鮮甜，煙韌彈牙，口感十足。慢煮牛小排牛小排香味濃郁，用慢煮的方法料理，令其肉質更嫩滑，味道更豐富。牛舌 & 秋葵 串燒不可不提其牛舌，鮮嫩厚身，口感極有彈性，而且咬起來非常爽口，一試難忘。燒和牛海膽丼海膽飽滿新鮮，味道濃厚甘甜；和牛味道濃郁，汁香味濃，丼飯中更滲進了點點的醬汁，酸酸甜甜，令人胃口大開。

之前去開K11 Musea行街，發現開左好多食肆，今日我同另一半揾黎到呢間1樓嘅日式居酒屋🥰餐廳門面好似酒吧，但行到入去又變左好傳統日式居酒屋感覺。環境舒服，坐位寬敞月見雞肉棒燒得好香嘅雞肉加上軟骨，仲有少量洋蔥，感覺已經好正，再配埋日本雞蛋，有炭燒嘅香氣又有滑溜嘅口感，正！燒白鱔白鱔表皮燒得香脆，但內里肉質嫩滑又肥美，啖啖肉🤤🤤🤤燒和牛和牛的肉味好香濃，而且雪花分布油脂分布好漂亮，入口即溶Kaiyo招牌壽司食物主要用一個金色鑵裝住吞拿魚腩蓉、海膽同三文魚子，再加上魚子醬同金箔作點綴。除左食物𥄫晴外，擺盤好精緻😍打卡啱晒👍🏻燒日本和牛海膽丼呢個丼飯晒啱鐘意食海膽又鐘意食和牛嘅我，因為一次過可以滿足左我2個願望。不得不讚餐廳嘅和牛真係好好味，就算煮熟左都清晰睇到和牛嘅雪花紋，未放入口就聞到牛肉嘅香味🤤食落口滑嫩無得彈👍🏻😆😆真心推介比鐘意食和牛嘅朋友，應該黎試下😉

餐廳嘅環境比較昏暗,裝修得好靚,店員都好有禮貌咁點頭打招呼,然後走過來細心介紹下今日嘅飛機貨,有邊幾款海鮮。我叫咗芝麻雞翼同埋吉列廣因為呢兩樣食物本身係我個人嘅最愛，食物一嚟到熱辣辣，擺盤仲好靚，雞翼勁香芝麻味，而且炸得啱啱好，入邊仲好有肉汁，吉列炸蠔就大大隻，好juicy呀。好想食多幾隻！好欣賞呢既炸物，唔會好厚粉醬，仲好脆。跟住叫壽喜燒雖然價值＄398，但真心物超所值，佢雖然只得3塊肉，但其實三塊都係大大塊，而且一睇個牛嘅花紋就知靚野，油脂分布得平均，食落口唔會覺得好油膩，建議煮八秒，肉味香濃,未去到入口即溶，壽喜燒汁加蛋漿令到成件事好滑，唔需要任何調味都好好食，不過如果有跟返飯食其實會更好，因為好味到連啲汁都想撈飯食。最後我哋叫咗個鵝肝和牛飯，個鵝肝煎得啱啱好，非常香口又唔會好油，又有啲甜味，撈落飯嗰度係一流，至於啲和牛我估係煎既，七成熟，仲睇到花紋，都幾多塊，食落口有半溶感覺，我比85分！飯就吾洗講一定係珍珠米，正，下次會試海膽和牛飯。

身為foodie點可以唔去尖沙咀新開嘅商場朝下聖呀！餐廳約7點已經好多人排緊隊，質素應該有返咁上下！火炙壽司系列幾值得推介！雖然壽司偏細件，價錢略貴，不過食落真係淡淡油香同炙燒過嘅味道，油脂豐富，好正！重點推介左口魚邊，食落有少少咬口，未至於未咬就融哂，魚油味好香！雞軟骨小食，加埋少少檸檬汁，送酒一流！細細粒份量都幾多。串燒整體都唔錯，仲encore左牛舌添！另外燒白鱔唔係到到有，呢度燒得焦焦地，好香，面頭好脆添呀！天婦羅盛合，有齊大蝦、茄子、南瓜、番薯等，超級熱辣辣，粉漿唔洗講一定係好薄！大蝦好彈牙！加埋蘿蔔蓉醬汁，話咁快就食哂lu！

K11 Musea 開幕後，唔少嘅食肆進駐咗，都要用上一段日子先可以食哂咁多間。今日我就去咗「KAIYO Beyond Izakaya 」依間日式餐廳食晚飯。店面俾人一種高貴典雅嘅感覺，服務員態度和藹親切。食品選擇多元化，壽司、刺身、小食、燒物、炸物、串燒、天婦羅、壽喜燒、拉麵、烏冬、丼飯，各式各樣，應有盡有。飲品方面亦都係咁多元化，啤酒、烈酒、燒酌、以至無酒精飲料都一應俱全。燒白鱔：一串三件。白鱔燒得好香口，燒好嘅白鱔口感QQ。月見雞肉棒：看似一條台灣腸嘅雞肉棒。內裡係雞肉，雞軟骨同洋蔥。本身已經好香口好味，再點埋生蛋漿，非常之好味道。慢煮小牛排：入口可以感覺到塊小牛排嘅油脂分布，肉香油香鮮明。小牛排先慢煮再把面頭煎香，肉質鮮嫩，外脆內嫩。依道菜嘅好食，價錢又合理，真係誠意推介大家呀。Kaiyo壽司：點餐/菜式最好玩嘅地方，就係唔知道菜會係咩嚟。依個Kaiyo壽司確實係好有驚喜，吞拿魚蓉、海膽同三文魚籽，連同調咗味嘅壽司飯，好精緻咁放喺一個魚子醬盒裡面，面頭仲有魚子醬同金簿做裝飾，賣相精美到唔捨得食呀。依道菜叫做Kaiyo壽司，因為附上了紫菜，俾你包住嚟食。吞拿魚蓉、海膽同三文魚籽好

同朋友慶祝生日🎂，就選了係K11 Musea 裡面既呢間居酒屋，加上開左咁耐都未黎過，可以順便逛一下😍🌟吉列豬扒蛋丼 $198🌟落單既時候，侍應姐姐好細心提醒了我們，不是滑蛋豬扒，係一塊半生熟既煎蛋舖係豬扒下面，呢個整法幾特別，個人都比較喜歡蛋同豬蛋分開既食法；而且呢個豬扒蛋丼既份量都好滿足，兩個人份量剛剛好🤤🤤🤤🌟海膽壽司 $68🌟唔好睇外表平平無奇，個海膽係入口即溶，好新鮮😍仲有記得盡快食，唔係紫菜淋左，口感就無左脆卜卜既感覺😅😅🌟燒白鱔 $78🌟第一次見燒物有燒白鱔，就點黎試下，估唔到燒既白膳又幾好味👍🏻😋好香脆可口，唔會有討厭既魚腥味道🙈🌟和牛壽喜燒 $398🌟最後一道係今晚既重頭氣，呢個係我地一坐低見到menu有，就不約而同話想食，佢係首先煎左啲配菜，再落壽喜燒既醬汁，最後先再放和牛滾熟；和牛大大片的，入口肉質軟腍，係食緊日本和牛既感覺，正😋😋

最近生日,有好多朋友都請我呢個壽星食生日飯🤗今日好友就帶我黎K11 Musea既日本居酒屋慶祝。K11 Musea開左咁耐，都係第一次黎呢度食飯。入到去就覺得氣派不凡😯整體以黑色作主調，金色紅色為點綴，給人非常高級既感覺😻睇睇餐牌，都係高級既價錢，希望味道都是同樣高級啦🤔🤔 和牛壽喜燒$398首先將蔬菜籃的洋蔥、大蔥、娃娃菜、皇帝菜、雜菇、豆腐等放落鍋中，待湯底滾起後就可以放入和牛片。和牛有三塊，雖然不算很多，但食落都極滿足。和牛本身油脂非常均勻，入口即融😆加上蛋漿，令到口感更加順滑，超級好食😫蔬菜吸收了壽喜燒甜甜的湯底後都非常好食，完全唔需要加調料 海膽$68我同好友都喜愛海膽，就各點了一件試下。這個海膽沒有藥水味，creamy中帶有少少甜，不錯。 燒白鱔$78我認為好食的燒鱔必須肉質要夠肥美新鮮，而且不可有骨，這串燒鱔達到了我的要求。😋燒過的白鱔將魚油逼出，非常香口，而且白鱔本身肉質非常結實，咬落啖啖肉😙 吉列豬扒蛋丼$198炸到金黃的豬扒上淋了醬汁，不過食落都仍然酥脆🤤豬扒肉質不錯，不會覺得乾。甜甜的醬汁加上煎蛋，配飯真是一流。 今餐飯無論是味道、環境、服務都是一流的，這個價錢絕

那天是週未的晚上，在入座前在外面輪候了大約半個小時，剛開始輪候時外面輪候的客人超多，但入座時只剩一枱客人在輪候，最後大約8時30分就入座了。當晚小編與友人共2人坐在有3位師傅在工作的壽司吧檯的座位，吧檯下面有鉤可掛袋子。裡面的客人滿滿，裝潢高級又型格，燈光偏暗，氣氛不錯。先點2杯朝日生啤酒-Asahi Super Dry($88/full pint)，然後看看菜單，有散點的食物外還有2個套餐，一個是Chef’s Special Menu($698/per person)和另一個是Premium Set Menu($1188/per person)，我們就要了一個前者，另外再散點。這個Chef’s Special Menu($698/per person)有沙律、刺身、揚物、蒸物、煮物、壽司和甘味，共7款，平均約$100/款。沙律是蟹籽沙律，蟹籽的份量十足，非常爽脆，而沙律是青瓜絲，亦都新鮮。刺身是2片的油甘魚刺身，上面有些少辣椒，這個組合不錯，只是油甘魚不夠肥美，質感帶點乾。可能是它被放置了很久的關係吧！？因為當時附近的壽司吧枱上有3道菜式預備好了一段時間都還未有侍應來送出，小編看著它