海老名沾麵

营业中

休息中

喺日本嘅麵食之中：烏冬、蕎麥面、拉麵/沾麵...... 我最鍾意就係食拉麵/沾麵🍜喺香港，日本嘅拉麵或者沾麵店開到成行成市，有連鎖店式（標榜着日本人氣No.1）又或者只此一家（標榜秘製湯底之類），無論佢係邊一種，只要係我未試過嘅，我都會去試試看😋位於長沙灣嘅「海老名沾麵」，門面一啲都唔起眼，但打開布簾就會聞到好濃郁嘅蝦味🤩因為佢呢度係主打蝦湯底嘅沾麵！好多係出邊嘅拉麵/沾麵店，湯底一般都會係豚骨湯底（可能有時會係魚介）不過蝦湯底真係好少見，而且聞都聞到佢咁濃郁，食咗我好濃味添！果然係堅啊！👍🏽新正頭。食過蝦湯底拉麵。就日日都開心到笑哈哈啦！哈哈😅

今日起身本身想同老公去食米線, 去到見到一間門面細細不過好似有點格調的餐廳所以就去試一試.門外寫到3:00 我地見到都只係2:10所以就照入去. 入到去有一個似老闆既男仕就接單不過其他的員工都好似好唔想做咁, 又bear...又表示不滿咁. 唉... 都係想食餐lunch姐... 由於係望住佢煮所以我都冇咁驚.店舖細細, 有10個位左右. 佢地準備既野都有日本人的細心, 可以俾你買番屋企都可以食到店舖的效果. 個廣告都吸引嫁, 我同老公都諗如果好味都可以買番去自己整下Menu 的選擇唔係好多既, 不過全部都係同蝦有關. 等左10分鐘左右麵就已經放在我地坐位既前面, 呢個蝦沾麵係有Ｄ超出左我既expectation. 料係多既, 麵都係好彈牙不過真係太過oily r!! 不過叫左都要試一試, 食落去由於麵汁夠油所以一沾就已經可以掛左好多汁上麵. 間店有一份細心, 每一碗麵都有一Ｄ小小既配料去襯番個麵. 用左蝦的殼炸脆同埋紫菜, 加左後令到成碗麵增添左唔小色彩. 再加上一點櫻花蝦香醋令到件事即刻冇咁油同埋多番一陣清新.

這家店可以說是隱世好店，符合日本名店選址的標準，它位於長沙灣和深水埗地鐵站之間，無論從哪邊都要走8分鐘，門口還沒有招牌。但即使這樣，工作日的晚上7:30，還是要等10分鐘。一入座便奉上小食，因為太餓，我一口解決，店員會否嚇到，但他馬上又拿了一份給我。麵很快就好了，看著這健康的顏色，彷彿看到一塊金色的麥田隨風飄舞，好有食欲呀。湯也非常香，上去撒上誘人的櫻花蝦。這裡補充下，一進店就問到濃濃的蝦味，其實這家的蝦湯沾麵味道很棒，但我這次吃的原味。豚肉有薄薄的兩片，豬味濃郁，但我一向對豬無感，這次也要浪費啦。味玉，記得一定要從湯裡拿出來吃，是日本蛋做的，非常流心，如果蛋漿混合到湯裡會影響味道。吃到一半，可以考慮加入櫻花蝦醋或者wasabi lemon sauce，湯會變得有點酸酸的，很清新，讓人更有胃口。最後的最後，雖然已經非常飽了，但還是忍不住加湯，完成整個儀式。因為替玉是單獨收費的，就算大胃王，也可考慮先order普通份量。就在麥當勞旁邊，如果沒找到不要自責，因為我第一次也沒找到。。。

要說得出好味嘅沾麵，我自己覺得一啲都唔容易，突然口痕想食日本嘢，拉左朋友過黎食沾麵。鋪頭唔大，門面塊布上隻蝦先估到係度。鋪頭唔大，座位少，有啲逼。佢得三款海老沾麵，所有配料都算，除非你想另外加。呢個係海老味噌，汁係夠濃，不過唔夠厚。配料好似多咗啲，麵唔係好放到入去。麵質還可以，不過淨啲嚼口，略為暖，唔係熱。掛湯還好，不過始終唔可以掛哂。可惜嘅係叉燒，浸哂係個湯度，都食唔出佢火炙味。呢個係醬油，湯比較清啲，我自己覺得好啲。整體係好食嘅，不如個湯可以多啲，水係冰水會似番啲。

海老名位於神奈川縣，竟然會係美居中心隔離搵到一間名為海老名既拉麵店，細細間，入面係地道拉麵店格局，大約坐到8 個人。呢度主要食沾麵，點左個蝦味噌沾麵同蝦醬油沾麵。一開始會俾份紫菜同炸脆脆，同面分開，令佢唔會淋。味噌：非常香既蝦味，入面有櫻花蝦，即係d 蝦仔乾咁，幾塊差燒、荀同溏沁蛋，湯底本身已經好濃郁，加上差燒經過炙燒，夾埋一齊又香又濃！ 正評主要原因係個溏心蛋，佢唔係平時普遍食到個種半熟蛋，而係真係溏心，真係清甜，唔膩，食多粒都得！麵就係粗身拉麵，其實唔係咁鍾意粗麵，如果有得揀粗幼度就更好。醬油：同上別主要分別係個湯底，醬油多左種咸香，無味噌咁濃，其他大致差唔多。環境：小店環境就一定迫d，可能預左同隔離撞住食，一定唔係舒舒服服坐低慢慢食既類型。價錢： 唔加一 大約都係 80 蚊一位 都唔錯值得一提係d 水杯有異味，本來想唔想正評因為d 杯真係有陣縮味。。。 希望佢下次有改善。

深水埗區一帶，見識少的我以前淨係識西九龍中心入便間隱世沾麵，可惜幾年前食個水準，到今日真係差好遠，所以冇再去啦海老名沾麵我就想試，除左久仰大名，仲有天時凍嘛有咩爽得過食返個熱麵。加上我份人比較重口味，沾麵d湯越濃我越愛。店面係吧枱設計，6點半左右到已經半滿，坐多陣出便已經開始有人等位，睇黎今次冇伏啦識食兼第一次到訪一定係由醬油味開始落手(利申吹水) 但個蝦湯真係好好好好香！未沾麵已經忍唔住係咁飲，因為入口好強蝦嘅鮮甜味，79$真係令人眼前一亮！味玉我怕比湯浸熟左，但絕對冇問題係流心嘅麵質同粗幼係近似周月果種，亦都係我喜愛果種豪爽的粗麵。因為趁熱食，差不多最後我先記起佢隨麵附上d いか天呢個當點綴下食幾得意嘅湯真心太正，怕肥嘅我都忍唔住加清湯飲哂佢，果晚真係飽暖滿足幾時再有機會再去食呢~~~~

開左一段時間，好多朋友食完都話好食，今日終於的起心肝走黎食，幸好岩岩好7點黎到，唔算人多，仲有一個位俾我食叫左個最普通的蝦汁醬油沾麵，再追加100g麵同叉燒，當追加先知其實本身所有配料都有，不過都想再加叉燒等一陣麵就黎到，仲有隔外的炸波仔散落去，首先食一啖，好香的蝦鮮味，而且仲會食到醬油的甜味，真係幾唔錯，而叉燒長期見到有人係你面前即場燒，視覺都感覺再夠哂火喉依期做更廣島蠔沾麵，其實都好想試，為有下一次先再試

因為住係附近，所以當日一開門就來到，成為第一對的客人。鋪面好細，門口唔起眼，係橫街麥當勞隔離，差d就miss佐佢😂😂坐低order完好快就有得食啦！☺️蠔好新鮮，好鮮甜，麵煮得岩岩好。但另一個沾麵個湯實在太油同鹹，佢有推薦食完沾麵後加湯飲，但我真係無勇氣嘗試，覺得自己好似飲緊油咁男朋友就好喜歡，我就還好啦，哈哈

夜晚大概7:30去食，已經冇之前就長長嘅人龍。前面只有一台等緊，所以排左大概10分鐘就入得去喇！Menu好簡單，只賣三款沾麵。1）醬油 （較淡）2）味噌（濃味）3）蕃茄（帶點酸）麵只有180g 女生可能會夠食 男生就可能要加麵喇最後我點左味噌湯，但其實佢個湯底主要係用蝦淆出黎，所以一入鋪頭已經聞到好香好香嘅蝦味！呢個湯底真係較濃味，食到一半會覺得有少許油膩。台上放有芥末檸檬汁同櫻花蝦醋，加入湯後的確有幫助，冇咁膩！真係有心思！叉燒其實好薄好薄⋯⋯唔太特出而溏心蛋就好失敗，因為個蛋黃一啲都唔溏心，完全係生蛋黃雖然未至於最最最好食嘅沾麵，但整體黎講都係好食！店員亦好有禮貌！會再試

突然好想食沾麵，上網搵下附近有無得食，就搵到呢間出名蝦湯既小店，地鐵行幾分鐘就到，好容易搵，整間店只有十個座位左右，好彩早到有位，點完菜就要出面排隊了。紙上有三種蝦湯沾面選擇，醬油$79、味噌$89，蕃茄$99最後揀左蝦湯醬油沾面，點菜後幾分鐘就有得食，有一碗蝦湯、一碗面同一小籃紫菜加脆粒，侍應提醒脆粒可加落湯吸收湯汁再食，湯裡面有兩片肉、一隻流心蛋，面質本來有點硬，但放面條落湯一會等佢吸收蝦湯既鮮味，面質軟身番就剛剛好，整體好配合好好味😋最後侍應問要加清湯落蝦湯度飲嗎本來開始凍既蝦湯加左熱清湯後，變得無咁濃同咸，就更適合直接享用作結了😋

直至昨日，小弟一路認為，這裡的沾麵堪稱屬全港最佳頭三位之內....但到了今天之後，自己就不會再那般想了....剛好正午開店時到達，過往門外有的小人龍已消失得無影無蹤。心裡已有不祥之感....走進店，鼻子嗅到了一咲蝦熬出來的鮮香。此時心就定了下來....不求花巧，只單純點了個最簡單的蝦汁醬油沾麵，其他什麼也不加....先睇那碗沾湯，面頭浮著一層厚油。說實在，十分嚇人....最弊的是厚油底下的沾湯竟不見得熱燙。既是這樣，湯要那般多油幹嘛 ?呷一口湯，那蝦味不錯是仍然健在，但味道呢 ? 卻是淡如水....用湯匙一撈，湯內確是找到有不少的蝦皮....但至於應有的鮮與甜呢 ? 那便欠奉了....除湯外，就只有兩根筍及三小片薄如紙的五花肉片。肉是軟淰的但卻沒有什麼嚼勁，味亦是淡淡的尤如白烚出來....至於那溏心蛋，嚴格上只是半流心。很普通....而麵條呢，整體上算可以，硬度適中不太淰。但師傅仔們在晾乾麵條這步驟卻做得超"乸西"，使得麵條上桌時仍是濕的，影響了麵應有的咬口....越食越不對路。正想嗱嗱臨食完離開這個傷心地之際，侍應提醒我要加湯.....唉，湯本身已淡如水，若再加所謂的湯上去，後果不堪

海老名是西九龍隠家的姊妹店，店面同樣隱閉，不過只要看到人龍便一定會找到。甫踏入門口，濃郁惹味的蝦香便撲鼻而至，每次來到都先要接受這嗅覺的洗禮，再餓著肚子等食物。這裡提供三款蝦湯沾麵，一款海膽沾麵，我四款都嚐過一遍，這次點的是最合我口味的蝦汁醬油沾麵。 每人都有一小碟的脆脆作為餐前小食，亦可以留待一會放進湯裡。調味的有wasabi檸檬，七味粉及櫻花蝦醋，最適合我這愛酸之人。湯底濃厚，本身微辣，加入wasabi檸檬及櫻花蝦醋後更為開胃。麵身粗幼剛好，冷冷的特別爽身，美中不足的是湯底很快變冷，加上我調味下得比較多，如果轉用石鍋就完美。叉燒必吃，店員將厚厚的叉燒的表面烘熱至微燶，邪惡的脂肪在口中爆化，一試難忘。溏心蛋水平中上，食完沾麵再加魚湯，為這美味的晚餐作結。極度推介給蝦控，湯底十分足料，我一定也會再訪第六次。

去到這一間店舖的門口，已經感覺到日本拉麵老店嘅風味，雖然門面沒有華麗的裝修，店內沒有豪華嘅佈置，但係呢一度嘅沾麵絕對能令你一再回味!去到店內嘅佈置已經好細心，有掛鉤可以俾你掛衫同埋掛背包，都好似日本啲拉麵小店咁樣樣唔使你攬住個背包食嘢！第一次食沾麵嘅朋友都唔使擔心，佢有一張說明書清楚寫咗點樣去享用沾麵，正宗嘅沾麵最後個湯底都可以飲埋嘅，食完面之後店員會好細心過嚟幫你加清湯，連湯都可以飲埋一啲都唔浪費小編同朋友一齊去，我朋友叫咗個番茄味沾麵，我就叫咗個味增沾麵。試完之後小編推介味增沾麵，湯底夠濃;而蕃茄沾麵我都覺得係唔夠夾，湯底冇咁濃一般。而沾麵入面嘅配料都好好食，個蛋係非常流心嘅，入邊嘅叉燒有兩塊，叉燒煮熟左之後會燒佢所以食落去係幾香口

個人對拉麵或者沾麵都冇太特別嘅熱愛，所以平時唔係朋友揀我都唔會主動去食。但今次約返個好耐冇見嘅朋友，佢話想食沾麵，咁我都願意奉陪嘅～問我沾麵有邊間好食，我都真係唔識答你，因為實在食過太少。佢一下就推介左呢間蝦沾麵，我第一次聽蝦沾麵呢樣野覺得幾新奇，咁就去試下啦～間舖超級細間，堂食位置大約得10個左右，而個日係平日，佢都幾多仍然有唔少客人，我同朋友7點去就岩岩好，真係黎遲少少都要排隊。坐嘅位置唔算迫，但重點係放完個袋就會頂住隻腳不過香港真係寸金尺土，都難怪嘅。講返個野食，呢度嘅主題非常明確，就係蝦沾麵，然後有3款湯可以選擇。朋友之前食過，佢話覺得3種都好食，為左安全起見，我決定揀醬油湯沾麵好快就黎啦～個湯聞落已經有好香嘅蝦味有少許油，不過沾麵就係咁。小嘗一啖湯，真係好香蝦味，完全唔係只係得個名，而湯都唔會好鹹，比起之前食過嘅沾麵嘅湯比嘅鹹度真係低好多，唔會要係咁飲水麵底嘅軟硬度適中，唔會太硬，配埋落個湯度口感不錯。不過我對拉麵都係一般般，就唔多評論啦～我最欣賞就係個糖心蛋之前我食過嘅拉麵或者沾麵都係得半隻糖心蛋，呢度有慷慨嘅一隻其實每次我食拉麵最鐘意就係糖心蛋甜甜地，蛋黃半熟又香，好味好

用"有麝自然香"來形容這家小店非常貼切，一家沒有招牌、門面底調、行過數次才發現的日式沾麵餐廳，和友人約晚上8點左右到達，在門外等了一會才能進入。餐廳不大，同時間只能容納約10個位客人，店內裝修跟在日本吃的拉麵小店差不多，面向廚房看到師傅們煮麵，牆上都寫著煮麵的大概時間，因為看到師傅們的制服才知道這家店的真正名子桌上有教大家吃沾麵的食法我們點了蝦汁味噌沾麵及牡蠣の怪 (近期特定)先說蝦汁味噌沾麵，沾面湯底是重點，味道濃郁賣相相當吸引，只是本人對沾麵的味道及粗度有所保留，所以這個還是留給友人吃吃飽後可向師傅加水喝湯，湯依然濃厚！這個是讓你加進麵內一起吃的配料 (每人一份)牡蠣の怪本來沒有想要吃蠔的，但試了一口及喝了一口湯底，整碗都搶來吃了蠔很鮮大蒜很香兩者是靈魂所在，中間配料味道剛好整體配拾新鮮有驚喜，是我在香港吃過比較好味的日式抽麵。亦因該主角太搶眼，拉麵已是配角。感覺很考功夫可以不用叫飲料，因為根本不會想喝！最後要說的是醬汁，山葵Lemon十分讚，完全中和了平時吃拉麵吃膩了的感覺我喜歡