泰象館

营业中

休息中

九龍城有好多泰國菜可以選擇，不過呢間人流都幾多，6點幾去到都等左約30分鐘。入到去員工會比碗水你清潔下d用具同碗。我地3個人叫左5樣野食同3杯野飲都係＄405蚊，真係好抵食丫。泰東生菜包 （＄74）肉既份量超多，好足料！食生菜包既時侯通常都會用到手，佢地仲好貼心附上濕紙巾 唔係間間餐廳都會比架炸蝦餅拼春卷 （＄75）炸蝦餅都算係成日去食泰國菜會點既小食，熱辣辣點埋甜酸醬一流！春卷有小小胡椒味重，都好香脆可口～蝦醬撈飯 （＄62）蝦醬味好香再加埋蠟腸，食落好惹味。串燒三拼 （＄77）有豬牛雞各2串，個人鐘意食雞串燒蒜蓉包 （＄25）好重既蒜蓉味，又係去食泰國野常點之一。另外野飲就點左椰青，柚子梳打同青檸沙冰：）

今天來到九龍城想吃泰國菜，走下走下看見這家小店門外有排隊，就試試看。因為疫情關係，店舖裏的桌與桌之間都有一塊隔板，也有滾水提供讓我們洗碗碟，很體貼。椰青很清甜，芒果沙冰用料真確。泰式生菜包有一點辣辣的，很惹味，讓人一食上癮。蝦醬炒椰菜苗比較濕，多芡汁，味道也很不錯。另外青檸明爐蒸烏頭是我們的最愛，熱辣辣的架在火爐上，湯裏面還有很多配菜，很合我們的心意！最後我們還多叫了一杯龍眼冰，龍眼肉非常非常多，不太甜所以很滿意。別看這間店舖不大，裏面的顧客都吃得很開心，是難得的誠意小店，會再光顧！

疫情下出街食飯，要小心。在門口等位時，看到門口有防疫通告，店內和餐桌都有用消毒火酒清潔，就放心好多。在泰國菜館飲芒果沙冰，味道真是不同，泰國芒果的味道是較特別，芒果味濃，咁熱的天氣，真係透心涼。咖喱炒大蜆，咖喱是奶黃色，不辣又有泰國香料味。蜆肉都大粒，放蒜蓉包入咖喱汁一齊食，蒜蓉包皮好夠脆，中間麵包吸晒咖喱，夠美味。鐵板馬拉盞豬頸肉炒通菜，鐵板熱辣辣，馬拉盞好惹味，通菜小小辣，豬頸肉爽口。泰式燒雞亦，雞皮燒得脆，香口好味。食泰菜，通常燒雞亦，我都是必食

今日放工去九龍城食泰國菜，朋友介紹呢間叫泰象館既泰式餐廳食晚餐，話高汁。去到時大約8點，明明仲係限聚令，但依然好多人排隊，果然係出名既。等左十幾分鐘到就有位，算係咁，如果唔係熱死😂。我地叫左招牌咖喱炒膏蟹、蒜蓉包、鐵板馬拉盞豬頸肉炒通菜、椰青、最尾意猶未盡追加左個芒果糯米飯😋招牌咖喱炒膏蟹真心冇得輸，個黃咖喱唔會好辣，忌廉同牛油味十足，用蒜蓉包點黎食真係不得了，極力推介，唯一美中不足係個膏蟹份量唔係好多，雖然好好食但係好快就食晒。另外個鐵板馬拉盞豬頸肉炒通菜就略顯失色，雖然都好食但有啲偏鹹，而豬頸肉份量都唔多，不過送飯絕對一流。所以最尾我哋都追加左個芒果糯米飯，食埋就啱啱好，芒果仲好甜一啲都唔酸，如果你鍾意食芒果一定非叫不可。總括黎講，味道出色，份量偏少，價錢合理，可以一試，推介招牌咖喱炒膏蟹。

話明泰式吹水夜 又點可以冇泰菜呢？睇openrice comment話依間係全九龍城最好食既泰國野咁串？今次就同班fd試試佢！因為今次人多，所以可以試多啲野...今次既食後感係......冬陰公湯（大）好快比人溝晒，應該好味掛芒果沙冰 唔錯，我個人會encore蝦醬炒飯 ok蝦餅 正常好食生蝦 正常新鮮好食彈牙芒果糯米飯 正常好食豬頸肉 好食到要即場encore！蒜蓉包必食 25蚊一籃 即叫即整 脆卜卜 牛油味同蒜味重好想瘋狂encore！！另外 成班女人吹水吹咗好耐，鋪頭都冇趕客仲主動幫我地影相服務滿意呀！最後埋單人均200整體來講依間餐廳嘅泰國菜冇咁重口味但係為咗佢嘅豬頸肉同蒜蓉包會有下次試埋其他野食

喺九龍城嘅泰象館，閒日夜晚都要等位，勁多人幫襯，有保證！餐牌選擇多，價錢平之餘，仲免收加一，唔怪得咁多人幫襯啦！Order咗唔夠5分鐘，食物就陸陸續續送上，勁有效率！咸檸七喜 $26爽甜又帶一點點的咸味，解渴解辣都係一流！椰汁雞湯 $72香甜中帶一點點辣，味道真係唔錯！除咗香料之外，仲滿滿的塞滿了嫩滑雞肉和秀珍菇，兩個人飲完個湯都飽咗一大半！豬頸肉炒通菜 $70就咁望以為係碎料，夾走面層嘅通菜之後，下面有勁多片勁Juicy嘅豬頸肉，真係夾極都有，勁抵食！青咖喱豬 $75集酸、辣、甜於一身嘅青咖喱，十分香口惹味！蒜蓉包 $25勁香蒜味，又夠脆口！點青咖喱齊食，真係正到冇朋友！

黎到九龍城探阿叔, 順便一齊食埋飯, 佢提議食呢間抵食泰國菜 - 泰象館~先點左個海南雞飯，雞肉份量都幾多，而且又嫩滑，油飯就乾身好食！蒜蓉炒芥蘭，食落健康爽脆有鑊氣，好味到食完一條又一條～海鮮濕河, 好多海鮮, 有八爪魚，魷魚、青口、蝦，而且濕河份量都幾多, 又唔會油膩，真心覺得唔錯～我地仲一人一杯菠蘿沙冰，真材實料，菠蘿味幾重，幾fresh！OVERALL, 呢度冇加一, 又夠飽, 真係又平又抵食.

未去到旅行，唯有食吓泰菜頂癮。九龍城出名多地道泰國野食，見呢間多人排隊， 羊群心理試試。食物賣相幾好、整體味道唔錯嘅，價格合理亦唔貴，但食完總係覺得唔太滿足，可能係因為最期待嘅烤魚唔係烤嘅...好懷念泰國街頭實而不實嘅地道小攤嘅野食😣🦐生蝦刺身生蝦新鮮肉厚，配汁比較一般，份量偏小了一點🥗泰式青木瓜絲沙律味道唔錯，唔會過辣又夠香🐟烤鰂魚魚很新鮮亦入味，可惜應該是蒸熟再煎香，完全無烤魚嘅香味，失望...🐤青咖哩雞咖哩味同椰香配合等恰到好處🍕烤薄餅原本打算用來配青咖哩食，但薄餅質感太香脆，比較適合就咁食🍹椰青超新鮮，椰肉足又香滑，所有椰肉被我耙光吃掉

今日約左好耐不見的朋友到九龍城吃泰國菜。好多間之前都吃過，今次就試另一間啦。去到七點半，已經有七成滿，一入內，服務員見我大包小包的就即搬來另一張椅子給我放東西，非常貼心呢食泰菜，當然就必食pad thai, 賣相很有趣蛋整成網狀包住煙韌彈牙金邊粉，唧上青檸汁，酸酸甜甜又清新，大蝦爽脆鮮甜通菜翠綠爽口，調味適中唔太鹹，好惹味。串燒即叫即燒，富有泰式風味，再加沙嗲汁，增加滋味。最後再要多份甜品啦，上層是椰汁糕，下層是煙韌西米，味道不太甜，滿滿椰香，正。我們亦各自點了一杯青檸沙冰$30和青檸梳打$26,味道清新又解渴，傾傾下又一晚

九龍城出名多泰菜，競爭大所以留得低質素都唔會差得去邊。今晚食呢間泰象館見出面要排下隊先入得，都幾受街坊歡迎。我同朋友等左一陣就入去。我地今晚唔想食太飽，所以叫多d小食。首先，我地叫左肉碎生菜包，夏天盡量都想食d酸辣野開胃。生菜總共6塊，d肉碎辣辣地有咬口，配埋生菜食好清新，好快就清左成碟。另外，我地都叫左串燒三拼。最正係雞肉，夠嫩滑，唔會過左火喉，再加埋有少少香料調味，好惹味。食到咁上下都有少少口乾，朋友叫左椰汁冰，我試左啖，椰汁味香濃，好解渴。我個杯就係泰式紅茶，我好鐘意泰國既奶茶，係偏甜，有泰國風味。之後我地仲叫左個青咖喱牛肉配蒜蓉包。蒜蓉包真係勁好味！脆卜卜仲夠曬蒜香味，就咁食都正，加埋青咖喱又係另一種風味，夾住牛肉食好特別。特別一讚既係服務好好，我同朋友食完生菜包，覺得隻手油油地，跟住仲講緊想拎紙巾，樓面哥哥聽到即刻主動拎濕紙巾比我地抹手，好唔錯。

食泰國嘢就梗係要去九龍城啦 今次去試吓呢間聽聞係道地嘅泰國嘢 細冬陰公湯$70一坐低就即刻嗌左呢個湯 酸，辣，香，味，鮮！ ❤️❤️❤️❤️呢個冬陰功湯嘅酸唔係嗰種化學味嘅假酸 食落真係用蕃茄煲出嚟嘅 (其實係見到湯底嗰度有好多小蕃茄my fav ) 所以都有少少少少嘅甜 唔知係咪用咗椰汁 因為食落椰香味都幾重😍😍 本來以為呢種價錢嘅冬陰功湯嘅海鮮 係普通超市嗰啲雜海鮮 但係but !! 佢哋嘅青口 係鮮甜既 好似係泰國食果時即刻捉上來嘅口感一模一樣😭😭😭😭 同埋啲海鮮料都比得好足 加分加分❤️❤️我哋帶咗一個細嘅兩個人分 已經好夠 大概有四碗左右 呢個湯真心十個like 燒鰂魚 $135平時食開燒烏頭魚 今次就試吓其他嘢 鰂魚 感覺肉比較多啲🤣 表面鋪滿晒鹽粒 但係都冚唔着魚嘅香味 扑鼻而來 揭開層表皮 啲魚肉油留出泥 魚肉係眼見既嫩！你地明唔明！ 有啲魚既肉一望上去已經係乾柴款 但呢個一擺入口 滑，嫩，鮮，香！ 你男朋友唔食魚嘅人都食咗大半條😂 自私食。強力推薦強力推薦強力推薦！👍🏻👍🏻👍🏻👍🏻生菜豬肉包$74呢個我去到每一間泰國餐廳都會嗌嘅

九龍城真係好多泰國嘢食 今次喺城南道搵到間泰國菜叫泰象館 價錢抵食 分量足夠冬陰功 （小）$74首先上菜就係冬陰功飲完真係勁開胃 個湯好足料 入面有好多隻蝦 雖然係細冬陰功但係都有到成四大碗湯小食拼盤 $125小食拼盤有蝦餅春捲齋雞粒魚餅 樣樣都好食 最鍾意就係炸蝦餅外脆內軟 熱辣辣點埋個醬汁嚟食一流黃咖哩雞$75因為好想食蒜蓉包$25同薄餅$25就叫咗個黃咖哩雞 好香濃椰汁味配埋個蒜蓉包嚟食 蒜蓉包超級鬆脆鐵板馬拉盞豬頸肉炒椰菜苗$90呢個馬拉盞椰菜苗用鐵板上真係超惹味 保持熱度 加埋大大片豬頸肉 三兩下就畀我哋食曬柚子沙律$70柚子大大粒 夠曬甜 配埋啲洋蔥絲椰絲花生食 口感一流 蝦肉夠彈牙 酸酸味味好開胃香葉辣椒海鮮河$67海鮮好足料有青口魷魚蜆肉 河粉係大大片嗰款 同喺泰國食嗰啲一樣 炒得夠乾身辣辣地 仲有啲香葉嘅味道而家天氣咁熱坐低叫完嘢食一定要點返杯凍飲 真係透心涼 叫咗三杯唔同嘢飲 青檸梳打$26 青檸沙冰$30 椰汁珍多冰$29 平時都係芒果沙冰果d比較多 青檸沙冰真係好特別 朋友話好飲 好清新 唔會好酸本身想食埋芒果糯米飯但已經非常之飽 下次一定會再哩食 嘢食好食

泰象館九龍城城南道48號地下識我既朋友都知道我最鐘意就係泰國，因為疫情關係已經好多個月無得飛去泰國，好掛住呀，所以唯有黎九龍城食下泰國嘢頂下癮先啦今日試左呢間<泰象館>係朋友推介既，鋪頭唔算太大間，但感覺口味好正宗，而且價錢都算幾合理，係正門口又有咪標位可以泊車，非常方便餐牌上面有幾款套餐可以選擇，都幾抵食，不過我地3個人好多樣嘢都想試，最後都係決定散叫小食拼盤---非常豐富，真係一次過滿足晒所以願望，自己最鐘意食個炸蝦餅同埋春卷，岩岩炸起熱辣辣再點埋個泰式辣醬，真係無得頂鐵板馬拉盞豬頸肉炒椰菜苗--- 平時用馬拉盞炒菜已經覺得好好味，估唔到原來轉咗用鐵板係更加惹味，加上醃製過嘅豬頸肉，very good柚子沙律---作為前菜一流呀，柚子酸酸地好開胃，而且生菜亦好新鮮，加埋花生，洋葱同埋其他配料醬汁混埋一齊，好夾黃咖喱雞+薄餅+蒜蓉包---自己好鐘意泰式既咖喱，好香好濃，而且d 雞肉都幾多，好抵食，我通常都會叫埋薄餅或者蒜蓉配埋一齊食，呢3樣嘢永遠係perfect match冬陰公湯---非常足料，有大蝦，菇類，蕃茄仔。。。而且飲落又唔會覺得太辣，岩大部份人既口味，我地

今日520特別日子同左媽咪，家姐近近地去左九龍城食食唔厭既泰國菜有太多野想食，所以叫多左少少有啲食唔哂我地叫左主食係蝦醬炒飯，睇落一啲都唔普通，有多料有青豆，蔥，臘腸，蛋，洋蔥，紅蘿蔔，配埋旁邊既肉鬆第一啖食落去已經有蝦醬既香味出黎，好香！然後唔少得既係泰東生菜包，我地揀左豬肉，因為平時食開都係豬肉的～基本上我見到好多枱既食客都有叫呢樣，好似招牌菜之一咁，哈哈份量仲好多添啊！另外仲叫左小食（炸蝦餅拼春卷）呢個蝦餅好實肉好厚，蝦味好出，可以再戰！仲有串燒三拼，豬牛雞有齊。又係大大串，啖啖肉個沙嗲醬甜甜的～蒜蓉包都係唔少得上面既蒜蓉擦得滿滿的，仲見到粒粒蒜蓉好香好脆至於飲品我地每人嗌左柚子梳打，椰青同青檸沙冰椰青仲可以刮埋入面啲肉黎食

前幾日男朋友話去唔到泰國旅遊住，去住泰國街食泰國嘢同買下泰國嘢補數，所以我地去左九龍城，行下啲舖頭，買左少少泰國嘢，咁耐對面見到有間泰國餐廳，個時又有少少餓，所以就揀左去對面間餐廳，我地叫左個炒金邊粉同一個炸蝦餅。金邊粉方面，一來我覺得但賣相幾靚，而且都幾有鑊氣，入面亦有豆乾、芽菜、蝦，材料都非常豐富，同埋其實真係好大份，幾扺食。而至於個炸蝦餅，就真係超級好食，佢係好似冬甩圈咁樣的設計，方便可以由外，還是由中間都好，都可以容易熟透，係一個簡單得來又聰明的設計，而且可以咬落去啖啖彈牙蝦肉，真係不錯。唔好睇小得兩份嘢，因為餐廳的份量真係好大份，所以其實兩個人都夠飽。以下評分以5⭐️為滿分⭐️⭐️⭐️