海陽。居酒屋

营业中

休息中

Came here around 2pm on a Sat and there was not much queue. Perhaps a wait of 15 mins? Not sure if the short wait had to do with the covid situation in HK. So we decided that we ought to order more grilled food/side dishes since it's an Izakyaki restaurant.The chicken meatball tasted ok. Contained soft bone for a better texture. I quite like the egg yolk because it was seasoned nicely. Not just plain yolk.Wavyu beef also tasted okay. Mmm. Yeap, that's it.This tempura dish was interesting as it'

其實Annie睇中左K11 Musea哩間居酒屋好耐，一直都好想去試下，近日多左1萬蚊就去豪一次啦😻 居酒屋門面已經俾人一種神秘又高貴既感覺，內裡燈光較暗，俾人一種好relax既感覺🤗 居酒屋俾人一種好日風既感覺，前中後三種不同的設計，前面先有一個酒吧，內堂中間以紅色為主色調，配以通花設計既窗花🔴 而最深處是以紗簾隱約遮蔽的包廂，整個感覺如置身日本中，像去了一趟東瀛遊✈·Menu內款式甚多，花多繚亂，真係不禁令人選擇左一陣子~·▪上壽司盛(九件)  HKD$328由🐟吞拿魚、三文魚、油甘魚、赤蝦、帆立貝、三文魚籽等組成，件件🍣新鮮且味道甘甜，當中特別鍾愛油脂甘香既吞拿魚，肥厚鮮甜既帆立貝及粒粒分明既三文魚籽😋完全係味覺同視覺既雙重享受！·▪碎蔥吞拿魚腩卷  HKD$118份量十足既吞拿魚蓉滿佈卷物表面，貪心既我當然要一口一啖，一整件吃下令人相當滿足😍 特別用上魚腩部分令整個口感更加香膩，個人十分喜歡呢💓·▪日本海膽壽司  HKD$118細小一件已經足以令人難忘一整天😻 滑嘟嘟既海膽鮮甜度100分，好滿足呀！·▪燒牛脷海蝦卷  HKD$128將薄切既牛脷燒至微脆作為外層，中間包住啖啖肉既

半年前去過K11 Musea，行左個圈，個商場又黑又多人樓底又矮音樂又嘈，心諗唔會再黎呢個商場。不過疫情下，見周圍都無乜人，係閒日試吓黎食個lunch，又有新既感覺，舒適好多！間餐廳好闊落，一入去侍應都好有禮貌咁帶位我就嗌左一份豬手御膳，真係名副其實嘅一個御膳，整體份量十足，每樣配菜都有心製作。前菜既沙律菜非常新鮮食落每塊葉都好juicy，而個蒸蛋入面配料十足，食落滾熱辣的，不過入面有少少氣泡未到最滑的口感。麵豉湯同合桃魚仔都不過不失御膳嘅主菜見到都有d興奮，因為份量真係有啲大。魚生有兩塊厚切嘅三文魚同埋兩隻生蝦，2樣都鮮甜肥美。仲有一嚿蛋。另外天婦羅有大大隻嘅炸蝦秋葵同冬菇，全部都炸得好出色，個麵粉皮與食物相當貼服，唔會一咬就甩曬啲皮出嚟。豬手既醃料口味雖然我覺得一般，但口感相當好，入口即溶的感覺，一試難忘！最後仲有燒豬肉片，食落香口，唔會太肥膩嘅感覺。小插曲，廚房煮錯咗第二個御膳畀我，不過都好快上返一個啱嘅畀我。

Oceanic Vibes at K11 Musea💕 Kaiyo Dish🥢..知道嗎。。K11 Musea 真等是我最喜愛既商場之一❤️ 食既、買既、逛既、藝術既 通通都可以係呢度搵到，真係集消閒娛樂於一身既好去處。呢日行到攰，正好到左lunch 時間，見到一間型格居酒屋🏮，真係好想試試。.一間高級日本料理店，彷如置身於日本享用一個下午盛宴。既摩登又時尚有格調，來細味一下精緻日本菜吧。 .海陽。原來在日文意指「海洋」🌊，寓意指餐廳海納百川，提供多樣化既居酒屋美食，單單一個lunch🍽 都已經有：壽司刺身、天婦羅、丼飯、涮涮鍋，選擇真係多多呢。正好醫飽我👻，滿足我個小小肚皮啊。.ll $288Premium Japanese Wagyu Don with Sea Urchin丼飯 Donburi Set Lunch🍴，定食都附上沙律、前菜、茶碗蒸及味噌湯。Set lunch included Salad, Appetizer, Japaense Steamed Egg and Miso Soup.日本和牛🐮 確係嫩滑，加上海膽💛 同吃，更顯矜貴滋味。呢碗丼飯🍚 確係唔簡單，而且套餐跟

黎到k11musea 富有格調的KAIYO行中價路線 不過lunchmenu都幾抵食頂級燒和牛鵝肝丼定食($268)有成八片和牛 肉質粉嫩燒得好香 油脂分佈平均鵝肝唔算大件 但煎香後油脂十分香口海膽三文魚籽丼定食($298)刺身蓋滿日本米 份量多又新鮮 對得住價錢午市套餐包前菜 沙律 茶碗蒸 麵豉湯另外加左$68追加吉烈廣島蠔(5隻)炸得金黃香脆 呢個價錢超抵🤤玉子燒($68) 一咬落去蛋汁爆出黎熟度剛好 好嫩滑有質感🍳碎葱呑拿魚腩卷($118) 一客六件呑拿魚腩蓉堆積如山 相當澎湃整體係不論環境同食物水準高的日本料理🎌

慶祝朋友生日，諗住食set （$888 +10%/位）會係餐廳精選，結果中伏漬物當前菜😑天富羅：蝦－無味、粉漿硬；粟米芯－平價野，無味；青椒仔－一般野菜烏冬－甜甜怪怪似茶記雪絲米🤢蒸蛋－甜甜麵豉湯－淡淡的水幸好散叫了兩客北海道海膽（$238+10%/客）。另外set menu 既海鮮刺身正正常甜品兩粒莓＋cream puff 超Hea之選總括而言和食全部伏到唔伏忠告大家，叫凍唔好叫熱，叫散唔好叫set

閒日諗住食個靚午餐，一時心血來朝，想食雲海，但竟然full booking。報復式消費真厲害。咁就Openrice search下附近K11 musea有乜日本餐廳。以為呢間幾高分就試下。環境同相一樣確係幾高級。奈何服務不成比例。十二點前去到，餐廳知道無訂位，話只可以「俾」張枱但要一點前埋單。坐低之後，嗌完嘢，先嚟前菜、沙律、燉蛋同麵豉湯。不甚了了。三百幾蚊嗌咗個和牛便當。待應响我未食完上邊啲嘢嘅時候就雙手各拎一個餐埋嚟，大叫「便當呀」。似乎係想我幫佢清張枱等佢放個餐落枱。當時我食緊燉蛋無手，佢求其放個餐埋枱一邊，再「砰砰」聲响咁我面前其求疊埋啲沙律前菜碟同蒸燉個蓋收走。講到食物，跟餐嘅刺身係相入面見到只有三文魚同甜蝦，天婦羅隻蝦係無味嘅。燒和牛唔嫌太熟嘅尚算合格。無甜品、無飲品。惟一係埋單嘅男經理最有禮貌，都有聲多謝。其餘人等都係無乜笑容。加埋一成四百蚊。同一價錢，尖沙咀大把選擇，無下次。

K11 musea內新開既日式居酒屋 食物都好多元化！由刺身 串燒到鍋物都有岩哂唔想諗食咩既人——————————————.🔶Kaiyo卷 $368 (💡8.5/10)完全係衝著呢個卷而黎😝 因為實在太吸睛🤓面頭有滿滿既toro蓉 仲有海膽 魚籽 同大量三文魚子而且仲有金箔係面頭 夠哂奢華🤑味道層次十分豐富 亦夠鮮味用料充足 2個人食完都幾飽😂——————————————.🔶上刺身盛(5點) $298 (💡5/10)剌身鮮味不足 而且唔夠肥美😕最好食既係帶子 大大粒又夠鮮甜⭕——————————————.🔶月見雞肉棒 $58 (💡7.5/10)雞肉棒混合埋雞軟骨食落幾有口感月見汁蛋香味濃👍🏻——————————————.🔶美國和牛花膠涮涮鍋 $398 (💡7/10)美國和牛都好肥美同軟滑😆湯鍋內有幾粒花膠煮完出黎個湯又幾清甜同埋蔬菜食都唔錯﹗餐廳都坐得幾舒服仲有bar枱 坐係師傅面前下次有機會可以試吓

今晚嚟同細妹慶祝生日專登嚟新商場試新嘢～1. 海鮮日式茶碗蒸蛋都滑，入面有一粒菇一粒蝦，好似仲有一粒蜆，全部都超細粒2. 玉子燒好甜，但原來係凍嘅我地鍾意食熱嘅玉子燒多啲3. 上壽司盛（九件）正正常常4. 牛油果軟殼蟹卷都係正正常常，唔錯5. 燒牛脷幾好味，易咬的6. 月見雞肉棒雞肉麻麻地，我地都覺得好咸7. Kaiyoの卷唔錯，好多料，有三文魚籽、海膽、吞拿魚同玉子8. 季節天婦羅盛都炸得ok，蝦頭炸得好脆9. 北海道十勝豚肉丼豚肉咸咗少少但係配飯食都好味而且都多豚肉～少少肥，可以接受我地帶咗蛋糕嚟切，切餅費$250總括嚟講呢間餐廳係正正常常，唔會有咩特別嘢喺新k11裡面嚟講價錢唔算好貴，值唔值就見仁見智

今日男朋友帶我到尖沙咀預祝生日，知道我好耐無去過旅行，所以帶我來這間高質日本料理居酒屋，可以回味一下在日本的美食這間Kaiyo店名在日文意思是《海洋》，餐廳提供了多樣化的居酒屋美食，如壽司刺身、天婦羅、丼飯、涮涮鍋等。而餐廳亦選用世界各地的優質食材。🦀🦞所以選擇好樣化，燒烤也是必點的重點環境以黑色為主，擺了好多不同種類的酒類，設計風格好日式好有型，就連餐具也是別出心裁的；在大廳可以見到3位大師傅的功架，料理時的專注及刀工的厲害，每碟食物如同藝術品似的服務員的態度及服務也是一級的，細心專業，為我們添加清香消膩的玄米茶，又細心介紹推薦菜色，上菜更是有先後次序，好貼心又友善有禮的招待，好滿意每款美食都想品嚐！1. 小食：炸京都絹豆腐擺設好吸引，分開有醬汁及木魚絲，炸豆腐上更有日本甜美蘿蔔蓉及京蔥絲中和油膩，豆腐一點也不油，外脆卜卜內面滑溜軟腍的口感，點上醬汁及木魚絲更香2. Kaiyo 招牌壽司喜歡品嚐每間餐廳的招牌菜式，雖然我們不太好魚生，但這個有驚喜又靚到不得了的壽司，真的如我特別的生日蛋糕，一個圓盒放著新鮮香軟拖羅蓉及鮮甜美味的海膽，再加上大大粒精緻的魚籽及蝦籽，上面更有高貴的金箔！真

難得生日想食餐好西賀下佢去到叫左2個set lunch再追加左小吃勁期待海膽同和牛加鵝肝點知一食個海膽 嘩！超級腥加臭 未試過食海膽食到臭味 呢個初體驗真係唔想再回味😵個set lunch 成$400 但超市d貨仔仲好過佢和牛偏咸加un 似食緊牛舌多啲炸蠔係微溫 鵝肝同平價buffet差唔多杯茶凍既 飲晒勁耐都冇人加茶 樓面語氣粗莽 似茶道伙記成餐飯唯一好食既就係個set既前菜呀～成個生日就係俾呢餐飯摧毁左🙄絕對唔會再想食多次

生日飯加上太耐冇一齊食飯，梗係要搵間新野試下。今次試Kaiyo, 之前食過佢旁邊同集團的西餐廳，覺得好食，所以今次輪到試下佢啦。雖然叫居酒屋，不過佢係新派多啲，感覺同一般的傳統日本居酒屋有點不一樣，不用選擇係夠多既，壽司刺身、天婦羅、串燒、丼飯、壽喜燒、涮涮鍋等；而樣樣個樣都整得好靚。今次我地冇叫餐，叫左我最愛的蒸蛋、刺生、當日推薦的生蠔、招牌壽司卷、季節天婦羅盛同蟹飯等。刺生，樣樣都好新鮮，鮮甜，不過我地三個人，每樣都係兩塊，有啲難分，好在我地各有啲食有啲唔食，一個唔食魚，一個唔食蝦，一個唔食殼類，大家各有各食~ 岩岩好招牌壽司卷，見到枱枱都有叫，同埋佢真係好靚，咁叫得招牌，一定要試下啦。好味，推介。佢滿滿的三文魚子令人好滿足。金薄加海膽真係好靚，海鮮真係新鮮最好食。蒸蛋、天婦羅、生蠔都好味，不過好味在後頭，正當覺得唔太飽足之際，個蟹到左… 呢個真係好味，我朋友食到好開心，蟹肉、蟹膏及蟹子加埋冇得頂，食完再添，呢個令人好有日本食好野既感覺，好好味! 食完呢個飯真係飽上心口。食到好野真係好開心，大家好快就想Encore 再食添。

K11 Musea餐廳林立，這晚上就試了位於一樓的居酒屋疫情其間的平日晚上也全場爆滿，幸好一星期前已訂坐甫進店內即感受到全日本的風情，簡約舒適還可選擇坐在吧檯，親眼見證師傅精湛的廚藝與刀工餐廳的酒藏豐富，提供多款精選日本米酒，包括原酒、清酒、純米大吟嚷等，也有以米酒創作多款日式雞尾酒特上壽司盛有吞拿魚腩、海膽、三文魚籽、牡丹蝦、赤貝、海鰻、油甘魚等，可一次過嚐盡十二款手握壽司和牛壽喜燒有專人即席烹製湯底，並將蔬菜籃的洋蔥、大蔥、娃娃菜、皇帝菜、雜菇、豆腐等放落鍋，充滿娛樂性壽喜燒用上特色調味湯，和牛配上蛋汁香甜軟嫩

連日暴雨，去中環太山長水遠啦，唯有改k11 食，多人就腳嘛～雖然臨時book 但好彩都重有位，但就要位近門口位置，佢設計比較特別，係有兩邊嘅餐枱，包住中間嘅壽司吧，又係一個人多嘅好日子，特登叫哂唔同嘅餐，影俾你地睇㗎！抵錫呢？不過都係因為個個都話食三色丼，冇理由嗌四個啫？家下碟頭飯咩！叫唔同share 啦！橫掂都係生冷野姐～我地另外重加咗兩個小食，龍蝦沙律同餃子，龍蝦沙律好特別，做到好似一個蝦滑，再加上大量蟹子，夾住紫菜食，成啖都係肉，好正！餃子係炸嘅！熱辣辣，好食，但冇咩特別刺身定食，應該日日唔同，佢有中拖羅，吞拿魚，帶子，甜蝦，鰹魚同油甘魚因為share 我冇件件食，搶到拖羅，帶子同鰹魚，都好新鮮，肥美！精選刺身有喜知次（我搶唔到），拖羅，吞拿魚，牡丹蝦，我才疏學淺，唔知最前果舊淺白色嘅魚肉係咩！但我食到！好爽實彈牙！好食呀！丼～全部都係丼～～我唔係想講到自己食好多野咁，但我覺得我香港起碼一半嘅丼飯我都食過，由我超迷戀，到依家我見到內心已毫無波欄....可能我對佢已經去到樽頸位，唔知點先可以有新衝擊但係係好食嘅，新鮮嘅，其實價錢間間都set 差唔多，通常三百幾不過地方新，服務真係幾

最近幾個月轉換了跟食材有關的工作，因此還要去接觸一些開餐廳的老闆及廚師師傅，跟他們取取經，探索一下對飲食業的事物及看法。在尖沙咀的K11Musea裡有一家日式餐廳 - Kaiyō，這是我人生其中一次的「豪華江湖飯局」。這裏的裝潢十分豪華，色調是以黑色為主調，音樂都是播放一些日文的輕快歌曲，其中不乏City-pop為常規的音樂，令你身處尖沙咀，但有身處東京的感覺。這裏的刺身款式很多，當中不缺乏一些名貴的食材，難得來到這裏當然要試一試他們的拿手好菜！金目鯛 - 新鮮空運到港刺身拼盤 - 十分豪華的一個拼盤，而且用了都是新鮮日本空運直送香港，因此顯得份外鮮美，拖羅吃下去更有入口即溶的感覺！Kaiyō 之卷 - 這裏的招牌菜，光看外表已經覺得十分美味！牛油果軟殼蟹卷 - 熱氣跟健康兩個mindset相互掙札！