海記合桃坊甜品 (已結業)

同朋友喺旺角食完個 early dinner，時間尚早，去咗搵糖水食～一直有幫襯開海記土瓜灣店，對佢嘅糖水絕對有信心又好睇，又好食～我同朋友都俾呢個紫薯芋圓系列吸引住，大家都點咗紫薯蓉芋圓配西米露！可惜冇得揀熱食...不出所料，個糖水100分，芋圓好QQ，紫薯蓉同椰奶超夾，大家各自散發佢獨特嘅香味，出奇地個糖水唔會好凍（仲要暖暖地嘅添），難怪成間店有一半人都有點呢個紫薯芋圓系列嘅糖水！我已經想再食喇！

［紫薯芋圓組合出色，但質素keep唔住］最怕啲餐廳一出名就質素變差，食過三次，水準keep唔到。第一次食，豆腐花賣晒，食左芋泥，好好味，芋圓陣彈牙。第二次食，開始多人排隊，豆腐花都係賣晒，又係食芋泥，質素開始下降。第三次食，等好耐位，終於食到豆腐花！但豆腐花熱，紫薯就凍，芋圓就暖，成件事好怪！連出色嘅芋圓都變左林pet pet🙁好失望！加上姐姐好似想趕你走咁，我排半個鐘至9個字但食10分鐘就要走，個感覺麻麻。佢好味而且愈黎愈紅都好鄧佢開心，大家都可以食好野嘛！但質素如果keep唔住終有一日都會唔再受歡迎！希望對上兩次都係咁啱唔好彩啦！我會再比機會佢嘅！

真係伏伏地呀喂........呢間既合桃糊係出名既，但既然近期紫薯大熱，就等我就諗住試試呢個紫薯系列先！紫薯芋圓向來都無得輸，仲可以配搭豆腐花，西米露，蕃薯糖水同涼粉底，我地就分別叫左蕃薯糖水同西米露，紫薯味唔係想像中濃，已經係失望左！芋圓就粒粒都無味，係得個西米露叫好少少，蕃薯糖水又淡同d蕃薯生到呢......究竟係佢煮唔熟定還是舊蕃薯未成熟呢...一百個費解！妖，可一不可再，下次叫番合桃糊算數

今日經過太子記得有人講這裡的紫薯不錯，最後我地食完飯就去試，8點鐘左右已經全爆了，好彩仲有2個位……我地一人叫一個甜品最後合共$74都叫抵食同都幾大份下。紫薯蓉芋圓 配 香芋 雪樂冰 $34…紫薯蓉堅喎，啖啖香濃紫薯，芋圓都大粒又有口感，反而香芋雪樂冰就一般啦，但入面有原粒香芋粒，整體不錯但幾飽肚下。抹茶紅豆雪樂冰…紅味雪樂冰味偏淡但堅食到紅豆碎，抹茶雪糕好普通冇特別，紅豆蓉食落都叫綿不錯，小丸子份量都多但有奶味有點怪怪地。最後係其實待應都幾急好似趕人走咁，就差左dd...

We tried the coconut sago with sweet potato and taro ball dessert (sorry sounds long to say) Nevertheless, it tasted great, the ball were a little warm (not sure if they are like that always) and the coconut sago was creamy and cooler. The sweet potato helped balance the sweetness, which I found amazing since its my first time trying sweet potato in dessert.

冬天又係大熱紫薯出沒既時候，企喺門口等位期間已被紫薯系列吸引住。我就揀選了紫薯蓉芋圓配香芋雪樂冰，好足料！芋圓好多，紫薯蓉都好RICH朱古力布甸。感覺好“動L“。味道似係維記朱古力奶。口感係幼滑嘅！幼滑過例湯 👍🏻

我地叫左紫薯芋圓西米露，紫薯芋圓涼粉同另一個唔記得咩名嘅金柚西米露。首先一黎到，賣相係幾靚嘅，呢度嘅芋圓唔係好似台灣嗰啲咁圓柱體，而係一粒粒好似波子咁嘅，幾得意。不過碗野就完全唔夠凍，係暖暖地咁，西米露都好啲，但涼粉係暖嘅就。。。。好奇怪。。。。 如果夠凍嘅話會好食啲整體黎講算普通啦 我都係見fb咁多介紹所以黎試下 應該唔會再特登黎食

夜晚喺旺角食完飯，都會煩惱喺邊度食糖水。之前帶過台灣朋友去海記（佢住太子附近），覺得幾所以今次索性行到去太子，順便當做運動消化一下。去到店外好多人不過有部份係外賣，所以都唔係等咗好耐姐。大家都俾紫薯甜品所吸引，我就話最好食都係佢地個沙沙核桃糊～我朋友第一次食，揀咗個芋圓芋泥豆腐花（我都唔記得係咩lu XD）。沙沙核桃糊面頭鋪咗核桃碎勁香～平時食核桃糊總係覺得杰撻撻，痴住喉嚨，但加咗核桃碎之後感覺好似好咗？！Anyway總之我接受到啦！如果平時食核桃糊都有呢個感覺嘅朋友不妨試下～

幾個同事大聲恥要食客紫薯西米加煉奶淡奶，人地鐘意加關你咩事，然後一班人在㕑房大聲笑啲客，當啲客聽唔到！同埋碗紫薯好難食！冇老闆理架咩？服務性行業，仲要開連鎖店添！

紫薯、芋圓近期真係大熱，連海記都加左呢款甜品，賣相仲幾吸引！雖然款式唔多，但都可以滿足紫薯迷嘅需求！紫薯蓉芋圓配香芋雪樂冰 $32大大球嘅紫薯蓉，面頭仲加左少許糖水，味道真得黎有點假，芋圓幾Q彈，份量都幾多，香芋冰味道幾香，而且冰入面帶有香芋粒，配合埋紫薯一起食，味道更佳！紫薯蓉芋圓西米露 $24圖片果然只供參考，實物出到黎有點唔似圖片😂雖然入面嘅配料係一樣，但圖片果張靚好多。幸好味道唔算差，椰汁味都算有，唔好太甜，不過不失。

紫薯蓉芋圓香芋雪樂冰芋圓+地瓜圓+紫薯圓+紫薯泥+芋頭冰呢個甜品集我所愛於一身，唔試點得呀！------------------------------芋圓+地瓜圓+紫薯圓甜品上枱的時候，呢幾種圓仍然係溫熱的，喺啲芋頭冰上面仲冒緊煙。父親大人嫌佢地唔夠煙韌，同個形狀太圓 xd，唔係平時見開的圓柱狀… 但我覺得都ok喎，因為我平時都幾鍾意質感軟糯的小丸子類甜品，唔當佢係台灣嗰啲芋圓地瓜圓咁食咪得囉。有隱隱的芋頭地瓜紫薯味，不過要好認真咁先感受到…紫薯泥好濃好大球紫薯，食完好飽。芋頭冰大愛呢種芋頭味，係雪糕糯米滋嗰種味！同埋夠甜，我鍾意！

紫薯甜品的熱潮仍未減退，看到網上介紹『海記』有一系列紫薯芋圓的甜品，於是決定來試試！舖面不大，而且座位頗擠迫，可能因為位處旺區，下午5點左右來到也近乎滿座。小女子主要為了紫薯而來，所以看到整張紫薯餐牌立刻雙眼發亮！最後好不容易才選定要什麼。賣相跟餐牌一樣非常吸引！大大舊紫薯蓉，加上彈牙芋圓和香滑豆腐花，每一啖都帶來多種味道和口感，果然沒令人失望呢，紫薯迷絕不可錯過啊～蓮子份量頗多, 蛋也很入味，雖然比不上正宗中式糖水舖，但以這個價錢來說已很抵食！------------------------------By alvahana

同朋友食完dinner，跟住點少得去食糖水，跟住就隨便去左附近海記甜品食糖水！芒果腸粉，實物同menu真係一樣，賣相好靚椰汁皮卷包住大大條既芒果肉再加汁芒果醬汁，裡面既芒果都好甜，外層椰汁又夠晒味，唔會淡，幾好味！芒果豆腐花，又大碗又多芒果，仲要芒果夠甜，豆腐花底好滑嘟嘟，唔錯！川貝麥冬燉雪梨，熱辣辣暖泣泣，少少甜岩岩好，飲落好滋潤喉嚨乾既朋友！養顏蓮子燉鮮奶，蓮子好夠淋，燉鮮奶又滑好香！椰皇燉鮮奶，原隻椰重燉鮮奶好香椰皇味，燉奶一樣好滑漏，食落陣陣椰皇味好好味！

近期呢個紫薯真係日日開IG 都會見到人食賣相 顏色相當吸引但遲遲都未有時間去試今日朋友無啦啦黎搵我食飯...之後提意買返個海記外賣搵個地方食..我地就就買左紫薯芋圓涼粉及一個紫薯芋圓豆花老實紫薯無紫薯味... 又無甜味.. 無驚喜芋圓感覺... 腍左小小.. 如果有返d口感會更好豆花都滑既.. 食到有豆味之前係咁多地方見到咁多人推..期望大左...但$28 食碗糖水黎講... 又不是唔好食既...所以試下又無妨.. 

近來熱賣的紫薯甜品和香港人至愛之一的台灣芋圓 @海記合桃坊(甜品專家)* * * * * * * * * * 旺角一年365日都超級多人，想找個地方坐坐真的不易呀! 連鎖咖啡店是最佳歇腳地，可惜也一位難求，有時總會想到海記合桃坊碰碰運氣，間中總有幸運的時間，喜歡這兒的甜品有中式西式，有冷有熱，亦有很多具創意的，就像近來大熱的紫薯和香港人至愛的台灣芋圓亦被入饌製造各款甜品，若以每星期吃一款甜品，相信吃一整年才可以試勻所有啊! 💙紫薯蓉芋圓豆腐花 HK$28 近來大熱的紫薯、紫薯圓、紅薯圓和芋圓已經迷倒不少甜品迷，紫薯隔去根和纖維壓成泥，入口即化，保留原有紫薯清甜香氣，配合店中主打豆腐花，滑溜溜，含淡淡黃豆幽香，與Q彈的紫薯圓、紅薯圓、芋圓齊吃，感覺有點格格不入，好處是可一次過滿足吃不同甜品的願望。 紫薯芋圓紅豆沙HK$28💚同樣是紫薯圓、紅薯圓、芋圓作膽，質感煙韌，散發出番薯和芋頭的天然味道，不會一味的只得大粒和Q彈；煲得綿滑的紅豆沙，質地濃稠，蓮子鬆化，下的料頗足，甜度恰好，冬天來碗熱騰騰的糖水，滿足口慾之餘，吃後全身暖和。 * * * * * * * * * * 鮮果和芒果