泰象館

营业中

休息中

九龍城嘅泰國菜不嬲都多人推薦😊今日黎到呢間泰象館試一試佢。今日仲要係平日，都有好多街坊或者專登入黎食野嘅打工仔，排左大約15分鐘，終於入座。因為限聚令仲未取消，每張枱都有隔板，但坐落都未算覺得好有壓迫感，仲有空間畀你見到見到隔離枱食咩。企係門口睇餐牌嘅時候，我朋友就已經好想食魚。所以一坐低就點左一大條鰂魚畀佢。結果呢條魚成當晚嘅highlight。呢條魚嘅魚肉香滑細嫩，仲要有淡淡香草配料嘅味道。一流！我地都仲有點左一個沙律同冬陰公。呢兩個都係好impressive嘅，酸酸地，又香又開胃。最岩夏天流完汗食，包你食完即刻爽晒。