海老名沾麵

营业中

休息中

平先經過唔會留意佢嘅存在，外面幾乎可以話係零裝修，但食過一次之後就一定記得佢。呢間沾面店暫時係我食過最好食的，最初係朋友介紹先知道，店舖座位不多，今次叫蝦汁醬油沾麵。首先會比一份脆卜卜嘅小食。蝦汁醬油十分香濃，不過湯底偏油(加點山葵檸檬/蝦醋感覺冇咁油膩），味道香濃。麵條是粗身面，很掛湯，有葱，有味荀，有櫻花蝦，有豚肉，有糖心蛋。但配料較以往不同，多了少許新鮮蝦肉，食落更豐富。豚肉是用火槍燒過的，更香口。糖心蛋是原粒，並非切開，這樣整粒咬吃起來更爽，不過這次糖心蛋偏鹹。分量足夠，吃得飽飽很滿足。

第一次行過時沒有機會停下來吃。它門面的平凡最令人留下印象。終於有機會特意前來一試，雖然要排隊但不後悔，講緊等兩位喺前面大約十多分鐘？但因為預先入單，一坐低店員已斟水遞上脆米花👍🏻而且用心說明兩款食法！全場坐位大約十個但安排絕不擠迫，值得一讚拉麵即到，有恰到好處嘅流心蛋亦有合份量嘅日本豚肉叉燒，說真的價錢算得上平。湯味道濃郁，慢慢慢慢吃，店員再斟上清湯示意可以試飲吓，最後飲晒好飽。隔離位男士仲加麵，不用評分絕對應該支持

路過也不覺眼的日本麵店。若住在這區的居民可能知道它的存在，若路人經過完全不會留意到。像小女子也是慕名而來。營業時間:1200-16001800-2100麵店大若可坐十人。格局就像日本拉麵店，麻雀雖小，五藏俱存细心位: 枱面粉紅點對下的枱底位置有掛鈎可放手袋選擇貴精不貴多。麵前小吃~香脆柴菜，炸蝦粒，非常香脆，味道略淡。限定每日十碗~$128慕名而來，就决定試吓這款期間限定的廣島蠔做主角的沾麵。材料有海帶，広島蠔，肉碎， 大蒜，流芯蛋。整碗麵也有濃厚的蠔味，味道非常獨特，入口一試難忘,用心之作反而沾麵食後感覺只是一般。流芯蛋

海老名唔係第一次黎，但今日黎係第一次食蝦湯蕃茄湯底沾麵。先講湯底，蕃茄同蝦各有各突出，真係蝦有蕃茄味，蕃茄又有蝦味。拉麵水準都照樣係中上，粗得黎又掛湯，亦都唔會太難夾。本身係蕃茄控嘅筆者真心推介試下！

惹味海老番茄湯底心思思好想食沾麵，決定去長沙灣試試依間隱世沾麵。依間專門做蝦湯底嘅沾麵店店面細細，店內大概有12個位。我等左20分鐘到先可以入座。今次試左海老番茄沾麵同海老醬油沾麵，個人偏好蕃茄，番茄湯底食落惹味過醬油湯底好多，不過兩款食嘅時候都比我想像中淡蝦味。反而食完之後蝦味先最回甘。麵條彈牙，質素不錯。配上山葵檸檬汁味道更佳。

今日食了一間本身比較有名的日本沾面我一向對拉面沾面要求高但呢間我都覺得唔錯入到去店完已經比左杯凍水我但我個人覺得凍水唔夠我師傅話我聽食呢D一定要有冰水講返個沾面小弟叫左蝦湯沾面平時食蝦湯拉面就食得多 蝦湯沾面就相對小好濃味的蝦湯味又夠熱，食落個口好舒服上面仲有蝦仔咬落好有口感不過同香港好多沾面一樣個面過水過得唔好碗底仲有水希望下次可以做好D

#蝦汁醬油沾麵 $79今次嚟到拉麵陳其中一間鋪頭 依間真係隱世拉麵鋪😂因為佢門口冇招牌同埋裝修都好普通 普通到經過咗都唔知有佢嘅存在佢個湯蝦味好濃郁 上面仲有好多櫻花蝦 而佢個麵係暖嘅 不過都算彈牙叉燒係火炙嘅 不過就唔係好食得出 味玉好入味 不過太流心 如果係溏心蛋就更好食到最後可以叫店員加清湯 咁就可以連個蝦湯都飲埋🤤不過我嫌佢太油 所以都係飲左幾啖就放棄左😕評分:7/10

呢日同朋友兩三個人咁搵食就黎試左呢間隱世到不得了嘅沾麵店因為佢舖面好窄好細但有時出面都會有人龍聽個friend講佢上次食仲撞到Eason添！呢間舖頭細細佢既menu亦都唔多選擇有蝦汁醬油沾麵蝦汁味噌沾麵同埋蝦汁蕃茄沾麵第一次決定試下蝦汁味噌沾麵本身諗住加隻半熟蛋但店員話其實餐牌上面所有野碗麵入面已經有晒架喇即刻覺得好抵食😍平時加隻蛋都起碼$15！好快就黎喇碗麵個湯唔算好大兜麵嘅份量都好夠蝦湯湯底好濃郁個湯底好掛麵啖啖麵都食到濃濃嘅蝦湯味唔會麵還麵湯還湯咁～特別想講佢嘅半熟蛋真係好好味~~一定會再幫襯！

全店的沾麵只有3款可選，「蝦汁醬油沾麵」，「蝦汁味噌沾麵」同埋「蝦汁蕃茄沾麵」同埋一款廣島蠔既拉麵！🍜而今次我就叫左「蝦汁蕃茄沾麵」🍤本身好擔心蕃茄湯配蝦味唔夾⋯ 但係好彩唔會奇怪⋯ 不過有點搶左蝦既味道。 鐘意蕃茄湯底既我就唔介意啦！😊😊濃郁蕃茄湯面有大量櫻花蝦乾，仲有溏心蛋，薄切燒叉燒，將ᴅ 麵食完之後，可以叫店員加湯進沾麵湯底，把剩餘的湯埋去！但我就覺得比較油⋯ 所以飲左幾啖就冇飲啦⋯ 下次可以整走d 油先加湯！🥢另外值得一提係，落左單之後仲會比個紫菜炸脆脆都好好食架！😋不過店內坐位唔多只有大約10個位，假日就會大排長龍架啦～😝😝😝

平時黎開附近食lunch，每次經過都覺得呢間日本野好神秘，個門口好低調咁得一個牌仔。今日有機會嚟試一試。一入去就覺得好有日本嘅感覺，望住拉麵師傅係你面前煮麵，舖頭座位唔多，更加有家庭式嘅感覺。鋪頭得三種沾麵，今次我試咗蝦汁醬油沾麵，個湯好濃郁，然後個面係熱辣辣嘅，麵條煮得啱啱好，唔會太硬會唔會太林，配合埋個湯，做到掛面嘅效果，湯入邊有兩塊叉燒，然後有隻糖心蛋。叉燒略略咁燒過，好香。店員好細心咁樣俾咗幾張餐巾我哋，咁食拉麵就唔會啲汁彈到成身都係。

今次試下蕃茄蝦沾麵。🦐睇下有冇驚喜先🤨🤨🤔一見到個湯，好滿，有茄膏同櫻花蝦，蔥同京蔥。因為我好鍾意食蔥，通常食拉麵都會加蔥。但係今次冇加，因為加蔥要加錢呀。。。。。。。。。。湯方面，有茄味，仲幾濃。不過就有種似曾相既味道🤔未覺有蝦味。睇尼蝦湯加茄唔係太夾🤨不過麵條，彈牙，唔乾，掛湯👍🏻下次路過才考慮。

門口好低調差啲睇唔到，係日本既作風！就試試店裡最普通既一款湯配有蔥，櫻花蝦，糖心蛋同叉燒湯頭有濃郁蒜香，麵條濕潤彈牙，掛湯。最後冇加湯飲埋個蝦湯，個人認為蒜味蓋過左蝦味。

一入去就覺得好似去左日本咁！超有feel的蝦汁味僧拉麵湯底非常濃郁，第一啖飲落去有好濃嘅蝦味同埋鮮甜味，濃到唔太感覺到味僧嘅存在。叉燒係用火槍烤，令到肉味鎖左係入面，就算浸係蝦湯一段時間都唔會俾蝦味遮晒，反而蝦味襯托左佢嘅肉香，正到一個點。而且隻蛋係真正既流心蛋，好好食😍拉麵係煮之前會秤一秤，保證分量差唔多，真係好似日本d鋪頭咁認真。麵質食落幾結實，有咬口，同日本本地嘅真係有得揮，點住個蝦湯嚟食完全係無得彈。依個價錢體驗到好似正宗麵店既食物同服務絕對worth it, 有種又番去日本既感覺😘

座落在長沙灣的小店，店內的座位不多，大概就只有十來個，經過時常看到門外已排滿人龍等候入座。店內的裝修簡樸，別具日本風味，令我聯想起卡通片裡爸爸會帶小丸子去食午餐的地方。沾麵主要有三款口味，我試過海老味噌同蕃茄味噌，兩款口味都以海老入湯，比一般的豬骨湯或雞湯更帶有一鼓鮮味。蕃茄湯更是驚為天人，蕃茄味非常濃郁，與原本的海老湯配合得天衣無縫！食完麵後，侍應主動上前問要唔要加湯，原本濃郁的湯再加入清湯，令味道不至於太濃，可以很順口地喝湯，為整頓飯劃上一個完美的句號。唯一可挑剔的地方是叉燒實在太肥........

經教主(朋友)介紹，話呢間沾麵好好食！佢對拉麵既要求同我都幾高，咁介紹得應該唔會錯得去邊啦。蝦湯底 好難整得好食，因為難平衡味道同配料 ; 另一間新開「好出名」食蝦湯既(x幻拉麵)根本唔得 得個咸字！去都要排15分鐘，人龍唔算長 只係入面坐位唔多姐！沾麵食法圖蝦汁味噌沾麵 賣相睇圖都知道啦，唔洗多講啦應該個湯底係超級濃郁蝦味 唔係齋咸味同齋蝦味，佢係做得恰到好處！將麵掛落湯到 麵條完全吸收哂！你問我其他配料係點 我都有d忘記左，因為個蝦汁湯底真係太出色，搶哂風頭咁我係食味噌湯既，2位朋友係食醬油既 個人覺得2款差不多！只係味噌重口味d，咸一d 唔會差好遠分別總結，呢一碗既蝦汁拉麵 係我食過最好食既蝦汁拉麵之一（帶翻頭盔先 可能係我食得少） 誠意推薦大家！建議大家冬天去食，因為熱天係入面食會熱到痴線！