泰豪燒 (已結業)

一入到店入面，d員工坐係張櫈玩緊電話再慢慢起身問你幾位，佢既眼神已經話俾你知我唔想做你生意咁款， 好隨便咁樣幫你量體溫( 望都冇望過個體溫計）， 坐低左俾menu你睇，但係叫極員工落單都話等陣，等下等下就冇番過黎起碼等左10分鐘先有人經過過嚟落單，好似我求你黎落單咁，已經好嬲等d食物又勁耐！d雞泡魚干，豬腩肉勁鞋又乾，係得茄子叫食得人，食物質素真係非常一般！唔係因為開得夜真係唔會黎食，真係貼錢買難受，唔會再幫襯！！！

第一次食：--食品賣相及味道好味，有下次。-海鮮粥好味有下次。-員工人手不足，我係第一枱客6:30入場，但再想落單第二轉，員工不停話等等，因為有好多人等著下單，我等了很久還沒有找我，心知不妙，連落單都要等，排到我落單再排廚房整咪等到好晏，所以最後冇等，走吧！ 老闆，真係要加人手啦！-環境衛生一般，不要抱太高期望，還可以。-冷氣非常不捉，好彩今晚是座在2樓，冷氣比樓下好點，樓下間直是熱氣，用冇冷氣形容差不多。總結：可以再幫襯，要食6:30個轉，同座在2樓

我地一行四人就揀咗個四人餐，可以自選12款串燒同2款海鮮，仲有個砂鍋粥！❤️味道吾錯，又夠飽，賣相都吾錯，我地揀左好多串燒，比較推介雞中翼，菠蘿，燒雞泡魚乾，海鮮砂鍋粥。海鮮砂鍋粥真係不得了，一嚟覺得好大一煲，粥又煲得好軟熟好綿。重點係海鮮嘅鮮味完全融入咗喺粥入邊，鮮甜上升到一個層次，好味。串燒方面都唔駛話等好耐就有，個人最愛就係燒雞翼！外皮燒到好脆好薄，加上本身已經醃得好味，唔使加調味料都吾錯!至於燒菠蘿呢個就必叫㗎啦，一咬👄勁爆汁，香甜又有焦香，燒賣就好意外，咬落好煙韌，依家諗返起都流口水🤤

Frankly surprised by the quality of the food and services. The so-called "seafood congee" is simply plain congee, with bits and pieces of seafood put into it afterwards (basically with no seafood flavour at all). The restaurant also added what I believed to be sesame oil to make the congee taste "better".Then comes the staff - rude, irresponsible and unhelpful. This is the first time we went to this restaurant, and we ordered the 2-person set, and we were not aware that the so-called selected s

一年前去過唔錯！早兩個禮拜再去，食物真係麻麻哋，份量唔大！價錢真係有啲貴！真係唔覺特別好味！燒蠔更加唔係咁好食！性價比唔高！服務態度普普通通！正常來講都唔會再去！

諗左成日都唔知食咩好...西餐...中餐...日本菜？？？🤔週年飯咩唔係要食西餐既咩🧐皆因食得太多西餐既關係，所以大家都唔想再食西餐串燒+粥都別有風味餐廳環境都整齊既....地方雖然細，但都有兩層仲有小小似泰國既風格二人餐海鮮粥...佢有幾款海鮮揀既印象中有白鱔，蜆，花甲，蝦，鮑魚，奄仔蟹，肉蟹（有d都唔記得左）食野成日唔記得影下餐牌😌我地揀左奄仔蟹同鮑魚（不過奄仔蟹要另加80蚊都有點貴）煲粥黎到既時候服務員幾好佢會問要唔要加蔥我係十分討厭蔥個沙鍋粥都幾有蟹味每啖都有濃滑既米香食落又幾甜重要好綿...可能瓦煲煲粥係會綿d既可惜既係鮑魚既味道唔算太出（可能蟹揀花甲會好食d）不過食d個粥要小心 因為有蟹殻我覺得燒雞泡魚乾好有係零食店買既bento魷魚🦑只係無辣味（不過要另加20蚊）我又覺得唔算太值得菠蘿，雞翼，雞軟骨，一口牛（又要另加10蚊）但都算普通野無咩特別翠肉瓜見佢有d燒焦但係食落又ok佢鎖到d汁 燒完又唔會好乾 青青地都幾好食😋haha間餐廳係ok既，好岩d飲酒聚會食 又唔會被人趕走價錢方面係有d貴 想食好食d既可能要加錢

呢間聽個名以為只係一間食串燒既鋪頭，原來入面有一樣我覺得十分出色既美食，就係沙鍋粥。今次嗌咗個沙鍋粥二人套餐，包括一鍋海鮮沙鍋粥、六款串燒同野飲。個沙鍋粥係用海鮮熬製，可以自選兩款海鮮，今次嗌咗鮑魚同蝦，本身諗住話會唔會唔夠入味，但係結果令人喜出望外，鮮味十分香濃，一啲都唔淡茂茂，而且海鮮料十分足，鮑魚同蝦既份量非常之多，一啲都唔慳料，佢有提供香蔥同芫茜，撈埋落去一流。粥既份量都算多，兩人食夠曬飽，唔會話食完無野落過肚咁。不過因為新鮮熬製既關係等待既時間會稍長一啲，要比少少耐性。另外串燒方面，今次嗌咗雞肉，雞軟骨，腸仔肥牛卷，海蝦，菠蘿同鹽燒豆卜，串燒味道方面十分惹味，調味恰到好處，唔會話好咸，要係咁飲野解渴，雖然嗌咗六串，但分量比較少，兩個人食感覺到喉不到肺，不過因為今次既主食係沙鍋粥，如果係只食串燒，下次可以再嗌多啲唔同款🥳

冇諗過個海鮮粥咁足料，串燒咁好食。個蒜芯好好食，個味岩岩好。基本上所有串燒都係surprisingly good. 我地兩個人想試好多但食唔到咁多，加上撐粥真係真係好大鍋，一定要試蟹，同飽魚。我地之前仲好hesitate唔知去唔去食好，因為見到openrice有d人踩到咁，好在佢地寫得太跨張令我地覺得假假地，所以先冇信到，好在冇信....同埋算抵食，兩個人食左好多都唔使500。差d講漏雞泡魚干.....太好食了。一定會再黎。不過下次會多d朋友先黎, 因為撐粥好大鍋食唔晒會好浪費...😋😋😋

二人套餐($298)套餐非常抵食，包括海鮮砂鍋粥(自選2款海鮮)、自選6款串燒、啤酒1支或汽水2罐，另設加一。自選串燒款式共有26款：雞中翼、海蝦、雞軟骨、司華力腸等。冬天凍凍地除左打邊爐、煲仔飯、燒烤，其實食粥暖下胃都係唔錯既選擇😖！海鮮可選擇肉蟹、奄仔蟹、蝦、蜆、白鱔、聖子、鮑魚、墨魚滑、花甲，價格會因當日時價而有所不同。一打開煲蓋，隨即香氣撲鼻，海鮮精華盡滲當中，亦可按個人喜好加入蔥及芫茜，非常鮮甜，口感綿密。

員工沒有禮貌，對客人無視. 食物九流，燒牛舌如食炭，食物質素差無可差，最慘仲要等你燒成45分鐘先上菜，送上一堆如黑炭垃圾的食物. 簡直係浪費時間去幫襯！一班後生負員工不知所謂，懶懶散散，掛住係度次水.

呢間串燒海鮮店係喺又一新城後街果度，roller場對住就係啦。串燒店店面睇落唔大，但原來佢有兩間鋪，其中一間仲有兩層，真係估唔到。我地平日夜晚黎食，原來都好多人，座無虛席，侍應做到停唔到手。我地叫左個二人餐（$298，加一）包一煲砂鍋粥同6串串燒，外加青島一樽。海鮮粥可以自選兩款海鮮，我地就揀左奄仔蟹（+$60）同鮑魚。一上枱我就知道$60冇加錯，充滿蟹黃的顏色，香味滿溢，蟹肉飽滿，令成個粥非常鮮甜，非常好味，咁大煲粥一滴不漏咁入晒我哋嘅肚腩度！而鮑魚都鮮美，軟滑彈牙。串燒類的食物就還好，有部分例如司華力腸燒得太事，令到肉質過硬冇咁彈牙。呢度有個魚乾幾特別，叫狗母泡魚，食起黎甜甜咸咸，好有嚼勁，頗推薦！燒蝦比較細隻，肉比較少。長州大魚蛋，都幾得意，燒完仲保拎彈牙口感。肥牛香腸，好難燒到內外都熟又唔燶，所以都幾考功夫，而呢件整件偏咸少少，但香腸保持彈牙口感。雞翼都燒得好香，保持水份油香。感覺只係差一啲醬汁，可以令啲燒物冇咁乾，不過整體質素都幾好，尤其個粥係好好！

元朗一向好多好嘢食，今次小編我特登入元朗捐窿捐罅搵好嘢食😎，最後就揀咗呢間泰蠔燒食粥同埋串燒。小編揀咗個二人套餐，有海鮮粥同埋可以揀六種唔同嘅串燒😆。粥方面我哋揀咗奄仔蟹同蝦，個粥一嚟到，蝦蟹既鮮味香到我流晒口水🤤，蟹既鮮味同埋蝦嘅鮮味好夾，啲粥軟綿綿，好有米香，好足料，粥底仲加左馬蹄等等既配料，令到成個口感好豐富☺。串燒：全雞翼：皮脆內軟，啲雞肉唔會太老，仲好入味👍🏻。虎皮尖椒：辣得好正，而且燒到好軟腍😝。肥仔肥牛卷：係用肥牛捲住腸仔，食落又幾特別😚。菠蘿：一啖咬落去勁爆汁，好juicy，菠蘿又唔會好酸，食完其他串燒食返啖菠蘿就啱啱好🤩。冬菇：嚟到好香菇味， 食到完全停唔到口😋。一口甜薯：燒到個皮好脆，好香甜😆。

元朗呢間隱世餐廳地點不起眼，但它的砂鍋粥絕對令你一試難忘。.雖然叫泰蠔燒，但原來不是食泰菜🙈，主打串燒和砂鍋粥。我們點了一個二人套餐：6串串燒、海鮮砂鍋粥（自選海鮮）、啤酒一支或汽水兩罐（$298+1）。.串燒點了雞全翼、雞軟骨、雞肉、五花腩和燒極品一口和牛粒（+$10）。五花腩比想像中好，厚肉爽口；雞全翼好抵食；和牛粒就多汁嫩滑。串燒加啤酒🍻，人生一大享受。.海鮮砂鍋粥（奄仔蟹🦀+蝦🦐）一打開蓋，香味撲鼻而來。見到蟹黃色的粥已經雙眼發光，一食落口，簡直不得了！奄仔蟹與蝦的精華是已經完全帶入了粥內，極鮮甜。值得一提是基圍蝦已開邊十分貼心。💕奄仔蟹就要另+$60，但覺得值得加！粥底本身都唔簡單，應該有用高湯調過味，加上冬菇、馬蹄等用料，鮮味的加成效果完全達到極致！✨綿綿的粥食落暖胃，冬天食實在是幸福啊！.煲粥份量好大，雖然已經覺得好飽食唔落，但係又好味到停唔到手😂最終清底。同埋食完都唔會覺得好口渴，無味精。.絕對會再嚟，期待嘗試其他海鮮的配搭！

天氣開始漸冷又可以食瓦煲粥啦食完即時暖笠笠，大滿足.識食一定去元朗嘅「泰豪燒」點解咁講呢？.第1️⃣隨住金屬煲嘅普及，市面已經極少用瓦煲雖然製成需時又費心思但就只有瓦煲煲出黎嘅粥，濃稠度先至高第2️⃣勁大煲粥，而且材料夠足，又非常豐富！第3️⃣仲可以邊食粥邊食串燒添，真係好完美.我地叫左二人套餐海鮮砂鍋粥$298一份套餐有1️⃣海鮮粥（可揀兩款海鮮）2️⃣六串串燒3️⃣兩罐汽水或一支啤酒.海鮮粥有九款海鮮我地揀左花甲同蝦呢煲瓦煲粥真係不得了粥底濃稠，米香芳香每啖都係綿滑帶膠，可見火喉十分到家海鮮嘅鮮味完全融入粥裡，鮮甜十足另外料頭豐富，勁多花甲同蝦好似食極都食吾哂入面就加左馬蹄片，多層次口感.廚師好細心別係腸上面切開一層層更易入口之餘一，每層都燒得特別香脆再加上辣粉同椒鹽，好正.外層薄脆，內裡魚香十足又煙韌.尖椒口感較軟腍，但真係好辣呀.兩面都燒至香脆咬落彈牙，仲有墨魚粒係入面架.菠蘿其實吾係咁易燒得好味火喉要控制得岩岩好先可以封到汁而呢個咬落勁爆汁，香甜又帶微微焦香.雞翼燒至外皮薄脆由於已經醃好左，吾洗加調味料都好夠味.呢個魷魚鬚真係必叫平時食到嘅魷魚鬚大多都偏硬較韌但呢個竟然係外酥脆而內鮮嫩而炸蒜方面真係

元朗出名多美食，什麼地方的菜式也可以在元朗找到。我自己就最喜歡元朗的「過橋麵檔」，因為這家的霸王雞飯夠便宜和好吃，性價比又很高！可是住在元朗的好友就說，這家的性價比也很高和很適合打完球去吃宵夜所以我們就打完球之後，就一起去嚐一嚐！燒極品牛板翼粒 $28 ：好重牛味，口感很嫩滑，喜歡店家沒有加很多的調味粉去蓋住牛本身的味道芝心丸 $16 花枝丸 $18 ： 正常的好吃泰式粉絲豬肉丸 $20：這個有點酸酸的，很泰式的感覺蒜芯 $18: 這個超級好吃，很爽口的蒜芯再加上惹味的調味粉，必點！帆立貝 $28 ：火候剛剛好，只是這個調味粉有點太重手，所以蓋住了本身的鮮味蒜香原條茄子 $38 ：重口味的好吃！茄子很軟滑再加上濃郁的蒜香味，這個也必點！生蠔 $28: 雖然很濃香料味，但是也吃到本身的海水味！汁燒牛舌 $28 ： 超級大又很厚的牛舌，質感有點脆脆的，好吃！冬菇 $16 ：很入味的冬菇，送酒一流雞翼 $22 ： 火候適宜，所以雞皮夠脆和一咬下去還有雞汁流出來，好吃！總結來說，性價比很高的小店！便宜又好吃，值得再來！