泰象館

营业中

休息中

九龍城一向都係泰國餐廳既集中地，今日試下呢間泰象館～本menu超大本，基本上你諗到既泰美食都有，我地費盡心思先決定到食咩～椰青（$36）超級大舊，多汁清甜又多椰肉！正～馬拉盞炒通菜（$62）基本上去親食泰國野都必叫，份量正常，調味充足～朋友就叫左呢款「金不換菠蘿沙冰」（$30）好特別，冇咩餐廳有呢款野飲，香料入飲品，唔會搶走菠蘿味，可以一試～主菜就叫左青咖喱🍛（$75）配薄餅（$25）～青咖喱唔算好辣（以我唔太食得辣既人嚟講都食到）個薄餅係超級好味，熱辣辣兼外脆內軟，配埋濃濃既咖喱，真係食唔停口。南瓜海鮮飯（$100）賣相好靚！又係好少可見到有呢樣野食，份量好大，啲飯塞滿晒個南瓜，食到好飽！再嚟炸芝士蝦餅（$82）由於個飯實在太飽，所以都唔係好食得落呢碟，蝦味十足，配芝士真係好好食！呢間真心好食，價錢又相宜，值得一試！

第二次來吃了，今次介紹朋友一起到泰象館吃泰國菜，選它是因為店內坐位簡潔整齊，裝飾滿是泰國風情，服務員禮貌款待，餸菜快速上枱。柚子沙律  $70口感非常豐富，大大粒柚子肉鋪滿碟上，配上脆椰絲酸甜汁，醒胃可口，提升餐前食慾。炸蝦餅  $72蝦餅很脆口，肉質彈牙，且份量十足，配上泰式酸甜醬，美味無窮。焗椰青海鮮炒飯 $90原隻椰青盛滿炒飯，買相吸引，食材豐富，值得一讚用新鮮椰青肉炒飯是超美味，值得一試。芒果沙冰  $30濃郁新鮮芒果肉味，味道剛好不會太甜，餐後飲品值得一讚。龍眼熱飲  $26香濃龍眼肉味，飲後令人倍感順喉舒適。

自兩年前朋友介紹，之後就沒有轉食過其他泰菜餐廳，價錢合理，地方乾淨，員工又有禮貌，真心推薦，九龍城有很多泰國餐廳口味比較鹹比較油，這間真的不錯，份量也很足，唯一是餐椅比較小，屁股大的人會坐得不舒服 芝士蝦丸 - 熱辣辣，芝士控必食！燒雞翼 - 不乾不柴，非常juicy 泰式金邊粉 - 每次必定會點的，非常有鑊氣！

很久沒來九龍城這個泰國小鎮🇹🇭，今次一行四人走進一家叫泰象館的餐廳，想不到座無虛席，還以為這些不太就腳的地方會被疫情影響較大。💛串燒三拼 (豬牛雞) $77💛明爐青檸蒸烏頭魚 $142💛蛋包鮮蝦金邊粉 $72💛泰象館招牌炒飯 $90💛馬拉盞炒通菜 $62💛椰青 $72 *2💛椰汁珍多冰 $29💛Singha啤 $28 *2🇹🇭首先是最吸睛的烏頭魚，幾鮮美又不會苦澀，還有少許青檸的酸味，魚肉又多又滑。🇹🇭通菜雖然是馬拉盞但不會辣，又不會太油膩。🇹🇭金邊粉和炒飯的外貌十分相似，要拆開格網才分辨到😂。兩個都很香，酸酸甜甜的，而且份量很足，蝦又大隻。🇹🇭串燒很惹味，大大串又不會乾身，燒得恰好。🇹🇭椰青十分鮮甜，還叫了兩支啤酒，盡興一下。整體來講各項食物都有水準，而且味道不會太重，適合香港人口味。埋單剛好$600，算得上抵食。飲飽食醉，人生樂趣。

好耐冇去過泰國，好掛住嗰度啲野食啊！依家有排都冇得去旅行，就唯有去九龍城食啲正宗既泰菜，滿足一下我想食去泰國既心。呢間餐廳有唔少泰菜選擇！我就點左我至愛既Pad Thai，我今次點左蛋包鮮蝦金邊粉，都幾特別，平時pad thai就食得多，用蛋包住既pad thai 就真係第一次食。佢既賣相好靚，蛋係呈網狀既。蛋皮入面包住炒得好惹味既pad thai,入面仲有大大舊既鮮蝦，勁足料。黎食泰國菜，當然要配返個椰青啦，完美！幾抵食！

又係喺九龍城嘅餐廳，嚟得九龍城點可以唔食泰國菜。⁣🇹🇭⁣泰東生菜包（$74）［好味度：7/10］⁣⁣⁣⁣生菜包嘅肉類有好多款揀，包括咗豬肉，牛肉，雞肉同埋鴨肉。💁🏻‍♂️ 呢一款就係豬肉碎。🐷 碟上面裝滿好多嘅肉碎，同埋好多塊嘅生菜，夠兩至三個人分㗎。👥 而且肉碎都好入味，配埋爽脆嘅生菜食，真係好夾。👍🏻 而且，肉碎微辣嘅感覺都好過癮，最啱配清新嘅生菜。⁣😆⁣三味炸烏頭魚（$142）［好味度：7/10］⁣⁣⁣⁣原條烏頭魚炸之後，依然保持住外脆內嫩。😚 魚皮好鬆脆，但係入面嘅魚肉肉汁一啲冇走到。😋 除咗一啲都唔會乾之外，更加一啲都唔腥添。🐟 再配搭上酸酸甜甜嘅醬汁，的確好醒胃。⁣😁⁣蝦醬炒飯（$62）［好味度：7/10］⁣⁣⁣⁣呢個炒飯用上蝦醬炒製而成，鹹鹹地咁，好入味。😛 但係佢又唔會過咸喎。😮 而且再加上面頭嘅泰式臘腸。😉 甜甜地咁樣，舒緩返個鹹味，都好match。⁣🤤⁣

九龍城出名係食泰國野嘅好地方，今日同家人黎左e 間地道嘅泰式小店。店內裝修掛左唔少泰國嘅裝飾。雖然店面少少但都有大桌子。店員安排我地坐係餐廳中間嘅位置，同埋都幾細心介紹菜式比我地🥰睇下餐牌，都有少唔泰國嘅美食，以海鮮同小炒為主。我地叫左蛋包鮮蝦金邊粉☺️，炸蝦餅🦐，串燒，芒果🥭糯米飯，椰青😌蛋包鮮蝦金邊粉，外面用蛋做成嘅網包住，食落酸酸甜甜，鮮蝦食落好彈牙，粉係幼幼地嘅金邊粉，好滑😍炸蝦餅，外脆內軟，食落好彈牙，仲好熱辣辣，好香😋👍🏻串燒分別有牛，雞，豬，牛串燒熱辣辣更美味，炭燒味好香。雞串都好嫩😍豬串肥瘦適中😋甜品芒果🥭糯米飯，芒果好甜🤤黑白糯米飯暖笠笠，配埋椰汁🥥好好味🥰椰青好甜，好多水😍最後仲可以整埋椰肉出黎食👍🏻😋

自從搬屋後，勁近九龍城，可以成日食泰國菜～～今晚就黎到又平又抵食既泰象館食dinner，呢間係唔收加一咖，而且食物質素高，一定要推介！先叫左個黃咖喱配豬肉，豬肉份量都幾多，咖喱味非常香濃甜甜地，用來拌飯/ 薄餅一流～～泰式蛋炒蝦金邊粉，食落乾身，酸甜味道好開胃，蝦份量都幾多，食落爽口彈牙～咸肉炒芥蘭，唔咸, 而且好惹味，食完一條又一條～薄餅脆脆的, 勁好食, 主要係撈咖哩汁食, 唔錯～overall 埋單都唔洗$300, 勁平, 又好食!!

而他們的防疫衛生都做得很好呢又回到九龍城吃泰國菜，九龍城的泰菜出色幾乎人人得知，不過哪家好吃，哪家便宜卻未必人人知道這家看似便宜的泰菜餐廳，沒什麼裝修，不過價格取勝，所以決定入內一試肉碎生菜包$74肉碎量多而且咸香十足，微微辛口，醃得很不錯唷！生菜爽而脆，有肉有菜，正好泰象館招牌炒飯$90其實是泰式蛋網包海鮮炒飯，比金邊粉多了些質感，粒粒我口感加上豐富的海鮮，算滿抵吃脆肉炒芥蘭$64原來是醃燒肉炒芥蘭，還滿惹味的，不過燒肉都略咸，配著芥蘭還剛好串燒（3串）$77配著泰式花生沙嗲醬非常好吃，主角不是牛或豬或雞、而是醬！最後$150一人結帳， 實在很便宜，而且還超飽呢

今日同朋友行開九龍城順便搵咗間泰國菜嚟試吓，平時食開果幾間黃乜乜之類嗰啲就唔想再試啦，於是就試咗間小店，我同兩個朋友一行三人6:30入座，鋪頭都差唔多滿座，好彩有位食泰國菜點可以唔叫冬陰功湯呢，於是就試咗個冬陰功湯，出奇地好鮮甜，又有辣味，香茅同檸檬葉嘅比例啱啱好唔錯之後叫咗個青木瓜沙律，材料都好新鮮，好爽口，味道唔錯老闆娘推介左個炸軟殼蟹南瓜咖喱，軟殼蟹咋出嚟都有好多件，好趣口，南瓜入邊裝住咖喱，咖喱香味十足唔會太辣，好野味，特登叫咗份蒜蓉包加薄餅，連埋南瓜咖喱一齊食味道十分之夾老闆娘仲推薦左個泰式燒雞半隻，燒雞好Juicy，食得出係用炭燒，雞皮趣口，肉汁鮮嫩，絕對試得過之後再叫咗份馬拉盞炒芥蘭，鑊氣十足，芥蘭食得出係新鮮嘅，好爽甜，唔錯最後為咗填肚再叫多份蟹肉芒果炒飯，同之前幾碟炒野一樣，鑊氣十足，碟邊仲配埋腰果花生，一齊食落口感非常好飲品就叫咗杯椰汁冰，喺泰國鋪飲椰汁冰一向有保證，好鮮甜整體來講呢間泰國菜度中常質素，其實食泰國菜，特別係地道嘅唔會期望特別高，但今日呢間反而喜出望外，碟碟餸都鑊氣十足，應有嘅地道香味香料都做得好好，以後你到九龍城有多一間選擇

今日夜晚想好食泰國菜，於是就約埋個friend 一齊落九龍城一齊食返餐好嘅。去到九龍城有好多唔同嘅泰菜可以簡，所以我地就上openrice睇左陣，睇到呢間無論食評同口碑都唔錯，我地就兩個懷住興奮嘅心情入去試一試。個咖喱雞嘅雞肉真係好正，雖然係浸泡係濃厚嘅咖喱同香噴噴嘅香料入面，都依然可以食得岀雞嘅味道，而且口感好滑，呢個菜真係送飯一流。至於呢至嘅馬拉盞炒通菜，真係好惹味，配埋啤酒真係無得頂，我同朋友為左食個菜都忍唔住叫多支啤酒。而冬蔭公我諗都可以作為泰國菜嘅代表，我地點都要叫番個，佢地嘅用料好足，新鮮香茅亦令至個湯生色不少，加埋原隻大蝦，真係十個讚都不足以形容。本來我地係想叫條火爐魚，但係見到個酸甜炸鯽魚，就即刻轉軚叫左個試一試，一食去真係無令我地失望，食落酥脆，完全無骨食落啖啖肉，配合菠蘿，清甜開胃，如果佢係第一個菜上，我諗我可以食多碗飯今次嘅體驗真係太好，下次想食我會再黎九龍城簡佢地，推薦對泰菜有愛嘅大家都可以黎試一試!

九龍城街坊又手出動喇！今次都係食泰國菜～蝦沙律（$70)蝦仲多過沙律！蝦鮮甜爽口，加上酸辣醬汁好開胃。不過我好愛食洋蔥、紅椒等，份量就比較少啦。～～～椰青冬蔭公（$92)挖好椰肉放進香辣鮮味嘅冬蔭公入面，令味道更有層次。椰肉又甜又嫩滑，估唔到同冬蔭公咁夾！～～～明爐青檸蒸烏頭魚（$142）嫩滑嘅烏頭魚帶淡淡鮮味，青檸湯汁不會搶過烏頭鮮味。湯中蔬菜吸收魚汁，十分美味！下次再食時，青檸煮滾後就要夾起，食到最後湯汁有少少澀味。

九龍城城南道有那麼多的泰國菜館，哪間最好？我的挑選條件很簡單，就是看人數。疫症期間，「泰象館」依然人頭湧湧，這人數足以吸引我們入內開飯！「泰象館」價錢平民，但滋味卻高人一等！我們三人合共叫了六款菜，結果全部吃到一條菜都沒有剩，正！柚子沙律（$70）柚子酸甜，花生脆口，至啱作為第一道開胃菜！小食拼盤（$125）有炸蝦餅、炸魚餅、炸春卷和炸雞卷；款款金黃香脆，當中最愛炸蝦餅，炸過後仍然吃得出啖啖海蝦鮮味！串燒三拼（$77）我們揀了三串豬和三串雞，共六串！豬肉爽口，雞肉嫩滑，吃前一定要點沙爹醬，更惹味！芒果蟹肉炒飯（$72）鑊氣十足，想不到72元會吃到真蟹肉，還要是每一口飯都份量十足，完全是抵食之選！蛋包鮮蝦金邊粉（$72）起初以為是日本蛋包飯的friend，但結果完全是兩回事！太空館的外貌很吸晴，一拆開，金邊粉非常滑溜，大大隻鮮蝦亦很爽口！馬拉盞炒椰菜苗（$67）在街外吃菜至怕多油，幸好這碟椰菜苗完全沒有過份油膩的感覺，正！芒果沙冰（$30）芒果是泰國名物，飲品當然要試芒果沙冰！以新鮮果肉真材實料炮製，毫無糖漿的假味！在「泰象館」嘆一頓泰國菜，感覺去了一趟泰國遊一樣，值得一去再去三去！

呢度環境都幾乾淨 店員注重衛生個個都有帶口罩 比m-fold紙巾我地keep口罩幾細心 值得一讚！我哋叫咗馬拉盞炒芥蘭，南瓜咖喱軟殼蟹，青木瓜沙律，芒果蟹肉炒飯，泰式生蝦，燒雞半隻薄餅同埋蒜蓉包馬拉盞永遠係首選，個菜炒得好香，好多汁，芥蘭好爽脆！生蝦都係一定要叫架啦，點小小酸辣汁，連埋舊蒜頭一齊食落去天堂青木瓜沙律🥗小小辣 酸酸甜甜好開胃有d 打碎左既花生碎，豆豆， 青檸汁、辣椒仔咁，好香！ 青木瓜絲痴住哂d汁都十分Juicy南瓜咖喱軟殼蟹值得一叫～本身擔心佢唔係泰皇咖喱， 好在都係係有蛋花 甜甜地既咖喱，我最愛呢種，用黎撈飯同埋配包配薄餅一流叫軟殼蟹又唔洗剝殼，唔洗整到成手都係成隻食都好滿足！冬陰公湯都十分出色呀酸酸辣辣， 個辣度都幾勁， 唔想咁辣我諗可以講一講先！勁足料好多魷魚同菇 都係我最愛既海鮮～個湯調味調得好正宗，椰汁味唔會話太重，岩岩好燒雞都好似好多人食一於試下半隻， d肉又幾嫩滑，值得一試個皮好香脆，新鮮熱辣辣燒出黎果時最正！蟹肉炒飯炒得好香好夠鑊氣，粒粒米蟹肉芒果都唔會吝嗇。主食可以叫呢個！飲品都唔貴$26杯左右 ， 岩哂解辣呢間價錢都算偏平，仲要唔洗加一。又有鑊

想吃正宗泰國菜莫過於到九龍城吧， 幾年前曾到過這家泰國餐廳，記憶中味道、質素不錯。店不大，門口排隊等候，食客絡繹不絕。餐廳菜式選擇眾多，價錢不貴，加上不設加一服務費。泰式木瓜絲沙律：最佳的開胃前菜，尤其是那酸辣醬汁。材料只有數樣，再加大量的小蝦乾，拌酸甜醬汁就成了，木瓜絲新鮮，所以很爽口，雖然簡單的一道菜，但越吃越辣越滋味。蛋包鮮蝦金邊粉：蛋網包裹著金邊粉，賣相很精緻，一層薄薄蛋網煎得薄薄、呈一格格形狀。麵條彈牙有韌性，富口感，味道不濃，甜酸參半，材料還有蛋絲、豆腐乾、小蝦乾及鮮蝦。香葉雞肉碎撈飯：撈飯即是炒飯，炒得乾身，雞肉碎及豆角切成細粒狀，盡量跟飯粒大小差不多；飯粒分明， 有鑊氣，加上有香葉作主要的調味香料，很惹味。金不換菠蘿沙冰：金不換即羅勒，泰國菜常見的調味香草，香氣比較強烈、出味，很清新；菠蘿味反而不是最突出, 而且這款沙冰對解渴解辣特別有效呢，新穎的配搭！