影片
更多
2020-05-17
24 浏览
九龍城呢個地區一向出名多泰國嘢食，特別係城南道一條街直落都有好多間泰國菜館。而且仲要係大件夾抵食嗰種，自己大大話話咁多年嚟都試過幾間，不過呢間係第一次令我想打返篇食評。餐牌琳琅滿目，價錢相宜，睇完都唔洗就住就住嗌。第一味：飛天通菜。師傅做得好香口，火候掌握得好好，通菜唔會炒到太熟或者太生，調味料配搭亦出色，食完一條停唔到口想食第二條，呢碟嘢係啤酒嘅完美配搭。第二味：泰東生菜包。另一款經典泰國菜菜式，每次食泰國嘢都要嗌㗎啦，肉碎有得揀豬、牛、雞，我就偏好揀豬肉。肉碎撈咗香料，食落非常惹味。第三味：串燒三拼（豬、牛、雞），每款兩串，總共有半打。大大串啖啖肉嘅串燒，完全係食肉獸嘅至愛！食串燒一定要點埋佢嘅沙嗲醬，無得頂！第四味：香葉辣椒炒河（牛肉），呢碟炒粉都係有得揀豬、牛、雞，我哋就揀咗牛肉，友人唔係太食得辣，食到嘩嘩聲，因為的確係幾辣下，大家睇相都應該見到。不過對於我呢啲辣嘢愛好者，就當然係開正我嗰瓣，最後都成功清晒！金不換菠蘿沙冰，友人見到牆邊的圖片，已被其吸引，上到枱都好對辦。我就嗌咗支地道泰國Singha啤酒，一路食一路飲簡直一絕！食咁多嘢，埋單都只係三百蚊鬆啲，邊到搵啊！
餐牌琳琅滿目，價錢相宜，睇完都唔洗就住就住嗌。
第一味：飛天通菜。師傅做得好香口，火候掌握得好好，通菜唔會炒到太熟或者太生，調味料配搭亦出色，食完一條停唔到口想食第二條，呢碟嘢係啤酒嘅完美配搭。
第二味：泰東生菜包。另一款經典泰國菜菜式，每次食泰國嘢都要嗌㗎啦，肉碎有得揀豬、牛、雞，我就偏好揀豬肉。肉碎撈咗香料，食落非常惹味。
第三味：串燒三拼（豬、牛、雞），每款兩串，總共有半打。大大串啖啖肉嘅串燒，完全係食肉獸嘅至愛！食串燒一定要點埋佢嘅沙嗲醬，無得頂！
第四味：香葉辣椒炒河（牛肉），呢碟炒粉都係有得揀豬、牛、雞，我哋就揀咗牛肉，友人唔係太食得辣，食到嘩嘩聲，因為的確係幾辣下，大家睇相都應該見到。不過對於我呢啲辣嘢愛好者，就當然係開正我嗰瓣，最後都成功清晒！
金不換菠蘿沙冰，友人見到牆邊的圖片，已被其吸引，上到枱都好對辦。
我就嗌咗支地道泰國Singha啤酒，一路食一路飲簡直一絕！
食咁多嘢，埋單都只係三百蚊鬆啲，邊到搵啊！
张贴
