泰象館

营业中

休息中

星期一放工，需要慰勞下自己一日嘅辛勞。所以約咗朋友去九龍城食泰國菜，好期待，因為疫情嘅關係，幾個月都冇出街食過泰國菜。首先叫咗一個開胃嘅泰式木瓜絲沙律，再配搭炸蝦餅同埋春卷，作為我哋嘅前菜。然後就到主菜蛋包鮮蝦金邊粉，用料都幾足，水準唔錯。因為係好熱嘅一晚，所以我同朋友都叫咗一杯沙冰，我叫嘅係我至愛嘅芒果沙冰，朋友就叫咗金不換菠蘿沙冰，真係睇得出又飲得出金不換幾羅勒。 全部份量都好多，所以我哋都食得好飽，但埋單都係二百幾蚊兩個人，所以真係好抵

又來九龍城啦，今次想吃番個正式泰國餐，同朋友约定，見邊間人多就吃邊間。於是乎就來咗位於城南道嘅『泰象館』。正式泰餐，少不了嘅係『冬蔭功』，嗌咗個細份已够2人飲，正常偏辣小小够哂刺激，大頭蝦亦够味，有青口，亦有唔少秀珍菇，唔錯。而『串燒三拼(豬，牛，雞)』也是必需的，嘩，半打好大份，意思即係好足料，試過第二間好細串，呢度起碼2倍大，蘸料也好好味。再來個『泰式濕炒海鮮河』，有蝦，有魷魚，有菜，濕濕哋再有大大片的河粉，好吃吖。以下是泰好嘢(椰)之選，分别有『椰』汁西米糕、『椰』青、『椰』汁冰，带畀我哋一個『椰』之美好夜晚。

泰國菜式口味豐富，味道特別，隔一段時間就會想吃最近去了泰國菜集中地，九龍城，去吃泰國菜。選了看起來很好吃的泰象館，雖然店子小小，但是地方乾淨、舒服，服務很好；食物味道也很滿意。蛋包鮮蝦金邊粉：蛋網包著泰式炒金邊粉。羅望子醬的酸味突出，糖味、鹹味和辣味也有，味道有層次。金邊粉炒得剛好，不會太軟。材料有蛋、蝦、豆干、韭菜等，非常豐富。生蝦刺身：蝦很新鮮。鮮甜肉厚。馬拉盞炒椰菜苗：馬拉盞惹味，不會太鹹。椰菜苗新鮮，火候適中。金不換菠蘿沙冰：菠蘿沙冰甜度適中、冰涼好喝。加入了金不換很特別，味道很清新。整體很滿意，CP值很高的泰國菜館

九龍城一向是吃泰菜的好地方，朋友推介的《泰象館》性價比很高，今晚一試，果真是實話。 👍💖💖點了海南雞半隻 $77，無得輸的價位。海南雞去骨，值得加分👍。雞肉嫩滑，連雞胸肉也不例外 👍👍雞胸肉熟透軟滑，比半生熟的滑更勝一籌！再來蛋包鮮蝦金邊粉 $72，一碟夠我倆吃過飽飽 💖💖 蕃茄味道很開胃，轉眼清碟。豬頸肉炒芥蘭 $70，蒜蓉汁作主調，豬頸肉都有十片八片，算是足料。芥蘭脆口無渣，整體不錯。椰汁冰 $26，味道跟芒果糯米飯的白色椰醬相似，平實而討好。芒果糯米飯 $60，全晚最愛。芒果夠甜份量足，黑糯米軟熟中帶粒粒的口感，白糯米則軟棉細滑。加上獨特的椰醬，真的十分美味。

九龍城呢個地區一向出名多泰國嘢食，特別係城南道一條街直落都有好多間泰國菜館。而且仲要係大件夾抵食嗰種，自己大大話話咁多年嚟都試過幾間，不過呢間係第一次令我想打返篇食評。餐牌琳琅滿目，價錢相宜，睇完都唔洗就住就住嗌。第一味：飛天通菜。師傅做得好香口，火候掌握得好好，通菜唔會炒到太熟或者太生，調味料配搭亦出色，食完一條停唔到口想食第二條，呢碟嘢係啤酒嘅完美配搭。第二味：泰東生菜包。另一款經典泰國菜菜式，每次食泰國嘢都要嗌㗎啦，肉碎有得揀豬、牛、雞，我就偏好揀豬肉。肉碎撈咗香料，食落非常惹味。第三味：串燒三拼（豬、牛、雞），每款兩串，總共有半打。大大串啖啖肉嘅串燒，完全係食肉獸嘅至愛！食串燒一定要點埋佢嘅沙嗲醬，無得頂！第四味：香葉辣椒炒河（牛肉），呢碟炒粉都係有得揀豬、牛、雞，我哋就揀咗牛肉，友人唔係太食得辣，食到嘩嘩聲，因為的確係幾辣下，大家睇相都應該見到。不過對於我呢啲辣嘢愛好者，就當然係開正我嗰瓣，最後都成功清晒！金不換菠蘿沙冰，友人見到牆邊的圖片，已被其吸引，上到枱都好對辦。我就嗌咗支地道泰國Singha啤酒，一路食一路飲簡直一絕！食咁多嘢，埋單都只係三百蚊鬆啲，邊到搵啊！

九龍城嘅泰國菜不嬲都多人推薦😊今日黎到呢間泰象館試一試佢。今日仲要係平日，都有好多街坊或者專登入黎食野嘅打工仔，排左大約15分鐘，終於入座。因為限聚令仲未取消，每張枱都有隔板，但坐落都未算覺得好有壓迫感，仲有空間畀你見到見到隔離枱食咩。企係門口睇餐牌嘅時候，我朋友就已經好想食魚。所以一坐低就點左一大條鰂魚畀佢。結果呢條魚成當晚嘅highlight。呢條魚嘅魚肉香滑細嫩，仲要有淡淡香草配料嘅味道。一流！我地都仲有點左一個沙律同冬陰公。呢兩個都係好impressive嘅，酸酸地，又香又開胃。最岩夏天流完汗食，包你食完即刻爽晒。

等候時間長及叫飛不按次序，侍應態度差同呼喝客人， 味道亦不如其他評論般好吃，價格屬貴 不推薦，小朋友向侍應問食物如何居然不理及叫客人盡快叫菜 他們十分忙碌 ， 並說如不滿可以換店！

來到九龍城食泰國野，餐廳不是很大，裝修簡潔，餐牌很多選擇。叫左炸蝦餅- 本來想叫炸物拼盤，但覺得份量太多，所以最後決定叫蝦餅。蝦餅一共有8件，件件都很大件。炸到金黃色，咬一口，卜卜脆，蝦餅很彈牙配上泰式甜酸醬，很開胃。泰東山菜包 （豬肉）- 見到牆上的推介，泰東山菜包係必叫之選。可以選擇雞肉或者牛肉，但覺得豬肉最適合生菜包。肉碎少辣，加上洋蔥配生菜，夠晒新鮮。蛋包鮮蝦金邊粉 一上碟已經滿分，外表吸引，蛋網包住金邊粉，賣相加分。金邊粉有蝦，豆干，花生碎，酸甜酸甜地很開胃。芒果沙冰- 很香芒果味，最適合夏天飲。走時見到很多人在排隊，果然係人氣餐廳之選。

約咗另一部門嘅同事食晚飯，由於我喺美孚佢喺九龍灣，所以大家揀一個比較方便嘅位置就約咗喺九龍城食泰國菜。由於九龍城嘅泰國菜餐廳實在太多，所以就揀咗一間泊車比較方便嘅店舖，就係位於九龍城城南道嘅泰象館。同事塞車，我就自己一個入去坐低等佢慢慢睇吓餐牌先。其實食物款式同平時去嘅泰國餐廳差不多，所以都唔難選擇。等到同事嚟到後就決定點一個小食雙拼-炸蝦餅拼春卷、馬拉盞炒椰菜苗、青咖哩牛同埋蒜茸包，然後再一人一杯嘢飲，我就要咗芒果沙冰，同事就點咗泰式紅茶。嘢飲好快就送到，杯芒果沙冰超香芒果味，又唔會太甜搶哂芒果味。跟住到個椰菜苗登場，馬拉盞味道好香，食完一啖好想再食第二啖，結果係食咗大半碟...然後到青咖哩牛，我地加咗蒜茸包一齊食，由於同事唔食辣，呢個味道佢話啱哂佢口味，仲食咗好多最後到個小食拼盤，春卷+蝦餅，估唔到都幾大舊，抵食埋單$298@2位

朋友介紹一家位於九龍城的泰國菜餐館，下班後搭巴士去。進入餐館之前要量度體溫，餐館有提供免費消毒液供洗手用，做足防疫措施。餐館面積不大，店員服務細心。天氣炎熱，選了兩款冰凍飲品。椰青36元，又甜又清涼。芒果沙冰30元，大大杯，透心涼，芒果汁甜。柚子沙律70元，柚子粒漲卜卜，多汁味甜，蝦肉彈牙，配上少許洋葱絲、乾葱碎、炸蒜片和花生粒，口感豐富，醬汁有青檸味，整體味道甜中帶酸，作為前菜很開胃。炸蝦餅併春卷75元。兩大件蝦餅，切開四份，外層香脆，內層肉厚彈牙。兩條春卷，切開四份，皮薄香脆，饀料有菜、紅蘿蔔和木耳，口感不會太油。南瓜焗海鮮飯100元，賣相吸引，南瓜已被焗至軟身，飯中的南瓜粒則屬於硬身，一次過可享用兩款不同口感的南瓜，海鮮材料足，蝦肉鮮甜，魷魚不韌，飯粒軟身，配有雞蛋、青豆、提子乾和椰子汁，十分滋味。蝦醬炒通菜62元，通菜鮮嫩翠綠，蝦醬香濃，很惹味。 不收加一服務費。總結：美味抵食。

之前朋友搬左去九龍城,都未慶祝佢入伙,佢又生左BB,所以一次過順便去探佢入伙加探BB,上佢屋企之前係付近食左少少野先,費事佢太忙招乎我地,泰象館評語都唔錯,價錢又十分相宜,我同朋友就去左食少少野一個冬蔭功湯2份飲,個湯都好多餸,有幾隻蝦咁多,又唔會太辣,人人都食到,要左個波羅炒飯,大大隻原隻,而家有肉鬆同腰果,口感好好,我覺得好好味~再自己飲左一杯龍眼冰,爽,雖然點左唔多野,但都好夠飽,而家都真係幾平幾抵食所以都好满意,食完之後就上去朋友屋企食豬腳薑,繼續飽飽~~

本身好少去九龍城食飯,因為唔近我公司,又唔近我屋企,但講到食泰國菜就一定要去九龍城,又多選擇又正宗,今次係泰象館係因為價錢平及款式多 炸皮蛋比較少食,用蝦餅包住皮蛋,都幾好味,蝦餅的外皮好彈牙, 皮蛋又好大隻馬拉盞通菜,好香好夠味,不過SIZE比較細PHAI THAI,份量十分足夠,配青檸酸酸甜甜好好味,另外加左蛋,好睇又好食!!甜品係人見人愛既芒果糯米飯, 芒果一D都唔酸又大件,又抵食~~糯米飯好軟好香棷汁味,一個人都可以食晒成份!!

嗌咗一人一個椰青泰式生菜包芝士蝦丸馬拉盞炒通菜細嘅冬陰功湯泰式濕炒河粉同埋經典泰式金邊粉padthai首先椰青係超級鮮甜又大個又多水，唔會好細個好快飲晒。炒通菜好翠綠，出邊炒嘅同菜一定好食過係屋企炒嘅唔知點解 泰式生菜包個份量大到四個人都食唔晒 冬陰功湯好酸酸辣辣勁開胃又多料有芫荽蝦球冬菇魷魚仔等嘅海鮮至於濕炒可同泰式炒金邊粉嘅份量完全係勁大份我哋四個人已經差唔多有七成飽再食埋呢個真係飽上加飽🤣 濕炒可好夠汁 而且有啲菜健康啲！炒金邊粉面頭有層好靚嘅蛋皮 然後份量都係勁爆多！超級足料。最後但係好好味嘅芝士炸蝦球 雖然唔係即刻食但係都有啲流心嘅效果 重點又係勁大個 再配埋我自己鍾意嘅泰式雞醬真係不得了😍

九龍城一向都係泰國餐廳既集中地，今日試下呢間泰象館～本menu超大本，基本上你諗到既泰美食都有，我地費盡心思先決定到食咩～椰青（$36）超級大舊，多汁清甜又多椰肉！正～馬拉盞炒通菜（$62）基本上去親食泰國野都必叫，份量正常，調味充足～朋友就叫左呢款「金不換菠蘿沙冰」（$30）好特別，冇咩餐廳有呢款野飲，香料入飲品，唔會搶走菠蘿味，可以一試～主菜就叫左青咖喱🍛（$75）配薄餅（$25）～青咖喱唔算好辣（以我唔太食得辣既人嚟講都食到）個薄餅係超級好味，熱辣辣兼外脆內軟，配埋濃濃既咖喱，真係食唔停口。南瓜海鮮飯（$100）賣相好靚！又係好少可見到有呢樣野食，份量好大，啲飯塞滿晒個南瓜，食到好飽！再嚟炸芝士蝦餅（$82）由於個飯實在太飽，所以都唔係好食得落呢碟，蝦味十足，配芝士真係好好食！呢間真心好食，價錢又相宜，值得一試！

第二次來吃了，今次介紹朋友一起到泰象館吃泰國菜，選它是因為店內坐位簡潔整齊，裝飾滿是泰國風情，服務員禮貌款待，餸菜快速上枱。柚子沙律  $70口感非常豐富，大大粒柚子肉鋪滿碟上，配上脆椰絲酸甜汁，醒胃可口，提升餐前食慾。炸蝦餅  $72蝦餅很脆口，肉質彈牙，且份量十足，配上泰式酸甜醬，美味無窮。焗椰青海鮮炒飯 $90原隻椰青盛滿炒飯，買相吸引，食材豐富，值得一讚用新鮮椰青肉炒飯是超美味，值得一試。芒果沙冰  $30濃郁新鮮芒果肉味，味道剛好不會太甜，餐後飲品值得一讚。龍眼熱飲  $26香濃龍眼肉味，飲後令人倍感順喉舒適。