海記合桃坊甜品 (已結業)

知道始創廣場對面，有一間叫海記的甜品店。但每次行經這條街，想吃甜品的話，雙腳自然會行到×順。今天，原本也打算到×順吃甜品，但是找不到。向前行，見到海記甜品，Honey說不如試下啦。Honey 喜歡吃桑寄生蛋茶。除了出名的西環源記外，試過其他所謂有名的甜品店的桑寄生蛋茶，都一般。今天，看到隔籬桌一位太太正吃桑寄生蛋茶 ，看樣子不錯，蛋浸得透。所以，我們叫一個試試。果然不錯！藥材味不太濃，桑寄生茶也不太甜，但是，蓮子很鬆化，大大粒，蓮子已被煮甜了，很好味。鷄蛋，也被浸得透，但又不會煮得過｢老｣。而我因為想吃燉鮮奶所以才到×順。來到海記，也一於叫燉鮮奶。這個大良燉牛奶，不太甜，蛋奶味很濃！很滑！好好味！找不到原本要找的甜品店，發現另一間：價錢更平、服務更好、地方更舒適乾淨的甜品店，簡直柳暗花明又一村！

心血來潮想食甜品見到個個都推介大熱紫薯就揀左呢間熱門海記甜品我同朋友大約夜晚9點去到 見到都幾多人等位不過等左15分鐘度就有位啦原本想食紫薯豆腐花, 但係佢話賣曬就試唔到之我叫左個紫薯西米露個紫薯波有紫薯肉 令人驚喜 芋圓味道亦不錯我同朋友仲一齊叫左個芒果腸粉share黎食一人一條份量岩岩好椰汁皮略嫌有D厚 芒果唔酸 不錯想食紫薯可以一試 價錢又唔貴 味道又好 

之前已經食過一次外賣既紫薯冰😍已經覺得超級好食👍🏻難得泥到太子 決定要再食多次！紫薯蓉芋圓配香芋雪樂冰 $34紫薯蓉芋圓豆腐花 $28紫薯蓉芋圓西米露 $28紫薯蓉仍然好食👍🏻 有好香紫薯味 芋圓都有好多😋最可惜係 西米露吾夠凍 要食一啖香芋冰先夠凍😖豆腐花 我地嗌左凍既 不過都吾太凍😕呢3個相對下 冰係最好食😍香芋雪樂冰 > 西米露 > 豆腐花除左紫薯 亦都嗌左個芒果小丸子雪樂冰 $39可能吾係當造 芒果完全吾甜除左小丸子 佢仲有啲西米露同西柚粒西米露 食落去係爽口同硬硬地 有啲奇怪😂我覺得落左啲西柚落去就有啲似楊枝金露😌芒果小丸子雪樂冰 吾係咁好食😖

個球紫薯😍😍😍暖暖地好足料🍠好彩唔會好甜👍🏻啲芋圓、地瓜圓同紫薯圓？個味都出出地👌🏼幾like個口感係偏硬身🤓🤓夠哂煙韌😝至於個香芋雪樂冰就係大家所講咁😅😅雀巢雪糕既香芋味，我就一般般😕😕不過啲冰係幾綿密👍🏻Ok既但無咩意慾番兜🙃當了左個心願就算啦🤗🤗我個人係唔試唔會心息😇

飯後想享受甜品，這天十分寒冷，當然要去吃暖人的中式糖水。想起一間早已想去的糖水店，就是海記合桃坊。這次去了位於太子的分店，坐下後不久點了著名的沙沙合桃糊與芒果腸粉。合桃糊很快就來了，看到面上鋪滿了合桃碎就令我非常期待，吃下去香濃的糊味與合桃碎互相交映，令人非常滿足，在寒冷的天氣中為人注入熱暖。遲來的則是較有特色的芒果腸粉，看上去很像腸粉，吃下去卻完全不同，酸酸甜甜的芒果配上淡淡甜味的椰汁皮竟毫無違和感，雖然本人對微酸的芒果不太感冒，但同行女伴卻讚不絕口。埋單合共65元，也不算貴，特別是中式糖水的合桃糊只需27元，非常抵吃，反而是芒果腸粉38元有點貴，不過整體而言也是物有所值，值得再來的甜品店。

旺角食完飯順道過黎食紫著甜品😍，一去到就有坐位唔洗等，我地叫左三款紫薯同一款芒果甜品。當中最推介既係 紫薯蓉芋圓配香芋雪樂冰，雖然個紫薯配埋雪樂冰個甜度岩岩好，而且又夠凍，薯蓉同冰既配搭再加埋芋圓口感非常豐富。另外一款 紫薯蓉芋圓西米露，呢個比起雪樂冰冇咁甜，唔鐘意食太甜既人可以簡呢個，但係我覺得唔夠凍，如果可以凍d會更正。最後一個紫薯類既就係 紫薯蓉芋圓豆腐花，呢個配搭係三個入面最差既，豆腐花叫左凍，但係唔夠凍，食落去每一樣野既味都夾唔埋，好似分開食咁，同埋一d甜味都冇，真係唔得！除左紫薯仲叫左款芒果小九子雪落冰，因為有個朋友唔食紫薯。呢個我食左一啖😂原本以為入面個d透明一粒粒係西米，但係食落去係爽爽地，個感覺幾得意。我都係比佢個紫薯系列吸引到過黎，如果有埋紫薯雪糕就好啦。

突然間大家都好鍾意食芋圓，咁同朋友喺旺角食完飯就去到太子呢間糖水舖做試下，一去到已經見到有好多人排隊，我哋拎咗飛之後會大約等左20分鐘就有位。我哋都係揀咗最多人食個款，我覺得有少少偏甜，那呢個組合的確係幾新鮮

食飽晚飯在旺角街頭閒逛，由於想食些東西潤一潤，於是想搵港式糖水試下。想起太子有港式糖水店，於是便來了海記。已經差不多9時，但店內人客仍然不少，我們坐下慢慢細閱餐牌，最後柑太點了川貝紅棗燉雪梨，而我點了桑寄生紅棗蓮子茶。川貝紅棗燉雪梨($28)很足料，清楚看到有大大片雪梨在內，而且香氣四溢，糖水內亦找到有川貝在其中，喝罷立時覺得整個人，由其是喉嚨都暖起來。桑寄生紅棗蓮子茶($22)煮得非常之香，入口溫暖清純，沒有太大的藥味，而蓮子大大粒又已去芯，咬落很甜，而他們煮的時候加了一些但味道不濃，所以變得很易入喉。

同朋友食完晚飯傾完計就去左搵糖水食，朋友講開話想食芋圓就想上左openrice到搵到呢間好似好多人都讚好，於是就去左呢間。好多人等，等左差唔多20分鐘。然後放低左1個menu比我地4個人睇...隔一陣放多左個menu，不過呢個menu勁污糟，啲糖水漬成個menu都係。有朋友見佢好似合桃係主打咁，就嗌左個沙沙合桃糊，的而且確呢個已經係最好味。大良燉鮮奶就麻麻地，食落無乜味，只有好淡既奶味，就好似食緊個無味既熱果凍。芋圓我第一次，朋友話應該係好食過小丸子，不過我就覺得小丸子好食啲。芋圓太實，所以唔係幾好味。呢個係我嗌既，最貴都係最差。首先個賣相唔得，好少見說樂冰個賣相會咁差，一pat野咁。然後上面果兩塊餅好似擺咗好一段時間咁，唔脆嘅，有少少硬。綠茶冰叫做OK嘅，唔會話特別好食但係都唔叫做難食。本身以為紅豆實無伏喇，但係啲紅豆係硬，一啲都唔腍。最好味係小丸子，夠煙韌。

早前紫薯甜品大熱, 人人談論, 西洋菜南街一街有兩間海記甜品, 認真要試試佢既紫著之作當晚約9時多, 店鋪已經坐滿, 可惜店鋪人手不足, 店員非常繁忙, 唯有自行找位置, 紫薯系列有6款選擇, 部分都是平常吃到的糖水加紫薯蓉及芋圓, 有的可選擇熱食. 要試當然試一個特別的香芋雪冰樂, 名字夠晒冰凍, 質感有點似雪糕, 味道偏淡, 但夾雜着香芋粒, 幾特別, 芋圓顏色鮮艷, 賣相加分, 紫薯圓/紅薯圓及芋圓份量加起來約有二十粒, 口感不算太煙韌, 三款之中紅薯圓味道最特出.至於主角紫薯蓉, 一球新鮮紫薯蓉淡淡番薯香, 其實不一定要混上甜品一起吃成碗食完是會很飽, 唯一美中不足的是此款甜品較乾身, 有糖水濕濕口,應該會更好

我地為左食紫薯芋圓，由油行去太子，等左20分鐘終於入座。叫左招牌合桃胡，都幾香，但好甜，而且唔太熱，好一般；我地叫左木瓜燉雪耳，太甜了；芋圓唔煙韌，雖然個雪糕薯味好濃，但食落口感好怪

今日咁啱經過😍終於食到最愛既芋圓😍😍餐牌都🈚️睇就揀左呢個紫薯芋圓涼粉😋😋😋賣相相當唔錯呀😍😍😍成碗滿👍🏻👍🏻足料呀..係撈既過程中唔小心跌左兩舊😕😕食落口好正呀，唔會太甜啦，啱啱好，陪合涼粉口感好配👍🏻👍🏻中間仲有呢舊我最愛既紫薯蓉😍😍不得了，真係好正，芋圓既 口感同台灣食既一樣👍🏻👍🏻👍🏻朋友就食呢個，唔會太甜，味道啱啱好呀👍🏻👍🏻100分呀，我會再去世😍😋

其實海記已經係12月底食，但一直都的唔起心肝寫幾隻字，唔知咩原因，可能見到有9成人都話正，我有一絲懷疑係咪我唔識貨…話說當日同朋友喺大角咀食完晚飯，想食個甜品，所以幾條友行番去太子嗰邊打算試下海記，11:30pm去到門口見到19幾人喺度排隊。哇我心諗，以前未搬鋪，經過見到眼尾都唔會望一眼，自從有紫薯乜乜系列，又多左人介紹，晚晚排到傻仔。算啦，鬼叫我想試下咩，人地食左9年我都未食過…最後等左20分鐘，我地四個人就唔會坐得好逼。咁我一心黎食紫薯乜乜就唔洗諗，點左兩個紫薯，兩個中式野。紫薯蓉芋圓配香芋雪樂冰 $34椰沐紫薯蓉芋圓涼粉 $30一上枱已經好心急，影相先！影左幾張，我心諗：唔對路喎，少咁啲野？！呢碗係朋友嘅雪樂冰：呢碗係我嘅涼粉：兩碗都冇紫薯蓉！呀姐你偷食左？即時問呀姐A，「係咪爭我啲野？」「我地舊紫薯蓉呢？」呀姐扮A哂野向廚房呀姐B問，之後唱雙簧般，「哦！冇哂！俾多左幾粒紫薯蓉你啦」哇，多__謝喎。落完單咁長時間，發現冇紫薯蓉係咪都有責任要同個客講聲？極唔滿意！見到之前嘅食評都有人遇過相同情況！即係慣性手法啦！到上枱一刻，諗住唔聲唔聲就咁擺低？到客人問起，仲咁理直氣壯話係冇哂？仲

較早前才結業的鯛魚燒雪糕店，現在已變成小籠包店，當中以湯包和幾款小籠包作主打。眼見店內有多個大蒸籠，讓人下單後就食到熱辣辣的食物。點了一個招牌的蟹黃湯包，好大個而且內裡裝了滿滿的湯，所以要先用飲管飲去部分的湯。頭幾啖的湯是超燙口的，所以要小心，味道則帶鮮味類似平常飲到的花膠湯，而且也帶點膠質。飲完湯後，只剩下薄薄的湯包外皮和少量蟹黃和蟹肉，雖然同樣帶出蟹的鮮味，但食完整過湯包後，感覺像只食了一陣風一樣，價錢也有點貴喔。

冬天係紫薯狂熱, 當然要去海記朝聖一下.晚上6點幾到, 入座率都有8成滿, 可見其過人之處.甜品都幾多選擇, 價錢唔算貴, 好多都係$30以下.首先叫咗糖水], 養顏潤肺.木瓜有3小舊, 雪耳都有2大塊, 份量算足, 但糖水過甜, 雪耳唔夠淋, 整體麻麻.另一款就要, 色彩繽紛.豆腐花好滑, 豆香味濃, 唔會俾其他食材蓋過.芋圓除咗有芋頭味, 仲有地瓜和紫薯.口感彈牙, 味道係芋圓最出, 紫薯圓反而冇咩味.主角:紫薯球冇令人失望, 真材實料, 食到紫薯肉.但佢的顏色實在太紫, 好似加咗色素.最後, 雖然佢冇加黃糖, 但其他材料已經有甜, 所以完全夠味.其實份量都幾多, 一個女仔食完一碗, 覺得飽.