海記合桃坊甜品 (已結業)

核桃糊沙沙，一貫的美味，小小一碗已經滿足。週日深夜12點多，驅車從港島跑來吃久違的核桃糊，仍然是人頭湧湧座無虛席，可見非一般的吸引力。大愛核桃糊，這家有品質保證，糖水最重要是真材實料，甜度適中。這家的沙沙核桃糊，在普通版本核桃糊基礎上，加上了香脆核桃碎碎，更加增加口感。 當然，不喜歡''沙沙''滿嘴碎香核桃的，也有普通大路版的核桃糊。由於太貪心，走的時候還外面核桃糊+芝麻糊... -_- ... 沒試過的食客，推薦一試這家的沙沙核桃糊。

紫薯蓉芋圓配香芋雪樂冰 ($34)海記呢排咁hit💥我都唔執輸💪🏻自動捲入呢個紫薯熱潮😁一上枱個顏色好吸睛👀大碗又多料😝最上面個紫薯蓉唔係講笑，完全係食緊成個紫薯咁款😂好濃紫薯味👅而且口感好厚實👍🏻紫薯發燒友包保中意!不過個人唔係特別中意食紫薯😂反而被下面既香芋冰吸引左😻個香芋冰味道exactly係雀巢芋頭雪糕隻味~不過係沙冰的口感，又幾好味啵😋而芋圓就有三隻口味咁多，兩隻係我地平時食開既地瓜同芋頭味💁🏻而另外一隻係深紫色既係紫薯味，好特別😳d芋圓口感好q彈👄而且都幾入味，好中意😍 $34咁大碗都幾抵，可以當正餐食😂蜂巢薑汁二重奏 ($40)另外叫左呢個，又係想試好耐😆薑汁燉奶🍼+薑味雪糕🍦+蜂巢🐝既配搭，未食已經覺將會好夾😎燉奶既薑味濃郁👅又唔會重到食唔到，而雪糕既薑味就淡過燉奶~兩個夾埋一齊食辣辣地都真係幾正👍🏻連埋蜂巢一齊食，令薑味更出❤️配合得唔錯😁

今日天氣突然轉冷，最arm就係食d暖野暖暖胃，同同事食完晚飯，又想繼續吹水就去食糖水。我地一去到就已經有人龍，我地見咁多人排都去湊下熱鬧，咪執輸睇下有咩咁吸引。等左大概10分鐘就已經安排入坐，入到去睇下餐牌，其實都有好多選擇，中西各樣都有，不過由於天氣凍，想養生暖胃最後我地都係揀左d中式既糖水，我地揀左佢menu入面推介既合桃糊同秋冬先有既腰果糊。先講個合桃糊，要嗌沙沙合桃糊先會有埋d合桃粒係上面架，不過後加加$3都可以既。味道唔錯，又唔會太甜，入口好香滑，而個糊既濃度適中唔會太稠又唔會太稀，而上面既合桃粒就增加左個糊既味道同口感😋😋😋😋正呀至於個腰果糊，平時既糖水鋪都少有呢個糖水，因為工序繁複，所以，呢度有得嗌，梗係要一試啦。味道其實唔錯，不過我覺得呢個糊佢煮得比合桃糊稀左dd，如果可以調番個濃度，應會好好多，另外，如果可以加埋d腰果粒係面就仲好。

天氣終於清涼了！下班後經過決定入去食番碗熱騰騰的糖水！沙沙合桃糊 - 合桃味重，質感幼滑不稠！容易入口！面層灑上合桃粒，合桃粒形狀不一，大顆小顆均俱全。不過食落富有口感，質地脆卜卜～

紫薯蓉芋圓豆腐花 $28食個甜品真開心💜💜以前 次次經過呢間都冇諗過入去食😂但而家出左紫薯系列就唔同講法啦😎真係多左好多人 夜晚係要等位既😂紫薯蓉 豆腐花 芋圓3樣我都愛😍加埋一齊 正呀正呀重點係以28蚊來說 又食得我飽 又有紫薯食 又靚冇咩可以挑剔😌我會encore😌😌

食完晚飯係屋企附近散步當然要食返個糖水啦突然之間好想食榴槤所以就點左個榴槤龍眼雪樂冰甜品係上邊有一舊榴槤肉下邊係榴槤雪糕跟住就係一啲西米同埋龍眼肉榴槤肉質地比較乾身下面嘅雪糕味道略嫌比較淡龍眼肉係浸過糖水嘅味道稍為會偏甜成個甜品食落去都OK嘅唯獨缺少咗榴槤本身嘅香氣呢個就有少少失望啦

聽朋友講 呢間糖水鋪幾好食於是襯得閒就黎試下下午黎食 好彩無乜人而且 價格都幾抵我地叫左兩碗紫霞仙子 30$芋圓香芋雪樂冰豆腐花25$紫霞仙子裡面有黑糯米 芋圓 仲有雪米糍我叫呢個 係因為我諗到周星馳既西遊記呢個糖水 我好鐘意 我覺得有雪米糍好特別而且 好有美觀！而芋圓香芋雪樂冰豆腐花 非常足料真係有香芋 而且芋圓大大粒好抵食值得讚既係 食物好快就黎到！

之前已經見好多人介紹過海記既紫薯芋圓經開太子又咁岩有海記緊係食埋先番歸啦紫薯系列太多款式睇到我都選擇困難症😂最後都朋友決定食最簡單既西米露🙈•紫薯蓉芋圓西米露 $28•一上枱已經聞到勁香芋頭味🤥食落口好煙靭有咬口😋而且唔會太有粉軟既感覺紫薯蓉食得出真材實料,唔會話有人工甜味😛而西米都煮得岩岩好,彈牙而且唔腍身✌🏻可能平時食開甜野,就覺得成碗糖水唔太甜總括黎講都算抵食🙈

夜晚同朋友去到外面已大排長龍好不容易入到去坐低諗好食咩舉手店員又長期唔理你！一叫 乜都無！！！豆腐花無！西米無！渣渣又無！最離譜係佢做緊promotion但紫薯泥又無！一間糖水舖黃全時段可以乜都無咁我駛乜食你！黎到仲要落錯左單！最後叫左個芋圓紅豆同雪耳杏仁露芋圓好假、似係麵粉加油搓成粒、雪耳得幾塊仲要好明顯漂到白晒好劣質嗰啲！杏仁露明顯係開水稀過乜……以後就算佢齊料都唔想再黎食完心情仲差左！！！

8.30紫薯賣晒，無豆腐花，又無紅豆沙。無左舊紫薯蓉，但係佢照賣原價，又話俾多幾粒芋圓補償返賣晒的紫薯蓉。見隔離枱姐姐問。咁少嘰？俾多左架啦？最後又係咁少。態度又差，我知你地忙。但唔洗黑面加未問完就行左去嘰。最後揀無可揀要左合桃糊。味道有點假。其實佢係原粒合桃打岀來，點解碗野可以少少少少渣都無。無下次了。。。。。。

奶油包係一個抹茶控咁係辛苦工作後同朋友食完飯奶油包朋友提議食甜品所以我地就去左幫襯『海記合桃坊甜品』一去到就見到好多人等左一陣位就有得入去坐係幾十樣既甜品入面奶油包就揀中左抹茶紅豆雪樂冰唔講其他野...只係個賣相都已經好吸引抹茶雪糕同下面既抹茶條都好夠味中間既紅豆雪樂冰唔會太甜而且入口即溶旁邊既紅豆粒就甜左少少但就可以好好咁中和抹茶既苦味如果唔係好鍾意食抹茶既人都唔會覺得呢個甜品太苦奶油包推介度90

去完花園街行完就黎食個甜品先經過見到網上紅爆既紫薯芋圓 我2樣都咁鐘意一定要入黎啦等左幾分鐘就有位紫薯蓉芋圓涼粉冇估到咁大碗芋圓粒粒都圓碌碌好cute!紫薯蓉冇花冇假, 好香濃 好滑, 甜味天然下次再食佢個西米露先

一星期前考完試,滿懷歡喜買最喜愛的紫薯芋圓糖水回家品嚐，打開才知受騙了。本是“紫薯芋圓紅豆沙”和紫薯芋圓西米露,變成了“蓮子紅豆沙”和紫薯芋圓西米露T_T T_T T_T T_T 當時俾錢,當然是2個紫薯芋圓系列價啦~╯﹏╰ 此店紫薯確是真材實料,糖水甜味適中。故此一星期後再到店內光顧。未夠6pm確是無咁多人,唔駛等位,位任坐。今次仍然叫了紫薯芋圓系列之紫薯芋圓豆腐花和燉蛋。可惜,估不到此店製作流程竟是“遲嚟先上岸”,眼望遲嚟遲叫的客人所叫的甜品紛紛奉上。我們想追問,但又剛好送嚟紫薯芋圓豆腐花,所以先食。但燉蛋仍需等,但等了又等,本應是熱騰騰的燉蛋,送上嚟只屬和暖〒_〒 。難怪的,只是6時許,不算是人流尖峰時段,店內只有1位樓面,廚房也只有1位,做樓面的又要暨顧收銀,執枱,送食物,寫單。廚房又見有乜單做乜單,完全沒理會先後次序任意發揮。故此上次買外賣,走時沒留意有無俾錯嘢而蝕錢咪只有自己受囉，足足蝕咗10蚊耶(>﹏<)

咁啱經過見到很多人o係出便等 又咁啱想食甜品就念住試 (其實唔嗮等很耐) 叫左紫薯芋圓西米露同紫薯芋圓豆腐花 (很快野就送到) 嘩～～～太好食了😍 就很啱我口味 甜而不膩😝To sum it up - an unexpected surprise, a must try, and a returning customer!!!

芋圓紫薯泥冇得輸！這個價錢吃到這個水平，簡直就是香港精神，小店的創意一流芋圓很難做得好，海記的芋圓不甜而且Q度剛好，個人覺得可以改善的地方就是凍甜品方面不夠凍，芋頭冰吃得多有點膩，不過是可以接受的