海老名沾麵

营业中

休息中

那晚weekday 7點多來到，都要排~15mins。入坐前有人幫你落定單，入坐時覺得真係好逼好逼，手都唔太郁到⋯⋯實在有點辛苦。我點了蝦汁醬油沾麵，蝦汁湯底極香濃，十分creamy，無錯，但個人真的覺得太鹹太鹹了，我明白係沾汁，但真係鹹到極口乾。況且，個湯汁係極・多・油浮面，一路食一路有一咀油的感覺，不太好受。叉燒都係偏肥，麵條冇乜驚喜（但算多麵，男仔會飽的）。其實我係好mixed feeling。因為個蝦湯真係幾香，而隻糖心蛋都真係做到半熟，十分唔錯。但如果consider要等位＋環境＋健康等等因素，即使$78唔算貴，我諗我唔會突登再黎。

同事告之公司附近有沾麵店，本拉麵控又怎能抗拒如此誘惑，午飯時間即前往吃麵去者也。之前經過多次都未有察覺，認真隱世。一如普羅拉麵舖，店子不大，坐位亦有限。蝦汁味噌沾麵沾汁杰稠適中，蝦味十分十分的濃厚，直接蓋過了味噌的味道，但就足以讓麵條掛著來吃；嫌湯汁太杰的話可加上湯烯釋。沾汁裡有叉燒，頗肥幸仍有嚼勁。麵條掛汁能力不俗，而且份量不少，一定夠飽。一個餐還另外附有脆卜卜的紫菜和炸天婦羅粉粒，免致放入湯中弄腍掉，加入麵條同吃即時增加食時的層次感。是隱X拉麵以外的另一好選擇。

前排吃一次，個人覺得有小小鹹，點餐紙如果唔係落單果位同事有講入邊有齊叉燒紫菜之類，差d就加左"料"，叉燒太薄，可以用紙來形容其厚度，可能本人中意厚叉關係，吃完樓面同事還會幫你加水或者湯？比你飲埋碗湯，因為我無要到，唔清楚係水還係湯。最後覺得開放式廚房就應該注意下衛生，唔好得閒就拿手機出來按，正所謂眼不見為淨。

趕住係人地落場前到，趕住係人地落場前食完，30分鐘要完成的任務兩點半來到，得我一個客人前一日已經睇好要食乜，所以豪不猶豫就落order。個麵未來之前，服務生左呢個落來。。。我諗，唔係食熱的先有𠺢咩？我食冷麵喎！呢度有兩款特色sauce。我見佢個食麵指示，係落係蝦湯度，個湯會更好味。可惜今日食冷麵，但我都滴左啲來試下味。個蝦醋就咁食，會幾酸不過真係有少少蝦乾的味道𠺢山葵檸檬汁超唔辣，又唔太酸，好清新喎我的麵終於來喇有4粒蠔，中size,好新鮮。估唔到仲有海葡萄。呢度的海葡萄幾好，唔會死鹹最後一隻蠔，我仲落左啲山葵檸檬汁落去。好夾丫，個汁唔會搶左蠔的鮮味講返個麵，上面有蛋，番茄同好似脆米的野。啲脆脆好好食丫浸落個汁度，令佢無咁硬，但仲脆脆地個汁好酸爽，一開始食的時候好開胃。不過食食下就覺得有少少過酸喇麵質就唔評論喇，好少食拉麵，所以唔知點為知好定唔好。拿拿聲食完，費事阻住人地收工丫小店的裝潢幾有日本拉麵店的特色熱的拉麵下次都想試下。

星期六要食d好野黎慶祝下假日ge蒞臨，於是去食海老名。，佢周不時都有限量面食，每日十碗。今次係廣島蠔冷面，大熱天時食冷面最爽歪歪😍，就叫佢啦！係咪好吸引呢？😚佢有4隻蠔加埋碗冷面，分量十足。面上放左蕃茄碎、甜蛋粒同埋佢d脆脆（其實d脆脆係有名堂的，不過我忘記左😅），面浸住d冰湯係酸酸地ge，面質爽口彈牙，食落非常開胃😆，不過老豆就覺得酸左d，我諗大多數男人都唔太喜愛食酸野🤔。另外要講下d蠔啦，佢真係好好味，加小小檸檬汁，放入口，佢d蠔味同鮮味就充滿住口腔，真係好新鮮呀！食幾口面，再食隻蠔，呢間組合非常之合拍😋食到我lam lam nei

最近老是跟著男朋友在深水埗區覓食，若非他帶路，我真不知道這區有什麼吃，尤其是這次他帶我去的「海老名沾麵」，門面就是一塊石牆，招牌都沒有一塊，真是路過都不知道這裡是一間食肆。環境不大，像極了日本的居酒屋，小小空間竟擠滿食客，晚餐時刻還一定要排隊，絕對不能小看一間小小的店。餐牌也非常簡單，只有三款不同湯底的沾麵，不變的是每個湯底都一定有濃濃的蝦汁。我以前是沒吃過沾麵的，不過沒吃過也不要緊，桌子上貼有指示，教你怎樣去好好品嚐一碗沾麵。我和男友點了最基本的一款-蝦汁醬油沾麵（$79），除了一碗濃稠湯汁，還配有一份200G現煮鮮拉麵和一些碎脆米。湯底表面浮有一層蝦油，裡面有滿滿的櫻花蝦、蔥花和一顆糖心蛋，剛放上檯聞到濃郁蝦香的味道。不用怕只有麵沒有配菜，除了溏心蛋，還有一塊長長的腩片叉燒，不過有這碗濃蝦湯的存在，叉燒也只是一個配角。海老名的拉麵比一般拉麵店略粗，就好像油麵般的粗細，麵條非常有彈性，是有口感的麵。拉麵堅韌，即使浸入湯中也不會斷開，所以吃進嘴裡可以製造到日本電視劇吃拉麵的那種「索索」聲。因為湯底略濃略稠油，如果怕肥膩，可以加上檯上配置的檸檬山葵汁或蝦醋，可以中和一下油膩感。當吃完麵條

上次試完蠔怪拉麵回味無窮，知道推出咗蠔冷麵專程來一試，期間限定，早晚只限五碗。12點5分到，好彩係頭兩位，即刻落單叫咗蠔冷麵，等咗5分鐘左右冷麵送上，四隻蠔用冰坐住，配上檸檬，冷麵連汁上，內配蕃茄粒，蛋粒，脆脆，仲有少許wasabi。先吃一口麵，幾爽口，但繼續食落去越食越覺得䶢，就算後本在冷麵汁加冰亦於事無補，只能怪麵條太掛汁，鹹到入唔到口，連帶配料亦只有䶢味，脆脆放入汁內亦淋唒，嘥咗，如冷麵汁分開上會更理想。講番蠔，size比想像中少，當中兩隻有少許苦味。可能係希望越大失望越大，下次會試番蠔怪拉麵。之前試其它沾麵亦好食。

每日限定--牡蠣冷麵早前看到某網頁介紹過一位藝人介紹過的沾麵日本料理，讀也沒讀就把餐廳儲存到我的open rice，吸引我的不是那油膩的沾麵，而是廣島牡蠣。一直都沒有經過長沙灣，昨天巧合來到，辦事後剛好五時多，繞了兩圈都找不到咪錶，泊到商場地獄級停車場，行到餐廳剛剛六時晚市開始，門口灰色簡樸裝修，正當我在確認的時候，親切的店員已開門歡迎。店員遞上點餐紙，找不到藝人介紹的牡蠣拉麵，而店員就介紹今天還有幾碗的牡蠣冷麵，我這個期間限定捕獵者一定不會放過。是日大暑，上午烈日當空行山五小時，又餓又攰頭赤赤，吃個冷麵最適合不過，冷麵跟沾麵一上舖滿脆脆粒，索了微酸的湯汁更是開胃，蕃茄粒和玉子粒伴湯令口感清甜，四顆牡蠣肥美新鮮。品嚐細味後，就大口大口把麵條跟脆粒、湯汁一同放進口裡，清涼的口感把悶熱消了不少，不知道冷麵可否追加替玉呢？店員說，做完冷麵後就會轉回牡蠣拉麵，想試冷麵的就要快囉

老婆介紹，無唸過都幾好味，好有日本地道特色。湯低超濃，啱哂我口味。蝦味及食材都十分出色，係略為份量少些，不過都可另加，另雖然要錢，但原來加湯低係唔洗加錢，好有驚喜。鄰近都算多車位咪表，奇實都好近MTR,所以揸唔揸車都好方便。

Meter Chen 開辦的五間麵店之中，海老名的厨子最有性格，去小店吃拉麵沾麵，最易感覺師傅的心情。海老名三名厨子，兩女孩一大叔待人接物總是冷冷淡淡，但其製作沾麵或拉麵嚴緊，總是吃得暖在心頭，絕對水準之作。今次和好友一同光顧，點選了廣東蠔拉麵及蝦汁味噌沾麵，當然兩款麵食也有換轉試吃。廣島蠔拉麵每日限定十位，廣島蠔外形飽滿，不大不小四隻剛好飽肚，煎過的京葱與廣島蠔香味四溢，處理得很好帶點鮮甜，不過油份頗多可能嚇怕女士，對於男士來說喝完整碗湯已經非常飽，湯底用海鮮及蠔肉淆製而成，口感不俗。肉碎加入拉麵中起了微妙的作用，廣島蠔自己已經獨當一面，與拉麵一齊吃感覺南轅北轍，不是天生一對，當肉碎的出現，三種味道及口感混而成一。蝦汁味噌沾麵總評不俗，沾汁由於有櫻花蝦及味噌所以味道頗濃，我認為海老名沾汁的濃稠度和周月相若，比隱家稍濃。沾汁掛在太麵的能力不俗，太麵彈牙口感亦不錯。在吃的中途加了點山葵檸檬汁及櫻花蝦醋，感覺新鮮特别，亦帶點醒胃作用。薄薄叉燒略用火炙口感滑嫰，可能由於附帶的背脂相對較多。半熟蛋亦不俗，蛋黃八成啫喱狀兩成流心。對於烏賊炸玉，或者可以叫炸麵粉花，店員會建議和紫菜捲著吃，而我認為

呢間麵店聽就聽左好耐,仲見E臣都keep住久唔久幫襯,連神級歌手都間唔屎去食,更加引起我嘅好奇,今日的起心肝去睇睇！當然，去之前我都有睇睇各位 CHing 絲打嘅食評先,睇左心有打定個底!本身諗住去試海膽沾麵或牡蠣之怪,呢兩個都係每日限量款，尋晚仲 15 16，唔知食邊個好! 點知今日去到, 店員話海膽沾麵暫停,得個牡蠣之怪拉麵, 咁整定我同牡蠣之怪有緣!點菜後會有個竹籃裝住啲脆卜卜粒粒同一片紫菜, 之前啲食評就話倒落碗麵一齊食, 咁我穩陣起見就問店員點吃, 原來係麵前小食, 就咁空口食 大家記住喇。我親眼睇住店員炮製我碗牡蠣之怪，先用火燒 4 隻廣島蠔，之晚用磅黎秤吓啲麵有幾多份量, 8 分鐘左右, 終於到喇, 個賣相都唔錯, 清楚見到 4 隻廣島蠔加原隻流心蛋同 3 段大蔥,仲有絲絲柚子絲喺面 !湯底撈一撈, 有啲蠔碎肉碎係入面，第一啖湯鮮甜, 有淡淡蠔味, 完全唔膩口同唔太咸 ，個麵食落似油麵 (我有同店員要求麵要軟身) 個流心蛋勁正, 整體我俾 80 分, 同平時食嘅 豬骨湯底好唔同, 好有新鮮感! 好期待個海膽沾麵會係點呢？

從拉麵開始，這個老細本身是豚王再到深水埗隱家，在跟隨他到這裏。這個沾面當然沒有令我失望。麵條及湯底嘅水準保持得非常好！麵條非常彈牙，這個蝦沾面湯底比起用魚做既湯底我更加之喜歡！不消一會我已經吃掉了整個沾麵！

拉麵陳的餐廳我不會誇張得說必定是信心的保證但是起碼每一間都有去嚐一遍的理由今次來到海老名沾麵六時多來到已要排隊到訪的時候正值海膽沾麵的推廣所以嚐了海膽沾麵和蝦汁沾麵先談$128的海膽沾麵價錢上相比蝦汁沾麵貴了一截但以今時(拉麵/沾麵界)的物價而言再加上以海膽作招徠定價算是合理海膽湯底海膽味極濃可見用料十足沾上清淡的雞肉更能帶出海膽味吃到最尾把海膽湯一飲而盡雖然有點滯，但是那種滿足感實在是難以言喻至於蝦汁沾麵則較為平庸雖然有蝦味但是卻被極重的咸味所掩蓋而且也相當油膩喜愛重口味的人或會喜歡但對我而言則一試便可總括而言強烈推介限定的海膽沾麵相比之下蝦汁沾麵則略嫌有點普通了

.有留意開我既朋友都知道我是海老名既常客🙈💓無他既住附近又鐘意食沾麵所以隔一段時間就會去食🍜類似comfort food既存在🤤對上一次食既限量麵係海膽沾麵，對其評價不錯👍🏻所以對這次的"limited edition"期望很高，再者它只售早晚各5碗🙀絕是是用心之作啊‼️.牡蠣即是蠔，每碗不計蠔碎共有四大隻極其飽滿圓潤的蠔，還有一隻非常美味的溏心蛋😽湯底偏清甜，配合海鮮的主題加了很多野菜做得相對清淡些，還好有些微咸的肉碎帶回肉香，還有些清新的柚子調味，令整體味道不至太淡很好入口😋沾滿湯汁的大蔥段也很好吃，味道上配合得很好👍🏻但麵質跟沾麵是一樣的，唯一的缺點就是這個😞作為拉麵我比較喜歡軟身一點的👉🏻👈🏻......💛不過整體而言是高水準之作，而且價錢合理，不妨試試。

落雨天近近地在公司附近，大約1:30pm好彩不用排隊，店舖不大只有拾個八個位，第一次食粘麵，麵質可以但汁比較咸一點，吃完再飲湯。只感覺單調了些，不知其他麵店價錢可覺得貴了些！