泰豪燒 (已結業)

前排同朋友去開元朗，就決定試吓佢介紹嘅串燒砂鍋粥餐廳，點知真係一試難忘，食完都令我哋兩個好滿足我哋兩個就叫咗一個二人套餐，食完真係超飽！呢度嘅辣粉係放喺枱面上比食客自己選擇加幾多，所以大家就唔驚會過辣啦串燒方面個人就覺得雞翼同埋雞皮最好食，雞皮油香超重，令人食極唔停口，而雞翼燒既時間岩岩好，仲好juicy到重頭戲砂鍋粥，份量大到嚇一嚇，一人起碼要食4碗先食得曬成煲，而且海鮮超足料，食極都仲有，超抵食又鮮甜！！！

今日試咗依間泰豪燒，點知同想像中都有啲落差。我地兩個人，就叫咗個2人set包6串串燒同埋一個粥仲有兩罐汽水或者一支啤酒。個粥就加$60 upgrade 咗做膏蟹粥。串燒包括菠蘿，四季豆，翠玉瓜，五花腩，雞翼同埋豆卜。除咗菠蘿好多汁但好酸之外，其他5串都係同一隻味，味精味，如無意外就係放咗喺枱面嘅果支味椒鹽黎🙂份量都好少，唔係好夠食，同埋最無奈嘅係，話明二人餐，但有幾樣串燒嘅件數係三件，請問點分？食完串燒，仲係好餓，再等多大半個鐘個粥先到。感覺到係好有火喉，但個膏蟹就，唔係好覺有膏，可能係溶曬喺個粥度，但真係食唔出，所以唔建議升級。埋單每人200蚊好貴，唔知食咗咩，仲要唔夠飽，但間鋪係無閂門嘅我就餵蚊餵到飽😞

位於又新街嘅小店，主打串燒同埋海鮮粥，大纜都扯唔埋嘅組合兩個人點一個二人餐，有串燒、粥、啤酒，幾方便唔使諗。餐入邊包嘅串燒以蔬菜為主，或者雞豬。串燒基本上以椒鹽粉調味，雖然感覺上好重味精，同埋串串一樣味，但係都幾好食。翠玉瓜、四季豆燒到好林，加埋椒鹽粉好惹味，燒豆卜加埋泰式辣醬出奇地夾，反而雞同豬兩個肉類感覺一般。食完串燒食粥嘅時候，簡直覺得自己好似去咗第二間餐廳開始食第二餐。至於海鮮粥，味道尚可，但係唔夠坊間主打水蟹粥嘅餐廳咁香甜，雖然加咗$60換奄仔蟹，唔覺得隻蟹特別多膏。整體來講味道係唔錯嘅，但價錢唔平，略嫌呢個價錢食呢啲食物好似唔多化算...........

見到幾高分，涼涼地又想食串燒，就一於約埋朋友去食呢間，分左右兩間舖面，我哋坐右邊，等好耐冇待應行入嚟，要拎住個餐牌去返隔離鋪落單，咁都冇問題好小事，落左單大概45分鐘，侍應先走埋黎同我地講唔見咗我哋張單，要再重新同佢地落單，但會應承我哋係第一張單做，咁都算啦，再等多45分鐘，我哋叫嘅係四人套餐，有一煲粥，可以揀兩款海鮮入去煲，我哋另外加多左$30要一隻奄仔蟹，串燒可以自行選擇12串，有四罐啤酒或者汽水，首先講果鍋所謂嘅海鮮粥，我哋揀咗白鱔，鮑魚，奄仔蟹加入煲粥，聽落就覺得好鮮味，到鍋粥嚟到畢左一匙羹入口，我以為自己食緊白粥，再望清楚啲確實係有隻蟹係入邊嘅，但果隻蟹係我認知裏面絕對唔係奄仔蟹，幾乎係連一啲膏都冇，仲有幾塊好唏噓嘅鮑魚薄片，同多骨慘口薄到飛起嘅白鱔片，另外再叫多咗半打燒蠔，三隻燒元貝，啲調味勁咸，完全冇鮮味，仲叫咗個燒海蝦，啲肉梅嘅，最好食係個燒雞翼同埋燒粟米，其他我自己去燒嘢食任食仲好食過呢間串燒店，侍應痴痴呆呆，問佢攞牙籤，淨係俾個冇牙籤嘅牙簽筒我，我攞住個空嘅牙簽筒問佢啲牙籤喺邊？佢話全間鋪頭都冇晒牙籤了，食肆冇牙籤，係一支都冇，咪玩啦，人唔笑狗都吠啦，咁嘅貨色食咗我

是晚和友人來到泰豪燒，點了二人套餐$298，可以自選兩款海鮮，6款串燒和汽水兩罐。選了花甲和蝦作為砂鍋粥海鮮料， 粥底亦有香菇同上湯倍添鮮味，更加入馬蹄增加口感﹗花甲去殼，蝦去頭開邊，吃起來好方便。蔥花同莞茜可以因應個人口味而落，粥底軟綿鮮甜，每一啖都充滿海鮮精華，濃郁好味。砂鍋粥份量好多，兩個人計，每人都可以分到3碗。串燒方面點了雞中翼、燒海蝦、菠蘿、翠肉瓜、牛油燒粟米、生蠔(+$10)。牛油燒粟米:一條粟米切開幾段，方便進食。好香牛油味，燒得剛剛好~生蠔不算大隻，勝在蒜香味濃， 夠晒惹味juicy~蒜香原條茄子$38:茄子好大條，燒得幾靚，蒜香孜然味濃，惹味非常﹗餐廳價錢親民公道，材料新鮮，份量足，有下次~

聽朋友推介咗呢間串燒餐廳， 見難得元朗都有一間咁好食嘅隱世串燒鋪，決定星期日放假過黎試試。黎到雖然只係6點鐘，但經已full左，認真誇張嗌左個STANDARD既SET :二人套餐$298又有粥又有串燒又有野飲串燒包左6串，揀左雞翼x2，冬菇，司華力腸，五花腩，一口和牛（+10蚊），另外再加多串燒白鱔。海鮮砂鍋粥可以揀兩款海鮮，我地揀左墨魚滑同蟶子串燒～都整得好夠味雞翼一串有三隻，抵食之選五花腩肥瘦適中，燒肉有好重豬油香冬菇唔會太乾太過火，唔錯一口和牛，好腍好香最值得一提係燒白鱔塊皮勁脆，肉質無燒過頭，仲保持到肉汁豐富，好似食緊新鮮燒魚。平時出面食鱔好貴，呢到只係28蚊我覺得超抵食，忍唔住嗌多一串海鮮砂鍋粥粥嘅份量好多，墨魚滑同蟶子勁新鮮勁足料，令粥底入口好鮮甜，而且一啲都唔腥蔥花同莞茜可以因應個人口味而落，粥底軟綿但又保持到口感，每一啖都充滿海鮮嘅精華，勁濃郁好味，真心超正，即使好飽都係忍唔住要食晒

今晚同老婆去元朗行街，係元朗西鐵站附近搵到間幾特別既餐廳-泰豪燒。餐廳主要分兩邊，燈光較暗，每張枱位置都分得幾開，環境舒適👍🏻。一坐底職員就介紹一下餐牌食物，仲會推介受歡迎既菜式以及時令海鮮配料，服務都幾周到。而餐牌上既串燒有廿幾種可以揀，又有唔同既小食，選擇都唔少😁。之後我地決定要個二人餐：一鍋2餸海鮮粥，同埋6款串燒，再加一支大啤。隨即見到，飲品竟然有買少見少既「黑松沙士」😂！忍唔住再叫飲品。由於佢係即叫即燒，制作需時，大約等左15分鐘到食物就到。首先嚟咗六款串燒：雞肉、牛肉粒、豆卜、花枝丸、芝士丸。每款串燒都灑咗密密麻麻既孜然粉，加埋啱啱燒完既香味，非常惹味！值得一提係花枝丸同芝士丸，燒到又香又脆，但入面仲好彈口，唔會燒到好乾，我個人最愛😍。等多陣，主角海鮮粥就黎啦。配料方面㨂咗奄仔蟹加花甲，因為職員都推介奄仔蟹多較多膏多汁，煲粥會更加入味。果然無介紹錯！海鮮粥好夠鮮甜，唔會太咸或者太濃味，而且好夠蟹味，非常鐘意！攪起粥底仲有好多花甲，好足料。一鍋粥兩個人分，每人都有成三大碗，絕對會飽到上心口。所以，如果大家真係食唔晒，可以叫個外賣盒拎走，咁就唔使浪費啦🤗。

今日難得黎元朗食飯 就唔想食啲連鎖店啦 於是揀左有得食串燒同海鮮粥同泰豪燒雖然佢係又新街 講真位置真係唔當眼 地鐵站行過去都要一段時間叫左海鮮粥 裡面包2款海鮮加6款串燒 仲有野飲！都幾唔錯！我地4個人 就決定叫個粥set再加其他野食！叫左好多唔同串燒 串燒真心好味燒海蝦唔錯嘅，蝦幾新鮮同埋燒嘅時候有用到海鹽 令到蝦嘅鮮味更出到黎！然後我都好鐘意金菇肥牛串燒 加上燒烤嘅調味粉 真係好香！ 我地仲叫左半打燒蠔 不過蠔就真係唔係大隻 但蒜香味濃 一啖食落口都仲juicy 嘅！！ 跟住有叫到一份炒魷魚須 呢個係好香 有啲椒鹽魷魚嘅感覺 大家一啖兩啖好快就食完 海鮮粥最後先上！我地揀左花甲同鮑魚 因為兩者都唔係膏味/海鮮味特別重嘅海鮮 所以粥低海鮮味唔算濃 但勝在好綿滑人均唔使200 絕對可以接受呀！

幾個同學行開去元朗，逛完商場都唔知食咩好，問一問元朗d朋友，介紹左呢間泰豪燒～環境都唔錯幾舒服～金菇肥牛卷係必點，雖然燒出黎外相麻麻，不過牛肉一d都唔會老身，配合d金針，一啖咬落去爆汁tim～試點汁燒牛舌兩件，28蚊一件好平啊～仲幾好味添～配埋thistly cross cider直情爽👍～仲有芝心丸、長州大魚蛋、燒菠蘿、蒜燒原條茄子、翠玉瓜、雞軟骨、雞中翼等等、所有食物都燒得幾俾心機，菠蘿食落口多汁且甜，推介燒茄子，蒜蓉燒到乾身，陣陣蒜香味撲鼻～雞中翼同全翼抵讚，全部燒得唔錯，香口得黎唔會乾爭爭～幾個人最後埋單都係$400到，個人覺得串燒質素ok，得閒同fds食悶連鎖店試燒幾串都幾有新意！

今次同朋友去到元朗搵食！見到泰豪燒覺得幾特別 有得串燒仲有得食海鮮粥 對於中意海鮮粥既我好吸引🤤所以捉左朋友陪我一齊去試 睇餐牌黎講價錢唔貴 最後我地嗌2人餐+小食 如果想食蟹粥要嗌4人餐 大家要捉多啲朋友一齊去食😂2人餐：串燒 - 燒海蝦 菠蘿 腸仔肥牛卷 雞軟骨海鮮粥 - 花甲 鮑魚小食 - 燒粟米 茄子 牛肉粒 燒蠔 炒魷魚鬚...腸仔肥牛卷個人十分推薦！燒完腸仔味同肥仔味都好出 好香🤤而海鮮粥味道愈食愈出 而且啲海鮮都新鮮 份量亦都好大 2人餐4人食都可以！炒魷魚鬚既蒜香好濃好足料 而且魷魚鬚都多 唔會因為蒜香多而扮份量多整體而言 好值得去試 但如果想試得多野 一定要叫多啲朋友一齊食！

呢間串燒就係燒賣皇后個頭附近，都好近大街！行過幾檔大牌檔就到餐牌靚靚 泰式味道呢間串燒店原來仲有賣海鮮粥套餐既，連埋串燒嗌幾抵粥底可以配兩款海鮮，蟹就加$60咁。我們一行二人食唔到咁多，朋友話嗌蝦花甲鮮甜喎，就信佢嗌左蝦同花甲嘞！另外仲有六串串燒嗌，我們揀左司華力腸、五花腩、雞全翼、燒蝦，粟米，另外仲叫左燒鱔雞皮茄子食鱔好好味呀皮燒到好脆肉又爽脆，正 好抵呀。雞皮脆卜卜 好薄；雞全翼唔金日本身諗住嗌雞中翼既但老闆話未醃好唔賣住對食物質素好認真五花腩燒到好香，油脂滲出佢既串燒已經落左孜然粉，唔夠味仲可以落枱面提供既辣粉呢味蒜香燒茄子🍆不得了，勁多蒜係上面，仲食到有少少芝士味道咸咸香香底部都唔會燒到塊皮燶哂黑哂咁，可以食埋重頭戲來了上枱嘩左一聲勁大兜！啲粥好熱辣辣！用左煲仔飯既煲過勁耐都仲保溫唔會灘到啲粥凍哂我地揀左花甲同蝦😆啲粥好好好綿呀！仲勁勁勁勁勁鮮甜😃 粥勁多料！有勁多花甲勁多蝦！目測有十幾廿隻，隻隻都好新鮮彈牙，熬出黎既蝦汁滲哂落啲粥到，加埋啲花甲好鮮甜，甜到不能置信煲邊落左啲芝麻油撈埋啲粥勁香勁滑，好味蝦有開邊，真係好多隻呀兩條友食極都仲有！花甲肉冇沙，唔細隻！仲要加左啲冬菇同

👫上次食完一直都念念不忘，忍唔住翻撻❤️ 個人認為係全港全好味嘅粥👍🏻一一一一一一一一一一一一一一#二人套餐 <$298>·海鮮砂鍋粥上次自選兩款海鮮，今次加碼三款☺️我地嗌咗白鱔、桂花魚，加埋奄仔蟹都只係比多$68，好抵食👍🏻桂花魚同白鱔都起曬骨，粥底啖啖魚肉好正😍蟹肉都好多，蟹膏真係不得了，雖然少但啖啖都好香濃鮮甜💕粥嘅份量好多，每人大約分到3-4碗，海鮮勁新鮮，令粥底入口清甜，而且一啲都唔腥😳蔥花同莞茜可以因應個人口味而落，粥底軟綿但又保持到口感，每一啖都充滿海鮮嘅精華，勁濃郁好味，真心超正❤️.·牛油燒粟米·雞全翼·花枝丸·貢丸·雞肉·一口甜薯燒粟米足足有兩件，食落飽滿清甜，加埋牛油嘅鹹香好正👍🏻雞全翼同雞肉都燒到外脆內嫩，好高質⭐️一口甜薯食落好香薯味，少少甜，而且一啖一粒好正🥰花枝丸同貢丸就正正常常咁，下次可以再試下其他串燒😋一一一一一一一一一一一一一一👾驚喜指數：❗️❗️❗️🔙翻撻指數：❗️❗️❗️❗️（5個❗️最高）一一一一一一一一一一一一一一💑提提你：▪️10% Service Charge

去到元朗，又唔想食大商場連鎖野，問左元朗既朋友，黎左呢間泰豪燒食野~二人餐真係好抵，粥加串燒都係三百左右，但因為想怒食串燒，所以冇點到😂😂串燒一串大概十幾到廿幾，定價偏低。我地點左15 樣野🥴串燒放題咁濟金菇肥牛(28)係必點，牛肉燒到乾身，一口咬落去，爆汁，好驚喜。猶豫左一陣點唔點燒白鱔(28)好，廿八蚊咁平( 我印象停留左係一串索價88既餐廳orz) ，最後點左一串試下。魚肉勁彈牙，好味呀！燒燒賣(16)外皮係我鍾意既口感，少少厚少少破，同魚肉有返啲對比。大蘑菇(26)同菠蘿(16)都好多汁🥴🥴明太子雞翼(18)係逐隻點的，塞左勁多明太子👍🏻如果鍾意食蒜既，大推蒜香原條茄子(38)，茄子上鋪滿蒜蓉，蒜蓉燒到好乾身，之前食既通常蒜蓉未收晒水，我覺得呢間燒得比較有心機，亦比較特別同好味。唯一我麻麻地既係酒香豬頸肉(32)，有少少過肥，比晒男友食🥰🥰冬天再黎食沙鍋粥串燒餐！

🔺泰豪燒黎到元朗當然要食好野！泰豪燒主打串燒同海鮮粥 環境乾淨企理👍🏻.二人餐👫大大煲海鮮砂鍋粥(自選兩款海鮮)仲有6款串燒🍢非常豐富🍻.香腸肥牛卷🥓呢個最有驚喜 用左蜜糖黎燒 甜甜地好滋味😆.當日仲揀左燒雞翼、司華力腸、雞皮、五花腩同一口甜薯👅全部燒得不錯 唔會乾爭爭最抵讚係餐廳會一次過上晒6款串燒 而全部都熱辣辣🤗.海鮮粥🐚我地揀咗奄仔蟹同鮑魚鮑魚切成片 爽口彈牙👌🏻蟹肉略嫌少左點😯蔥花同芫荽分上 可以按自己口味加落粥度👍🏻粥嘅份量好多 2個人完全食唔晒🙈.小編覺得串燒質素較為高 有8分咁多👅宵夜整返幾串都幾正🍻

泰豪燒今日係元朗返完工，收工去左又新街搵食，見到有間串燒店，我地急不及待入去試，細細間裝修骨子有格調。我地叫左2人餐（$298)包一個海鮮粥，2個自選海鮮，我地揀左鮑魚同埋白鱔😋，再包6串串燒。個餐真係好抵食👍🏻，外面一個海鮮砂鍋粥起碼$2xx，首先粥方面，一上枱已經陣陣香味四溢，粥綿綿的，海鮮味鮮甜，吾會有腥味👍🏻👍🏻，而且海鮮份量都好足，串燒我地揀左全翼，皮脆肉嫩、尖椒，辣而多汁👍🏻、芝心丸，醬爆出來好正、司華力腸，燒到好脆💯、雞肉，重雞味嫩滑、五花腩，肥瘦適中好juicy😍， 另外叫左牛舌$28😋牛舌真係入口即溶，厚切牛舌但係咬落竟然好淋好Juicy，一D都唔會過熟。好食😍串燒配啤酒，夏日必備🥰地址：泰豪燒 (元朗)元朗又新街37-51號富祐閣地下14號舖最高為（5/5）味道⭐⭐⭐⭐⭐️價錢⭐⭐⭐⭐⭐️環境⭐⭐⭐⭐服務⭐⭐⭐⭐⭐推薦星數⭐⭐⭐⭐⭐️