泰豪燒 (已結業)

小店形式裝修風格 感覺休閒唔焗促 加入一些泰國風味的元素 感覺好似去咗泰國旅行一樣 但係呢度唔係食泰菜 主打食串燒 仲有海鮮砂鍋粥提供 串燒併砂鍋粥又幾特別砂鍋粥二人套餐$298海鮮砂鍋粥 (自選兩款海鮮)蝦 蜆 白鱔 鮑魚 墨魚滑 桂花魚 另自選六款串燒 雞全翼 牛油燒粟米 燒海蝦 五花腩 雞軟骨 一口甜薯送啤酒一支或汽水兩罐粥來了!!選了白鱔和鮑魚， 最讓我驚喜的是 用了兩款海鮮淆製的粥 竟然如此鮮甜 每人大概可以分到兩至三碗 啖啖都充滿海鮮配料 白鱔片又肥又厚肉 冇骨而旦肉滑，鮑魚爽脆彈牙 切成一片片 容易入口， 加入芫茜蔥 令到整個粥底的香味層次再提升一層整體串燒非常不錯 有時食串燒最怕款款一樣味 但係 這裏的串燒各有特色 能吃出真鮮味燒全翼 必食推介 雞皮燒到脆卜卜唔油膩 肉質嫩滑多汁小甜薯燒到外皮香脆 中間軟熟香甜燒粟米充滿牛油香味 非常香口 粟米香甜多汁五花腩 肥瘦均稱 入口有種即溶嘅效果 豬皮彈牙 很喜歡這個口感海蝦 只需要用少少鹽提味 已經整個感覺不一樣 蝦肉 爽口而且彈牙 夠新鮮蒜香燒原條茄子$38超級棒的茄子 表面的蒜蓉燒燒得很香脆 蒜香味濃 配上口感軟熟的茄子

約咗元朗地膽朋友食飯，佢話帶我食好嘢，對元朗我人生路不熟😆，咁就點話點好，跟咗朋友嚟呢間餐廳😄叫咗$298嘅「二人套餐」，包一鍋粥（可以選兩種海鮮，我哋揀咗鮑魚同白鱔）、自選6串串燒（雞皮、雞翼、豬腩肉、貢丸、蝦、鴨胸）、兩罐汽水，我哋再加多咗一串$20嘅「羊肉串」同$38嘅「蒜香燒原條茄子」😋海鮮粥先上，大大一鍋，粥底好綿，加咗小鮑魚、白鱔片、仲有冬菇片，非常美味，加埋芫荽蔥，好香😋，我好鍾意食粥，呢個食到我舔舔脷😋串燒跟住上埋，基本上全部都幾好食，特別美味嘅有「燒豬腩肉」半肥瘦好香好滑；「燒雞翼」皮脆肉嫩；「羊肉串」非常香口😋；另外「蒜香燒原條茄子」有濃厚蒜香味，好正😋全靠朋友帶我先嚟到呢間餐廳😁

和朋友去了元朗又新街的泰豪燒食晚飯， 這是一間很有心的小店，撞上牆上掛了很有民族特色的掛飾，而頭頂的燈飾很有民族風。店員都很殷勤有禮。我們點了個二人套餐裏面包括一大鍋粥及六款串燒，另外我也加了燒牛舌及黑毛豬串燒。這裏的粥很好味，分量很足，滿滿的一大盤。 裏面可選兩款食材，我們點了鮑魚及鱔片。味道非常鮮甜，而且裏面很足料，我食了三碗有多。另外串燒我們點了蝦，牛肉金菇，五花腩，雞柳，雞中翼等。這裏的串燒撒上了他們的味粉，很香口惹味，五花腩燒得外脆內軟，非常好味。而牛舌燒得相當有口感。黑毛豬肉質佳，燒過後多餘的油脂流走了，口感油而不膩。另外套餐包了兩罐汽水，邊飲汽水，邊食串燒感覺很爽。總結：泰豪燒是一間很有心的小店，店員亦很有禮貌，在這段艱難的時間，我們更加應該幫襯小店支持一下。

因為晏晝太遲食嘅關係，夜晚就諗住搵啲無咁飽肚嘅嘢食，見到呢間良心串燒都幾多人讚，試吓先💛佢最出名係海鮮砂鍋粥，不過我哋得兩個人所以就無叫，因為想試多啲串串🤤串燒就當然要等一段時間先有得食啦，大概20分鐘左右黎左第一輪，左邊開始係和牛粒，雞皮，雞軟骨，牛舌，雞肉，花枝丸，雞中翼。個人覺得所以丸類拎去燒都係最好食，由其係花枝丸(雖然我唔識分花枝同墨丸)😂燒得皮脆帶香，入面又保持到水分，juicy。雞中翼睇相都知正，皮脆肉嫩又夠大隻。入面亦有咸香，燒得岩岩好👍🏻第二輪有豬腩肉同泰式黑毛豬。豬腩肉嘅脂肪位置唔油膩，爽口，但同隔離果串一齊食即刻比下去😂黑毛豬串爽口有肉汁，最欣賞佢嘅汁，係沙茶醬，配落豬串好夾，果然係泰式串燒。最後就係最期待嘅茄子，果然無令人失望！原條帶皮燒，保持水分唔乾身，唔會油膩，茄子肉一夾就甩，時候岩岩好，最正係面頭嘅蒜蓉，毫不吝嗇，鋪滿成條，應該係再用火槍燒過個面，因為蒜蓉面係脆嘅，好正😋整體串燒調味剛好，平時食嘅好多都好濃味或者死咸，呢間食完都唔會口渴。埋單兩個人300蚊有找，差唔多啦。👍🏻

因為男朋友早幾日話想食串燒所以上網search於是就搵到入嚟元朗泰豪燒😂呢度除咗有串燒仲有海鮮粥都令我非常期待我地叫咗2人套餐再散叫加咗啲串燒2人餐可以自選6款串燒同埋自選2款配料嘅砂鍋海鮮粥海鮮粥我地揀咗鮑魚同蜆做配料粥底好綿滑 而且非常鮮甜一鍋粥我諗我地大概都每人食到4-5碗好大鍋 亦都好足料 唔係求其幾粒配料敷衍你咁如果想揀蟹都只係加80蚊非常抵食但因為我唔食蟹 今次只有我地2個人所以就無叫到😂串燒方面火喉都控制得好好唔會話燒得太乾極品牛板翼粒同一口和牛粒仲有啖啖肉汁五花腩油香滿溢 白鱔鮮甜彈牙冬菇同翠玉瓜都好juicy 非常推介不得不提個汁燒牛舌好大塊入口溶化 好滿足佢地嘅食物質素都好高串燒嚟講CP值高 價錢唔貴值得一試！

來過幾次，照舊點了兩人套餐（$298）。砂鍋粥點了鮑魚加蝦的配搭，雖然沒有奄仔蟹的香味但都鮮味十足，鮑魚煙韌彈牙，蝦肉新鮮爽口，不是雪藏蝦，粥底的高湯仍然是出色，一碗接一碗停不了。🤤.今次叫了上次冇叫既燒雞泡魚乾，燒得香脆可口同時煙煙韌韌，口感特別又好味！配上沙律醬有酸甜味道，推薦！💕✨👍🏻.燒雞全翼和燒雞中翼燒得皮脆肉嫩，自己再加少少椒鹽同辣椒粉，非常惹味！鍾意食雞翼既朋友一定唔可以錯過！.燒司華力腸大大條份量十足，表皮香脆。.燒牛舌外表燒至乾身，內裡仍嫩滑。.燒花枝丸爽口彈牙，正常貨色。.總括而言，這裡有靚粥有燒烤，仲有啤酒叫。另外價錢合理，性價比高。如果你想同三五知己聚一聚，這裡是一個不錯的選擇。✨👍🏻

泰豪燒是其中一間我挺喜愛的元朗串燒店之一，所以我和朋友久不久來光顧，而且泰豪燒的海鮮砂鍋粥好吃到不得了，令人一而再，再而三回味。想同時吃到串燒和海鮮砂鍋粥，點二人套餐最好不過，又包含兩罐汽水。這次我想嚐鮑魚蜆粥，幾乎每次都白鱔，轉換一下新口味。一大鍋鮑魚蜆粥上桌，濃郁的海鮮香氣飄散著，還有冬菇，馬蹄，蔥花與芫荽加持，砂鍋粥吃起來鮮甜美味。粥本身由生米煮成，所以需要時間等待，但我們認為等待值得，能在飢腸轆轆的時候被一鍋鮑魚蜆粥餵飽真幸福。鮑魚極為肥美彈牙，海味十足，我們都愛透它。蜆肉顆顆飽滿，帶點彈性，泰豪燒的粥不是煮到軟爛的粥，而是有點軟卻粒粒分明的口感。串燒方面我們選吃五花腩，雞中翼及一口甜薯，另加10元配燒生蠔和加20元配燒雞泡魚乾。大家可放心吃燒雞泡魚乾，毒素早已被清除，雞泡魚乾脆脆的咬感可口得很。一口甜薯作為天然的甜點蠻不錯的，甜薯口感綿密，甘甜無比。比起雞全翼，我們更愛吃雞中翼，因為雞中翼吃得方便些。雞中翼肉質軟嫩細緻，嫩口飄香，外層雞皮焦香酥脆，朋友都有分讚賞雞中翼。五花腩烤功一流，腩肉肥瘦相間不油膩，吃時亦不會過於乾柴，保留了豬肉的原味及肉汁的好味道。燒生蠔如手掌般巨大，

🔥海鮮粥可以自選兩款配料。我們選擇了鮑魚和鋧肉。一大鍋的海鮮粥很快就上菜，店員先詢問，之後幫忙加入蔥和芫荽。粥和海鮮份量十足，啖啖鮮味海鮮，兩個女生吃真的吃不完。粥的稀稠適宜，裏面除了香菜增香，還有馬蹄粒增加口感。🔥自選串燒六串肥牛卷、五花肉、牛油粟米尤其推介！可能脂肪含量高一些的肉加上椒鹽孜然等調味料燒特別的香！而粟米燒得表面較乾，不過咬下去還是牛油和它本身的清甜十足。海蝦亦不錯，而雞軟骨份量較少，雞肉是雞柳條多汁啖啖肉，不過還是比上述多油脂的串燒香略遜色。-🔥蒜燒原條茄子茄子燒得軟懦，愛吃蒜蓉的不要錯過～不過我們覺得蒜蓉半焦有點甘苦。-泰豪燒店面不大但平日晚上亦客如流水。店鋪轉修以黑色和木雕為主，古色古香。一直覺得去串燒店好像去吃火鍋或燒烤一樣，不能總吃，因為較上火和需時。不過泰豪燒加入海鮮粥進套餐真的令整頓飯昇華。除了在等即叫即燒的串燒時可以墊一墊肚子，秋冬吃更是暖和養生，加上鮮美海鮮更是一流。

最近開始元朗返工 要發掘下附近嘅食店串燒加啤酒係唔少得同事介紹話呢間嘅粥底餐幾好食就黎試下二人餐 300蚊有兩款海鮮粥底 仲可以揀6串串燒感覺好抵😻但由於我地怕太飽 又想食多d串燒配啤酒最後只係叫左串燒 所以有d後悔😞重點係啤酒有買二送一呀！！但當日就剩返黑啤~所以我無飲轉飲汽水每款大多數都係得一串 茄子嘅蒜蓉幾香不過唔夠入味但個牛柳粒係好好食 燒得岩岩好仲淋淋地有嚼口其他都係差唔多~叫左呢個燒魚乾 送酒係一流臨尾再加單叫左呢幾樣 菠蘿好好食 前後叫左兩碟仲要無皮幾方便~賣單300每都差唔多 可以食到多d唔同款下次會試下粥底~

放工約咗人係元朗食飯，諗住好耐無食串燒，就發掘下附近有無咩串燒好食。-二人套餐 $298套餐包括海鮮砂鍋粥，可以自選揀2款海鮮、6款串燒同飲品，今次揀咗蜆同鮑魚，配一枝青島啤酒。海鮮砂鍋粥嘅海鮮份量真係值得一讚，鬧到底都仲有非常多嘅蜆同鮑魚粒，真係啖啖肉。粥嘅味道方面，有比較濃烈嘅薑味。另外加入咗馬蹄一齊煮，都幾特別。但個人認為粥底唔太夠鹹，如果鍾意食清淡嘅朋友應該會幾鍾意。6款串燒分別揀咗：雞中翼、雞肉、司華力腸、腸仔肥牛卷、五花腩、翠玉瓜。個人最欣賞係雞中翼同腸仔肥牛卷，雞中翼真係燒得好好，外脆內軟。而腸仔肥牛卷呢個肉+肉嘅配搭亦意外地不錯。因為覺得6款串燒應該唔太夠喉，所以另外叫多咗兩款燒物。-蒜香燒原條茄子 $38兩大條燒茄子好吸引，面層鋪滿蒜蓉粒，燒得金黃略脆。入口有好濃郁嘅蒜蓉香，略為可惜嘅係茄子鹹香唔太足夠。-極品一口和牛粒 $28和牛粒比較小巧，但口感都幾細嫩。

元朗一向多隱世美食，呢間都算係其中一間！位置唔易搵，但真係好味道裝修有浸泰味，加埋個泰字，唔講仲以為係食泰國菜🤣🤣 點知係食地道海鮮 砂鍋粥，同埋串燒！二人餐 298 包一煲粥 同埋六串串燒 加兩款飲品就算食量大都唔使擔心！煲粥真係超大煲！一定好夠食👍🏻👍🏻每日都有唔同嘅海鮮俾你揀做粥底，務求唔靚唔食，絕對有保證！今晚就叫咗海蝦同墨西滑！勁足料！ 食到底都係啖啖肉！勁鮮甜！完全食出所有鮮味～食完一碗又一碗！蝦都好細心咁開咗邊，方便食～抵讚！我最鍾意佢加埋冬菇同埋馬蹄去煲，口感即刻豐富咗好多！蔥同芫荽按需要自己加每樣串燒都極有水準！雞翼好抵食！有3隻而且外脆內嫩～孜然味好香甜薯都好有驚喜～口味清新和牛粒當然好正！不過要加$10海蝦、冬菇、燒蠔都係水準之作！可以放心叫自己鍾意嘅口味最鍾意係佢個串白鱔！我真係好鍾意白鱔！勁爽勁好味😭😭好鮮甜最緊要只係$28一串，平過出面好多！我可以食10串🤣🤣野飲有蘋果西打～幾特別

呢間泰豪燒唔係第一次食😍好鍾意呢到嘅砂鍋海鮮粥，有7-8款海鮮可供選擇，睇番個餐本身可以揀幾多款海鮮。今次同朋友兩個人就叫左個二人餐，個餐有兩款海鮮粥、自選六款串燒同埋兩款飲品。$298有曬想食嘅野，唔洗煩🤤海鮮粥方面，我地揀左花甲，另外加左$80配奄仔蟹。除左以上兩款之外，仲有蝦、硯及白鱔等等多款選擇。海鮮都好鮮甜，奄仔蟹都有膏不過唔算超級爆膏。配落左粥底，成煲砂鍋粥都好香好甜，大大鍋兩個人都可以清曬😆串燒就揀左雞皮、一口牛、雞翼、豬腩肉、雞軟骨同埋墨魚丸。另外散叫左串白鱔，白鱔肉質爽口，唔會淋，食得出係靚嘅鱔😍 所以串燒都即叫即燒，唔會燒到乾曬，仲係保持多汁，調味亦剛好，唔會太過重味同咸。如果鍾意食重口味嘅話，枱面另外有辣粉同孜然粉可以自己再調味☺️

媽咪呢幾日腸胃麻麻地，放工想同佢去食d清淡少少既野食，上次食過泰豪燒既海鮮粥，覺得唔錯，今次再去食。我地叫左二人套餐，加左錢轉奄仔蟹鮑魚粥，一煲同樣大大份，2個人食每人都有3碗左右，鮑魚同蟹都係鮮味，而且秋天既蟹特別肥美，仲有蟹膏，所以唔怕會太寡。至於串燒，我地都叫多左蔬菜，今次叫左粟米，燒完之後食落更加甜，而且大大條。日本蕃薯一啖一粒，好軟好糯。菠蘿都唔錯，唔會燒得太乾。司華力腸都有驚喜，脆皮之餘，而且食落啖啖肉。買單2個人大約400左右，價錢唔算貴，而且味道唔錯，經過都會再試。

近排經常落雨，行完商場又凍凍地，媽咪話想食碗熱辣辣嘅粥先回家去！最後就決定去食《泰豪燒》，因為有二人套餐😄，簡單方便又唔駛諗！六點時段剛好人流不多，七點已經坐滿人了😅！套餐包括砂鍋粥（自選兩海鮮），六串自選串燒和兩罐飲品！奄仔蟹(另加$80)&蝦砂鍋粥蝦和蟹都好足料，奄仔蟹有膏又實肉，被粥煮過後仍帶鮮甜，而粥底內好綿帶油膏香有點馬蹄碎粒，令粥底帶點清甜增加口感，再加上䔳茜蔥，格外美味！而串燒🔥火候燒得剛剛好，保持到肉質的水份，簡單加上孜然粉，已經好好味！ 可以選擇啤酒或汽水，💁‍♀️有我最喜歡的芬達提子🍇！

黎到元朗行左一日，走之前當然要食返餐打冷啦😂。黎到呢間泰豪燒，就甘睇個名仲以為係食串燒，睇睇餐牌，原來除左串燒仲有自選海鮮砂鍋粥🙈。。最抵二人餐只需要$298，可以有自選2款海鮮既砂鍋粥，同自選6款串燒，另外仲送多兩罐野飲或者一支啤酒👍🏻。自選海鮮既種類都幾多，有蝦、蟹、蜆、白鱔、蟶子、花甲、墨魚滑同鮑魚，見到都想揀晒佢🤤。而串燒就有26款，可以揀6款。最後小編海鮮揀左白鱔同蝦，串燒就有鴨胸、雞軟骨、司華力腸、肥牛腸仔卷、冬菇、翠玉瓜，仲另外叫咗一隻燒帆立貝同一串燒白鱔😝。。串燒幾好，調味岩岩好，亦都燒得岩岩好，當中鴨胸同白鱔最有驚喜🤩，鴨胸外皮燒得好脆，而肉質本身又唔會乾，咬落仲有肉汁😋。白鱔更加不得了，魚皮嗰邊夠晒脆，再加上白鱔本身嘅口感，咬落好脆嫩，推薦😚。。最後終於嚟到主角砂鍋粥，蝦同白鱔好足料，每一羹都係滿滿嘅海鮮😍，個粥一啲都唔會太水或者太稠，而且海鮮嘅清甜好突出，食落又綿又暖胃，食到好滿足😊。。泰豪燒 (元朗)元朗又新街37-51號富祐閣地下14號舖。最高為(5/5)味道⭐️⭐️⭐️⭐️⭐價錢⭐️⭐️⭐️⭐⭐環境⭐️⭐️⭐️⭐️服務⭐️⭐️⭐️ ⭐️ 推薦星數⭐️⭐️⭐️⭐️⭐